Bụo ạKolosi 3
3
1 #
Ạsuo 110.1
Ịduon mịḅophoghiom bọ inyina rꞌaKraist oḅerion sịphe aḍuugh phọ, ịwa ghan ọmoogh ạraraar phọ ịpe edi bọ kꞌạke. Ẹpe kụ ẹdi aKraist odi bọ kụ ạtolom ạgada ọdaam mọ ḍịghaagh elhiom Ẹnaan. 2Iseere iloghi phọ anyina esi ạraraar phọ ịpe edi bọ kꞌạke, ẹwile ọotughian ghan ịlo ịsien ade phọ. 3Nyina memuughu ni, kụ aKraist aako ni ghuḍum mọ anyina aseere sịphe Ẹnaan edi bọ. 4AKraist kụ ọkaraghi aghuḍum mọ anyina. Ḍio phọ ọdi katu bọ, ọdi kịpham ni inyina atumom esi eegu phọ ọdi.
Aḍigbaany phọ rꞌaḍimoom ạdol phọ anyina
5Esi ịphen phọ, ịpueghi, eroḅologhi ịkaraph ạruuphua aḅirini phọ, olhe ẹmha, iloghi ẹenir, ipesi, ẹsighenom mọ ịpe phọ memuughu. Ephogh-aḍien kẹ́moogh, ịdi eḍighi bọ nyina ẹseph ẹlo ọnon ẹsighenom, pọ nyina mẹsighe eghuan phọ Ẹnaan rẹngo ịkaaghineen ạraraar. 6Ạghelhe phọ Ẹnaan kameelom ni bụlo oḍighi ọdo ịkaraph phọ ịphen. Ọdi kasoph ni ịiruen apume bụphe rọḅaar ghan bọ ẹmhu phọ. 7Mem dị meten, mem mọ nyina ẹrol aani bọ dọl ạsipioghom mọ, nyina irelhian ghan ọdo awe phọ ạbuen.
8Kụ nyịidipho, ikel oomo ạraraar phọ ịphen — ophin ologhi, ịkaraph ạruuphua, ologhi ẹḍim. Ọghaaph ọphuenom aḍien oye rꞌọghaaph ipesi kẹ́kaaph ghan. 9#Ẹfe 4.22Oniin nyoniin ọkpe kụ́gbaam ghan, ịdi eḍighi bọ nyina mẹkporonaan igbaany ịkaraph ạruuphua rꞌạroozo phọ anyina eseere, 10#Ẹfe 4.24; Emi 1.26kụ mẹsighe igey imoom ạroozo ẹkpologhian. Ẹnaan phọ ịngo bọ inyina igey imoom ạroozo phọ kiḍeenaan ghan ni inyina rọozo phọ ọdi oomo amem, ọbo nyina ẹmoogh kumoom ghuḍum dị ạghighom kụphe ọdi. 11Ọtuan ịphen phọ, ọku ólho ogbo phọ anyina. Ạbuo aJu phọ rꞌaruuruen phọ ụ́gbatanaan. Bụlo oḍuna rꞌạbulo odimom oodu, ạriḅila rꞌareelhe ịkaraph awe, rẹbene rꞌạbuo arisigh, ọgbaranaan ólho, loor esi dị aKraist bịn kụ oomo phọ ịdi, ọdi bịn kụ maḍigh iloghi oomo phọ ayira odi.
12 #
Ẹfe 4.2
Nyina kụ awe phọ Ẹnaan. Ọdi ạtuan ẹphomoghian kụ ịsaḅar bọ inyina aḍighi bụo ọdi. Kụ esi ịduon phọ, ịmoogh ẹzo igbiririph rꞌọkparam, rꞌọnma ghan ighirigiir rꞌosooromi ghan aloor rꞌọlogh ghan awe eegu. 13#Ẹfe 4.32Ịminoghom ghan ẹsar ghan ẹwilenaan ịkaraph lọ awe iḍighi inyina. Ịsar ghan ẹwilenaan bụnon, ịdipho Ọmoogh-we phọ mạsar bọ ịwilenaan inyina. 14Ịdi epu oomo phọ ịphen, oniin ạphomoghian nyoniin! Ẹphomoghian kụ reekpomoghi ghan kẹngo oomo ạraraar ọḅoph ọnhu dị amunughan. 15Ẹepho phọ ẹpe aKraist kụ eḍighi oye ịigbarion sịphe iloghi phọ anyina! Ẹnaan mịmagh inyina eekpomoghi eḍighi oniin oye ọghelom ẹepho phọ ẹphen. Kụ ịngo ghan ni ḍịseph. 16#Ẹfe 5.19, 20Ọghaaph phọ aKraist ạrol li sịphe iloghi phọ anyina, ịngoom inyina ẹeḍiom rꞌolegheri ịyaar! Oniin ạsighe ghan olegheri ịyaar ạtughemiom, aromoghiom ghan nyoniin! Ịmoor ghan sụor aruukuan eboomiom Ẹnaan. Iloghi phọ anyina ẹngo ghan ḍịseph Ẹnaan oomo amem! 17Kụ tọrobo ịyaar lọ nyina reḍighi, ḅịle mọ ịlo nyina rẹkaaph, ikol ghan ni ḍien phọ ạJizos Ọmoogh-we phọ kụ eḍighi, loor esi dị ọdi kụ rạsighe ghan bọ ḍịseph lọ nyina ẹngo kạghiom Ẹnaan Ọde phọ.
