Bụo ạKolosi 4
4
1 #
Ẹfe 6.9
Bụrude-otu, ịmaar ẹpham rẹbene phọ anyina. Ilegheri mọ nyina ẹmoogh aani ni Ọde-otu ẹpe kꞌạke.
Oroma
2Ịkuom siloor anyina ẹeḅereghi ghan oomo amem, eseere ghan iloghi kụ ẹngo ghan ḍịseph Ẹnaan. 3Ịloghom aani ghan iyoor esi ịiḅereghi, ịlo Ẹnaan kịngo iyoor eepoogh ọghaaphom ooḅi ọghaaph phọ ọdi ọḅeni awe, rꞌoḍeenaan awe rạraar phọ ịpe ạaghi bọ ịlo aKraist. Ịphen kụ ịdi ọtu bọ ụlogh ịmi ikoli phọ. 4Ịiḅereghi ghan mọ mị ụkaaph ghan ẹghaaphom dị keḍiku ghan rụru awe, ịdipho ẹkpianaan bọ.
5 #
Ẹfe 5.16
Ịtolom bụphe úmeeraam bọ Kraist dọl olegheri ịyaar. Ọony eepoogh lọ nyina ẹmoogh ọghaaph adom mọ Ẹnaan, ị́bile ghan. 6Ọghaaph phọ anyina ạdugh ghan ạḅile aroor weye! Ilegheri ịdi ẹkpe ghan ọphagharanaan ạtorobo oye.
Opurunaan
7 #
Iiḍ 20.4; 2 Tim 4.12 #
Ẹfe 6.21, 22 ẠTikikos kịḅeni ni inyina oomo ịlo ạmi. Ọdi ooḅi ọnyo asiya ayoor dị oḍuom ni ologhi. Ọdi aseere ni ologhi oḍighi ạsiosi phọ. Ọdi rꞌayoor kụ rokumu ghan bọ ni kọngo Ọmoogh-we phọ. 8Mị ratom mọ ọdi aru ịḅeni inyina ịlo yoor odi, pịdi iloghi anyina esoor. 9#Fạil 1.10-12Ọnesimos, oniin ọnyo anyina, ratu aani ni. Ọdi ooḅi ọnyo asiya dị yoor oḍuom ni ologhi. Bịdi kọkaaph ni oomo phọ ịpe reḍighi bọ ẹphen ịḅeni inyina.
10 #
Iiḍ 19.29; 27.2; Fạil 1.24;
Iiḍ 12.12, 25; 13.13; 15.37-39 Ạristakos, ọpo rꞌạmi odi bọ ikoli phọ, rꞌạMak, ọnyo ẹkpigh phọ ạBanabas, mipuru inyina. Mị mịḅeni ni inyina mọ nyina ẹmiin Mạk, ịlogh ni nyọdi otu. 11AJosua, ọpo oghol bọ mọ ạJostos phọ, mipuru aani kẹn inyina. Sịphe ạbuphe rꞌạmi roḍighi ghan bọ oḍighi ọmar phọ kꞌẸnaan, ịraar phọ awe phọ ạbuen bịn kụ ạbuo aJu dị mokiton omeeraam Jịzos. Bịdi rụlhoghonaan ni ịmi ḍịghaagh iboom.
12 #
Kọl 1.7; Fạil 1.23 Ẹpafras, ọnon ọnyo anyina dị raḍighi ghan oḍighi kạngo Jịzos Kraist, mipuru kẹn inyina. Ọdi righol ghan ni inyina kạkpaariom esi ịiḅereghi mọ imiigh giph ephoph ẹmanam, emeeraam ẹmadan mọ adom mọ agey ni, emunughan eḍighi oomo ịpe ẹḅeeraan bọ Ẹnaan. 13Mị katue ni ạmaaghi ịdi ọdi maghol rụmhu anyina rꞌạbuphe odi bọ ẹpe Lodisia rꞌạHierapolis akumuan rꞌọkpar aloor. 14#2 Tim 4.11; Fạil 1.24; 2 Tim 4.10; Fạil 1.24ALuk, ooḅi oyil eekonom mọ ayoor, rꞌaDimas mipuru inyina.
15Ipurunaan iiḅi asiya phọ ayira ẹpe Lodisia. Ị́bile ghan opurunaan ayoor Nịmfa, rꞌoomo ạbuo ạsiosi phọ rookpomoghan ghan bọ kꞌọdi. 16Mem dị nyina mạal ḍịnya phọ ạḍien, ịsighe ẹghi bụo ạsiosi phọ aLodisia ạal aani, kụ ẹḅile ạal aani ḍịnya phọ ạḍiphe bịdi kiruom bọ inyina. 17#Fạil 1.2Kụ ẹḅeni Ạrkipos mọ, “Mạar aḍighi ạmadan oḍighi phọ Ọmoogh-we phọ ạngo bọ nyịna mọ ḍighinaan nyịno phọ.”
18Mị ạPol kụ ụsighe ni ḍịghaagh ạmi ạgeom ipurunaan okureriom mọ. Kébula mọ mị odi ikoli.
Ooḅi ọghor phọ kꞌẸnaan ịrolonaan inyina!
Currently Selected:
Bụo ạKolosi 4: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Bụo ạKolosi 4
4
1 #
Ẹfe 6.9
Bụrude-otu, ịmaar ẹpham rẹbene phọ anyina. Ilegheri mọ nyina ẹmoogh aani ni Ọde-otu ẹpe kꞌạke.
Oroma
2Ịkuom siloor anyina ẹeḅereghi ghan oomo amem, eseere ghan iloghi kụ ẹngo ghan ḍịseph Ẹnaan. 3Ịloghom aani ghan iyoor esi ịiḅereghi, ịlo Ẹnaan kịngo iyoor eepoogh ọghaaphom ooḅi ọghaaph phọ ọdi ọḅeni awe, rꞌoḍeenaan awe rạraar phọ ịpe ạaghi bọ ịlo aKraist. Ịphen kụ ịdi ọtu bọ ụlogh ịmi ikoli phọ. 4Ịiḅereghi ghan mọ mị ụkaaph ghan ẹghaaphom dị keḍiku ghan rụru awe, ịdipho ẹkpianaan bọ.
5 #
Ẹfe 5.16
Ịtolom bụphe úmeeraam bọ Kraist dọl olegheri ịyaar. Ọony eepoogh lọ nyina ẹmoogh ọghaaph adom mọ Ẹnaan, ị́bile ghan. 6Ọghaaph phọ anyina ạdugh ghan ạḅile aroor weye! Ilegheri ịdi ẹkpe ghan ọphagharanaan ạtorobo oye.
Opurunaan
7 #
Iiḍ 20.4; 2 Tim 4.12 #
Ẹfe 6.21, 22 ẠTikikos kịḅeni ni inyina oomo ịlo ạmi. Ọdi ooḅi ọnyo asiya ayoor dị oḍuom ni ologhi. Ọdi aseere ni ologhi oḍighi ạsiosi phọ. Ọdi rꞌayoor kụ rokumu ghan bọ ni kọngo Ọmoogh-we phọ. 8Mị ratom mọ ọdi aru ịḅeni inyina ịlo yoor odi, pịdi iloghi anyina esoor. 9#Fạil 1.10-12Ọnesimos, oniin ọnyo anyina, ratu aani ni. Ọdi ooḅi ọnyo asiya dị yoor oḍuom ni ologhi. Bịdi kọkaaph ni oomo phọ ịpe reḍighi bọ ẹphen ịḅeni inyina.
10 #
Iiḍ 19.29; 27.2; Fạil 1.24;
Iiḍ 12.12, 25; 13.13; 15.37-39 Ạristakos, ọpo rꞌạmi odi bọ ikoli phọ, rꞌạMak, ọnyo ẹkpigh phọ ạBanabas, mipuru inyina. Mị mịḅeni ni inyina mọ nyina ẹmiin Mạk, ịlogh ni nyọdi otu. 11AJosua, ọpo oghol bọ mọ ạJostos phọ, mipuru aani kẹn inyina. Sịphe ạbuphe rꞌạmi roḍighi ghan bọ oḍighi ọmar phọ kꞌẸnaan, ịraar phọ awe phọ ạbuen bịn kụ ạbuo aJu dị mokiton omeeraam Jịzos. Bịdi rụlhoghonaan ni ịmi ḍịghaagh iboom.
12 #
Kọl 1.7; Fạil 1.23 Ẹpafras, ọnon ọnyo anyina dị raḍighi ghan oḍighi kạngo Jịzos Kraist, mipuru kẹn inyina. Ọdi righol ghan ni inyina kạkpaariom esi ịiḅereghi mọ imiigh giph ephoph ẹmanam, emeeraam ẹmadan mọ adom mọ agey ni, emunughan eḍighi oomo ịpe ẹḅeeraan bọ Ẹnaan. 13Mị katue ni ạmaaghi ịdi ọdi maghol rụmhu anyina rꞌạbuphe odi bọ ẹpe Lodisia rꞌạHierapolis akumuan rꞌọkpar aloor. 14#2 Tim 4.11; Fạil 1.24; 2 Tim 4.10; Fạil 1.24ALuk, ooḅi oyil eekonom mọ ayoor, rꞌaDimas mipuru inyina.
15Ipurunaan iiḅi asiya phọ ayira ẹpe Lodisia. Ị́bile ghan opurunaan ayoor Nịmfa, rꞌoomo ạbuo ạsiosi phọ rookpomoghan ghan bọ kꞌọdi. 16Mem dị nyina mạal ḍịnya phọ ạḍien, ịsighe ẹghi bụo ạsiosi phọ aLodisia ạal aani, kụ ẹḅile ạal aani ḍịnya phọ ạḍiphe bịdi kiruom bọ inyina. 17#Fạil 1.2Kụ ẹḅeni Ạrkipos mọ, “Mạar aḍighi ạmadan oḍighi phọ Ọmoogh-we phọ ạngo bọ nyịna mọ ḍighinaan nyịno phọ.”
18Mị ạPol kụ ụsighe ni ḍịghaagh ạmi ạgeom ipurunaan okureriom mọ. Kébula mọ mị odi ikoli.
Ooḅi ọghor phọ kꞌẸnaan ịrolonaan inyina!
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS