ỤBANỤ 27
27
Utukwu-ụrụpɛ Tuhwoŋzhingo
(Ụban 38:1-7)
1Nda utukwu-ụrụpɛ nụ ụ'wụ'wụ we ekeshia; ga ụnjɛswa ubwa ụ shɛ imbele i'ɛlɛ itɛ, go uholo ubwa ụ shɛ imbele i'ɛlɛ itɛ; ge esugwulumi eneshi utukwu-ụrụpɛ ata nangwụ, go uzoto ubwa ụ shɛ imbele i'ɛlɛ itɛtu. Ga ụ shɛ ugongo. 2Ndana uŋ mahiuaŋ mi neshi ne esugwulumi ubwa eneshi; ga mahiuaŋ mu bwa mɛ shɛ iyi ike nu bwa, swana uŋ utumburɛ hwɛɛ. 3Ndana uŋ nkwasha iwɛ ma'alụ mu bwa tusugo, keeni n-ngowo mu bwa, keeni agbamgbam ubwa, keeni ekwepi ubwa, keeni ụpalụ ulwa ubwa tɛshana. Nu utumburɛ ɛbi zhɛ ba nda i'wɛŋnɛ ɛtɛ ibwɛ hwɛɛ. 4Bɛ shɛ kaa ba ndana uŋ agbahwụ nu utumburɛ; nazhɛ njɛ tɛkanɛ ti neshi nu utumburɛ maa hwuŋtengeni na agbahwụ ata eneshi. 5Patana agbahwụ ata tuta ti izhɛmi ɛtɛ utukwu-ụrụpɛ tutu ashashɛ ubwa. 6Nda imbele nɛ ɛɛ zhɛ na 'waŋna uŋ nụ ụ'wụ'wụ we ekeshia, swana imbele ɛtɛ utumburɛ hwɛɛ. 7Imbele ɛtɛ i shɛ yo hwuŋtongono na tɛkanɛ, ge imbele ɛtɛ nama zalụ hweehwe bu utukwu-ụrụpɛ ata, na aka na ta a 'waŋna uŋ. 8No ogbogolo na 'yajɛ a'ibwa ɛbi zhɛ ba nda ugondu ibɛ, gana ga Ngee bi mbiseni ni Ishɛmɛ gɛ, gana ata aa shɛ a nda uŋ.
Ukpogwu Udulo Tugwuno
(Ụban 39:9-20)
9Bɛ shɛ ba ndana udulo ata tugwuno ukpogwu, swata tugwuno ti ihwehwe ilinɛn nɛ aa hiɛŋshɛ tanɛ tanɛ zalụ tuta tu ukpogwu ata, ga ụnjɛswa tuba zalụ bu ko ụ shɛ bimenji be esugwulumi dipi-yebi; (100) 10ga atukpa ubwa a shɛ woshi, ga akatakpa ubwa a shɛ woshi; a shɛ a sha utumburɛ, ama ga shɛ na azụrụfa aa njɛ atukpa keeni abatana ubwa na azuba. 11Gabata du yaa shɛ ya sha zalụ tuzuba, ga ụnjɛswa tugwuno ta ata tu tuswata nu ukpogwu ata ụ shɛ bimenji bi imbele i'ɛlɛ dipi-yebi, ga atukpa ubwa a shɛ woshi, ga akatakpa ubwa a shɛ woshi, a shɛ a sha utumburɛ, ama ga shɛ na azụrụfa aa njɛ atukpa keeni abatana ubwa na azuba. 12Ga ụnjɛswa tugwuno ta ata tu tuswata geri bu uholo ukpogwu ata zalụ bu uwaŋna-twonuo ubwa ụ shɛ bimenji bi imbele i'ɛlɛ dupu, (50) ga atukpa ubwa a shɛ umpwa, ga akatakpa ubwa a shɛ umpwa. 13Go uholo umbe ukpogwu ata geri bu uwaŋna-banụ ụ shɛ bimenji bi imbele i'ɛlɛ dupu. 14Ga ụnjɛswa tugwuno tu tuswata nu ukpogwu ata zalụ bo odubo oko ụ shɛ bimenji bi imbele i'ɛlɛ umpwa-ni-bɛ-tɛ; ga atukpa ubwa a shɛ atatụ, ga akatakpa ubwa a shɛ atatụ. 15Go tugwuno tu tuswata nu ukpogwu ata zalụ yebi tɛ shɛ ụnjɛswa bimenji bi imbele i'ɛlɛ umpwa-ni-bɛ-tɛ; ga atukpa ubwa a shɛ atatụ, ga akatakpa ubwa a shɛ atatụ.
16Ga ụnjɛswa tugwuno tu tuswata no odubo ukpogwu ata ụ shɛ bimenji bi imbele i'ɛlɛ woshi, ga shɛ ihwehwe uduhwa wa ababa, nu uduhwa ushenje, ni inɛ ishenje howuu, keeni inɛ ilinɛn nɛ aa hiɛŋshɛ tanɛ tanɛ ɛɛ zhɛ a nda tụ, ga tɛ shɛ tugwuno tu na ee zweni irikwi; ga atukpa tuba a shɛ eneshi, ga akatakpa tuba shɛ eneshi. 17Ga shɛ na azụrụfa oo sotulongonu atukpa na rungwutwonu ukpogwu ata kpaaŋ. Ga shɛkama shɛ bwa shɛ shɛ azụrụfa, ga akatakpa ubwa a shɛ utumburɛ. 18Ga ụnjɛswa ukpogwu ata ụ shɛ imbele i'ɛlɛ dipi-yebi, go uholo ubwa ụ shɛ imbele i'ɛlɛ dupu, go uzoto ubwa ụ shɛ imbele i'ɛlɛ itɛ, go tugwuno tu bwa tu tuswata tɛ shɛ ilinɛn nɛ aa hiɛŋshɛ tanɛ tanɛ, ga akatakpa ubwa a shɛ utumburɛ. 19Ga shɛ nu utumburɛ aa njɛ i'wɛŋnɛ udulo ata kpaaŋ, tu n-ngbalụ mu bwa, tu n-ngbalụ mu ukpogwu ubwa kpaaŋ.
Manɛbɛ iwɛ Ụsụtụla
(Liv 24:1-4)
20Bɛ shɛ kaa ba pana miaụŋ mi Isrɛl unu maa ga a bụ panɛ manɛbɛ ma buta mụ tụrụmbɛɛ mu na oo to iwɛ ụsụtụla, iwɛ maa ga ụsụtụla ata no gorogo apata oruru. 21Ga Aron na miaụŋ mu bwa me eyi, aba zhɛ no zwono asụtụla ata ulwa nu udulo ata tu'ulwatagwụ no tupohondo to tugwuno ta ata ti tɛjɛlanɛ, tu na tu namɛ nu umbe ikpɛtɛ ɛtɛ unu-tutwa. Asụtụla ata a shɛ o no gorogo te kwuni nụ ụrụmɛ tutu uvwungwa, nu umbe wa AGWANGWAMA. Inɛ gɛ shɛ undwa wa awaŋnɛ miaụŋ mi Isrɛl tutu unyizo-nom.
Currently Selected:
ỤBANỤ 27: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
ỤBANỤ 27
27
Utukwu-ụrụpɛ Tuhwoŋzhingo
(Ụban 38:1-7)
1Nda utukwu-ụrụpɛ nụ ụ'wụ'wụ we ekeshia; ga ụnjɛswa ubwa ụ shɛ imbele i'ɛlɛ itɛ, go uholo ubwa ụ shɛ imbele i'ɛlɛ itɛ; ge esugwulumi eneshi utukwu-ụrụpɛ ata nangwụ, go uzoto ubwa ụ shɛ imbele i'ɛlɛ itɛtu. Ga ụ shɛ ugongo. 2Ndana uŋ mahiuaŋ mi neshi ne esugwulumi ubwa eneshi; ga mahiuaŋ mu bwa mɛ shɛ iyi ike nu bwa, swana uŋ utumburɛ hwɛɛ. 3Ndana uŋ nkwasha iwɛ ma'alụ mu bwa tusugo, keeni n-ngowo mu bwa, keeni agbamgbam ubwa, keeni ekwepi ubwa, keeni ụpalụ ulwa ubwa tɛshana. Nu utumburɛ ɛbi zhɛ ba nda i'wɛŋnɛ ɛtɛ ibwɛ hwɛɛ. 4Bɛ shɛ kaa ba ndana uŋ agbahwụ nu utumburɛ; nazhɛ njɛ tɛkanɛ ti neshi nu utumburɛ maa hwuŋtengeni na agbahwụ ata eneshi. 5Patana agbahwụ ata tuta ti izhɛmi ɛtɛ utukwu-ụrụpɛ tutu ashashɛ ubwa. 6Nda imbele nɛ ɛɛ zhɛ na 'waŋna uŋ nụ ụ'wụ'wụ we ekeshia, swana imbele ɛtɛ utumburɛ hwɛɛ. 7Imbele ɛtɛ i shɛ yo hwuŋtongono na tɛkanɛ, ge imbele ɛtɛ nama zalụ hweehwe bu utukwu-ụrụpɛ ata, na aka na ta a 'waŋna uŋ. 8No ogbogolo na 'yajɛ a'ibwa ɛbi zhɛ ba nda ugondu ibɛ, gana ga Ngee bi mbiseni ni Ishɛmɛ gɛ, gana ata aa shɛ a nda uŋ.
Ukpogwu Udulo Tugwuno
(Ụban 39:9-20)
9Bɛ shɛ ba ndana udulo ata tugwuno ukpogwu, swata tugwuno ti ihwehwe ilinɛn nɛ aa hiɛŋshɛ tanɛ tanɛ zalụ tuta tu ukpogwu ata, ga ụnjɛswa tuba zalụ bu ko ụ shɛ bimenji be esugwulumi dipi-yebi; (100) 10ga atukpa ubwa a shɛ woshi, ga akatakpa ubwa a shɛ woshi; a shɛ a sha utumburɛ, ama ga shɛ na azụrụfa aa njɛ atukpa keeni abatana ubwa na azuba. 11Gabata du yaa shɛ ya sha zalụ tuzuba, ga ụnjɛswa tugwuno ta ata tu tuswata nu ukpogwu ata ụ shɛ bimenji bi imbele i'ɛlɛ dipi-yebi, ga atukpa ubwa a shɛ woshi, ga akatakpa ubwa a shɛ woshi, a shɛ a sha utumburɛ, ama ga shɛ na azụrụfa aa njɛ atukpa keeni abatana ubwa na azuba. 12Ga ụnjɛswa tugwuno ta ata tu tuswata geri bu uholo ukpogwu ata zalụ bu uwaŋna-twonuo ubwa ụ shɛ bimenji bi imbele i'ɛlɛ dupu, (50) ga atukpa ubwa a shɛ umpwa, ga akatakpa ubwa a shɛ umpwa. 13Go uholo umbe ukpogwu ata geri bu uwaŋna-banụ ụ shɛ bimenji bi imbele i'ɛlɛ dupu. 14Ga ụnjɛswa tugwuno tu tuswata nu ukpogwu ata zalụ bo odubo oko ụ shɛ bimenji bi imbele i'ɛlɛ umpwa-ni-bɛ-tɛ; ga atukpa ubwa a shɛ atatụ, ga akatakpa ubwa a shɛ atatụ. 15Go tugwuno tu tuswata nu ukpogwu ata zalụ yebi tɛ shɛ ụnjɛswa bimenji bi imbele i'ɛlɛ umpwa-ni-bɛ-tɛ; ga atukpa ubwa a shɛ atatụ, ga akatakpa ubwa a shɛ atatụ.
16Ga ụnjɛswa tugwuno tu tuswata no odubo ukpogwu ata ụ shɛ bimenji bi imbele i'ɛlɛ woshi, ga shɛ ihwehwe uduhwa wa ababa, nu uduhwa ushenje, ni inɛ ishenje howuu, keeni inɛ ilinɛn nɛ aa hiɛŋshɛ tanɛ tanɛ ɛɛ zhɛ a nda tụ, ga tɛ shɛ tugwuno tu na ee zweni irikwi; ga atukpa tuba a shɛ eneshi, ga akatakpa tuba shɛ eneshi. 17Ga shɛ na azụrụfa oo sotulongonu atukpa na rungwutwonu ukpogwu ata kpaaŋ. Ga shɛkama shɛ bwa shɛ shɛ azụrụfa, ga akatakpa ubwa a shɛ utumburɛ. 18Ga ụnjɛswa ukpogwu ata ụ shɛ imbele i'ɛlɛ dipi-yebi, go uholo ubwa ụ shɛ imbele i'ɛlɛ dupu, go uzoto ubwa ụ shɛ imbele i'ɛlɛ itɛ, go tugwuno tu bwa tu tuswata tɛ shɛ ilinɛn nɛ aa hiɛŋshɛ tanɛ tanɛ, ga akatakpa ubwa a shɛ utumburɛ. 19Ga shɛ nu utumburɛ aa njɛ i'wɛŋnɛ udulo ata kpaaŋ, tu n-ngbalụ mu bwa, tu n-ngbalụ mu ukpogwu ubwa kpaaŋ.
Manɛbɛ iwɛ Ụsụtụla
(Liv 24:1-4)
20Bɛ shɛ kaa ba pana miaụŋ mi Isrɛl unu maa ga a bụ panɛ manɛbɛ ma buta mụ tụrụmbɛɛ mu na oo to iwɛ ụsụtụla, iwɛ maa ga ụsụtụla ata no gorogo apata oruru. 21Ga Aron na miaụŋ mu bwa me eyi, aba zhɛ no zwono asụtụla ata ulwa nu udulo ata tu'ulwatagwụ no tupohondo to tugwuno ta ata ti tɛjɛlanɛ, tu na tu namɛ nu umbe ikpɛtɛ ɛtɛ unu-tutwa. Asụtụla ata a shɛ o no gorogo te kwuni nụ ụrụmɛ tutu uvwungwa, nu umbe wa AGWANGWAMA. Inɛ gɛ shɛ undwa wa awaŋnɛ miaụŋ mi Isrɛl tutu unyizo-nom.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008