Popular Bible Verses from ROM 12

Share

Ta sha ma gana na atwa unyizo ga shɛ o, ama ga ahaŋsa ufwo na ee hi shiyeneni na amɛ hiŋ no hi sheyingo maa hi beni swooŋ, iwɛ maa hi na manga keeni maa hi na mapa ukwulana wa Agwatana na shɛ una ubiye, na wa kwulana bu, keeni unaa na ulwa kpaaŋ.

A-miaụŋ-mo-bino mi na amɛ Krast, Ma hi lụpa tedure ni inyɛmɛnyɛmɛ tu nɛ Agwatana hieci, maa hi mama shɛkanɛ Agwatana gana iyi ụrụpɛ Uumwa, inɛɛ nɛ ee shiri swooŋ, nɛ ya kwulana Agwatana tebiye, inɛ ɛtɛ i shɛ tɛzhɛba tu na ti zhɛ ta banɛ na shɛmɛ shi hiŋ.

Na nda ma unyasa na ashɛlatụ tɛnda; ima ma isɛbwɛ nu ụbaụta; uranga ma tishikono dimi na adua tɛnda.

To no lono ma maa iyi iwɛ ihi lasụ o, ama ga shɛ ahiɛba hia lasụ iyi iwɛ ni iyi ibiye nɛ ahia nda.

Go tulubo tu na ohio lubo miaụŋ-mo-bino hiŋ, tu na sha tulubo tu na ti mepi iwɛ; na mama munanụ ma ụjɛrụma te zeci uhwuri unaa na abu 'yajɛ ni ikɛnyi bu.

Kede tulubo tɛ shɛ na tɛnda-te-eshe o. No imo ma iyi iwɛ duwa; ama na untangana ma iyi ibiye tɛnda tebiye.

Yaa shɛ yee ge cimi, iyi elele nɛ i'elɛ hiŋ namɛ ni ibɛ, ga amɛ-olom nama na ashashɛ hiŋ na atwa kpaaŋ.

Ahiɛba atwa tulubo, ta na mama tupanana ma tụlụkpashɛ o, ama na muna ma isɛbwɛ ya Agwatana ohwolu maa i na tụpana iŋ, iwɛnɛ ti yee 'nyeci, yɛɛ hiɛŋ, Agwangwama hiɛŋ, Gamba N zhɛ ma hi tupanana tụlụkpashɛ.

Ta sha ma aruna o, ama na la ma egiri, ga mpiala mu no vwongongo na shɛmɛ shi hiŋ, na ndana ma Agwangwama iyi.

Iwɛnɛ po tedure no tulubo-ti-biye tu na Agwatana m peni, ibɛ po Omo mbiso bụtụ be elele na namɛ na ashashɛ hiŋ maa kede bu na haŋsa ahaŋsa iwɛ ikɛnyi ibwɛ uhwuri gana na ga lanɛ maa haŋsa o. Ama ga ahaŋsa na baa haŋsa na amɛ ubwa na sha ahaŋsa na namɛ fwaaŋ, gana na ta Agwatana peni bụtụ bụtụ bimenji be rishe-tɛtɛtana.

Ta na tụpana ma bụtụ be elele iyi iwɛ nɛ baa hiɛ njɛ o. Ama no shiyono ma ahaŋsa hiŋ ni iyi ibiye tɛnda no ofwo atwa kpaaŋ.

Na 'yaga ma ahaŋsa oko na anya hiŋ; ta na mama sata ma o, ama na mama imanụ ma na atwa na meme zucinje. Ta na mama shana ma egwoni o.

Ama yaa shɛ imunɛ ya kwụna bụtụ bi i'ime bu, pana bu iyimɛyɛ maa ya; yaa shɛ kaa i'uyɛ gwụmɛ bu, pana bu meni maa swa. Ta ba nda bata gana ata, i shɛ gana akanga ulwa aba tagana bu nu uhiuhiu.

Na nda ma atwa na ma hi shɛka uwebiye; na nda ma atwa uwebiye, ama ta na twaga ma atwa o. Na nda ma unyasa na atwa na a nda unyasa, na twa ma u'wo na atwa na a twa-u'wo.

Na pana ma atwa tijilo iyi nɛ ya shana aŋ ukekeshi; na ima ma aganyi.

Okwo ta ti 'yajɛ itwɛ ifwugwo na tu'waba tu ga tu ko, ama ugondu na kaa itwɛ ɛtɛ ofwugwo ya nda shɛ shɛ uko. Gana go du yaa shɛ, okwo ta tɛ shɛ atwa ofwugwo na amɛ tu'waba tu Krast, bụtụ bụtụ kaa shɛ itwɛ tu'waba swoswoswo na binya bwa.