Ạdol dị oniin kạtolom nyoniin sịen akumoom aghuḍum mọ
18 #
Ẹfe 5.22; 1 Pit 3.1 Nmạriir ilom, isooromi ghan loor esi aburulhom mọ anyina. Ịphen kụ ịkpianaan bụphe rọdaph bọ ịgbaranuom aruwol Ọmoogh-we phọ.
19 #
Ẹfe 5.25; 1 Pit 3.7 Burulhom, ịpomoghian nmạriir anyina, kémooghaam ghan bịdi.
20 #
Ẹfe 6.1
Nmụny, ịnaghanan ghan bụrude rꞌaburunhiin phọ anyina esi oomo ạraraar; ịphen kụ ịḅeeraan Ọmoogh-we phọ.
21 #
Ẹfe 6.4
Bụrude, kéḍighi ghan ịlo kepin iloghi ạnmuny phọ anyina, ọbo bịdi kosuuphogh ghan bọ.
22 #
Ẹfe 6.5-8
Rẹbene, ịnaghanan ghan bụrude-otu phọ anyina oomo amem, kámem lọ riphogh inyina ekpeḍien ịlo ọseph anyina bịn. Iḍighinom ghan rꞌophooph ologhi, loor esi dị nyina ẹlogh ni Ọmoogh-we phọ eegu. 23Iseere ghan iloghi anyina esi ạtorobo ịyaar lọ nyina reḍighi. Nyina reḍighinaan Ọmoogh-we phọ, nyina réḍighinaan we bịn. 24Ilegheri mọ ophin aani abin ạraraar phọ ịpe Ọmoogh-we phọ maseenaan bọ we phọ ọdi, kụ ịikpia phọ ọdi kịkpe bọ inyina. AKraist kụ ọkaraghi Ọde-otu phọ nyina rekumu bọ kẹngo. 25#Dut 10.17; Ẹfe 6.9Kụ tọrobo oye lọ raḍighi ghan ịkaraph kạmoogh ni ịikpia dị ẹkasian rꞌịkaraph phọ ọdi. Ẹnaan rẹ́logh ghan oye ịiseeny.
Currently Selected:
Bụo ạKolosi 3: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Bụo ạKolosi 3
3
1 #
Ạsuo 110.1
Ịduon mịḅophoghiom bọ inyina rꞌaKraist oḅerion sịphe aḍuugh phọ, ịwa ghan ọmoogh ạraraar phọ ịpe edi bọ kꞌạke. Ẹpe kụ ẹdi aKraist odi bọ kụ ạtolom ạgada ọdaam mọ ḍịghaagh elhiom Ẹnaan. 2Iseere iloghi phọ anyina esi ạraraar phọ ịpe edi bọ kꞌạke, ẹwile ọotughian ghan ịlo ịsien ade phọ. 3Nyina memuughu ni, kụ aKraist aako ni ghuḍum mọ anyina aseere sịphe Ẹnaan edi bọ. 4AKraist kụ ọkaraghi aghuḍum mọ anyina. Ḍio phọ ọdi katu bọ, ọdi kịpham ni inyina atumom esi eegu phọ ọdi.
Aḍigbaany phọ rꞌaḍimoom ạdol phọ anyina
5Esi ịphen phọ, ịpueghi, eroḅologhi ịkaraph ạruuphua aḅirini phọ, olhe ẹmha, iloghi ẹenir, ipesi, ẹsighenom mọ ịpe phọ memuughu. Ephogh-aḍien kẹ́moogh, ịdi eḍighi bọ nyina ẹseph ẹlo ọnon ẹsighenom, pọ nyina mẹsighe eghuan phọ Ẹnaan rẹngo ịkaaghineen ạraraar. 6Ạghelhe phọ Ẹnaan kameelom ni bụlo oḍighi ọdo ịkaraph phọ ịphen. Ọdi kasoph ni ịiruen apume bụphe rọḅaar ghan bọ ẹmhu phọ. 7Mem dị meten, mem mọ nyina ẹrol aani bọ dọl ạsipioghom mọ, nyina irelhian ghan ọdo awe phọ ạbuen.
8Kụ nyịidipho, ikel oomo ạraraar phọ ịphen — ophin ologhi, ịkaraph ạruuphua, ologhi ẹḍim. Ọghaaph ọphuenom aḍien oye rꞌọghaaph ipesi kẹ́kaaph ghan. 9#Ẹfe 4.22Oniin nyoniin ọkpe kụ́gbaam ghan, ịdi eḍighi bọ nyina mẹkporonaan igbaany ịkaraph ạruuphua rꞌạroozo phọ anyina eseere, 10#Ẹfe 4.24; Emi 1.26kụ mẹsighe igey imoom ạroozo ẹkpologhian. Ẹnaan phọ ịngo bọ inyina igey imoom ạroozo phọ kiḍeenaan ghan ni inyina rọozo phọ ọdi oomo amem, ọbo nyina ẹmoogh kumoom ghuḍum dị ạghighom kụphe ọdi. 11Ọtuan ịphen phọ, ọku ólho ogbo phọ anyina. Ạbuo aJu phọ rꞌaruuruen phọ ụ́gbatanaan. Bụlo oḍuna rꞌạbulo odimom oodu, ạriḅila rꞌareelhe ịkaraph awe, rẹbene rꞌạbuo arisigh, ọgbaranaan ólho, loor esi dị aKraist bịn kụ oomo phọ ịdi, ọdi bịn kụ maḍigh iloghi oomo phọ ayira odi.
12 #
Ẹfe 4.2
Nyina kụ awe phọ Ẹnaan. Ọdi ạtuan ẹphomoghian kụ ịsaḅar bọ inyina aḍighi bụo ọdi. Kụ esi ịduon phọ, ịmoogh ẹzo igbiririph rꞌọkparam, rꞌọnma ghan ighirigiir rꞌosooromi ghan aloor rꞌọlogh ghan awe eegu. 13#Ẹfe 4.32Ịminoghom ghan ẹsar ghan ẹwilenaan ịkaraph lọ awe iḍighi inyina. Ịsar ghan ẹwilenaan bụnon, ịdipho Ọmoogh-we phọ mạsar bọ ịwilenaan inyina. 14Ịdi epu oomo phọ ịphen, oniin ạphomoghian nyoniin! Ẹphomoghian kụ reekpomoghi ghan kẹngo oomo ạraraar ọḅoph ọnhu dị amunughan. 15Ẹepho phọ ẹpe aKraist kụ eḍighi oye ịigbarion sịphe iloghi phọ anyina! Ẹnaan mịmagh inyina eekpomoghi eḍighi oniin oye ọghelom ẹepho phọ ẹphen. Kụ ịngo ghan ni ḍịseph. 16#Ẹfe 5.19, 20Ọghaaph phọ aKraist ạrol li sịphe iloghi phọ anyina, ịngoom inyina ẹeḍiom rꞌolegheri ịyaar! Oniin ạsighe ghan olegheri ịyaar ạtughemiom, aromoghiom ghan nyoniin! Ịmoor ghan sụor aruukuan eboomiom Ẹnaan. Iloghi phọ anyina ẹngo ghan ḍịseph Ẹnaan oomo amem! 17Kụ tọrobo ịyaar lọ nyina reḍighi, ḅịle mọ ịlo nyina rẹkaaph, ikol ghan ni ḍien phọ ạJizos Ọmoogh-we phọ kụ eḍighi, loor esi dị ọdi kụ rạsighe ghan bọ ḍịseph lọ nyina ẹngo kạghiom Ẹnaan Ọde phọ.
Ạdol dị oniin kạtolom nyoniin sịen akumoom aghuḍum mọ
18 #
Ẹfe 5.22; 1 Pit 3.1 Nmạriir ilom, isooromi ghan loor esi aburulhom mọ anyina. Ịphen kụ ịkpianaan bụphe rọdaph bọ ịgbaranuom aruwol Ọmoogh-we phọ.
19 #
Ẹfe 5.25; 1 Pit 3.7 Burulhom, ịpomoghian nmạriir anyina, kémooghaam ghan bịdi.
20 #
Ẹfe 6.1
Nmụny, ịnaghanan ghan bụrude rꞌaburunhiin phọ anyina esi oomo ạraraar; ịphen kụ ịḅeeraan Ọmoogh-we phọ.
21 #
Ẹfe 6.4
Bụrude, kéḍighi ghan ịlo kepin iloghi ạnmuny phọ anyina, ọbo bịdi kosuuphogh ghan bọ.
22 #
Ẹfe 6.5-8
Rẹbene, ịnaghanan ghan bụrude-otu phọ anyina oomo amem, kámem lọ riphogh inyina ekpeḍien ịlo ọseph anyina bịn. Iḍighinom ghan rꞌophooph ologhi, loor esi dị nyina ẹlogh ni Ọmoogh-we phọ eegu. 23Iseere ghan iloghi anyina esi ạtorobo ịyaar lọ nyina reḍighi. Nyina reḍighinaan Ọmoogh-we phọ, nyina réḍighinaan we bịn. 24Ilegheri mọ ophin aani abin ạraraar phọ ịpe Ọmoogh-we phọ maseenaan bọ we phọ ọdi, kụ ịikpia phọ ọdi kịkpe bọ inyina. AKraist kụ ọkaraghi Ọde-otu phọ nyina rekumu bọ kẹngo. 25#Dut 10.17; Ẹfe 6.9Kụ tọrobo oye lọ raḍighi ghan ịkaraph kạmoogh ni ịikpia dị ẹkasian rꞌịkaraph phọ ọdi. Ẹnaan rẹ́logh ghan oye ịiseeny.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS