Ẹḍua 8
8
Ịḅal
1Kụ Ọmoogh-we phọ ạḅeni Mozis mọ, “Kịa ạḅeni ọdaam eelhe phọ mọ, Ọmoogh-we phọ ạḅem ịduon mọ, ‘Meera awe phọ ạmi ogheel ukumu ịmi. 2Kụ eru mạar dị nạ úmeera mọ bịdi ogheel, mị kạsighe ni ịḅal amuzeḍi aleenye oomo eelhe phọ ạna. 3Oomo Ọphiiny aNail ịḅal bịn kụ kemuza, kụ ẹḍua pạ kụ etu eḍiku ogiga ọdaam eelhe phọ, eḍiku osoph ạna, ẹsiinyighu ạnyu ẹmina phọ ạna, eḍiku ruutu abutelhedom mọ ạna, eḍiku ruutu oomo awe phọ Ijipt, eḍiku rụghol, eḍiku rodo. 4Ịḅal kepeleghuom ghan nyịna rꞌawe phọ ạna rꞌabutelhedom mọ ạna.’”
5Kụ Ọmoogh-we phọ ạḅeni Mozis mọ ạḅeni Eeron mọ, “Sele ḍịghaagh phọ ạna asomoriom rịphiiny phọ rꞌạraaḅaraph phọ rꞌạruunu phọ, aḍighi ịdi ịḅal kemuza de phọ Ijipt.” 6Kụ Eeron asele ḍịghaagh phọ ọdi asomoriom rụmuum mọ Ijipt kụ ịḅal emiteghu eekpereghiom de phọ Ijipt. 7Kụ awe ịiḍaany phọ ạbuo Ijipt oghal rịkia phọ ạbidi ọtuugh ịduon phọ oḍighi aani, kụ ịḅal emiteghu de phọ Ijipt.
8Ọdaam eelhe phọ ạmagh Mozis rꞌEeron kụ ạḅeni mọ, “Ịiḅereghian Ọmoogh-we phọ ạsighiogh ịḅal phọ kꞌạmi rꞌawe phọ ạmi, bịn mị kameera ni mọ awe phọ anyina ọghi oḍighi rạraar aghuḍum ọngo Ọmoogh-we phọ.”
9AMozis ạḅeni nyọdi mọ, “Esi ọlogh eghuan ụḅeni ịmi mem dị mị kạaḅereghian mọ ịḅal phọ ẹḍuaghu kꞌạna, kꞌabutelhedom mọ ạna rꞌawe phọ ạna, esoroghu ẹtol ẹpe Ọphiiny aNail bịn.”
10Kụ ọdi ạḅem mọ, “Iḍue.”
AMozis ameera mọ, “Ẹrol li ịdipho nạ ạḅem bọ, ọbo nạ alegheri mọ ẹnon ẹnaan dị epu Ọmoogh-we phọ Ẹnaan phọ ayoor ílho. 11Ịḅal phọ kẹḍuaghu ni sịphe aruutu phọ ạna, rꞌọto ạna, kꞌabutelhedom mọ ạna rꞌawe phọ ạna, kụ esoroghu ẹtol ẹpe Ọphiiny aNail bịn.” 12AMozis rꞌEeron ọḍua kꞌọdaam eelhe phọ kụ aMozis ạaḅereghi Ọmoogh-we phọ mọ ạsighiogh ịḅal phọ ịpe ọdi ạghimom bọ kꞌọdaam mọ. 13Kụ Ọmoogh-we phọ ạnaghanan Mozis kụ ạtuugh aḍighi ịdipho phọ, kụ ạze oomo ịḅal phọ sịphe aruutu phọ ạbidi rꞌiizolokolo phọ ạbidi. 14Kụ awe Ijipt ọboorogh ịḅal phọ okpologhi rugu, kụ ade phọ emiigh ophur. 15Ọdaam eelhe phọ rọmiin mọ mephoorom bịn ạkparami ologhi ọdi bịn ọ́naghanan mun ịpe aMozis rꞌEeron ọḅem bọ, ịdipho Ọmoogh-we phọ mạtuugh bọ ạḅem.
Ighuugh
16Ọmoogh-we phọ ạḅeni Mozis mọ, “Ḅẹni Eeron mọ, ‘Sịghe ịkpara phọ ạna asele ạgur ophugh ade phọ, bịn ighuugh kemuza ni oomo ade phọ Ijipt.’” 17Kụ bịdi ọtuugh ịdipho phọ oḍighi. Eeron ạsighe ịkpara phọ ọdi asele ạgur ophugh ade phọ, kụ eten ighuugh, eḍiku we rꞌịnam; oomo ophugh ade phọ Ijipt aḍighi ighuugh dị eekpereghiom we rꞌịnam. 18Kụ ạbuo ịmiin phọ ọphinyon rịkia phọ ạbidi ọtuugh ịduon phọ oḍighi aani ịlo ophugh phọ katen aani ighuugh kụ útue, kụ ighuugh phọ eḍiku tọrobo esi. 19#Luk 11.20Awe ịiḍaany phọ ọḅeni ọdaam eelhe phọ mọ, “Kụen phọ ạghunugh Ẹnaan.” Kụ ẹkparami ologhi phọ ọdi, kụ ọdi ọ́naghanan Mozis rꞌEeron, ịdipho Ọmoogh-we phọ mạtuugh bọ ạḅem.
Ịphi
20Ọmoogh-we phọ ạḅeni Mozis mọ, “Ḅetenu eḅon ạḍiroor ạghi akori ọdaam eelhe phọ, mem lọ ọdi aten rạki ẹpe esiḍia phọ kụ ạḅeni nyọdi mọ, ‘Ọmoogh-we ạḅem mọ meera awe phọ ạmi ogheel ọghi ukumu ịmi. 21Kụ eru mạar dị nạ úmeera mọ bịdi ogheel, mị katom oghuugh ịphi eḅor nyịna rꞌabutelhedom mọ ạna rꞌawe phọ ạna eḍiku oomo aruutu phọ ạna; oomo aruutu awe phọ Ijipt rꞌade phọ ạbidi, ịphi kụ kemuza. 22Mị kạ́ḅaram de phọ aGosen, ḍịphe awe phọ ạmi orugh bọ. Ịphi kẹ́tol ẹpe phọ. Mị kaḍighi ịduon ẹrol dị nạ alegheriom mọ mị kụ Ọmoogh-we ịsien aḅirini phọ. 23Mị kạlogh ni ọku ạgbatan we phọ ạmi rꞌawe phọ ạna. Ịiḍaany phọ ịphen kemite iḍue.’” 24Kụ Ọmoogh-we phọ ạtuugh ịphen phọ aḍighi; kụ aḍita oghuugh ịphi ẹghi eḍiku ogiga ọdaam eelhe phọ rꞌaruutu abutelhedom mọ ọdi emuza kụ ẹphueghi oomo ade phọ Ijipt.
25Kụ ọdaam eelhe phọ arom ạghiom Mozis rꞌEeron kụ ạḅeni mọ, “Ịki eḍighi yogh rạraar aghuḍum ẹngo Ẹnaan phọ anyina sịen eelhe phọ ẹphen.”
26Kụ aMozis ạḅem mọ, “Ị́kpe dị yoor koḍighi ịphen phọ. Oḍighi ịyaar aghuḍum ọngo Ọmoogh-we Ẹnaan phọ ayoor eru bọ ḅạphanya Ijipt. Kepin ni iloghi awe Ijipt dị yoor roḍighinom rạraar aghuḍum ịnam mọ yoor ọngo bọ Ọmoogh-we Ẹnaan phọ ayoor. Eḍighi ịyaar lọ bịdi kụ ụmiin iyoor, bịdi kuroḅol iyoor ikpo tụtu yoor omuughu. 27Yoor kọki erelhe ịraar aḍio oḍigh ẹdala phọ, oḍighi rạraar aghuḍum mọ ọngo Ọmoogh-we phọ Ẹnaan phọ ayoor, ịdipho ọdi ạto bọ ụḅeni iyoor.”
28Kụ ọdaam eelhe phọ ạḅem mọ, “Mị kameera ni nyina ẹghi ẹpe ẹdala phọ eḍighi rạraar aghuḍum ẹngo Ọmoogh-we Ẹnaan phọ anyina, kụ ọlo kẹ́kel iboom. Ịiḅereghinaan ịmi.”
29AMozis ạḅeni ọdaam eelhe phọ mọ, “Mị rọḍua sịen bịn mị kạaḅereghi Ọmoogh-we phọ mọ iḍue ọdi aphorogh ịphi phọ kꞌạna rꞌaruutu abutelhedom mọ ạna rꞌawe phọ ạna. Kụ ọlo iyoor kúukeleghi mun asophoghom we phọ ọghi oḍighi yogh rạraar aghuḍum mọ ọngo Ọmoogh-we phọ.” 30AMozis ạḍua kꞌọdaam eelhe phọ, kụ ạaḅereghi Ọmoogh-we phọ. 31Kụ Ọmoogh-we phọ ạtuugh ịpe aMozis ạlhom bọ nyọdi aḍighi; kụ aphorogh ịphi phọ kꞌọdaam eelhe phọ, kꞌaruutu abutelhedom mọ ọdi rꞌawe phọ ọdi, rꞌeniin ísugha. 32Ọdaam eelhe phọ ạkparami kẹn ni ologhi ọdi egi phọ ẹphen bịn ómeera mọ awe phọ ogheel.
Currently Selected:
Ẹḍua 8: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Ẹḍua 8
8
Ịḅal
1Kụ Ọmoogh-we phọ ạḅeni Mozis mọ, “Kịa ạḅeni ọdaam eelhe phọ mọ, Ọmoogh-we phọ ạḅem ịduon mọ, ‘Meera awe phọ ạmi ogheel ukumu ịmi. 2Kụ eru mạar dị nạ úmeera mọ bịdi ogheel, mị kạsighe ni ịḅal amuzeḍi aleenye oomo eelhe phọ ạna. 3Oomo Ọphiiny aNail ịḅal bịn kụ kemuza, kụ ẹḍua pạ kụ etu eḍiku ogiga ọdaam eelhe phọ, eḍiku osoph ạna, ẹsiinyighu ạnyu ẹmina phọ ạna, eḍiku ruutu abutelhedom mọ ạna, eḍiku ruutu oomo awe phọ Ijipt, eḍiku rụghol, eḍiku rodo. 4Ịḅal kepeleghuom ghan nyịna rꞌawe phọ ạna rꞌabutelhedom mọ ạna.’”
5Kụ Ọmoogh-we phọ ạḅeni Mozis mọ ạḅeni Eeron mọ, “Sele ḍịghaagh phọ ạna asomoriom rịphiiny phọ rꞌạraaḅaraph phọ rꞌạruunu phọ, aḍighi ịdi ịḅal kemuza de phọ Ijipt.” 6Kụ Eeron asele ḍịghaagh phọ ọdi asomoriom rụmuum mọ Ijipt kụ ịḅal emiteghu eekpereghiom de phọ Ijipt. 7Kụ awe ịiḍaany phọ ạbuo Ijipt oghal rịkia phọ ạbidi ọtuugh ịduon phọ oḍighi aani, kụ ịḅal emiteghu de phọ Ijipt.
8Ọdaam eelhe phọ ạmagh Mozis rꞌEeron kụ ạḅeni mọ, “Ịiḅereghian Ọmoogh-we phọ ạsighiogh ịḅal phọ kꞌạmi rꞌawe phọ ạmi, bịn mị kameera ni mọ awe phọ anyina ọghi oḍighi rạraar aghuḍum ọngo Ọmoogh-we phọ.”
9AMozis ạḅeni nyọdi mọ, “Esi ọlogh eghuan ụḅeni ịmi mem dị mị kạaḅereghian mọ ịḅal phọ ẹḍuaghu kꞌạna, kꞌabutelhedom mọ ạna rꞌawe phọ ạna, esoroghu ẹtol ẹpe Ọphiiny aNail bịn.”
10Kụ ọdi ạḅem mọ, “Iḍue.”
AMozis ameera mọ, “Ẹrol li ịdipho nạ ạḅem bọ, ọbo nạ alegheri mọ ẹnon ẹnaan dị epu Ọmoogh-we phọ Ẹnaan phọ ayoor ílho. 11Ịḅal phọ kẹḍuaghu ni sịphe aruutu phọ ạna, rꞌọto ạna, kꞌabutelhedom mọ ạna rꞌawe phọ ạna, kụ esoroghu ẹtol ẹpe Ọphiiny aNail bịn.” 12AMozis rꞌEeron ọḍua kꞌọdaam eelhe phọ kụ aMozis ạaḅereghi Ọmoogh-we phọ mọ ạsighiogh ịḅal phọ ịpe ọdi ạghimom bọ kꞌọdaam mọ. 13Kụ Ọmoogh-we phọ ạnaghanan Mozis kụ ạtuugh aḍighi ịdipho phọ, kụ ạze oomo ịḅal phọ sịphe aruutu phọ ạbidi rꞌiizolokolo phọ ạbidi. 14Kụ awe Ijipt ọboorogh ịḅal phọ okpologhi rugu, kụ ade phọ emiigh ophur. 15Ọdaam eelhe phọ rọmiin mọ mephoorom bịn ạkparami ologhi ọdi bịn ọ́naghanan mun ịpe aMozis rꞌEeron ọḅem bọ, ịdipho Ọmoogh-we phọ mạtuugh bọ ạḅem.
Ighuugh
16Ọmoogh-we phọ ạḅeni Mozis mọ, “Ḅẹni Eeron mọ, ‘Sịghe ịkpara phọ ạna asele ạgur ophugh ade phọ, bịn ighuugh kemuza ni oomo ade phọ Ijipt.’” 17Kụ bịdi ọtuugh ịdipho phọ oḍighi. Eeron ạsighe ịkpara phọ ọdi asele ạgur ophugh ade phọ, kụ eten ighuugh, eḍiku we rꞌịnam; oomo ophugh ade phọ Ijipt aḍighi ighuugh dị eekpereghiom we rꞌịnam. 18Kụ ạbuo ịmiin phọ ọphinyon rịkia phọ ạbidi ọtuugh ịduon phọ oḍighi aani ịlo ophugh phọ katen aani ighuugh kụ útue, kụ ighuugh phọ eḍiku tọrobo esi. 19#Luk 11.20Awe ịiḍaany phọ ọḅeni ọdaam eelhe phọ mọ, “Kụen phọ ạghunugh Ẹnaan.” Kụ ẹkparami ologhi phọ ọdi, kụ ọdi ọ́naghanan Mozis rꞌEeron, ịdipho Ọmoogh-we phọ mạtuugh bọ ạḅem.
Ịphi
20Ọmoogh-we phọ ạḅeni Mozis mọ, “Ḅetenu eḅon ạḍiroor ạghi akori ọdaam eelhe phọ, mem lọ ọdi aten rạki ẹpe esiḍia phọ kụ ạḅeni nyọdi mọ, ‘Ọmoogh-we ạḅem mọ meera awe phọ ạmi ogheel ọghi ukumu ịmi. 21Kụ eru mạar dị nạ úmeera mọ bịdi ogheel, mị katom oghuugh ịphi eḅor nyịna rꞌabutelhedom mọ ạna rꞌawe phọ ạna eḍiku oomo aruutu phọ ạna; oomo aruutu awe phọ Ijipt rꞌade phọ ạbidi, ịphi kụ kemuza. 22Mị kạ́ḅaram de phọ aGosen, ḍịphe awe phọ ạmi orugh bọ. Ịphi kẹ́tol ẹpe phọ. Mị kaḍighi ịduon ẹrol dị nạ alegheriom mọ mị kụ Ọmoogh-we ịsien aḅirini phọ. 23Mị kạlogh ni ọku ạgbatan we phọ ạmi rꞌawe phọ ạna. Ịiḍaany phọ ịphen kemite iḍue.’” 24Kụ Ọmoogh-we phọ ạtuugh ịphen phọ aḍighi; kụ aḍita oghuugh ịphi ẹghi eḍiku ogiga ọdaam eelhe phọ rꞌaruutu abutelhedom mọ ọdi emuza kụ ẹphueghi oomo ade phọ Ijipt.
25Kụ ọdaam eelhe phọ arom ạghiom Mozis rꞌEeron kụ ạḅeni mọ, “Ịki eḍighi yogh rạraar aghuḍum ẹngo Ẹnaan phọ anyina sịen eelhe phọ ẹphen.”
26Kụ aMozis ạḅem mọ, “Ị́kpe dị yoor koḍighi ịphen phọ. Oḍighi ịyaar aghuḍum ọngo Ọmoogh-we Ẹnaan phọ ayoor eru bọ ḅạphanya Ijipt. Kepin ni iloghi awe Ijipt dị yoor roḍighinom rạraar aghuḍum ịnam mọ yoor ọngo bọ Ọmoogh-we Ẹnaan phọ ayoor. Eḍighi ịyaar lọ bịdi kụ ụmiin iyoor, bịdi kuroḅol iyoor ikpo tụtu yoor omuughu. 27Yoor kọki erelhe ịraar aḍio oḍigh ẹdala phọ, oḍighi rạraar aghuḍum mọ ọngo Ọmoogh-we phọ Ẹnaan phọ ayoor, ịdipho ọdi ạto bọ ụḅeni iyoor.”
28Kụ ọdaam eelhe phọ ạḅem mọ, “Mị kameera ni nyina ẹghi ẹpe ẹdala phọ eḍighi rạraar aghuḍum ẹngo Ọmoogh-we Ẹnaan phọ anyina, kụ ọlo kẹ́kel iboom. Ịiḅereghinaan ịmi.”
29AMozis ạḅeni ọdaam eelhe phọ mọ, “Mị rọḍua sịen bịn mị kạaḅereghi Ọmoogh-we phọ mọ iḍue ọdi aphorogh ịphi phọ kꞌạna rꞌaruutu abutelhedom mọ ạna rꞌawe phọ ạna. Kụ ọlo iyoor kúukeleghi mun asophoghom we phọ ọghi oḍighi yogh rạraar aghuḍum mọ ọngo Ọmoogh-we phọ.” 30AMozis ạḍua kꞌọdaam eelhe phọ, kụ ạaḅereghi Ọmoogh-we phọ. 31Kụ Ọmoogh-we phọ ạtuugh ịpe aMozis ạlhom bọ nyọdi aḍighi; kụ aphorogh ịphi phọ kꞌọdaam eelhe phọ, kꞌaruutu abutelhedom mọ ọdi rꞌawe phọ ọdi, rꞌeniin ísugha. 32Ọdaam eelhe phọ ạkparami kẹn ni ologhi ọdi egi phọ ẹphen bịn ómeera mọ awe phọ ogheel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS