ROM 12

Iyi Ụrụpɛ Uumwa

1A-miaụŋ-mo-bino mi na amɛ Krast, Ma hi lụpa tedure ni inyɛmɛnyɛmɛ tu nɛ Agwatana hieci, maa hi mama shɛkanɛ Agwatana gana iyi ụrụpɛ Uumwa, inɛɛ nɛ ee shiri swooŋ, nɛ ya kwulana Agwatana tebiye, inɛ ɛtɛ i shɛ tɛzhɛba tu na ti zhɛ ta banɛ na shɛmɛ shi hiŋ. 2Ta sha ma gana na atwa unyizo ga#12:2 atwa unyizo ga: Kwo kaa, usara ga. shɛ o, ama ga ahaŋsa ufwo na ee hi shiyeneni na amɛ hiŋ no hi sheyingo maa hi beni swooŋ, iwɛ maa hi na manga keeni maa hi na mapa ukwulana wa Agwatana na shɛ una ubiye, na wa kwulana bu, keeni unaa na ulwa kpaaŋ.

3Iwɛnɛ po tedure no tulubo-ti-biye tu na Agwatana m peni, ibɛ po Omo mbiso bụtụ be elele na namɛ na ashashɛ hiŋ maa kede bu na haŋsa ahaŋsa iwɛ ikɛnyi ibwɛ uhwuri gana na ga lanɛ maa haŋsa o. Ama ga ahaŋsa na baa haŋsa na amɛ ubwa na sha ahaŋsa na namɛ fwaaŋ, gana na ta Agwatana peni bụtụ bụtụ bimenji be rishe-tɛtɛtana. 4Okwo ta ti 'yajɛ itwɛ ifwugwo na tu'waba tu ga tu ko, ama ugondu na kaa itwɛ ɛtɛ ofwugwo ya nda shɛ shɛ uko.#1 Kor 12:12 5Gana go du yaa shɛ, okwo ta tɛ shɛ atwa ofwugwo na amɛ tu'waba tu Krast, bụtụ bụtụ kaa shɛ itwɛ tu'waba swoswoswo na binya bwa. 6Gana na ati 'yajɛ apwaŋ swoswoswo tedure no tulubo-ti-biye tu na Agwatana iti peni, okwo yaa shɛ tigesere, ge tigesere tu na ata duma tu no tono cɛŋ ne rishe-tɛtɛtana ru tu;#12:6 ne rishe-tɛtɛtana ru tu: Abayiburu oko hiɛŋ, ne rishe-tɛtɛtana ru bwa. #1 Kor 12:4-11 7okwo yaa shɛ iyi tɛndana bụtụ, ga tu na untangana iyi tɛndana bụtụ, okwo yaa shɛ imbisegeni, go tu no momo sho ni imbisegeni ɛtɛ; 8okwo yaa shɛ ikɛnyi tuta atwa vwɛ, ga mama pana ni ikɛnyi tuta atwa vwɛ; bụtụ na ba pana atwa vwɛ iyi, ga bu na pana duwa duwa; bụtụ na shɛ uhiu, ga bu na nda iŋ ne egiri-tula; bụtụ na bo hioko inyɛmɛnyɛmɛ ya atwa, go bu no hioko iŋ nu unyasa.

9Kede tulubo tɛ shɛ na tɛnda-te-eshe o. No imo ma iyi iwɛ duwa; ama na untangana ma iyi ibiye tɛnda tebiye. 10Go tulubo tu na ohio lubo miaụŋ-mo-bino hiŋ, tu na sha tulubo tu na ti mepi iwɛ; na mama munanụ ma ụjɛrụma te zeci uhwuri unaa na abu 'yajɛ ni ikɛnyi bu. 11Ta sha ma aruna o, ama na la ma egiri, ga mpiala mu no vwongongo na shɛmɛ shi hiŋ, na ndana ma Agwangwama iyi. 12Na nda ma unyasa na ashɛlatụ tɛnda; ima ma isɛbwɛ nu ụbaụta; uranga ma tishikono dimi na adua tɛnda. 13Na pana ma atwa tijilo iyi nɛ ya shana aŋ ukekeshi; na ima ma aganyi.

14Na nda ma atwa na ma hi shɛka uwebiye; na nda ma atwa uwebiye, ama ta na twaga ma atwa o.#Mat 5:44; Luk 6:28 15Na nda ma unyasa na atwa na a nda unyasa, na twa ma u'wo na atwa na a twa-u'wo. 16Na 'yaga ma ahaŋsa oko na anya hiŋ; ta na mama sata ma o, ama na mama imanụ ma na atwa na meme zucinje.#12:16 na atwa na meme zucinje: Kwo kaa na nda ma ugondu na gwumwa uzoto nu ụjɛrụma, kwo kaa na ta ma tiyejilo na atwa tukwakwa a na shɛ shɛ atwa ụjɛrụma duwa. #Eshi 3:7 Ta na mama shana ma egwoni o. 17Ta na tụpana ma bụtụ be elele iyi iwɛ nɛ baa hiɛ njɛ o. Ama no shiyono ma ahaŋsa hiŋ ni iyi ibiye tɛnda no ofwo atwa kpaaŋ. 18Yaa shɛ yee ge cimi, iyi elele nɛ i'elɛ hiŋ namɛ ni ibɛ, ga amɛ-olom nama na ashashɛ hiŋ na atwa kpaaŋ. 19Ahiɛba atwa tulubo, ta na mama tupanana ma tụlụkpashɛ o, ama na muna ma isɛbwɛ ya Agwatana ohwolu#12:19 muna isɛbwɛ ya Agwatana ohwolu: Kwo kaa, pana ohwolu. maa i na tụpana iŋ,#12:19 maa i na tụpana iŋ: Abayiburu oko hiɛŋ, ga shɛ isɛbwɛ ya Agwatana njɛ iŋ, kwo kaa ga Agwatana njɛ itɛpwɛ, kwo kaa tupanɛ. #Undwa 32:35 iwɛnɛ ti yee 'nyeci, yɛɛ hiɛŋ, Agwangwama hiɛŋ, Gamba N zhɛ ma hi tupanana tụlụkpashɛ. 20Ama yaa shɛ imunɛ ya kwụna bụtụ bi i'ime bu, pana bu iyimɛyɛ maa ya; yaa shɛ kaa i'uyɛ gwụmɛ bu, pana bu meni maa swa. Ta ba nda bata gana ata, i shɛ gana akanga ulwa aba tagana bu nu uhiuhiu.#Eshi 25:21,22 21To no lono ma maa iyi iwɛ ihi lasụ o, ama ga shɛ ahiɛba hia lasụ iyi iwɛ ni iyi ibiye nɛ ahia nda.

Currently Selected:

ROM 12: RBT

Highlight

Copy