2 Krọnikuls 32
32
Awe Asiria ọdegh Jeruselem
(2 Ạbudaam 18.13-37; 19.14-19, 35-37; Azaya 36.1-22; 37.8-38)
1Mem dị oomo phọ ịphen meten, dị ạHezekaya ọdaam mọ aḍuom ologhi Ọmoogh-we phọ, ạSenakerib, ọdaam eelhe phọ Asiria, azuom ni Juda ẹgham. Ọdi azuoghom rạmha phọ okpeki yogh bọ kụ ạto ạngo we ẹgham ọdi mọ olher iikpe phọ omitiom esi oten. 2Mem dị ạHezekaya ạmiin mọ ạSenakerib ạmoogh ịitughian ozuom aani Jeruselem, 3-4ọdi rꞌawe iiḍighi ọdi ọotughian osophom ịdi ạmuum kạ́ki ịphalagbal ẹmha phọ ọbo awe Asiria kọmoogh ghan bọ mụum mem dị bịdi osi otuman Jeruselem. Awe iiḍighi phọ oḍiemiom ḍigbogh aḍita awe omitenom kụ osophoghom tọrobo ariisi lọ kạḍua amite, bịn esi ị́tol mun dị ạmuum kakil. 5Ịlo ọkpaariom ẹmha phọ, ọdaam mọ aselemi ni oghoony iikpe, adoghoḍi iiphopha ariisi kụ ạḅile ạlogh iikpe amitiom erugh. Ẹdi etum, ọdi aselemi ịikpara ariisi phọ ịpe esele yogh bọ sịphe aḍigbaany ạḍighaagh aJeruselem ạga emitenom erumuḍio phọ. Ọdi ạḅile ạto mọ ọlhem ịbadibadi ịsoph rꞌịsuaram. 6Ọdi aḍighi ịdi oomo awe ẹmha phọ, ogbogh ọnyo ẹgham kụ aphogh ghan, kụ ạto mọ bịdi ookpomoghan sịphe erugh phọ etuman bọ ọnhu-aḍibuo ẹmha phọ. Ọdi ạḅeni bịdi mọ, 7“Ịnyaaghian kụ ẹkparami iloghi kụ kékiilaan ọdaam eelhe phọ Asiria rꞌawe ẹgham mọ ọdi aḍiemiom bọ. Ịnyaam ayira epu ịnyaam ọdi. 8Ịnyaam dị ọdi ạmoogh ẹḍua esi oye bịn; ịlo ayira ẹḍua Ọmoogh-we Ẹnaan phọ ayira dị kabianan ẹgham mọ ayira kụ ụphel iyira.” Ikpo ọnhu ọdaam mọ ịkparami ni iloghi awe phọ.
9Amem ẹman mem, mem dị ạSenakerib rꞌawe ẹgham mọ ọdi ọrol ẹpe Lakis, ọdi arom ni dom mọ ạḍien ạghiom Hẹzekaya rꞌawe aJuda bụphe ọrolan bọ rꞌọdi ẹpe Jeruselem mọ, 10“Mị ạSenakerib ogbogh ọdaam eelhe phọ Asiria rapuru ịyaar phọ ịngo bọ inyina ọokpara ologhi ọrol ghan ẹpe Jeruselem mọ mị makpobiom bọ. 11ẠHezekaya rịḅeni ghan inyina mọ Ọmoogh-we Ẹnaan phọ anyina kịphel inyina ạsighe esi ịnyaam ayoor, kụ ọlo ạHezekaya riikeleghi ni inyina kụ kaḍighi ịdi nyina kemugh ọkoony eḍien rꞌạmuum. 12Ọdi kụ alhereghi yogh bọ riisi ọphinyon ạrikia Ọmoogh-we phọ kụ ạḅeni we aJuda rꞌaJeruselem mọ ooseeny ghan kụ ọsu ịnsens ạnyu eniin enmeny bịn. 13Nyina ílegheri ịdi ạburude ạburude ạmi rꞌạmi moḍighi weye ịnon areelhe? Ịkaaneen ạrumugh ịnon areelhe irue ni ẹphel we ạbidi ẹsighe ḍịghaagh ogbogh ọdaam eelhe Asiria ḍụghum? 14Apuramem kụ ẹdi rꞌeniin ẹkaaneen ẹmugh areelhe phọ ịpe ẹphel bọ rạmha ạbidi ẹsighe ḍịghaagh ayoor? Kụ ika kụ ẹdi nyina ẹetughian bọ mọ ẹmugh dị nyina ẹmoogh kịphel inyina? 15Nyịidipho kémeera Hẹzekaya aakeleghi ọbo irelhiom inyina eten amuphe ịdipho. Kémeeraam nyọdi. Ẹmugh ẹnon eelhe kẹ̋phel ghan we ọdi ḍịghaagh ogbogh ọdaam eelhe phọ Asiria. Kụ ọkar agey, ẹmugh phọ anyina kétue ịphel inyina!”
16Awe iiḍighi ạbuo Asiria ụghaaph ghan rạraar dị eeph epu ịphen ịlo Ọmoogh-we Ẹnaan phọ rꞌạHezekaya otelhedom mọ Ọmoogh-we phọ. 17Ạḍinya dị ọdaam eelhe phọ ạge ịphue ni Ẹnaan phọ Ịzirel Ọmoogh-we phọ. Ịḅem ịduon, “Ạrumugh areelhe phọ kẹ̋phel ghan ghuḍum awe ạbidi ẹsighe ịikpo ạmi. Ḅịle kẹn, Ẹnaan phọ ạHezekaya kétue ẹpel we ọdi ẹsighe ḍịghaagh ạmi.” 18Ạbuo iiḍighi phọ ụlo ḍịolho ọnhu aHibru ọbo aḍiigu esiph we aJeruselem mọ ạbuphe ọrol bọ sịphe iikpe ẹmha phọ, ọbo edugh ọsighe ọmooghom ẹmha phọ. 19Bịdi ọghaaph ịlo Ẹnaan phọ aJeruselem iniin phọ areten phọ bịdi ọghaaph bọ ịlo ạrumugh ịnon areelhe, ịkaaneen ạrumugh dị oḍighinom rạghaagh oye.
20Pọ kụ amem dị ạHezekaya ọdaam mọ rꞌoyil Azaya ọony phọ Amoz ọoḅereghi Ẹnaan kụ omoghiom ọloghonaan ạḍighaagh. 21Ọmoogh-we phọ arom ni ọokpaany kꞌạke dị ạze we ẹgham mọ rꞌawe iiḍighi ạbuo Asiria phọ. Kụ ogbogh ọdaam mọ aḅula agheel Asiria rꞌumugholoor. Eniin aḍio mem dị ọdi aḍigh otu eru phọ ọdi, buniin alephiri ọdi ughiighom nyọdi rolhool ẹgham ạbidi.
22Ịduon kụ ẹdi Ọmoogh-we phọ ạtagharan Hẹzekaya rꞌawe aJeruselem esi ịnyaam ạSenakerib ọdaam eelhe phọ Asiria, rꞌesi ạbueri phọ ẹpomoghian ạbidi. 23Ịbadi awe uru ghan ni osi Jeruselem oḍighi ạrikia ọngo Ọmoogh-we phọ ḅịle rꞌọngo aruunmo Hẹzekaya, pịdi emiigh mem mọ ọpo kụ ẹghi risigh awe oomo areelhe ọngo Hẹzekaya rughuenian.
Émoon ạHezekaya rꞌophoophe aloor ọdi
(2 Ạbudaam 20.1-3, 12-19; Azaya 38.1-3; 39.1-8)
24Ọdo amem mọ ạmuen ạHezekaya ọdaam mọ ạrol émoon kụ ạwa omugh. Ọdi ạaḅereghi kụ Ọmoogh-we phọ amitiom eḍeenaan mọ ọdi kaḍum ni. 25Kụ ạHezekaya aphoophe loor iboom ọ́ḅeni mọ maḍighi esi ịpe Ọmoogh-we phọ maḍighinaan bọ nyọdi, kụ aJuda rꞌaJeruselem ọmiinom loor ịduon phọ. 26Ekureriom mọ, ịlo eḍighi eḍighi, ạHezekaya rꞌawe aJeruselem usooromi siloor ạbidi, kụ Ọmoogh-we phọ ọ́lhiom we phọ emuton mem dị ạHezekaya mamugh.
Ẹelha ạHezekaya rꞌeghuan ọdi
27ẠHezekaya ọdaam mọ ạmoogh ni eboom ẹelha, kụ tọrobo oye ạngo nyọdi eghuan. Ọdi ạto mọ ọlhoghoḍi ruutu dị osereghi ghan agol, silva, ịbekulari, rạraar ịma eḍu ịlo ịisa, ịsuaram, rꞌịnon ạraraar lọ ẹman mạar. 28Ịdi ẹḅaram, ọdi ạto mọ ọloghoḍi ruutu ookoom ghan ịbiakpa, ạmunum-ọliv; ariisi ịlo ạsinam ọdi; rꞌaroghoony iyool-ịga ọdi. 29Ghạlamo rꞌịphen phọ bịn, Ẹnaan ịngo nyọdi iyool-ịga rꞌạsinam rꞌeboom ẹelha dị ẹloghonaan ḍịghaagh omiteghom ịbadi ạramha. 30ẠHezekaya ọdaam mọ kụ asophoghom bọ okol ạmuum aGihon kụ ạkoghoron ọoye asiemi iikpe aJeruselem. ẠHezekaya aḍighi ni ạlogh ẹmhu tọrobo ịyaar lọ ọdi ạpham, 31Kụ ghạlamo amem ạruukpaany ọḍua bọ Bạbilon kụ oru olegheri ịlo imananaan phọ emite bọ sịphe ade phọ, Ẹnaan iḍighi ni ịdi ạHezekaya arelhe ẹlo ọdi esi ọmiin ẹzo phọ ọdi.
Ekureriom ọda phọ ạHezekaya
(2 Ạbudaam 20.20-21)
32Oomo ịpheri phọ iiḍighi ạHezekaya rꞌọkuom aloor ọdi esi Ọmoogh-we phọ, ọsighe ni ọgeeghi sịphe ạḍinya Ịmiin Oyil Azaya ọony phọ Amoz rꞌịsiphe ạḍinya ịpe emiteghu bọ mem ạbudaam mọ aJuda rꞌỊzirel. 33ẠHezekaya amugh kụ oḍi nyọdi ẹsiinyom ạga ariiḍi ạraalha. Oomo awe phọ aJuda rꞌaJeruselem ụngo ni nyọdi eboom eghuan mem aḍuugh phọ ọdi. ẠManase ọony ọdi kụ ạsighe ạgada ọdaam mọ ọdi.
Currently Selected:
2 Krọnikuls 32: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
2 Krọnikuls 32
32
Awe Asiria ọdegh Jeruselem
(2 Ạbudaam 18.13-37; 19.14-19, 35-37; Azaya 36.1-22; 37.8-38)
1Mem dị oomo phọ ịphen meten, dị ạHezekaya ọdaam mọ aḍuom ologhi Ọmoogh-we phọ, ạSenakerib, ọdaam eelhe phọ Asiria, azuom ni Juda ẹgham. Ọdi azuoghom rạmha phọ okpeki yogh bọ kụ ạto ạngo we ẹgham ọdi mọ olher iikpe phọ omitiom esi oten. 2Mem dị ạHezekaya ạmiin mọ ạSenakerib ạmoogh ịitughian ozuom aani Jeruselem, 3-4ọdi rꞌawe iiḍighi ọdi ọotughian osophom ịdi ạmuum kạ́ki ịphalagbal ẹmha phọ ọbo awe Asiria kọmoogh ghan bọ mụum mem dị bịdi osi otuman Jeruselem. Awe iiḍighi phọ oḍiemiom ḍigbogh aḍita awe omitenom kụ osophoghom tọrobo ariisi lọ kạḍua amite, bịn esi ị́tol mun dị ạmuum kakil. 5Ịlo ọkpaariom ẹmha phọ, ọdaam mọ aselemi ni oghoony iikpe, adoghoḍi iiphopha ariisi kụ ạḅile ạlogh iikpe amitiom erugh. Ẹdi etum, ọdi aselemi ịikpara ariisi phọ ịpe esele yogh bọ sịphe aḍigbaany ạḍighaagh aJeruselem ạga emitenom erumuḍio phọ. Ọdi ạḅile ạto mọ ọlhem ịbadibadi ịsoph rꞌịsuaram. 6Ọdi aḍighi ịdi oomo awe ẹmha phọ, ogbogh ọnyo ẹgham kụ aphogh ghan, kụ ạto mọ bịdi ookpomoghan sịphe erugh phọ etuman bọ ọnhu-aḍibuo ẹmha phọ. Ọdi ạḅeni bịdi mọ, 7“Ịnyaaghian kụ ẹkparami iloghi kụ kékiilaan ọdaam eelhe phọ Asiria rꞌawe ẹgham mọ ọdi aḍiemiom bọ. Ịnyaam ayira epu ịnyaam ọdi. 8Ịnyaam dị ọdi ạmoogh ẹḍua esi oye bịn; ịlo ayira ẹḍua Ọmoogh-we Ẹnaan phọ ayira dị kabianan ẹgham mọ ayira kụ ụphel iyira.” Ikpo ọnhu ọdaam mọ ịkparami ni iloghi awe phọ.
9Amem ẹman mem, mem dị ạSenakerib rꞌawe ẹgham mọ ọdi ọrol ẹpe Lakis, ọdi arom ni dom mọ ạḍien ạghiom Hẹzekaya rꞌawe aJuda bụphe ọrolan bọ rꞌọdi ẹpe Jeruselem mọ, 10“Mị ạSenakerib ogbogh ọdaam eelhe phọ Asiria rapuru ịyaar phọ ịngo bọ inyina ọokpara ologhi ọrol ghan ẹpe Jeruselem mọ mị makpobiom bọ. 11ẠHezekaya rịḅeni ghan inyina mọ Ọmoogh-we Ẹnaan phọ anyina kịphel inyina ạsighe esi ịnyaam ayoor, kụ ọlo ạHezekaya riikeleghi ni inyina kụ kaḍighi ịdi nyina kemugh ọkoony eḍien rꞌạmuum. 12Ọdi kụ alhereghi yogh bọ riisi ọphinyon ạrikia Ọmoogh-we phọ kụ ạḅeni we aJuda rꞌaJeruselem mọ ooseeny ghan kụ ọsu ịnsens ạnyu eniin enmeny bịn. 13Nyina ílegheri ịdi ạburude ạburude ạmi rꞌạmi moḍighi weye ịnon areelhe? Ịkaaneen ạrumugh ịnon areelhe irue ni ẹphel we ạbidi ẹsighe ḍịghaagh ogbogh ọdaam eelhe Asiria ḍụghum? 14Apuramem kụ ẹdi rꞌeniin ẹkaaneen ẹmugh areelhe phọ ịpe ẹphel bọ rạmha ạbidi ẹsighe ḍịghaagh ayoor? Kụ ika kụ ẹdi nyina ẹetughian bọ mọ ẹmugh dị nyina ẹmoogh kịphel inyina? 15Nyịidipho kémeera Hẹzekaya aakeleghi ọbo irelhiom inyina eten amuphe ịdipho. Kémeeraam nyọdi. Ẹmugh ẹnon eelhe kẹ̋phel ghan we ọdi ḍịghaagh ogbogh ọdaam eelhe phọ Asiria. Kụ ọkar agey, ẹmugh phọ anyina kétue ịphel inyina!”
16Awe iiḍighi ạbuo Asiria ụghaaph ghan rạraar dị eeph epu ịphen ịlo Ọmoogh-we Ẹnaan phọ rꞌạHezekaya otelhedom mọ Ọmoogh-we phọ. 17Ạḍinya dị ọdaam eelhe phọ ạge ịphue ni Ẹnaan phọ Ịzirel Ọmoogh-we phọ. Ịḅem ịduon, “Ạrumugh areelhe phọ kẹ̋phel ghan ghuḍum awe ạbidi ẹsighe ịikpo ạmi. Ḅịle kẹn, Ẹnaan phọ ạHezekaya kétue ẹpel we ọdi ẹsighe ḍịghaagh ạmi.” 18Ạbuo iiḍighi phọ ụlo ḍịolho ọnhu aHibru ọbo aḍiigu esiph we aJeruselem mọ ạbuphe ọrol bọ sịphe iikpe ẹmha phọ, ọbo edugh ọsighe ọmooghom ẹmha phọ. 19Bịdi ọghaaph ịlo Ẹnaan phọ aJeruselem iniin phọ areten phọ bịdi ọghaaph bọ ịlo ạrumugh ịnon areelhe, ịkaaneen ạrumugh dị oḍighinom rạghaagh oye.
20Pọ kụ amem dị ạHezekaya ọdaam mọ rꞌoyil Azaya ọony phọ Amoz ọoḅereghi Ẹnaan kụ omoghiom ọloghonaan ạḍighaagh. 21Ọmoogh-we phọ arom ni ọokpaany kꞌạke dị ạze we ẹgham mọ rꞌawe iiḍighi ạbuo Asiria phọ. Kụ ogbogh ọdaam mọ aḅula agheel Asiria rꞌumugholoor. Eniin aḍio mem dị ọdi aḍigh otu eru phọ ọdi, buniin alephiri ọdi ughiighom nyọdi rolhool ẹgham ạbidi.
22Ịduon kụ ẹdi Ọmoogh-we phọ ạtagharan Hẹzekaya rꞌawe aJeruselem esi ịnyaam ạSenakerib ọdaam eelhe phọ Asiria, rꞌesi ạbueri phọ ẹpomoghian ạbidi. 23Ịbadi awe uru ghan ni osi Jeruselem oḍighi ạrikia ọngo Ọmoogh-we phọ ḅịle rꞌọngo aruunmo Hẹzekaya, pịdi emiigh mem mọ ọpo kụ ẹghi risigh awe oomo areelhe ọngo Hẹzekaya rughuenian.
Émoon ạHezekaya rꞌophoophe aloor ọdi
(2 Ạbudaam 20.1-3, 12-19; Azaya 38.1-3; 39.1-8)
24Ọdo amem mọ ạmuen ạHezekaya ọdaam mọ ạrol émoon kụ ạwa omugh. Ọdi ạaḅereghi kụ Ọmoogh-we phọ amitiom eḍeenaan mọ ọdi kaḍum ni. 25Kụ ạHezekaya aphoophe loor iboom ọ́ḅeni mọ maḍighi esi ịpe Ọmoogh-we phọ maḍighinaan bọ nyọdi, kụ aJuda rꞌaJeruselem ọmiinom loor ịduon phọ. 26Ekureriom mọ, ịlo eḍighi eḍighi, ạHezekaya rꞌawe aJeruselem usooromi siloor ạbidi, kụ Ọmoogh-we phọ ọ́lhiom we phọ emuton mem dị ạHezekaya mamugh.
Ẹelha ạHezekaya rꞌeghuan ọdi
27ẠHezekaya ọdaam mọ ạmoogh ni eboom ẹelha, kụ tọrobo oye ạngo nyọdi eghuan. Ọdi ạto mọ ọlhoghoḍi ruutu dị osereghi ghan agol, silva, ịbekulari, rạraar ịma eḍu ịlo ịisa, ịsuaram, rꞌịnon ạraraar lọ ẹman mạar. 28Ịdi ẹḅaram, ọdi ạto mọ ọloghoḍi ruutu ookoom ghan ịbiakpa, ạmunum-ọliv; ariisi ịlo ạsinam ọdi; rꞌaroghoony iyool-ịga ọdi. 29Ghạlamo rꞌịphen phọ bịn, Ẹnaan ịngo nyọdi iyool-ịga rꞌạsinam rꞌeboom ẹelha dị ẹloghonaan ḍịghaagh omiteghom ịbadi ạramha. 30ẠHezekaya ọdaam mọ kụ asophoghom bọ okol ạmuum aGihon kụ ạkoghoron ọoye asiemi iikpe aJeruselem. ẠHezekaya aḍighi ni ạlogh ẹmhu tọrobo ịyaar lọ ọdi ạpham, 31Kụ ghạlamo amem ạruukpaany ọḍua bọ Bạbilon kụ oru olegheri ịlo imananaan phọ emite bọ sịphe ade phọ, Ẹnaan iḍighi ni ịdi ạHezekaya arelhe ẹlo ọdi esi ọmiin ẹzo phọ ọdi.
Ekureriom ọda phọ ạHezekaya
(2 Ạbudaam 20.20-21)
32Oomo ịpheri phọ iiḍighi ạHezekaya rꞌọkuom aloor ọdi esi Ọmoogh-we phọ, ọsighe ni ọgeeghi sịphe ạḍinya Ịmiin Oyil Azaya ọony phọ Amoz rꞌịsiphe ạḍinya ịpe emiteghu bọ mem ạbudaam mọ aJuda rꞌỊzirel. 33ẠHezekaya amugh kụ oḍi nyọdi ẹsiinyom ạga ariiḍi ạraalha. Oomo awe phọ aJuda rꞌaJeruselem ụngo ni nyọdi eboom eghuan mem aḍuugh phọ ọdi. ẠManase ọony ọdi kụ ạsighe ạgada ọdaam mọ ọdi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS