Bụo ạKolosi 2
2
1Ịnaghan ịdi mị mịtuan inyina rꞌạbuo ạsiosi phọ aLodisia rꞌoomo phọ ạbuphe kọ̋miin ghan bọ ghisigh ạmi rabianaan, 2ọbo bịdi ọmoogh ạkpo ologhi, ọḅile oḍuraan ọḅophoghan esi ẹphomoghian. Mị rạwa mọ bịdi ọnaghan ḍụghum, ọbo bịdi ọkuami olegheri ẹmhu ịpe Ẹnaan ạaghi bọ. Ịbooghian phọ ịpe phọ, pọ aKraist rꞌaloor ọdi. 3AKraist kụ ịsabi phọ rekagharan ghan bọ riisi ịbooghian ẹeḍiom olegheri ịyaar rꞌọnaghan ạḍughum mọ.
4Mị ụ́wa mọ oye ạsighe iphirigba iikeleghiom inyina kụ mị ạtu bọ rạkaaph ịduon phọ. 5Ghạlamo ịdipho mị ịkelan bọ ni inyina, uwaloor phọ ạmi odianaan ni rꞌanyina. Kụ mị ạmoogh ni ọḅaal ologhi ịduon mị ạmiin bọ mọ nyina ẹmeera ni giph ẹlogh ẹmhu omeeraam mọ anyina esi aKraist.
AKraist mạaneghi rọozo phọ anyina mọ ephoph ẹmanam
6Ịdipho nyina mẹsighe bọ Jịzos Kraist eḍighi Ọmoogh-we phọ anyina, ịtuugh ịdipho kụ ẹḅophoghan rꞌọdi ẹrol. 7Ịmoogh sịni ephoph esi ọdi. Ịineghi ni omeeraam mọ anyina ạmanam ịdipho ịtughemi bọ inyina. Tọrobo ịlo ẹrol, ịngo ghan ni ḍịseph Ẹnaan.
8Igona loor ẹphama iloghi anyina, ọbo oye kạsighe ghan bọ olegheri ịyaar aḅirini phọ iikeleghiom inyina ạboor ologhi. Ọdo olegheri ịyaar phọ ọpo ọ́moogh ịyaar oḍighinom, ạdaph eḍighinom ịyaar agediidi rꞌịtughemi ẹghoroghor bịn, kị́pe aKraist ạtughemi bọ. 9AKraist aateneghian amite ịdipho oye kụ aru bọ sịen aḅirini phọ. Esi ọdi kụ ẹdi oomo ạroozo phọ Ẹnaan emunughan mọ ọmiin. 10Kụ ịdipho nyina mẹḅophoghan bọ nyọpo rạtooghi bọ rạraar kạngo oomo ịkpana ạraraar ẹpe kꞌạke, ạroozo phọ anyina mephoph ẹmanam.
11Mem mọ nyina emeeraam bọ Kraist, Ẹnaan ịngo ni inyina elegh olegheriom mọ nyina awe ọno. Iḍun kụ elegh phọ Ẹnaan eseenaan bọ bụo aJu phọ. Ịpe anyina ị́moogh ịyaar oḍighinom aḍizu phọ. Eḍighi ghụn dị aKraist mamurion ịkaraph ạruuphua phọ anyina aroph. 12#Rom 6.4Mem mọ iwur bọ inyina mụum mọ, ịghigh dị nyina irelhian rꞌaKraist eḍigh oḍi phọ ọdi, kụ Ẹnaan iḅerion aani inyina esi aḍuugh phọ, ịdi eḍighi bọ nyina ẹmoogh omeeraam esi ịikpo Ẹnaan phọ eḅeton bọ Kraist. 13#Ẹfe 2.1-5Mem dị meten, aruwaloor phọ anyina imuughu ni, loor esi ịkaraph phọ anyina, ḅịle rꞌịduon nyina eḍighi bọ ruuruen dị úḍuna yogh phọ. Ẹnaan mịḅophoghiom inyina Kraist eḅerion esi aḍuugh phọ. Ẹnaan mẹsar oomo ịkaraph phọ ịwilenaan iyira. 14#Ẹfe 2.15Ọdi magbuurogh opoḍi ạḍinya phọ ọge bọ oomo iilogh phọ yira mosoroghu bọ, ạpaar ạsighe ạkan sịphe oreeny phọ. 15Aḍuugh egbo phọ ạḍiphe aKraist amugh bọ pạ oreeny phọ kụ iḍighi ịdi ọdi akpetenaan oomo phọ ịtooghi aruwaloor rꞌạbuo ịikpo ẹpe kꞌạke. Ọdi ạsar ri igiri aḍeenaan we mọ ọno mazuoghom ạkpar apu oomo phọ ạbidi.
16 #
Rom 14.1-6
Ọtuan ịphen phọ, kémeera mọ oye iḅiligha inyina ịlo ạraraar dị ẹkpe olhe rꞌọphughol, rꞌịlo asiḍughul-otu dị nyina keeko ghan, ạlha etum lhạ, ụnwanyu atum ụnwanyu, rꞌeeḍio etum eeḍio. 17Oomo ịphen phọ ịghigh oogho ạraraar dị ke̋mite. Kụ nyịidipho memite. AKraist kụ ịdi phọ. 18Kémeera bụphe ophophe bọ loor phọ ạbidi isophonaan inyina ịkaraph ịiruen. Bịdi rọḅem ghan mọ ạbuno rọmiin ghan ịmiin. Ịitughian ạbidi ịlo ạraraar ịsien aḅirini phọ bịn. Bịdi rotoma ghan we mọ osooromi loor ọoḅereghi ghan rụukpaany phọ Ẹnaan. 19#Ẹfe 4.16Bịdi mọwile ọphamanam aKraist phọ aḍighi bọ uwo ẹmhu ạsiosi phọ. Ọdi kụ ạda bọ oomo aloor phọ, rạngo ghan ịnyaam oomo ạriikpigh-ọnu rꞌịphuuny phọ, ọbo ariisi aloor phọ ẹḅophoghan eḍighi ghan ịpe ẹḅeeraan bọ Ẹnaan, kụ ephoph ịdipho phọ Ẹnaan rẹwa bọ.
Ọḅophoghan aKraist ḍuugh rꞌaghuḍum
20Ịduon nyina memughan bọ rꞌaKraist, pọ nyina mekpetenaan ịtughemi ẹghoroghor phọ. Uḍighi ika kụ eḍighinom ịyaar phọ anyina ẹghigh bọ mụdi nyina ạbuo aḅirini phọ ọphon? Iḍighi ika kụ nyina emeeraam bọ iigbia phọ aweye igbiemi bọ inyina mọ, 21“Nyẹen ị́pam ghan, ẹpeer íle ghan, nyẹpe ị́ḅogh ghan”? 22Ịphen phọ, ịlo ạraraar dị yira ọsighe ni oḍighinom rọki bịn remunenom ni. Ịphen phọ, iigbia dị awe aḅirini phọ kụ ọtooghi ọtughemiom ghan. 23Ẹkigh mụdi olegheri ịyaar ri loor esi dị ịloghonaan ghan ḍịghaagh mọ awe ooseeny ghan rụukpaany phọ Ẹnaan, osooromi loor, oḍula loor, kụ ạri ị́moogh ịikpo ọphamaghan ịkaraph ạruuphua.
Currently Selected:
Bụo ạKolosi 2: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
Bụo ạKolosi 2
2
1Ịnaghan ịdi mị mịtuan inyina rꞌạbuo ạsiosi phọ aLodisia rꞌoomo phọ ạbuphe kọ̋miin ghan bọ ghisigh ạmi rabianaan, 2ọbo bịdi ọmoogh ạkpo ologhi, ọḅile oḍuraan ọḅophoghan esi ẹphomoghian. Mị rạwa mọ bịdi ọnaghan ḍụghum, ọbo bịdi ọkuami olegheri ẹmhu ịpe Ẹnaan ạaghi bọ. Ịbooghian phọ ịpe phọ, pọ aKraist rꞌaloor ọdi. 3AKraist kụ ịsabi phọ rekagharan ghan bọ riisi ịbooghian ẹeḍiom olegheri ịyaar rꞌọnaghan ạḍughum mọ.
4Mị ụ́wa mọ oye ạsighe iphirigba iikeleghiom inyina kụ mị ạtu bọ rạkaaph ịduon phọ. 5Ghạlamo ịdipho mị ịkelan bọ ni inyina, uwaloor phọ ạmi odianaan ni rꞌanyina. Kụ mị ạmoogh ni ọḅaal ologhi ịduon mị ạmiin bọ mọ nyina ẹmeera ni giph ẹlogh ẹmhu omeeraam mọ anyina esi aKraist.
AKraist mạaneghi rọozo phọ anyina mọ ephoph ẹmanam
6Ịdipho nyina mẹsighe bọ Jịzos Kraist eḍighi Ọmoogh-we phọ anyina, ịtuugh ịdipho kụ ẹḅophoghan rꞌọdi ẹrol. 7Ịmoogh sịni ephoph esi ọdi. Ịineghi ni omeeraam mọ anyina ạmanam ịdipho ịtughemi bọ inyina. Tọrobo ịlo ẹrol, ịngo ghan ni ḍịseph Ẹnaan.
8Igona loor ẹphama iloghi anyina, ọbo oye kạsighe ghan bọ olegheri ịyaar aḅirini phọ iikeleghiom inyina ạboor ologhi. Ọdo olegheri ịyaar phọ ọpo ọ́moogh ịyaar oḍighinom, ạdaph eḍighinom ịyaar agediidi rꞌịtughemi ẹghoroghor bịn, kị́pe aKraist ạtughemi bọ. 9AKraist aateneghian amite ịdipho oye kụ aru bọ sịen aḅirini phọ. Esi ọdi kụ ẹdi oomo ạroozo phọ Ẹnaan emunughan mọ ọmiin. 10Kụ ịdipho nyina mẹḅophoghan bọ nyọpo rạtooghi bọ rạraar kạngo oomo ịkpana ạraraar ẹpe kꞌạke, ạroozo phọ anyina mephoph ẹmanam.
11Mem mọ nyina emeeraam bọ Kraist, Ẹnaan ịngo ni inyina elegh olegheriom mọ nyina awe ọno. Iḍun kụ elegh phọ Ẹnaan eseenaan bọ bụo aJu phọ. Ịpe anyina ị́moogh ịyaar oḍighinom aḍizu phọ. Eḍighi ghụn dị aKraist mamurion ịkaraph ạruuphua phọ anyina aroph. 12#Rom 6.4Mem mọ iwur bọ inyina mụum mọ, ịghigh dị nyina irelhian rꞌaKraist eḍigh oḍi phọ ọdi, kụ Ẹnaan iḅerion aani inyina esi aḍuugh phọ, ịdi eḍighi bọ nyina ẹmoogh omeeraam esi ịikpo Ẹnaan phọ eḅeton bọ Kraist. 13#Ẹfe 2.1-5Mem dị meten, aruwaloor phọ anyina imuughu ni, loor esi ịkaraph phọ anyina, ḅịle rꞌịduon nyina eḍighi bọ ruuruen dị úḍuna yogh phọ. Ẹnaan mịḅophoghiom inyina Kraist eḅerion esi aḍuugh phọ. Ẹnaan mẹsar oomo ịkaraph phọ ịwilenaan iyira. 14#Ẹfe 2.15Ọdi magbuurogh opoḍi ạḍinya phọ ọge bọ oomo iilogh phọ yira mosoroghu bọ, ạpaar ạsighe ạkan sịphe oreeny phọ. 15Aḍuugh egbo phọ ạḍiphe aKraist amugh bọ pạ oreeny phọ kụ iḍighi ịdi ọdi akpetenaan oomo phọ ịtooghi aruwaloor rꞌạbuo ịikpo ẹpe kꞌạke. Ọdi ạsar ri igiri aḍeenaan we mọ ọno mazuoghom ạkpar apu oomo phọ ạbidi.
16 #
Rom 14.1-6
Ọtuan ịphen phọ, kémeera mọ oye iḅiligha inyina ịlo ạraraar dị ẹkpe olhe rꞌọphughol, rꞌịlo asiḍughul-otu dị nyina keeko ghan, ạlha etum lhạ, ụnwanyu atum ụnwanyu, rꞌeeḍio etum eeḍio. 17Oomo ịphen phọ ịghigh oogho ạraraar dị ke̋mite. Kụ nyịidipho memite. AKraist kụ ịdi phọ. 18Kémeera bụphe ophophe bọ loor phọ ạbidi isophonaan inyina ịkaraph ịiruen. Bịdi rọḅem ghan mọ ạbuno rọmiin ghan ịmiin. Ịitughian ạbidi ịlo ạraraar ịsien aḅirini phọ bịn. Bịdi rotoma ghan we mọ osooromi loor ọoḅereghi ghan rụukpaany phọ Ẹnaan. 19#Ẹfe 4.16Bịdi mọwile ọphamanam aKraist phọ aḍighi bọ uwo ẹmhu ạsiosi phọ. Ọdi kụ ạda bọ oomo aloor phọ, rạngo ghan ịnyaam oomo ạriikpigh-ọnu rꞌịphuuny phọ, ọbo ariisi aloor phọ ẹḅophoghan eḍighi ghan ịpe ẹḅeeraan bọ Ẹnaan, kụ ephoph ịdipho phọ Ẹnaan rẹwa bọ.
Ọḅophoghan aKraist ḍuugh rꞌaghuḍum
20Ịduon nyina memughan bọ rꞌaKraist, pọ nyina mekpetenaan ịtughemi ẹghoroghor phọ. Uḍighi ika kụ eḍighinom ịyaar phọ anyina ẹghigh bọ mụdi nyina ạbuo aḅirini phọ ọphon? Iḍighi ika kụ nyina emeeraam bọ iigbia phọ aweye igbiemi bọ inyina mọ, 21“Nyẹen ị́pam ghan, ẹpeer íle ghan, nyẹpe ị́ḅogh ghan”? 22Ịphen phọ, ịlo ạraraar dị yira ọsighe ni oḍighinom rọki bịn remunenom ni. Ịphen phọ, iigbia dị awe aḅirini phọ kụ ọtooghi ọtughemiom ghan. 23Ẹkigh mụdi olegheri ịyaar ri loor esi dị ịloghonaan ghan ḍịghaagh mọ awe ooseeny ghan rụukpaany phọ Ẹnaan, osooromi loor, oḍula loor, kụ ạri ị́moogh ịikpo ọphamaghan ịkaraph ạruuphua.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS