ỤBANỤ 26
26
Tɛnda tu Udulo Tugwuno
(Ụban 36:8-38)
1Nda udulo ata tugwuno na abarɛ tugwuno umpwa; go tugwuno tu bwa tɛ shɛ ni ilinɛn nɛ aa hiɛŋshɛ tanɛ tanɛ, ni ihwehwe uduhwa wa ababa keeni uduhwa ushenje keeni inɛ ishenje howuu. Ga atwa na shɛ egwoni ugondu i'ɛlɛ a njɛ iyi-uumwa ya apiambɛ nɛ 'yajɛ apɛshɛka bụtụ na tuba. 2Ga ụnjɛswa we ekpere tuba una una ụ shɛ bimenji bi imbele i'ɛlɛ woshi-ni-bɛ-tindɛtu, go uholo una una ụ shɛ bimenji bi imbele i'ɛlɛ ineshi. Go tugwuno ta ata kpaaŋ tɛ shɛ bimenji bu ko. 3Togono ekpere tugwuno ta ata na anya. Gana ata du ɛbi zhɛ ba nda ne ekpere anya a na vwɛ. 4Bɛ shɛ ba nda ilifwe uduhwa ni izhɛmi ukpere tugwuno ta ata ee berishiji nu ukwunanga tutogotogwu ta tuba ti yebi. 5Ge ilifwe ɛtɛ i shɛ dupu no tutogotogwu te ekpere tugwuno ta ata tu ko, ndaanana ilife dupu ni izhɛmi tutogotogwu te ekpere tugwuno ta ata ti yebi; ge ilife ɛtɛ mama ngbarakanụ. 6Bɛ shɛ ba nda tusotulongonu ta tuba dupu na azhɛnarɛya, iwɛ maa tegeni tugwuno ta ata no tusotulongonu ta tuba iwɛ maa udulo ata tugwuno ụ shɛ uko hwɛɛ.
7Bɛ shɛ ba ndana udulo ata tugwuno tu'urugono na azuba, ne ekpere umpwa-nu-boo-ko ne tihiŋzhe ti iyweywe. 8Ga ụnjɛswa we ekpere ata una una ụ shɛ bimenji bi imbele i'ɛlɛ talacɛ, go uholo we ekpere ata una una ụ shɛ bimenji bi imbele i'ɛlɛ ineshi. Ge ekpere ata umpwa-nu-boo-ko a shɛ bimenji bu ko. 9Bɛ shɛ kaa bo sugo ekpere ata maa tegeni na anya, maa sugeneni ekpere ecihiŋ maa tegeni na anya swooŋ, bɛ shɛ kaa bo kwungwulo ekpere ata ecihiŋ tụpa ti yebi nu umbe udulo ata tugwuno. 10Bɛ shɛ ba nda ilife dupu ni izhɛmi ye ekpere tugwuno ta ata ee tegeni na ti nya, keeni ilife dupu ne ekpere tugwuno ti yebi tu na ee tegeni na ti nya. 11Bɛ shɛ ba nda tusotulonu ta ata dupu nu utumburɛ, maa hwuŋtengeni tu ni ilife ɛtɛ, nazhɛ tegeni udulo ata u tugwuno nu unya maa ụ shɛ uko hwɛɛ to tu'urugono ta ata tu bwa. 12Nazhɛ swata tugwuno te ebe ee ge berishiji tụ vwɛ nu udulo tugwuno, ibɛ shɛ ekpere ata ga vwɛ maa e ubi aba ohwolu ata tijilo. 13Nazhɛ ge bimenji bo ombolo u'ala oko nama nụ ụzalụ ubwa uko, maa bimenji bo ombolo u'ala oko nama nụ ụzalụ uyebi ubwa, ibɛ shɛ tuvwa tụ ụnjɛswa tugwuno ta ata ee berishiji, tu gata tu hwuri udulo tugwuno, ti zhɛ ta swata na azuba maa tu urigeni ohwolu ata tijilo zalụ hweehwe, ti hileni ye keeni hileni na. 14Nazhɛ bɛ shɛ ba nda iyi tu'urugono tu udulo ata ni i'wɛbɛ ya adagba nɛ a kwụnɛ iyi ishenje, bɛ shɛ ba shapa u'waba biywoywo maa njɛ iyi nɛ zhɛ yo urugono inɛ ɛtɛ na azuba.
15Ndana ohwolu ata tijilo shɛkpada no ogbogolo ụ'wụ'wụ we ekeshia maa shikicinji uŋ. 16Ga ụnjɛswa wa akpada ata ụ shɛ bimenji bi imbele i'ɛlɛ umpwa, go uholo ubwa ụ shɛ bimenji bo ombolo u'ala oko na ashashɛ. 17Ga akpada elele 'yaga tibiakwụ ti yeyebi, maa ti teni cɛŋ na ti nya. Gana ɛbi zhɛ ba nda shɛkpada sho ohwolu ata tijilo kpaaŋ ta. 18Nda shɛkpada woshi iwɛ ohwolu ata tijilo iwɛ ụzalụ tuta. 19Bɛ shɛ kaa ba nda akwụka buhanda na azụrụfa iwɛ tishikocongo ta shɛkpada sha ata woshi na azuba aba, akwụka eyebi a shɛ a nama tuta ta akpada oko. Ga akwụka eyebi namanana tuta ta akpada anya iwɛ titocingo ta tibiakwụ ta ata ti yebi. 20Ga shɛkpada woshi shɛ nama iwɛ ohwolu ata tijilo na bu'aŋbụ bi yebi bụ ụzalụ tuzuba, 21akwụka ata buhanda aa njɛ na azụrụfa, ge eyebi nama tuta ta akpada elele. 22Nda shɛkpada shi cihiŋ iwɛ ekwunyi ohwolu ata tijilo zalụ bu uwaŋna-twonuo. 23Nda shɛkpada shi yebi iwɛ esugwulumi ohwolu ata tijilo na namɛ ne ekwnyi ubwa; 24akatakpa aba zhɛ o bogotogwu na anya tuta, hwɛɛ ibɛ iyebi tuba zhɛ yo togwu na bukanɛ ata ba azuba bu ko. Gana yɛɛ zhɛ ya nama zalụ hweehwe ne esugwulumi ibɛ eyebi ta. 25Shɛkpada sha ata shɛ shɛ sha nama shɛ tụndatụ, keeni akwụka azụrụfa umpwa-na-ba-ecihiŋ, akwụka ata a shɛ a nama tuta ta akpada elele.
26Bɛ shɛ kaa ba shaba imbele nụ ụ'wụ'wụ we ekeshia, imbele itɛ i shɛ iwɛ shɛkpada shɛ na shɛ namɛ zalụ bu ko bo ohwolu ata tijilo. 27Imbele itɛ i shɛ iwɛ shɛkpada shɛ na shɛ namɛ zalụ yebi bo ohwolu ata tijilo. Imbele ɛtɛ i shɛ iwɛ akpada na namɛ zalụ be ekwunyi bu uwaŋna-twonuo bo ohwolu ata tijilo. 28Go ombolo ata namɛ na ashashɛ shɛkpada sha ata beni nu ukwunanga uko maa e zhe tutu ukwunanga uyebi. 29Bɛ shɛ ba swana shɛkpada sha ata azhɛnarɛya maa ndanɛ shụ du tɛkanɛ ta azhɛnarɛya, no ofwo ata imbele ɛtɛ zhɛ yo hwuŋtongono. Bɛ shɛ ba swana imbele ɛtɛ azhɛnarɛya. 30Bɛ shɛ kaa bo shikicingo ohwolu ata tijilo gana na Ngee bi mbiseni ni Ishɛmɛ gɛ.
31Bɛ shɛ kaa bo sugo ihwehwe uduhwa wa ababa, ni inɛ uduhwa ushenje, keeni inɛ ishenje howuu, keeni ihwehwe ilinɛn nɛ aa hiɛŋshɛ tanɛ tanɛ maa njɛ tugwuno ta tuswata no odubo. Ge egwoni ugondu i'ɛlɛ a njɛ iyi-uumwa ya apiambɛ na tuba. 32Bɛ shɛ kaa ba swata tụ na atukpa i'wɛ'wɛ ye ekeshia ineshi nɛ e sweni azhɛnarɛya a na kaa patanɛ na akwụka eneshi a na aa njɛ na azụrụfa, ge ekwoshi aba a shɛ azhɛnarɛya. 33Bɛ shɛ kaa ba swata tugwuno ta ata ti tɛjɛlanɛ, nazhɛ tecinje ikpɛtɛ unu-tutwa na amɛ tugwuno ta ata ti tɛjɛlanɛ; nazhɛ tugwuno ta ata ti tɛjɛlanɛ ti zhɛ to bogwu ohwolu tijilo na a na tijilo me tijilo.#Ehib 6:19; 9:3-5 34Bɛ shɛ ba patana ajɛjɛ ata inyɛmɛnyɛmɛ na azuba Ikpɛtɛ ɛtɛ Unu-tutwa no ohwolu ata tijilo me tijilo. 35Bɛ shɛ kaa bo sho uteburu ata zalụ tuzuba to tupohondo to tugwuno ta ata ti tɛjɛlanɛ, go uteburu ụsụtụla tuba nama tuta to ohwolu ata tijilo.
36Bɛ shɛ kaa ba nda tugwuno tu tuswata no odubo udulo ata tugwuno ni ihwehwe uduhwa wa ababa keeni uduhwa ushenje keeni inɛ ishenje howuu keeni ilinɛn nɛ aa hiɛŋshɛ tanɛ tanɛ maa e zweni tu irikwi. 37Bɛ shɛ kaa ba shaba atukpa a ta nụ ụ'wụ'wụ we ekeshia iwɛ tugwuno tu tuswata no odubo, maa sweni aŋ azhɛnarɛya. Ge ekwepi aba a shɛ du azhɛnarɛya. Ndana aŋ akwụka a ta nu utumburɛ.
Currently Selected:
ỤBANỤ 26: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
ỤBANỤ 26
26
Tɛnda tu Udulo Tugwuno
(Ụban 36:8-38)
1Nda udulo ata tugwuno na abarɛ tugwuno umpwa; go tugwuno tu bwa tɛ shɛ ni ilinɛn nɛ aa hiɛŋshɛ tanɛ tanɛ, ni ihwehwe uduhwa wa ababa keeni uduhwa ushenje keeni inɛ ishenje howuu. Ga atwa na shɛ egwoni ugondu i'ɛlɛ a njɛ iyi-uumwa ya apiambɛ nɛ 'yajɛ apɛshɛka bụtụ na tuba. 2Ga ụnjɛswa we ekpere tuba una una ụ shɛ bimenji bi imbele i'ɛlɛ woshi-ni-bɛ-tindɛtu, go uholo una una ụ shɛ bimenji bi imbele i'ɛlɛ ineshi. Go tugwuno ta ata kpaaŋ tɛ shɛ bimenji bu ko. 3Togono ekpere tugwuno ta ata na anya. Gana ata du ɛbi zhɛ ba nda ne ekpere anya a na vwɛ. 4Bɛ shɛ ba nda ilifwe uduhwa ni izhɛmi ukpere tugwuno ta ata ee berishiji nu ukwunanga tutogotogwu ta tuba ti yebi. 5Ge ilifwe ɛtɛ i shɛ dupu no tutogotogwu te ekpere tugwuno ta ata tu ko, ndaanana ilife dupu ni izhɛmi tutogotogwu te ekpere tugwuno ta ata ti yebi; ge ilife ɛtɛ mama ngbarakanụ. 6Bɛ shɛ ba nda tusotulongonu ta tuba dupu na azhɛnarɛya, iwɛ maa tegeni tugwuno ta ata no tusotulongonu ta tuba iwɛ maa udulo ata tugwuno ụ shɛ uko hwɛɛ.
7Bɛ shɛ ba ndana udulo ata tugwuno tu'urugono na azuba, ne ekpere umpwa-nu-boo-ko ne tihiŋzhe ti iyweywe. 8Ga ụnjɛswa we ekpere ata una una ụ shɛ bimenji bi imbele i'ɛlɛ talacɛ, go uholo we ekpere ata una una ụ shɛ bimenji bi imbele i'ɛlɛ ineshi. Ge ekpere ata umpwa-nu-boo-ko a shɛ bimenji bu ko. 9Bɛ shɛ kaa bo sugo ekpere ata maa tegeni na anya, maa sugeneni ekpere ecihiŋ maa tegeni na anya swooŋ, bɛ shɛ kaa bo kwungwulo ekpere ata ecihiŋ tụpa ti yebi nu umbe udulo ata tugwuno. 10Bɛ shɛ ba nda ilife dupu ni izhɛmi ye ekpere tugwuno ta ata ee tegeni na ti nya, keeni ilife dupu ne ekpere tugwuno ti yebi tu na ee tegeni na ti nya. 11Bɛ shɛ ba nda tusotulonu ta ata dupu nu utumburɛ, maa hwuŋtengeni tu ni ilife ɛtɛ, nazhɛ tegeni udulo ata u tugwuno nu unya maa ụ shɛ uko hwɛɛ to tu'urugono ta ata tu bwa. 12Nazhɛ swata tugwuno te ebe ee ge berishiji tụ vwɛ nu udulo tugwuno, ibɛ shɛ ekpere ata ga vwɛ maa e ubi aba ohwolu ata tijilo. 13Nazhɛ ge bimenji bo ombolo u'ala oko nama nụ ụzalụ ubwa uko, maa bimenji bo ombolo u'ala oko nama nụ ụzalụ uyebi ubwa, ibɛ shɛ tuvwa tụ ụnjɛswa tugwuno ta ata ee berishiji, tu gata tu hwuri udulo tugwuno, ti zhɛ ta swata na azuba maa tu urigeni ohwolu ata tijilo zalụ hweehwe, ti hileni ye keeni hileni na. 14Nazhɛ bɛ shɛ ba nda iyi tu'urugono tu udulo ata ni i'wɛbɛ ya adagba nɛ a kwụnɛ iyi ishenje, bɛ shɛ ba shapa u'waba biywoywo maa njɛ iyi nɛ zhɛ yo urugono inɛ ɛtɛ na azuba.
15Ndana ohwolu ata tijilo shɛkpada no ogbogolo ụ'wụ'wụ we ekeshia maa shikicinji uŋ. 16Ga ụnjɛswa wa akpada ata ụ shɛ bimenji bi imbele i'ɛlɛ umpwa, go uholo ubwa ụ shɛ bimenji bo ombolo u'ala oko na ashashɛ. 17Ga akpada elele 'yaga tibiakwụ ti yeyebi, maa ti teni cɛŋ na ti nya. Gana ɛbi zhɛ ba nda shɛkpada sho ohwolu ata tijilo kpaaŋ ta. 18Nda shɛkpada woshi iwɛ ohwolu ata tijilo iwɛ ụzalụ tuta. 19Bɛ shɛ kaa ba nda akwụka buhanda na azụrụfa iwɛ tishikocongo ta shɛkpada sha ata woshi na azuba aba, akwụka eyebi a shɛ a nama tuta ta akpada oko. Ga akwụka eyebi namanana tuta ta akpada anya iwɛ titocingo ta tibiakwụ ta ata ti yebi. 20Ga shɛkpada woshi shɛ nama iwɛ ohwolu ata tijilo na bu'aŋbụ bi yebi bụ ụzalụ tuzuba, 21akwụka ata buhanda aa njɛ na azụrụfa, ge eyebi nama tuta ta akpada elele. 22Nda shɛkpada shi cihiŋ iwɛ ekwunyi ohwolu ata tijilo zalụ bu uwaŋna-twonuo. 23Nda shɛkpada shi yebi iwɛ esugwulumi ohwolu ata tijilo na namɛ ne ekwnyi ubwa; 24akatakpa aba zhɛ o bogotogwu na anya tuta, hwɛɛ ibɛ iyebi tuba zhɛ yo togwu na bukanɛ ata ba azuba bu ko. Gana yɛɛ zhɛ ya nama zalụ hweehwe ne esugwulumi ibɛ eyebi ta. 25Shɛkpada sha ata shɛ shɛ sha nama shɛ tụndatụ, keeni akwụka azụrụfa umpwa-na-ba-ecihiŋ, akwụka ata a shɛ a nama tuta ta akpada elele.
26Bɛ shɛ kaa ba shaba imbele nụ ụ'wụ'wụ we ekeshia, imbele itɛ i shɛ iwɛ shɛkpada shɛ na shɛ namɛ zalụ bu ko bo ohwolu ata tijilo. 27Imbele itɛ i shɛ iwɛ shɛkpada shɛ na shɛ namɛ zalụ yebi bo ohwolu ata tijilo. Imbele ɛtɛ i shɛ iwɛ akpada na namɛ zalụ be ekwunyi bu uwaŋna-twonuo bo ohwolu ata tijilo. 28Go ombolo ata namɛ na ashashɛ shɛkpada sha ata beni nu ukwunanga uko maa e zhe tutu ukwunanga uyebi. 29Bɛ shɛ ba swana shɛkpada sha ata azhɛnarɛya maa ndanɛ shụ du tɛkanɛ ta azhɛnarɛya, no ofwo ata imbele ɛtɛ zhɛ yo hwuŋtongono. Bɛ shɛ ba swana imbele ɛtɛ azhɛnarɛya. 30Bɛ shɛ kaa bo shikicingo ohwolu ata tijilo gana na Ngee bi mbiseni ni Ishɛmɛ gɛ.
31Bɛ shɛ kaa bo sugo ihwehwe uduhwa wa ababa, ni inɛ uduhwa ushenje, keeni inɛ ishenje howuu, keeni ihwehwe ilinɛn nɛ aa hiɛŋshɛ tanɛ tanɛ maa njɛ tugwuno ta tuswata no odubo. Ge egwoni ugondu i'ɛlɛ a njɛ iyi-uumwa ya apiambɛ na tuba. 32Bɛ shɛ kaa ba swata tụ na atukpa i'wɛ'wɛ ye ekeshia ineshi nɛ e sweni azhɛnarɛya a na kaa patanɛ na akwụka eneshi a na aa njɛ na azụrụfa, ge ekwoshi aba a shɛ azhɛnarɛya. 33Bɛ shɛ kaa ba swata tugwuno ta ata ti tɛjɛlanɛ, nazhɛ tecinje ikpɛtɛ unu-tutwa na amɛ tugwuno ta ata ti tɛjɛlanɛ; nazhɛ tugwuno ta ata ti tɛjɛlanɛ ti zhɛ to bogwu ohwolu tijilo na a na tijilo me tijilo.#Ehib 6:19; 9:3-5 34Bɛ shɛ ba patana ajɛjɛ ata inyɛmɛnyɛmɛ na azuba Ikpɛtɛ ɛtɛ Unu-tutwa no ohwolu ata tijilo me tijilo. 35Bɛ shɛ kaa bo sho uteburu ata zalụ tuzuba to tupohondo to tugwuno ta ata ti tɛjɛlanɛ, go uteburu ụsụtụla tuba nama tuta to ohwolu ata tijilo.
36Bɛ shɛ kaa ba nda tugwuno tu tuswata no odubo udulo ata tugwuno ni ihwehwe uduhwa wa ababa keeni uduhwa ushenje keeni inɛ ishenje howuu keeni ilinɛn nɛ aa hiɛŋshɛ tanɛ tanɛ maa e zweni tu irikwi. 37Bɛ shɛ kaa ba shaba atukpa a ta nụ ụ'wụ'wụ we ekeshia iwɛ tugwuno tu tuswata no odubo, maa sweni aŋ azhɛnarɛya. Ge ekwepi aba a shɛ du azhɛnarɛya. Ndana aŋ akwụka a ta nu utumburɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008