Ẹḍua 9
9
Aḍuugh ịnam
1Ọmoogh-we phọ ạḅeni Mozis mọ, “Kịa kꞌọdaam eelhe phọ ạḅeni nyọdi mọ Ọmoogh-we phọ Ẹnaan phọ aHibru ạḅem mọ, ‘Meera awe phọ ạmi ogheel ukumu ịmi. 2Eru mạar dị nạ úmeera kẹn mọ bịdi ogheel, nạ asophoghom bịdi, 3pọ mị kasomoriom ḍịghaagh ạmi ịnam mọ ạna edi bọ ẹpe asileeny phọ, rụsu, rꞌạsikamel, rꞌạsinam, rꞌiyool-ịga rꞌạrutu-ịga, kụ ẹepoph eḍighi bịdi. 4Ọmoogh-we phọ kạlogh ni ọku ạgbatan ịnam ịpe awe Ịzirel rꞌịnam ịpe Ijipt, kụ aḍighi ịdi rꞌeniin ẹnam ẹlo awe Ịzirel kémugh. 5Mị Ọmoogh-we phọ mạsaḅar iḍue oḍighi ịphen phọ.’”
6Kụ rẹḅaal iḍue phọ, Ọmoogh-we phọ ạtuugh ịpe ọdi ạḅem bọ aḍighi. Oomo ịnam-otu awe Ijipt emuughu; kụ rꞌeniin ẹnam ẹlo awe Ịzirel ímugh. 7Ọdaam eelhe phọ apuru mọ eeghe kụ imite kụ ọḅeni mọ rꞌeniin ẹnam awe Ịzirel ímugh. Ọdaam eelhe phọ ạkparami ni ologhi phọ ọdi, ómeera mọ awe Ịzirel ogheel.
Arufuku
8Ọmoogh-we phọ ạḅeni Mozis rꞌEeron mọ, “Ikpoph ẹphurukpu ọoru esi arughol. AMozis ạsar ạghiom ạnyu ạke risigh ọdaam eelhe phọ. 9Ọoru phọ katen ọsimisimi ophugh kụ, aleeny oomo ade phọ Ijipt, kụ amiteghom rufuku dị eḍighi yogh rọko siloor awe rꞌịnam.” 10#Ogon 16.2Kụ bịdi okpophi ọoru phọ esi arughol phọ, kụ ọghi ọmeera risigh ọdaam eelhe phọ, kụ aMozis ạsar ọoru phọ ạghiom ạnyu ạke, kụ amiteghom rufuku dị eḍighi yogh rọko siloor awe rꞌịnam. 11Bụo ịiḍaany phọ útue mun ụ́meera egbodo aMozis loor arufuku phọ, ịdi eḍighi bọ arufuku phọ ịḅologh ni oomo ạbidi, awe ịmiin phọ rꞌoomo awe phọ Ijipt. 12Ọmoogh-we phọ ạkparami ni ologhi ọdaam eelhe phọ, bịn ọ́naghanan bịdi ịdipho Ọmoogh-we phọ mạtuugh bọ ạḅeni Mozis.
Oghim ạnian
13Ọmoogh-we ạḅeni Mozis mọ, “Eḅon ạḍiroor ḅetenu ạghi ạmeera risigh ọdaam eelhe phọ, ạḅeni nyọdi mọ, Ọmoogh-we phọ, Ẹnaan aHibru phọ, ạḅem mọ, ‘Meera awe phọ ạmi ogheel uuseeny ịmi. 14Egi phọ ẹphen mị kạ́liom we iiḍighi phọ ạna rꞌawe eelhe phọ ạna bịn, mị kạḅaram ni nyịna ọbo nạ alegheri mọ ọnon ọlo uuleeny ịmi sịen aḅirini phọ ólho. 15Esugha ẹnum ọbo mị musele ḍịghaagh ạmi ạgurom nyịna rꞌawe phọ ạna ẹepoph dị kemiteghom rọko siloor anyina, dị kimutonaan inyina sịen aḅirini phọ. 16#Rom 9.17Esi ịphen phọ kụ ịdi mị ạwile bọ nyịna mọ tọl: oḍeenaan ạna ịikpo phọ ạmi, ọbo aḍien phọ ạmi eleeny oomo aḅirini phọ. 17Rꞌịduon phọ, nạ apoophe ni niin loor phọ ạna esi awe phọ ạmi dị nạ ómeera mọ bịdi ogheel. 18Ọdo amem mọ ạmuen iḍue, mị kaler ogbogh oghim ạnian ọdo awe Ijipt kꞌekulha kọ̋miin ghan. 19Nyịidipho tom ạḅeni we mọ ọghi ookpomoghi oomo ịnam mọ ạna lọ edi ịḅal, sịghe odoghoḍi ologhi otu, ịdi eḍighi bọ oghim ạnian phọ kasoorom ni ạze we rꞌịnam lọ otu íḍigh.’” 20Buniin awe iiḍighi ọdaam eelhe phọ ụmoogh ni oghiilaan loor ịpe Ọmoogh-we phọ mạḅem bọ, kụ bịdi ọnuun ọloghoḍi rẹbene rꞌịnam mọ ạbidi ologhi otu dị ịyaar kẹ́ḅogh. 21Kụ ọlo bụeri phọ ụ́maghami ịyaar ikpo ọnhu Ọmoogh-we phọ kụ ọwile rẹbene rꞌịnam mọ ạbidi erugh.
22Ọmoogh-we phọ ạḅeni Mozis mọ, “Poophe ḍịghaagh ạna ạghiom ạnyu, bịn oghim ạnian kasoorom ni oomo ade phọ Ijipt, ḅịle rꞌawe rꞌịnam rꞌoomo ạroogho asileeny phọ.” 23Kụ aMozis aphoophe ịkpara phọ ọdi ạghiom ẹpe ạnyu, kụ Ọmoogh-we phọ aseere ọomaany rꞌoghim ạnian kụ ạnian eemor eleeny de phọ, kụ Ọmoogh-we phọ asoore oghim ạnian aleenye oomo ade phọ Ijipt. 24#Ogon 8.7; 16.21Ọmoogh-we phọ arom ni ogbogh oghim rꞌọmepheghian ọman rꞌarisigh, kụ ọdo phọ oghim mọ ọpo awe phọ Ijipt kꞌekulha kọ̋miin ghan. 25Oghim ạnian phọ alhereghi tọrobo ịyaar lọ ẹrol erugh, ẹḅaram weye rꞌịnam, rꞌịyaar ísugheeny, sịphe oomo ade phọ Ijipt, ẹḅile elereghi tọro ịyaar lọ ẹmeera iizo, kụ ewunughi ireeny. 26Ẹpe Gosen, marugh awe phọ Ịzirel, bịn kụ ẹdi oghim mọ úsi.
27Ọdaam eelhe phọ arom ạghiom Mozis rꞌEeron kụ ạḅeni bịdi mọ, “Egi phọ ẹphen mị mạpioman. Ọmoogh-we phọ kụ odi elhiom; mị rꞌawe phọ ạmi mọpioman. 28Ịiḅereghi Ọmoogh-we phọ asophe oghim mọ, ọraphan aḍio phọ rꞌạnian phọ mẹkasian. Mị aguan omeera dị nyina kekeel. Nyina sịen kẹ́tol mun.” 29AMozis ạḅeni nyọdi mọ, “Mị rọḍua sịen ẹmha phọ, pụruku mị kapoophe ḍịghaagh ạmi ạnyu ạaḅereghi Ọmoogh-we phọ, kụ ọomaany phọ kasoph, oghim kạ́tol mun. Kụ nạ agbi olegheri mọ Ọmoogh-we kụ ạmoogh aḅirini phọ. 30Kụ ọlo mị alegheri ni mọ nạ rꞌabutelhedom mọ ạna Ọmoogh-we Ẹnaan phọ rékiilaan.” 31-32Ịma ịizupha olhoom arukpe phọ rꞌịlo oḍighinom ạbred phọ ẹphuughi, ịdi eḍighi bọ ịpe ạbred phọ mekpo kụ ịpe olhoom arukpe phọ pụruku repoola.
33AMozis ạwile ọdaam eelhe phọ amite sịphe ẹmha phọ, kụ aphoophe rạghaagh ạaḅereghi Ọmoogh-we phọ, bịn ọomaany phọ rꞌoghim ạnian phọ esophoghian, bịn ọlophia phọ ọ́lhoph mun sịphe ade phọ. 34Ọdaam eelhe phọ rọmiin ịdi ọlophia phọ rꞌoghim ạnian phọ rꞌọomaany phọ ílho mun, bịn ạḅile amiigh sịpioghom mọ ọdi, ạḅile ạkparami ologhi ọdi rꞌiloghi abutelhedom mọ ọdi. 35Ọdaam eelhe phọ ạkparami ologhi phọ ọdi, bịn ómeera mọ awe phọ Ịzirel ogheel, ịdipho Ọmoogh-we phọ mạḅeni bọ Mozis mọ ọdaam eelhe phọ kámeera.
Currently Selected:
Ẹḍua 9: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Ẹḍua 9
9
Aḍuugh ịnam
1Ọmoogh-we phọ ạḅeni Mozis mọ, “Kịa kꞌọdaam eelhe phọ ạḅeni nyọdi mọ Ọmoogh-we phọ Ẹnaan phọ aHibru ạḅem mọ, ‘Meera awe phọ ạmi ogheel ukumu ịmi. 2Eru mạar dị nạ úmeera kẹn mọ bịdi ogheel, nạ asophoghom bịdi, 3pọ mị kasomoriom ḍịghaagh ạmi ịnam mọ ạna edi bọ ẹpe asileeny phọ, rụsu, rꞌạsikamel, rꞌạsinam, rꞌiyool-ịga rꞌạrutu-ịga, kụ ẹepoph eḍighi bịdi. 4Ọmoogh-we phọ kạlogh ni ọku ạgbatan ịnam ịpe awe Ịzirel rꞌịnam ịpe Ijipt, kụ aḍighi ịdi rꞌeniin ẹnam ẹlo awe Ịzirel kémugh. 5Mị Ọmoogh-we phọ mạsaḅar iḍue oḍighi ịphen phọ.’”
6Kụ rẹḅaal iḍue phọ, Ọmoogh-we phọ ạtuugh ịpe ọdi ạḅem bọ aḍighi. Oomo ịnam-otu awe Ijipt emuughu; kụ rꞌeniin ẹnam ẹlo awe Ịzirel ímugh. 7Ọdaam eelhe phọ apuru mọ eeghe kụ imite kụ ọḅeni mọ rꞌeniin ẹnam awe Ịzirel ímugh. Ọdaam eelhe phọ ạkparami ni ologhi phọ ọdi, ómeera mọ awe Ịzirel ogheel.
Arufuku
8Ọmoogh-we phọ ạḅeni Mozis rꞌEeron mọ, “Ikpoph ẹphurukpu ọoru esi arughol. AMozis ạsar ạghiom ạnyu ạke risigh ọdaam eelhe phọ. 9Ọoru phọ katen ọsimisimi ophugh kụ, aleeny oomo ade phọ Ijipt, kụ amiteghom rufuku dị eḍighi yogh rọko siloor awe rꞌịnam.” 10#Ogon 16.2Kụ bịdi okpophi ọoru phọ esi arughol phọ, kụ ọghi ọmeera risigh ọdaam eelhe phọ, kụ aMozis ạsar ọoru phọ ạghiom ạnyu ạke, kụ amiteghom rufuku dị eḍighi yogh rọko siloor awe rꞌịnam. 11Bụo ịiḍaany phọ útue mun ụ́meera egbodo aMozis loor arufuku phọ, ịdi eḍighi bọ arufuku phọ ịḅologh ni oomo ạbidi, awe ịmiin phọ rꞌoomo awe phọ Ijipt. 12Ọmoogh-we phọ ạkparami ni ologhi ọdaam eelhe phọ, bịn ọ́naghanan bịdi ịdipho Ọmoogh-we phọ mạtuugh bọ ạḅeni Mozis.
Oghim ạnian
13Ọmoogh-we ạḅeni Mozis mọ, “Eḅon ạḍiroor ḅetenu ạghi ạmeera risigh ọdaam eelhe phọ, ạḅeni nyọdi mọ, Ọmoogh-we phọ, Ẹnaan aHibru phọ, ạḅem mọ, ‘Meera awe phọ ạmi ogheel uuseeny ịmi. 14Egi phọ ẹphen mị kạ́liom we iiḍighi phọ ạna rꞌawe eelhe phọ ạna bịn, mị kạḅaram ni nyịna ọbo nạ alegheri mọ ọnon ọlo uuleeny ịmi sịen aḅirini phọ ólho. 15Esugha ẹnum ọbo mị musele ḍịghaagh ạmi ạgurom nyịna rꞌawe phọ ạna ẹepoph dị kemiteghom rọko siloor anyina, dị kimutonaan inyina sịen aḅirini phọ. 16#Rom 9.17Esi ịphen phọ kụ ịdi mị ạwile bọ nyịna mọ tọl: oḍeenaan ạna ịikpo phọ ạmi, ọbo aḍien phọ ạmi eleeny oomo aḅirini phọ. 17Rꞌịduon phọ, nạ apoophe ni niin loor phọ ạna esi awe phọ ạmi dị nạ ómeera mọ bịdi ogheel. 18Ọdo amem mọ ạmuen iḍue, mị kaler ogbogh oghim ạnian ọdo awe Ijipt kꞌekulha kọ̋miin ghan. 19Nyịidipho tom ạḅeni we mọ ọghi ookpomoghi oomo ịnam mọ ạna lọ edi ịḅal, sịghe odoghoḍi ologhi otu, ịdi eḍighi bọ oghim ạnian phọ kasoorom ni ạze we rꞌịnam lọ otu íḍigh.’” 20Buniin awe iiḍighi ọdaam eelhe phọ ụmoogh ni oghiilaan loor ịpe Ọmoogh-we phọ mạḅem bọ, kụ bịdi ọnuun ọloghoḍi rẹbene rꞌịnam mọ ạbidi ologhi otu dị ịyaar kẹ́ḅogh. 21Kụ ọlo bụeri phọ ụ́maghami ịyaar ikpo ọnhu Ọmoogh-we phọ kụ ọwile rẹbene rꞌịnam mọ ạbidi erugh.
22Ọmoogh-we phọ ạḅeni Mozis mọ, “Poophe ḍịghaagh ạna ạghiom ạnyu, bịn oghim ạnian kasoorom ni oomo ade phọ Ijipt, ḅịle rꞌawe rꞌịnam rꞌoomo ạroogho asileeny phọ.” 23Kụ aMozis aphoophe ịkpara phọ ọdi ạghiom ẹpe ạnyu, kụ Ọmoogh-we phọ aseere ọomaany rꞌoghim ạnian kụ ạnian eemor eleeny de phọ, kụ Ọmoogh-we phọ asoore oghim ạnian aleenye oomo ade phọ Ijipt. 24#Ogon 8.7; 16.21Ọmoogh-we phọ arom ni ogbogh oghim rꞌọmepheghian ọman rꞌarisigh, kụ ọdo phọ oghim mọ ọpo awe phọ Ijipt kꞌekulha kọ̋miin ghan. 25Oghim ạnian phọ alhereghi tọrobo ịyaar lọ ẹrol erugh, ẹḅaram weye rꞌịnam, rꞌịyaar ísugheeny, sịphe oomo ade phọ Ijipt, ẹḅile elereghi tọro ịyaar lọ ẹmeera iizo, kụ ewunughi ireeny. 26Ẹpe Gosen, marugh awe phọ Ịzirel, bịn kụ ẹdi oghim mọ úsi.
27Ọdaam eelhe phọ arom ạghiom Mozis rꞌEeron kụ ạḅeni bịdi mọ, “Egi phọ ẹphen mị mạpioman. Ọmoogh-we phọ kụ odi elhiom; mị rꞌawe phọ ạmi mọpioman. 28Ịiḅereghi Ọmoogh-we phọ asophe oghim mọ, ọraphan aḍio phọ rꞌạnian phọ mẹkasian. Mị aguan omeera dị nyina kekeel. Nyina sịen kẹ́tol mun.” 29AMozis ạḅeni nyọdi mọ, “Mị rọḍua sịen ẹmha phọ, pụruku mị kapoophe ḍịghaagh ạmi ạnyu ạaḅereghi Ọmoogh-we phọ, kụ ọomaany phọ kasoph, oghim kạ́tol mun. Kụ nạ agbi olegheri mọ Ọmoogh-we kụ ạmoogh aḅirini phọ. 30Kụ ọlo mị alegheri ni mọ nạ rꞌabutelhedom mọ ạna Ọmoogh-we Ẹnaan phọ rékiilaan.” 31-32Ịma ịizupha olhoom arukpe phọ rꞌịlo oḍighinom ạbred phọ ẹphuughi, ịdi eḍighi bọ ịpe ạbred phọ mekpo kụ ịpe olhoom arukpe phọ pụruku repoola.
33AMozis ạwile ọdaam eelhe phọ amite sịphe ẹmha phọ, kụ aphoophe rạghaagh ạaḅereghi Ọmoogh-we phọ, bịn ọomaany phọ rꞌoghim ạnian phọ esophoghian, bịn ọlophia phọ ọ́lhoph mun sịphe ade phọ. 34Ọdaam eelhe phọ rọmiin ịdi ọlophia phọ rꞌoghim ạnian phọ rꞌọomaany phọ ílho mun, bịn ạḅile amiigh sịpioghom mọ ọdi, ạḅile ạkparami ologhi ọdi rꞌiloghi abutelhedom mọ ọdi. 35Ọdaam eelhe phọ ạkparami ologhi phọ ọdi, bịn ómeera mọ awe phọ Ịzirel ogheel, ịdipho Ọmoogh-we phọ mạḅeni bọ Mozis mọ ọdaam eelhe phọ kámeera.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS