2 Krọnikuls 34
34
AJosaya ọdaam mọ aJuda
(2 Ạbudaam 22.1-2)
1 #
Jer 3.6
AJosaya ạman ọphaanya ạsia kụ aḍighi ọdaam aJuda, kụ ọdi ạda sịphe Jeruselem ịraardi rꞌoniin ạsia. 2Ọdi aḍighi ni ịdi ẹḅeeraan Ọmoogh-we phọ; ọdi ạdaph eḍighinom ịyaar aDevid ọde ọde ọdi kụ ạkuami aako oomo iilogh phọ Ẹnaan.
AJosaya akel ooseeny aruru
3Lhạ dị emuneniom ọphaanya, mem mọ aJosaya aḍighi bọ ọdaam, mem dị ọdi odi ni mọony, ọdi amiigh ooseeny Ẹnaan ọde ọde ọdi Devid ọdaam mọ. Inya ạsia kụ iten, bịn ọdi amiigh ọphueghi ariisi ịiḅereghi aruru phọ, igbudu um-ạke Asera phọ rꞌoomo ịpheri phọ igbudu phọ. 4#2 Ạbud 21.3; 2 Krọ 33.3Ọdi ạto ạḅeni we phọ ọdi mọ oḅomoghi renmeny dị ooseeny ghan Baal kụ ọphueghi renmeny ọsu ghan ịnsens phọ etuman bọ. Bịdi ọgbe oḍighi ọoru oomo ạraraar dị ọḅologh kụ ẹmeera esi Asera rꞌoomo ịpheri phọ igbudu phọ, kụ ooduḍi ọoru phọ ạnyu iiḍi awe dị moḍighi ghan ẹkia ọngo bịdi. 5#1 Ạbud 13.2Ọdi ạphophoghi ịḅarara ariil ạrikia aruru ạnyu arenmeny phọ bịdi mooseeny ghan bọ. Ịdipho phọ ọdi aḍighi ịdi aJuda rꞌaJeruselem ọḅile ọserere. 6Ọdi aḍighi eniin phọ eḍighinom mọ ẹpe ạramha phọ rꞌarikpisi phọ mepheeghu bọ Mạnase, rꞌIfraim, rꞌạSimion rꞌẹekela ephunom ạga ạNaftalai. 7Oomo eelhe arughunughun ạga ephunom mọ, ọdi aḅomoghi renmeny rꞌạraraar lọ eḍighi ịlo um-ạke Asera, ạgbe igbudu oḍighi ọoru, kụ aḅomoghi ạtughuḍi oomo arenmeny ọsu ghan ịnsens. Kụ agbi oḅula ẹpe Jeruselem.
Ḍịnya Ologh phọ mọmiin
(2 Ạbudaam 22.3-20)
8Lhạ dị emuneniom ḍioph rꞌọphaanya ọda phọ ọdi, mem dị ọdi makureri ooseeny ghan aruru, aḅoor de phọ rꞌOtu Ịiḅereghi phọ, aJosaya ọdaam mọ arom ni ịraar awe oselemi Otu Ịiḅereghi Ọmoogh-we Ẹnaan phọ: Safan ọony Azalaya, Maaseya uwo ẹmha aJeruselem, rꞌaJoa ọony aJoahaz, ogbogh ọnyo oḍighi. 9Ikpoki dị abukoriom aLivait ạanyi sịphe Otu Ịiḅereghi phọ, ụḅogh ọngo Hịlkaya ogbogh oyil ạrikia phọ. (Mạanyi ni rạghaagh awe Ifraim rꞌạManase rꞌạbudi orugh sịphe ọmar ạga ephunom mọ, ḅịle rꞌạraghaagh awe aJuda, Bẹnjamin, rꞌaJeruselem.) 10Ikpoki phọ ịphen ụḅogh ọngo ịraar awe phọ ọpham bọ oselemi Otu Ịiḅereghi phọ, kụ bịdi ọngo 11bụo ạmaka phọ rꞌạbuo ọlogh otu phọ mọ oghoom sighiigh rꞌireeny ọsighe kụ oselemiom ruutu phọ ạbudaam mọ aJuda mọwile bọ ẹphu. 12Awe phọ oḍighi bọ oḍighi phọ ọkar abugey awe. Inya ạbuo aLivai kụ uphogh ghan bịdi: aJahat rꞌObadaya bụo ọto aMerari, rꞌạZekaraya rꞌaMesulam bụo ọto aKohat. (Oomo ạbuo aLivai ụmaar igey iitia rꞌạsuor.) 13Buniin ạbuo aLivai urool ghan rạraar oḍighi, ọḍua esi osi ẹnon esi. Buniin uphogh ghan we dị ọpham iiḍighi kịrokiro. Buniin ugbiighi ghan ịlo roḍighi. Oḍighi ạbunon, ọmaar ophogh esi phọ.
14Mem dị ọsighe ikpoki phọ romitenom sịphe osoph eekoom mọ, ạHilkaya ạmiin ni ḍịnya Ologh Ọmoogh-we phọ, Ologh phọ Ẹnaan mẹngo bọ Mozis. 15Ọdi ạḅeni Safan mọ, “Mị mạmiin ni ḍịnya Ologh phọ sịen Otu Ịiḅereghi phọ.” Ọdi ạngo Safan ḍịnya phọ, 16kụ aSafan ạsighe ạghiomaan ọdaam mọ. Ọdi ạḅeni mọ, “Yoor moḍighi oomo ịpe nạ ạto bọ. 17Yoor mọsighe ikpoki phọ oseere bọ sịphe Otu Ịiḅereghi phọ ọḅogh ọngo we iiḍighi phọ rꞌạbuphe ropogh bọ bịdi.” 18Kụ ọdi ạloghom, “Mị ạpam ni sịen ḍịnya dị ạHilkaya ụngo ịmi.” Kụ ọdi ạal amitiom ạḅeni ọdaam mọ.
19Mem dị ọdaam mọ ạnaghan bọ ịpe edi bọ sịphe ạḍinya phọ, bịn ọdi ạphanyi rukpe ọdi loor ọto 20kụ ạto ịphen phọ ạngo Hịlkaya, ạngo Ahikam ọony aSafan, ạngo Abdon ọony aMikaya, ạngo Safan ọgeeghia ạrinya ịsiphe otu ọdaam mọ, ạḅile ạngo Asaya otelhedom ọdaam mọ mọ, 21“Ịki ipurunaan ịmi rꞌawe phọ osugha bọ Ịzirel rꞌaJuda ḍipuru esi Ọmoogh-we phọ, ẹwaaghi elegheri ịtughemi ạḍinya phọ ạḍien. Ọmoogh-we phọ rụghagham iyira ologhi loor esi dị ạburude ạburude ayira ụ́naghanan ikpo ọnhu Ọmoogh-we phọ kụ kőḍighi ịpe ạḍinya phọ ạḍien ẹḅem bọ mọ oḍigh.”
22Ọdaph ịlo ọdaam mọ, ạHilkaya rꞌạbueri phọ ụghi ọteeny ạnir dị oghol mọ aHulda, oyil dị arugh ẹpe emoom mọ ẹkpigh ẹmha phọ aJeruselem. (Olhom ọdi aSalum ọony aTikva rꞌọony ọony aHahas, ọdi kụ aphogh ghan rụsuoma Otu Ịiḅereghi phọ.) Bịdi ọghaaph ịpe emiteghu bọ ọḅeni nyọdi, 23kụ ọdi ạḅeni bịdi mọ oḅula ọghi kꞌọdaam mọ ọngo nyọdi 24dom mọ ạḍien dị ẹḍua esi Ọmoogh-we phọ: “Mị kạliom ni Jeruselem rꞌoomo awe phọ ọdi rꞌịgurughian phọ ọge bọ sịphe ạḍinya phọ ạal bọ ọḅeni ọdaam mọ. 25Bịdi mughel ịmi kụ oḍighi rịkia ọngo ịnon ạrumugh, kụ mosumeeny ophin ologhi ạmi esi oomo ịpe bịdi moḍighi bọ. Mọozaghami ophin ologhi ạmi esi aJeruselem, kụ kámeleghu. 26Ẹlo ọdaam rꞌaloor, ịphen kụ ẹdi mị Ọmoogh-we Ẹnaan phọ Ịzirel ạḅem: Nạ ụnaghan ni ịpe ọge bọ sịphe ạḍinya phọ, 27kụ nạ akiton kụ asooromi loor esi ạmi, ạphanyi rukpe ạna kụ amoghi mem dị nạ ạnaghan dị mị ạdegh ọliom aJeruselem rꞌawe ọdi. Mị mạnaghan ni ịiḅereghi ạna, 28kụ ọliom mọ mị katuom bọ Jeruselem kátu tụtu nạ amugh. Mị kameera ni nạ amugh rꞌẹepho.”
Kụ awe phọ ọghi ọghaaph ịphen phọ ọḅeni ọdaam mọ.
AJosaya aghir ịyo risigh Ọmoogh-we phọ
(2 Ạbudaam 23.1-20)
29AJosaya ọdaam mọ ạamaghagh oomo abuḍiemiom aJuda rꞌaJeruselem, 30kụ aḍita ạbidi ọghi ookpomoghan sịphe Otu Ịiḅereghi phọ. Ạbupinyon rịkia phọ rꞌạbuo aLivai rꞌoomo ạbueri phọ awe phọ, rạalha rꞌarukulom, ụdaph ni. Ghisigh oomo ạbidi, ọdaam mọ ạal amitiom oomo ạḍinya ịyo phọ ḍịphe ọmiin bọ Otu Ịiḅereghi phọ. 31Ọdi ạmeera atuman ẹko kụ aghir ịyo risigh Ọmoogh-we phọ ọnaghanan ghan ọdi, ọkuami ooko ghan iilogh rꞌịtooghi phọ rꞌoomo ologhi phọ ọdi rꞌuwaloor ọdi, rꞌọtuugh oḍighi oomo oromoghiom mọ ọkpaphariom bọ ịyo phọ, ịdipho ọge bọ sịphe ạḍinya phọ. 32Kụ ọdi aḍighi ịdi awe phọ ạBenjamin rꞌạtorobo oye dị ạrol Jeruselem aguanaan ooko ịyo phọ. Kụ awe phọ aJeruselem ọnaghanan ịpe edi bọ sịphe ịyo phọ bịdi moghiran bọ ghisigh Ẹnaan ạburude ạburude phọ ạbidi. 33AJosaya ọdaam mọ ạphueghi ịkaaneen ạraraar isa dị ẹrol eelhe phọ kụ eḍighi ịlo awe Ịzirel, kụ mem mọ ọdi ạrol bọ, ọdi ạkpaariom mọ awe phọ ọrolan rꞌẸnaan ạburude ạburude phọ ạbidi Ọmoogh-we.
Currently Selected:
2 Krọnikuls 34: ẠḌI
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS
2 Krọnikuls 34
34
AJosaya ọdaam mọ aJuda
(2 Ạbudaam 22.1-2)
1 #
Jer 3.6
AJosaya ạman ọphaanya ạsia kụ aḍighi ọdaam aJuda, kụ ọdi ạda sịphe Jeruselem ịraardi rꞌoniin ạsia. 2Ọdi aḍighi ni ịdi ẹḅeeraan Ọmoogh-we phọ; ọdi ạdaph eḍighinom ịyaar aDevid ọde ọde ọdi kụ ạkuami aako oomo iilogh phọ Ẹnaan.
AJosaya akel ooseeny aruru
3Lhạ dị emuneniom ọphaanya, mem mọ aJosaya aḍighi bọ ọdaam, mem dị ọdi odi ni mọony, ọdi amiigh ooseeny Ẹnaan ọde ọde ọdi Devid ọdaam mọ. Inya ạsia kụ iten, bịn ọdi amiigh ọphueghi ariisi ịiḅereghi aruru phọ, igbudu um-ạke Asera phọ rꞌoomo ịpheri phọ igbudu phọ. 4#2 Ạbud 21.3; 2 Krọ 33.3Ọdi ạto ạḅeni we phọ ọdi mọ oḅomoghi renmeny dị ooseeny ghan Baal kụ ọphueghi renmeny ọsu ghan ịnsens phọ etuman bọ. Bịdi ọgbe oḍighi ọoru oomo ạraraar dị ọḅologh kụ ẹmeera esi Asera rꞌoomo ịpheri phọ igbudu phọ, kụ ooduḍi ọoru phọ ạnyu iiḍi awe dị moḍighi ghan ẹkia ọngo bịdi. 5#1 Ạbud 13.2Ọdi ạphophoghi ịḅarara ariil ạrikia aruru ạnyu arenmeny phọ bịdi mooseeny ghan bọ. Ịdipho phọ ọdi aḍighi ịdi aJuda rꞌaJeruselem ọḅile ọserere. 6Ọdi aḍighi eniin phọ eḍighinom mọ ẹpe ạramha phọ rꞌarikpisi phọ mepheeghu bọ Mạnase, rꞌIfraim, rꞌạSimion rꞌẹekela ephunom ạga ạNaftalai. 7Oomo eelhe arughunughun ạga ephunom mọ, ọdi aḅomoghi renmeny rꞌạraraar lọ eḍighi ịlo um-ạke Asera, ạgbe igbudu oḍighi ọoru, kụ aḅomoghi ạtughuḍi oomo arenmeny ọsu ghan ịnsens. Kụ agbi oḅula ẹpe Jeruselem.
Ḍịnya Ologh phọ mọmiin
(2 Ạbudaam 22.3-20)
8Lhạ dị emuneniom ḍioph rꞌọphaanya ọda phọ ọdi, mem dị ọdi makureri ooseeny ghan aruru, aḅoor de phọ rꞌOtu Ịiḅereghi phọ, aJosaya ọdaam mọ arom ni ịraar awe oselemi Otu Ịiḅereghi Ọmoogh-we Ẹnaan phọ: Safan ọony Azalaya, Maaseya uwo ẹmha aJeruselem, rꞌaJoa ọony aJoahaz, ogbogh ọnyo oḍighi. 9Ikpoki dị abukoriom aLivait ạanyi sịphe Otu Ịiḅereghi phọ, ụḅogh ọngo Hịlkaya ogbogh oyil ạrikia phọ. (Mạanyi ni rạghaagh awe Ifraim rꞌạManase rꞌạbudi orugh sịphe ọmar ạga ephunom mọ, ḅịle rꞌạraghaagh awe aJuda, Bẹnjamin, rꞌaJeruselem.) 10Ikpoki phọ ịphen ụḅogh ọngo ịraar awe phọ ọpham bọ oselemi Otu Ịiḅereghi phọ, kụ bịdi ọngo 11bụo ạmaka phọ rꞌạbuo ọlogh otu phọ mọ oghoom sighiigh rꞌireeny ọsighe kụ oselemiom ruutu phọ ạbudaam mọ aJuda mọwile bọ ẹphu. 12Awe phọ oḍighi bọ oḍighi phọ ọkar abugey awe. Inya ạbuo aLivai kụ uphogh ghan bịdi: aJahat rꞌObadaya bụo ọto aMerari, rꞌạZekaraya rꞌaMesulam bụo ọto aKohat. (Oomo ạbuo aLivai ụmaar igey iitia rꞌạsuor.) 13Buniin ạbuo aLivai urool ghan rạraar oḍighi, ọḍua esi osi ẹnon esi. Buniin uphogh ghan we dị ọpham iiḍighi kịrokiro. Buniin ugbiighi ghan ịlo roḍighi. Oḍighi ạbunon, ọmaar ophogh esi phọ.
14Mem dị ọsighe ikpoki phọ romitenom sịphe osoph eekoom mọ, ạHilkaya ạmiin ni ḍịnya Ologh Ọmoogh-we phọ, Ologh phọ Ẹnaan mẹngo bọ Mozis. 15Ọdi ạḅeni Safan mọ, “Mị mạmiin ni ḍịnya Ologh phọ sịen Otu Ịiḅereghi phọ.” Ọdi ạngo Safan ḍịnya phọ, 16kụ aSafan ạsighe ạghiomaan ọdaam mọ. Ọdi ạḅeni mọ, “Yoor moḍighi oomo ịpe nạ ạto bọ. 17Yoor mọsighe ikpoki phọ oseere bọ sịphe Otu Ịiḅereghi phọ ọḅogh ọngo we iiḍighi phọ rꞌạbuphe ropogh bọ bịdi.” 18Kụ ọdi ạloghom, “Mị ạpam ni sịen ḍịnya dị ạHilkaya ụngo ịmi.” Kụ ọdi ạal amitiom ạḅeni ọdaam mọ.
19Mem dị ọdaam mọ ạnaghan bọ ịpe edi bọ sịphe ạḍinya phọ, bịn ọdi ạphanyi rukpe ọdi loor ọto 20kụ ạto ịphen phọ ạngo Hịlkaya, ạngo Ahikam ọony aSafan, ạngo Abdon ọony aMikaya, ạngo Safan ọgeeghia ạrinya ịsiphe otu ọdaam mọ, ạḅile ạngo Asaya otelhedom ọdaam mọ mọ, 21“Ịki ipurunaan ịmi rꞌawe phọ osugha bọ Ịzirel rꞌaJuda ḍipuru esi Ọmoogh-we phọ, ẹwaaghi elegheri ịtughemi ạḍinya phọ ạḍien. Ọmoogh-we phọ rụghagham iyira ologhi loor esi dị ạburude ạburude ayira ụ́naghanan ikpo ọnhu Ọmoogh-we phọ kụ kőḍighi ịpe ạḍinya phọ ạḍien ẹḅem bọ mọ oḍigh.”
22Ọdaph ịlo ọdaam mọ, ạHilkaya rꞌạbueri phọ ụghi ọteeny ạnir dị oghol mọ aHulda, oyil dị arugh ẹpe emoom mọ ẹkpigh ẹmha phọ aJeruselem. (Olhom ọdi aSalum ọony aTikva rꞌọony ọony aHahas, ọdi kụ aphogh ghan rụsuoma Otu Ịiḅereghi phọ.) Bịdi ọghaaph ịpe emiteghu bọ ọḅeni nyọdi, 23kụ ọdi ạḅeni bịdi mọ oḅula ọghi kꞌọdaam mọ ọngo nyọdi 24dom mọ ạḍien dị ẹḍua esi Ọmoogh-we phọ: “Mị kạliom ni Jeruselem rꞌoomo awe phọ ọdi rꞌịgurughian phọ ọge bọ sịphe ạḍinya phọ ạal bọ ọḅeni ọdaam mọ. 25Bịdi mughel ịmi kụ oḍighi rịkia ọngo ịnon ạrumugh, kụ mosumeeny ophin ologhi ạmi esi oomo ịpe bịdi moḍighi bọ. Mọozaghami ophin ologhi ạmi esi aJeruselem, kụ kámeleghu. 26Ẹlo ọdaam rꞌaloor, ịphen kụ ẹdi mị Ọmoogh-we Ẹnaan phọ Ịzirel ạḅem: Nạ ụnaghan ni ịpe ọge bọ sịphe ạḍinya phọ, 27kụ nạ akiton kụ asooromi loor esi ạmi, ạphanyi rukpe ạna kụ amoghi mem dị nạ ạnaghan dị mị ạdegh ọliom aJeruselem rꞌawe ọdi. Mị mạnaghan ni ịiḅereghi ạna, 28kụ ọliom mọ mị katuom bọ Jeruselem kátu tụtu nạ amugh. Mị kameera ni nạ amugh rꞌẹepho.”
Kụ awe phọ ọghi ọghaaph ịphen phọ ọḅeni ọdaam mọ.
AJosaya aghir ịyo risigh Ọmoogh-we phọ
(2 Ạbudaam 23.1-20)
29AJosaya ọdaam mọ ạamaghagh oomo abuḍiemiom aJuda rꞌaJeruselem, 30kụ aḍita ạbidi ọghi ookpomoghan sịphe Otu Ịiḅereghi phọ. Ạbupinyon rịkia phọ rꞌạbuo aLivai rꞌoomo ạbueri phọ awe phọ, rạalha rꞌarukulom, ụdaph ni. Ghisigh oomo ạbidi, ọdaam mọ ạal amitiom oomo ạḍinya ịyo phọ ḍịphe ọmiin bọ Otu Ịiḅereghi phọ. 31Ọdi ạmeera atuman ẹko kụ aghir ịyo risigh Ọmoogh-we phọ ọnaghanan ghan ọdi, ọkuami ooko ghan iilogh rꞌịtooghi phọ rꞌoomo ologhi phọ ọdi rꞌuwaloor ọdi, rꞌọtuugh oḍighi oomo oromoghiom mọ ọkpaphariom bọ ịyo phọ, ịdipho ọge bọ sịphe ạḍinya phọ. 32Kụ ọdi aḍighi ịdi awe phọ ạBenjamin rꞌạtorobo oye dị ạrol Jeruselem aguanaan ooko ịyo phọ. Kụ awe phọ aJeruselem ọnaghanan ịpe edi bọ sịphe ịyo phọ bịdi moghiran bọ ghisigh Ẹnaan ạburude ạburude phọ ạbidi. 33AJosaya ọdaam mọ ạphueghi ịkaaneen ạraraar isa dị ẹrol eelhe phọ kụ eḍighi ịlo awe Ịzirel, kụ mem mọ ọdi ạrol bọ, ọdi ạkpaariom mọ awe phọ ọrolan rꞌẸnaan ạburude ạburude phọ ạbidi Ọmoogh-we.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2018 ALDLS
Abuan Language Development and Literacy Society
Ayama-Abua, Rivers State, Nigeria
Published by
NBTT
Nigeria Bible Translation Trust
No. 7 Old Airport Road
P.O. Box 790, Jos Plateau State, Nigeria
ISBN: 978-978-966-354-5
In cooperation with
MIDI BIBLE
Ch. de Praz-Roussy 4b, 1032 Romanel-sur-Lausanne, Switzerland
The New Testament in Abuan was originally published
in 1978 by The Bible Society of Nigeria with © UBS