Ẹḍua 7
7
1Ọmoogh-we phọ ạḅeni Mozis mọ, “Mịin, mị maḍighi nyịna dịadi Ẹnaan esi ọdaam eelhe phọ Ijipt. Eeron umor phọ ạna kaḍighi oyil ạna. 2Nạ kạkaaph ghan oomo ịpe mị kạḅeni bọ nyịna, kụ Eeron umor phọ ạna ạkaaph ghan ạḅeni ọdaam eelhe phọ mọ ọdi ạwile we Ịzirel bịdi ọḍua sịphe ade phọ. 3#Iiḍ 7.36Mị kạngo ni ọdaam eelhe phọ ọḅaar ẹmhu, kụ ghạlamo mị umiteghom ni ịminighan areḍeenaan rꞌịiḍaany phọ ạmi sịphe ade phọ Ijipt, 4ọdi nyịna kạ́naghanan, kụ mị kabiririom ni ḍịghaagh ạmi Ijipt. Mị kạliom ni we phọ Ijipt igey kụ mị ạsighe we phọ ạmi Ịzirel amitiom sịphe ade phọ. 5Awe phọ Ijipt kolegheri ni mọ mị kụ Ọmoogh-we phọ, mem mọ mị kabiririom bọ bịdi ḍịghaagh phọ ạmi, kụ ạsighe we phọ Ịzirel ogbo ạbidi amitiom.” 6AMozis rꞌEeron ụtuugh ni ịpe Ọmoogh-we phọ ạḅeni bọ bịdi oḍighi. 7AMozis ạman bọ ọphaanyadi ạsia, Eeron ạman bọ ọphaanyadi rꞌịraar ạsia, mem mọ bịdi ọḅaanaan bọ rꞌọdaam eelhe phọ.
Ịkpara phọ Eeron
8Ọmoogh-we phọ ạḅeni Mozis rꞌEeron mọ, 9“Mem lọ ọdaam eelhe phọ ịḅeni inyina mọ, ‘Imitiom eḍeenaan’, kụ ạḅeni Eeron mọ, ‘Sịghe ịkpara phọ ạna atebeeny ude risigh ọdaam eelhe phọ Ijipt, kụ eten ẹkaraph-ịyaar.’” 10AMozis rꞌEeron ọghi kꞌọdaam eelhe phọ kụ ọtuugh ịpe Ọmoogh-we phọ ạḅeni bọ bịdi oḍighi: Eeron ạsighe ịkpara phọ ọdi atebeeny ude risigh ọdi rꞌabutelhedom mọ ọdi, bịn ịkpara phọ eten ẹkaraph-ịyaar. 11Ọdaam eelhe phọ ạmagh we olegheri ịyaar rꞌạbuo ịiḍaany sịphe Ijipt kụ bịdi oghal kụ ẹtuugh ịduon phọ eḍighi aani. 12Tọrobo ọnyo ạbidi ạsighe ghan ịkpara ịlo ọdi atebeeny ude bịn eten ẹkaraph-ịyaar, kụ ịkpara phọ Eeron ẹminogh ịkpara phọ ịpe ạbidi. 13Ologhi phọ ọdaam eelhe phọ ódugh ạgbagara ni, ọ́naghanan ịpe bịdi rọkaaph bọ, ịdipho Ọmoogh-we phọ mạtuugh bọ ạḅem.
Imananaany dị emiteghu Ijipt
Ịḅaal
14Ọmoogh-we phọ ạḅeni Mozis mọ, “Ologhi ọdaam eelhe phọ Ijipt ạgbagara ni, dị ómeera mọ awe phọ ạmi ogheel. 15Kịa ạteeny nyọdi ḍịroor mem lọ ọdi rạki ẹpe esiḍia phọ, akori nyọdi ẹpe ịpaḅi Ọphiiny aNail. Pạm ịkpara phọ ịpe eten bọ ẹkaraph-ịyaar phọ, 16kụ ạḅeni nyọdi mọ, ‘Ọmoogh-we phọ, Ẹnaan awe phọ aHibru, kụ urom ịmi oru ọḅeni ạna mọ, “Meera awe phọ ạmi ogheel, ọghi ukumu ịmi ẹpe ẹdala phọ, kụ kꞌạnyiidipho nạ ómeera.”’ 17#Ogon 16.4Ọmoogh-we phọ ạḅem ịduon mọ, ‘Esi ịphen kụ ẹdi nạ kalegheri mọ mị kụ Ọmoogh-we phọ: pogh, mị kạsighe ịkpara phọ ịphen mị ạpham bọ ạgur mụum Ọphiiny aNail, ạmuum mọ kakitonu aten ịḅaal. 18Ina phọ edi bọ pạ Ọphiiny aNail kemuughu ni, kụ ạmuum mọ ọphiiny phọ kapur ri dị awe phọ Ijipt kótue ọpughol.’”
19Ọmoogh-we phọ ạḅeni Mozis mọ ạḅeni Eeron mọ, “Sịghe ịkpara phọ ạna ạpham, asele ḍịghaagh ạna aphoghomiom oomo ạrumuum mọ rꞌạriphiiny phọ Ijipt, rụunu phọ rꞌạruudu phọ. Sịphe oomo ade phọ Ijipt, ạrumuum keten ịḅaal, ạreepe ạmuum, mꞌaroko ireeny mꞌịzoki asighiigh.”
20AMozis rꞌEeron ụtuugh ni ịpe Ọmoogh-we phọ ạḅeni bọ bịdi oḍighi. Risigh ọdaam eelhe phọ rꞌabutelhedom mọ ọdi, Eeron aphoophe ịkpara phọ ạgur mụum Ọphiiny aNail, kụ oomo ạmuum ọphiiny phọ akitonu aten ịḅaal. 21Ina Ọphiiny aNail emuughu. Ạmuum rapur, ọ́nighe ịlo awe Ijipt phọ kọ́pughol. Oomo ade phọ Ijipt iḍighi ịḅaal ịḅaal. 22Kụ awe ịiḍaany phọ Ijipt ọsighe rụgba phọ ạbidi ọtuugh ịphen phọ oḍighi aani, kụ ẹkparami ologhi ọdaam eelhe phọ, ọ́naghanan Mozis rꞌEeron, ịdipho Ọmoogh-we phọ mạtuugh bọ ạḅem. 23Ọdaam eelhe phọ ạḍua sịphe phọ agheel kꞌọdi, kụ ịphen phọ ị́man mạar esi ọdi. 24Oomo awe phọ Ijipt oguphogh oogbom ọphiiny phọ ọwa ghan ạmuum ọphughol, ịdi eḍighi bọ ạmuum Ọphiiny aNail ọ́nighe mun ọphughol.
25Eḍigheen phọ ẹphen Ọmoogh-we phọ ạgur bọ mụum Ọphiiny aNail phọ ịrol oḍual aḍio.
Currently Selected:
Ẹḍua 7: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Ẹḍua 7
7
1Ọmoogh-we phọ ạḅeni Mozis mọ, “Mịin, mị maḍighi nyịna dịadi Ẹnaan esi ọdaam eelhe phọ Ijipt. Eeron umor phọ ạna kaḍighi oyil ạna. 2Nạ kạkaaph ghan oomo ịpe mị kạḅeni bọ nyịna, kụ Eeron umor phọ ạna ạkaaph ghan ạḅeni ọdaam eelhe phọ mọ ọdi ạwile we Ịzirel bịdi ọḍua sịphe ade phọ. 3#Iiḍ 7.36Mị kạngo ni ọdaam eelhe phọ ọḅaar ẹmhu, kụ ghạlamo mị umiteghom ni ịminighan areḍeenaan rꞌịiḍaany phọ ạmi sịphe ade phọ Ijipt, 4ọdi nyịna kạ́naghanan, kụ mị kabiririom ni ḍịghaagh ạmi Ijipt. Mị kạliom ni we phọ Ijipt igey kụ mị ạsighe we phọ ạmi Ịzirel amitiom sịphe ade phọ. 5Awe phọ Ijipt kolegheri ni mọ mị kụ Ọmoogh-we phọ, mem mọ mị kabiririom bọ bịdi ḍịghaagh phọ ạmi, kụ ạsighe we phọ Ịzirel ogbo ạbidi amitiom.” 6AMozis rꞌEeron ụtuugh ni ịpe Ọmoogh-we phọ ạḅeni bọ bịdi oḍighi. 7AMozis ạman bọ ọphaanyadi ạsia, Eeron ạman bọ ọphaanyadi rꞌịraar ạsia, mem mọ bịdi ọḅaanaan bọ rꞌọdaam eelhe phọ.
Ịkpara phọ Eeron
8Ọmoogh-we phọ ạḅeni Mozis rꞌEeron mọ, 9“Mem lọ ọdaam eelhe phọ ịḅeni inyina mọ, ‘Imitiom eḍeenaan’, kụ ạḅeni Eeron mọ, ‘Sịghe ịkpara phọ ạna atebeeny ude risigh ọdaam eelhe phọ Ijipt, kụ eten ẹkaraph-ịyaar.’” 10AMozis rꞌEeron ọghi kꞌọdaam eelhe phọ kụ ọtuugh ịpe Ọmoogh-we phọ ạḅeni bọ bịdi oḍighi: Eeron ạsighe ịkpara phọ ọdi atebeeny ude risigh ọdi rꞌabutelhedom mọ ọdi, bịn ịkpara phọ eten ẹkaraph-ịyaar. 11Ọdaam eelhe phọ ạmagh we olegheri ịyaar rꞌạbuo ịiḍaany sịphe Ijipt kụ bịdi oghal kụ ẹtuugh ịduon phọ eḍighi aani. 12Tọrobo ọnyo ạbidi ạsighe ghan ịkpara ịlo ọdi atebeeny ude bịn eten ẹkaraph-ịyaar, kụ ịkpara phọ Eeron ẹminogh ịkpara phọ ịpe ạbidi. 13Ologhi phọ ọdaam eelhe phọ ódugh ạgbagara ni, ọ́naghanan ịpe bịdi rọkaaph bọ, ịdipho Ọmoogh-we phọ mạtuugh bọ ạḅem.
Imananaany dị emiteghu Ijipt
Ịḅaal
14Ọmoogh-we phọ ạḅeni Mozis mọ, “Ologhi ọdaam eelhe phọ Ijipt ạgbagara ni, dị ómeera mọ awe phọ ạmi ogheel. 15Kịa ạteeny nyọdi ḍịroor mem lọ ọdi rạki ẹpe esiḍia phọ, akori nyọdi ẹpe ịpaḅi Ọphiiny aNail. Pạm ịkpara phọ ịpe eten bọ ẹkaraph-ịyaar phọ, 16kụ ạḅeni nyọdi mọ, ‘Ọmoogh-we phọ, Ẹnaan awe phọ aHibru, kụ urom ịmi oru ọḅeni ạna mọ, “Meera awe phọ ạmi ogheel, ọghi ukumu ịmi ẹpe ẹdala phọ, kụ kꞌạnyiidipho nạ ómeera.”’ 17#Ogon 16.4Ọmoogh-we phọ ạḅem ịduon mọ, ‘Esi ịphen kụ ẹdi nạ kalegheri mọ mị kụ Ọmoogh-we phọ: pogh, mị kạsighe ịkpara phọ ịphen mị ạpham bọ ạgur mụum Ọphiiny aNail, ạmuum mọ kakitonu aten ịḅaal. 18Ina phọ edi bọ pạ Ọphiiny aNail kemuughu ni, kụ ạmuum mọ ọphiiny phọ kapur ri dị awe phọ Ijipt kótue ọpughol.’”
19Ọmoogh-we phọ ạḅeni Mozis mọ ạḅeni Eeron mọ, “Sịghe ịkpara phọ ạna ạpham, asele ḍịghaagh ạna aphoghomiom oomo ạrumuum mọ rꞌạriphiiny phọ Ijipt, rụunu phọ rꞌạruudu phọ. Sịphe oomo ade phọ Ijipt, ạrumuum keten ịḅaal, ạreepe ạmuum, mꞌaroko ireeny mꞌịzoki asighiigh.”
20AMozis rꞌEeron ụtuugh ni ịpe Ọmoogh-we phọ ạḅeni bọ bịdi oḍighi. Risigh ọdaam eelhe phọ rꞌabutelhedom mọ ọdi, Eeron aphoophe ịkpara phọ ạgur mụum Ọphiiny aNail, kụ oomo ạmuum ọphiiny phọ akitonu aten ịḅaal. 21Ina Ọphiiny aNail emuughu. Ạmuum rapur, ọ́nighe ịlo awe Ijipt phọ kọ́pughol. Oomo ade phọ Ijipt iḍighi ịḅaal ịḅaal. 22Kụ awe ịiḍaany phọ Ijipt ọsighe rụgba phọ ạbidi ọtuugh ịphen phọ oḍighi aani, kụ ẹkparami ologhi ọdaam eelhe phọ, ọ́naghanan Mozis rꞌEeron, ịdipho Ọmoogh-we phọ mạtuugh bọ ạḅem. 23Ọdaam eelhe phọ ạḍua sịphe phọ agheel kꞌọdi, kụ ịphen phọ ị́man mạar esi ọdi. 24Oomo awe phọ Ijipt oguphogh oogbom ọphiiny phọ ọwa ghan ạmuum ọphughol, ịdi eḍighi bọ ạmuum Ọphiiny aNail ọ́nighe mun ọphughol.
25Eḍigheen phọ ẹphen Ọmoogh-we phọ ạgur bọ mụum Ọphiiny aNail phọ ịrol oḍual aḍio.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS