2 Krọnikuls 33
33
ẠManase ọdaam mọ aJuda
(2 Ạbudaam 21.1-9)
1ẠManase ạman bọ ḍioph rꞌịyal ạsia kụ amiigh ọda aJuda, kụ ọdi ạda ẹpe Jeruselem ooghdi ạsia. 2#Jer 15.4Ọdaphan ẹkaraph eḍighinom ịyaar isa phọ areelhe phọ Ọmoogh-we phọ maphorogh bọ ạgbole sịphe ade phọ mem mọ awe phọ ọdi rotu bọ, ạManase ạpioghom iboom esi Ọmoogh-we phọ. 3Ọdi ạḅile aselemi riisi ooseeny aruru phọ ịpe ạHezekaya ọde phọ ọdi maphiemi bọ. Ọdi aḍighinaan renmeny ooseeny ghan aBaal, ạḅologh igbudu um-ạke Asera, kụ aaseeny rạanaan phọ. 4#2 Krọ 6.6Ọdi aḍighinaan renmeny iiruen ạrumugh ologhi Otu Ịiḅereghi phọ, esi phọ Ọmoogh-we phọ mạsaḅar bọ mọ ịsiphe kụ ẹdi ẹkpe ooseeny ọno kꞌagee-pọ. 5Sịphe ịyal phọ arurugh Otu Ịiḅereghi phọ ọdi asereghi renmeny ooseeny ghan ạraanaan phọ. 6Ọdi ạsighe nmụny ọdi ạphighironom ẹkia oguom ạnian sịphe Eḍiiny aHinom. Ọdi ạmaar idike rꞌịiḍaany, ạghi ghan sipuru kꞌariil ịmiin rꞌọḅaanaan aruwaloor. Ọdi ạpioghom ni iboom kụ ẹghagh ologhi Ọmoogh-we phọ. 7#1 Ạbud 9.3-5; 2 Krọ 7.12-18Kụ ọdi aseere igbudu sịphe Otu Ịiḅereghi phọ, esi phọ Ẹnaan ẹḅeni bọ Devid rꞌạSolomon ọony ọdi mọ, “Sịen Jeruselem, sịen Otu Ịiḅereghi phọ, kụ esi dị mị mạsaḅar sịphe oomo areelhe phọ aḍioph rꞌịyal arughunughun phọ Ịzirel, esi dị kuuseeny ghan ịmi. 8Kụ eḍighi ịyaar dị awe phọ Ịzirel kọnaghanan oomo ịtooghi phọ ạmi kụ ooko oomo Ologh phọ otelhedom ạmi Mozis ạngo bọ bịdi, bịn mị kámeera mọ ophorogh bịdi ọsighe sịphe ade phọ mị ạngo bọ bụrude ạburude ạbidi.” 9ẠManase aḍiemiom we phọ aJuda oḍighi ạraraar dị eeph epu ịpe areelhe phọ Ọmoogh-we phọ maphorogh bọ ạsighe de phọ mem mọ awe phọ ọdi rotu bọ.
ẠManase akiton esi ịkaraph ọdi
10Ghạlamo ịduon Ọmoogh-we phọ ạphur bọ rụru Mạnase rꞌawe phọ ọdi, bịdi úmeera ụ́naghan. 11Kụ Ọmoogh-we phọ aḍighi ịdi bụo ịtooghi awe ẹgham Asiria ozuom Juda ẹgham. Bịdi osiph Mạnase, ọkomoghi nyọdi siḅaph, ọghoroghiom nyọdi izime, kụ ọghimom nyọdi Bạbilon. 12Esi ọmiinom mọ kụ ẹdi ọdi asooromi loor, akiton aphogh Ẹnaan phọ ọdi Ọmoogh-we phọ, kụ ạlom pẹleeny esi ọdi. 13Ẹnaan ịnaghan ịiḅereghi phọ ạManase kụ aḍighi ịdi ọdi aḅula ẹpe Jeruselem kụ ạḅile ạda. Ịphen kụ iḍeenaan Mạnase mọ Ọmoogh-we kụ Ẹnaan phọ.
14Ịphen reru reten, ạManase aphophe iikpe dị emite erugh ạga emitenom erumuḍio Ẹmha aDevid, emiigh eniin esi sịphe eḍiiny phọ etuman bọ okol ạmuum aGihon ephunom esi phọ oghol bọ mọ Ọnhu-aḍibuo Ina, ḅịle ạga ẹmha phọ oghol bọ mọ Ofel. Ọdi ạmeremi kẹn ni ogbogh ọnyo ẹgham dị aphogh ḍita tọrobo ẹmha dị ọkparami ẹpe Juda. 15Ọdi ạsighiogh sịphe Otu Ịiḅereghi phọ iiruen ịkaanaan ạrumugh rꞌigbudu phọ ọdi asereghi bọ sịphe, rꞌarenmeny ạbuo aruru phọ ẹrol bọ ạnyu eegbolom Otu Ịiḅereghi phọ rꞌịnon ariisi sịphe Jeruselem; ọdi ạsighiogh oomo ạraraar phọ ịphen ạḍuanam sịphe ẹmha phọ kụ aroḅologhi. 16Ọdi ạḅile aselemi enmeny phọ esi phọ ooseeny ghan bọ Ọmoogh-we phọ, kụ ọdi aḍighi rịkia ẹboroph rꞌịpe ọsephom sịphe ạnyu phọ. Ọdi ạto ạngo oomo awe phọ aJuda mọ ooseeny Ọmoogh-we Ẹnaan phọ Ịzirel. 17Ghạlamo ịdipho awe phọ uḍighi ghan ni rịkia ịnon ariisi, bịdi uḍighi ghan ọngo Ọmoogh-we phọ bịn.
Ekureriom ọda phọ ạManase
(2 Ạbudaam 21.17-18)
18Oomo ịpheri phọ iiḍighi ạManase, ịiḅereghi ọdi esi Ẹnaan phọ ọdi, rꞌasidom mọ ariil phọ ọḅaanaan bọ nyọdi esi aḍien Ọmoogh-we Ẹnaan phọ Ịzirel, oomo phọ ịne ọge ni loor ạḍinya ịpe emiteghu bọ mem ạbudaam mọ Ịzirel. 19Ịiḅereghi ọdaam mọ rꞌọphagharanaan Ẹnaan phọ rꞌoomo ịkaraph phọ ọdi aḍighi yogh bọ kụ ọdi agbi bọ — ạsipioghom mọ ọdi, ariisi ịiḅereghi aruru, rꞌigbudu um-ạke Asera phọ dị ạḅologh bọ, rꞌịkaaneen ạrumugh phọ ọdi aaseeny ghan bọ — oomo phọ ịne ọge ni loor ạḍinya ạraghaaph ariil phọ. 20ẠManase amugh kụ oḍi nyọdi sịphe ogiga otu ọdaam mọ, kụ Ạmon ọony ọdi ạsighe ạgada ọdaam mọ ọdi.
Ọdaam Ạmon aJuda
(2 Ạbudaam 21.19-26)
21Ạmon ạman 22 ạsia mem dị ọdi aḍighi ọdaam aJuda, kụ ọdi ạda sịphe Jeruselem ịyal ạsia. 22Ịdipho ọde phọ ọdi Mạnase, ọdi aḍighi ni ịkaraph esi Ọmoogh-we phọ, kụ ọdi aaseeny ịkaaneen ạrumugh phọ ọde phọ ọdi aaseeny bọ. 23Esi dị ọdi ụ́kigh ọde ọdi, ọdi ósooromi loor okiton ophogh Ọmoogh-we phọ; ọdi ạpioghom apu ọde ọdi.
24Ạbuo iiḍighi phọ Ạmon ụmooghaan nyọdi ẹkaraph ezue kụ oghiigh nyọdi sịphe otu ọdaam mọ. 25Awe phọ aJuda ụze bụphe oghiigh bọ Ạmon kụ oḍighi mọony ọdi Josaya ọdaam.
Currently Selected:
2 Krọnikuls 33: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
2 Krọnikuls 33
33
ẠManase ọdaam mọ aJuda
(2 Ạbudaam 21.1-9)
1ẠManase ạman bọ ḍioph rꞌịyal ạsia kụ amiigh ọda aJuda, kụ ọdi ạda ẹpe Jeruselem ooghdi ạsia. 2#Jer 15.4Ọdaphan ẹkaraph eḍighinom ịyaar isa phọ areelhe phọ Ọmoogh-we phọ maphorogh bọ ạgbole sịphe ade phọ mem mọ awe phọ ọdi rotu bọ, ạManase ạpioghom iboom esi Ọmoogh-we phọ. 3Ọdi ạḅile aselemi riisi ooseeny aruru phọ ịpe ạHezekaya ọde phọ ọdi maphiemi bọ. Ọdi aḍighinaan renmeny ooseeny ghan aBaal, ạḅologh igbudu um-ạke Asera, kụ aaseeny rạanaan phọ. 4#2 Krọ 6.6Ọdi aḍighinaan renmeny iiruen ạrumugh ologhi Otu Ịiḅereghi phọ, esi phọ Ọmoogh-we phọ mạsaḅar bọ mọ ịsiphe kụ ẹdi ẹkpe ooseeny ọno kꞌagee-pọ. 5Sịphe ịyal phọ arurugh Otu Ịiḅereghi phọ ọdi asereghi renmeny ooseeny ghan ạraanaan phọ. 6Ọdi ạsighe nmụny ọdi ạphighironom ẹkia oguom ạnian sịphe Eḍiiny aHinom. Ọdi ạmaar idike rꞌịiḍaany, ạghi ghan sipuru kꞌariil ịmiin rꞌọḅaanaan aruwaloor. Ọdi ạpioghom ni iboom kụ ẹghagh ologhi Ọmoogh-we phọ. 7#1 Ạbud 9.3-5; 2 Krọ 7.12-18Kụ ọdi aseere igbudu sịphe Otu Ịiḅereghi phọ, esi phọ Ẹnaan ẹḅeni bọ Devid rꞌạSolomon ọony ọdi mọ, “Sịen Jeruselem, sịen Otu Ịiḅereghi phọ, kụ esi dị mị mạsaḅar sịphe oomo areelhe phọ aḍioph rꞌịyal arughunughun phọ Ịzirel, esi dị kuuseeny ghan ịmi. 8Kụ eḍighi ịyaar dị awe phọ Ịzirel kọnaghanan oomo ịtooghi phọ ạmi kụ ooko oomo Ologh phọ otelhedom ạmi Mozis ạngo bọ bịdi, bịn mị kámeera mọ ophorogh bịdi ọsighe sịphe ade phọ mị ạngo bọ bụrude ạburude ạbidi.” 9ẠManase aḍiemiom we phọ aJuda oḍighi ạraraar dị eeph epu ịpe areelhe phọ Ọmoogh-we phọ maphorogh bọ ạsighe de phọ mem mọ awe phọ ọdi rotu bọ.
ẠManase akiton esi ịkaraph ọdi
10Ghạlamo ịduon Ọmoogh-we phọ ạphur bọ rụru Mạnase rꞌawe phọ ọdi, bịdi úmeera ụ́naghan. 11Kụ Ọmoogh-we phọ aḍighi ịdi bụo ịtooghi awe ẹgham Asiria ozuom Juda ẹgham. Bịdi osiph Mạnase, ọkomoghi nyọdi siḅaph, ọghoroghiom nyọdi izime, kụ ọghimom nyọdi Bạbilon. 12Esi ọmiinom mọ kụ ẹdi ọdi asooromi loor, akiton aphogh Ẹnaan phọ ọdi Ọmoogh-we phọ, kụ ạlom pẹleeny esi ọdi. 13Ẹnaan ịnaghan ịiḅereghi phọ ạManase kụ aḍighi ịdi ọdi aḅula ẹpe Jeruselem kụ ạḅile ạda. Ịphen kụ iḍeenaan Mạnase mọ Ọmoogh-we kụ Ẹnaan phọ.
14Ịphen reru reten, ạManase aphophe iikpe dị emite erugh ạga emitenom erumuḍio Ẹmha aDevid, emiigh eniin esi sịphe eḍiiny phọ etuman bọ okol ạmuum aGihon ephunom esi phọ oghol bọ mọ Ọnhu-aḍibuo Ina, ḅịle ạga ẹmha phọ oghol bọ mọ Ofel. Ọdi ạmeremi kẹn ni ogbogh ọnyo ẹgham dị aphogh ḍita tọrobo ẹmha dị ọkparami ẹpe Juda. 15Ọdi ạsighiogh sịphe Otu Ịiḅereghi phọ iiruen ịkaanaan ạrumugh rꞌigbudu phọ ọdi asereghi bọ sịphe, rꞌarenmeny ạbuo aruru phọ ẹrol bọ ạnyu eegbolom Otu Ịiḅereghi phọ rꞌịnon ariisi sịphe Jeruselem; ọdi ạsighiogh oomo ạraraar phọ ịphen ạḍuanam sịphe ẹmha phọ kụ aroḅologhi. 16Ọdi ạḅile aselemi enmeny phọ esi phọ ooseeny ghan bọ Ọmoogh-we phọ, kụ ọdi aḍighi rịkia ẹboroph rꞌịpe ọsephom sịphe ạnyu phọ. Ọdi ạto ạngo oomo awe phọ aJuda mọ ooseeny Ọmoogh-we Ẹnaan phọ Ịzirel. 17Ghạlamo ịdipho awe phọ uḍighi ghan ni rịkia ịnon ariisi, bịdi uḍighi ghan ọngo Ọmoogh-we phọ bịn.
Ekureriom ọda phọ ạManase
(2 Ạbudaam 21.17-18)
18Oomo ịpheri phọ iiḍighi ạManase, ịiḅereghi ọdi esi Ẹnaan phọ ọdi, rꞌasidom mọ ariil phọ ọḅaanaan bọ nyọdi esi aḍien Ọmoogh-we Ẹnaan phọ Ịzirel, oomo phọ ịne ọge ni loor ạḍinya ịpe emiteghu bọ mem ạbudaam mọ Ịzirel. 19Ịiḅereghi ọdaam mọ rꞌọphagharanaan Ẹnaan phọ rꞌoomo ịkaraph phọ ọdi aḍighi yogh bọ kụ ọdi agbi bọ — ạsipioghom mọ ọdi, ariisi ịiḅereghi aruru, rꞌigbudu um-ạke Asera phọ dị ạḅologh bọ, rꞌịkaaneen ạrumugh phọ ọdi aaseeny ghan bọ — oomo phọ ịne ọge ni loor ạḍinya ạraghaaph ariil phọ. 20ẠManase amugh kụ oḍi nyọdi sịphe ogiga otu ọdaam mọ, kụ Ạmon ọony ọdi ạsighe ạgada ọdaam mọ ọdi.
Ọdaam Ạmon aJuda
(2 Ạbudaam 21.19-26)
21Ạmon ạman 22 ạsia mem dị ọdi aḍighi ọdaam aJuda, kụ ọdi ạda sịphe Jeruselem ịyal ạsia. 22Ịdipho ọde phọ ọdi Mạnase, ọdi aḍighi ni ịkaraph esi Ọmoogh-we phọ, kụ ọdi aaseeny ịkaaneen ạrumugh phọ ọde phọ ọdi aaseeny bọ. 23Esi dị ọdi ụ́kigh ọde ọdi, ọdi ósooromi loor okiton ophogh Ọmoogh-we phọ; ọdi ạpioghom apu ọde ọdi.
24Ạbuo iiḍighi phọ Ạmon ụmooghaan nyọdi ẹkaraph ezue kụ oghiigh nyọdi sịphe otu ọdaam mọ. 25Awe phọ aJuda ụze bụphe oghiigh bọ Ạmon kụ oḍighi mọony ọdi Josaya ọdaam.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS