ỤBANỤ 25
25
Apwaŋ tụpana iwɛ Ohwolu Tijilo Tɛnda
(Ụban 35:4-9)
1Nazhɛ AGWANGWAMA hiɛŋ Moses. 2Mbiso miaụŋ mi Isrɛl maa ga a m panɛ upwaŋ u tukwulana. N leshigeni ma upwaŋ ata u tukwulana no olugwo bụtụ be elele na yaa kwụlanɛ na amɛ ubwa. 3Upwaŋ u tukwulana na ɛhi zhɛ hia lashɛga ni i'ɛlɛ ya aba na: azhɛnarɛya, na azụrụfa, keeni ɛtumburɛ, 4ni iyi uduhwa wa ababa, keeni uduhwa ushenje, ni inɛ ishenje howuu keeni ihwehwe ilinɛn nɛ a hiɛŋshɛ tanɛ tanɛ, keeni tihiŋzhe ti iyweywe, 5ni i'wɛbɛ ya adagba nɛ a kwụnɛ iyi ishenje, ni i'wɛbɛ isundɛ itekwu, nụ ụ'wụ'wụ we ekeshia, 6keeni manɛbɛ, iwɛ asụtụla, ni iturɛre nɛ oo zwono manɛbɛ mu na oo dudugono bụtụ, ni iturɛre ụhiụŋ ụlatụ, 7keeni atayɛ onɛkis, na atayɛ na aa ta ni efod#25:7 efod: Efod ga i shɛ gana idikɛ tikpɛngbɛ, i 'yajɛ akalagba eneshi, onongbo o ubono iŋ na agba, o umpo akalagba ata eyebi ne embi, o umpo eyebi no otutu aba, yo ubono ya tuba na agba aba. Onongbo kiri Agwatana peni-unu maa a na nda uhwara ni ibɛ nu ugondu ubwa. keeni iyi tu'ubono na agba.
8Iwɛ maa a n ndanɛ ohwolu tijilo maa Mu na gɛga na ashashɛ aba. 9Nda ohwolu ata tijilo keeni i'wɛŋni'wɛŋni ya aba ne bimenji ga Ngɛɛ zhɛ mo bu mbisono gom.
Tɛnda ti Ikpɛtɛ Unu-tutwa
(Ụban 37:1-9)
10Ga a njɛ ikpɛtɛ ɛtɛ nụ ụ'wụ'wụ we ekeshia, ga ụnjɛswa ibɛ ụ shɛ bimenji bi imbele i'ɛlɛ iyebi na ashashɛ, go uholo ibɛ ụ shɛ ombolo u'ala oko na ashashɛ, go uzoto ibɛ ụ shɛ ombolo u'ala oko na ashashɛ. 11Swana iŋ azhɛnarɛya tụrụmbɛɛ, ta amɛ ta aba ibɛ, maa peteni iŋ azhɛnarɛya ni izhɛmi ibɛ tutu rungwutwonu. 12Ndana iŋ tɛkanɛ ti neshi na azhɛnarɛya maa cimbengeni tu ne esugwulumi ibɛ eneshi, ga tɛkanɛ ti yebi tu nama zalụ bu ko, tɛkanɛ ti yebi tu nama zalụ yebi ibɛ. 13Shaba imbele iyebi nụ ụ'wụ'wụ we ekeshia maa sweni iŋ azhɛnarɛya. 14Sugo imbele ɛtɛ maa hwuŋtengeni iŋ na tɛkanɛ ta ata zalụ hweehwe bi ikpɛtɛ ɛtɛ, maa a na 'waŋna iŋ ni imbele ɛtɛ. 15Kede e hwuceci imbele ɛtɛ ɛɛ zhɛ o hwuŋtongono na tɛkanɛ ta ata ti ikpɛtɛ ɛtɛ o. 16Bɛ shɛ kaa bo zwono atayɛ ata tụpatakwụ patakwụ unu-tutwa 'nyeci a na Ngɛɛ zhɛ ma bụ pana na amɛ ikpɛtɛ ɛtɛ.
17Bɛ shɛ kaa ba ndana ikpɛtɛ ɛtɛ ajɛjɛ inyɛmɛnyɛmɛ,#25:17 ajɛjɛ inyɛmɛnyɛmɛ: Ibɛ shɛ tu'urugono kwo kaa ụpalụ Ikpɛtɛ ɛtɛ ya AGWANGWAMA. AGWANGWAMA mbishi Moses maa, na azuba tu'urugono ti ikpɛtɛ ɛtɛ, apata bɛɛ zhɛ na nama na ashashɛ iyi-uumwa ɛtɛ 'yajɛ apiambɛ maa bu na dumanga n-ndumwa no Moses, maa bu no hioko du inyɛmɛnyɛmɛ ya atwa ubwa Isrɛl. ibɛ shɛ tu'urugono na azhɛnarɛya tụrụmbɛɛ, ga ụnjɛswa ibɛ ụ shɛ bimenji bi imbele i'ɛlɛ iyebi na ashashɛ, go uholo ibɛ ụ shɛ ombolo u'ala oko na ashashɛ.#Ehib 9:5 18Dubo azhɛnarɛya maa njɛ iyi-uumwa ya apiambɛ iyebi nɛ 'yajɛ apɛshɛka bụtụ maa swenenji iŋ ni ipɛlu tu'urugono ti ikpɛtɛ ɛtɛ zalụ hweehwe. 19Ga buna buna nama nu ukwunanga zalụ hweehwe, ga a mama imanụ no tu'urugono ta ata tɛ shɛ ajɛjɛ ata inyɛmɛnyɛmɛ ni ipɛlu zalụ hweehwe. 20Ge iyi-uumwa ɛtɛ momo pononu eshe maa e mbeci apiambɛ aba, maa e urigeni azuba bɛjɛjɛ ata bi inyɛmɛnyɛmɛ, ge eshe aba zwe a ngbaraka bɛjɛjɛ ata bi inyɛmɛnyɛmɛ. 21Patana bɛjɛjɛ ata bi inyɛmɛnyɛmɛ na azuba ikpɛtɛ ɛtɛ; nazhɛ suji atayɛ ata tụpatakwụ patakwụ Ngɛɛ zhɛ ma bụ pana maa zweni na amɛ ikpɛtɛ ɛtɛ. 22Na azuba ikpɛtɛ ɛtɛ Ngɛɛ zhɛ mu na twa na bụ. N zhɛ mu na nama na ashashɛ apiambɛ iyi-uumwa ɛtɛ patanganɛ ni ikpɛtɛ ɛtɛ unu-tutwa maa Mu na bụ pana-unu maa no mbiso miaụŋ mi Isrɛl.
Uteburu iwɛ maa A na Patana ibrɛd nɛ Ee Peni Agwatana
(Ụban 37:10-16)
23Shaba uteburu nụ ụ'wụ'wụ we ekeshia, ga ụnjɛswa ubwa ụ shɛ bimenji bi imbele i'ɛlɛ iyebi, go uholo ubwa ụ shɛ ombolo u'ala oko, go uzoto ubwa ụ shɛ ombolo u'ala oko na ashashɛ. 24Swana uŋ azhɛnarɛya tụrụmbɛɛ, maa sweni izhɛmi ubwa azhɛnarɛya tutu rungwutwonu. 25Ndana uŋ akpada na azuba tutu rungwutwonu, go uholo wa aba ụ shɛ bimenji bu ụbabasụ u'ala uko maa sweni izhɛmi ya akpada ata azhɛnarɛya tutu rungwutwonu. 26Ndana uŋ tɛkanɛ ta azhɛnarɛya ti neshi, maa hwuŋtengeni tɛkanɛ ta ata ne esugwulumi ata ubwa eneshi a na namɛ na akatakpa ubwa eneshi. 27Ga tɛkanɛ ta ata tu gwumwongonu na akpada ata tutu rungwutwonu, iwɛ maa tɛ shɛ ofwo na ɛɛ zhɛ no hwuŋtongono imbele nɛ ɛɛ zhɛ na 'waŋna uteburu ata. 28Shaba imbele ɛtɛ nụ ụ'wụ'wụ we ekeshia maa sweni iŋ azhɛnarɛya, iwɛ maa a na 'waŋna uteburu ata ni ibɛ. 29Ndana uŋ apalụ keeni agbamgbam keeni nkwodo mi iturɛre keeni nkwasha mu na ɛɛ zhɛ na sala meni maa o no zwono iyi ụrụpɛ. Na azhɛnarɛya tụrụmbɛɛ abɛ shɛ ba nda iŋ hwɛɛ. 30Go uteburu ata sho nu umbe ikpɛtɛ ɛtɛ unu-tutwa. Bɛ shɛ kaa ba patana ibrɛd nu uteburu ata nu umbe mu aka elele.#Liv 24:5-8
Uteburu Ụsụtụla
(Ụban 37:17-24)
31Bɛ shɛ kaa ba nda uteburu ụsụtụla na azhɛnarɛya tụrụmbɛɛ. Tudubo ɛɛ zhɛ o dubo azhɛnarɛya ata nazhɛ a njɛ uteburu ata ụsụtụla, ta akatakpa ubwa, tụ ụ'wụ'wụ ubwa, te ekwepi ubwa, to okwukwusu ubwa, to tusumbo tu bwa tɛ shɛ ta sha iyi ike nu bwa. 32Shɛ'walụ shi cihiŋ shɛ shɛ sha banɛ ni i'ɛŋbi ubwa; shɛ tatụ shi zhɛ sha banɛ na bụ'aŋbụ bu ko, shɛ tatụ shi zhɛ sha banɛ na bụ'aŋbụ bi yebi; 33ekwepi atatụ a na aa njɛ gana shilmond una una zhɛ wa nama na a'walụ oko nu ukwukwusu keeni tusumbo tu bwa, ekwepi atatụ anya a na aa njɛ gana shilmond una una zhɛ wa nama na a'walụ eyebi nu ukwukwusu keeni tusumbo tu bwa. Gabata yɛɛ zhɛ ya nama na shɛ'walụ sha ata shi cihiŋ shɛ na shɛ banɛ nu uteburu ata ụsụtụla. 34Ekwepi eneshi a na aa njɛ gana shilmond ɛ zhɛ a nama nu ukwukwusu keeni tusumbo ta aba, 35Ukwukwusu uko kaa zhɛ wa nama tuta ta a'walụ a'walụ na shɛ'walụ sha ata shi cihiŋ shɛ na shɛ banɛ nu uteburu ata ụsụtụla. 36Go okwukwusu aba a shɛ iyi ike na shɛ'walụ sha aba, ga shɛ na azhɛnarɛya tụrụmbɛɛ oko a na ee jibi aa njɛ iŋ kpaaŋ ibɛ. 37Bɛ shɛ ba ndana uŋ asụtụla ecenje; maa e zweni aŋ ulwa maa a na ta nu umbe ubwa apata. 38Na azhɛnarɛya tụrụmbɛɛ ɛbi zhɛ ba ndana uŋ shɛpashɛ shɛ ulwa tu'woricingo keeni ikpɛtɛ nɛ maa o no zwono shɛpashɛ sha ata shu ulwa tu'woricingo. 39Na azhɛnarɛya tụrụmbɛɛ a na ugombo wa aba ụ shɛ utalɛnt uko, ɛɛ zhɛ a nda uŋ, ti iyi ibwɛ uhwugwa hwɛɛ. 40Shiyono eshe maa njɛ te teni cɛŋ ne bimenji ga Ngee bi mbiseni ni Ishɛmɛ gɛ.#Ugo 7:44; Ehib 8:5
Currently Selected:
ỤBANỤ 25: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
ỤBANỤ 25
25
Apwaŋ tụpana iwɛ Ohwolu Tijilo Tɛnda
(Ụban 35:4-9)
1Nazhɛ AGWANGWAMA hiɛŋ Moses. 2Mbiso miaụŋ mi Isrɛl maa ga a m panɛ upwaŋ u tukwulana. N leshigeni ma upwaŋ ata u tukwulana no olugwo bụtụ be elele na yaa kwụlanɛ na amɛ ubwa. 3Upwaŋ u tukwulana na ɛhi zhɛ hia lashɛga ni i'ɛlɛ ya aba na: azhɛnarɛya, na azụrụfa, keeni ɛtumburɛ, 4ni iyi uduhwa wa ababa, keeni uduhwa ushenje, ni inɛ ishenje howuu keeni ihwehwe ilinɛn nɛ a hiɛŋshɛ tanɛ tanɛ, keeni tihiŋzhe ti iyweywe, 5ni i'wɛbɛ ya adagba nɛ a kwụnɛ iyi ishenje, ni i'wɛbɛ isundɛ itekwu, nụ ụ'wụ'wụ we ekeshia, 6keeni manɛbɛ, iwɛ asụtụla, ni iturɛre nɛ oo zwono manɛbɛ mu na oo dudugono bụtụ, ni iturɛre ụhiụŋ ụlatụ, 7keeni atayɛ onɛkis, na atayɛ na aa ta ni efod#25:7 efod: Efod ga i shɛ gana idikɛ tikpɛngbɛ, i 'yajɛ akalagba eneshi, onongbo o ubono iŋ na agba, o umpo akalagba ata eyebi ne embi, o umpo eyebi no otutu aba, yo ubono ya tuba na agba aba. Onongbo kiri Agwatana peni-unu maa a na nda uhwara ni ibɛ nu ugondu ubwa. keeni iyi tu'ubono na agba.
8Iwɛ maa a n ndanɛ ohwolu tijilo maa Mu na gɛga na ashashɛ aba. 9Nda ohwolu ata tijilo keeni i'wɛŋni'wɛŋni ya aba ne bimenji ga Ngɛɛ zhɛ mo bu mbisono gom.
Tɛnda ti Ikpɛtɛ Unu-tutwa
(Ụban 37:1-9)
10Ga a njɛ ikpɛtɛ ɛtɛ nụ ụ'wụ'wụ we ekeshia, ga ụnjɛswa ibɛ ụ shɛ bimenji bi imbele i'ɛlɛ iyebi na ashashɛ, go uholo ibɛ ụ shɛ ombolo u'ala oko na ashashɛ, go uzoto ibɛ ụ shɛ ombolo u'ala oko na ashashɛ. 11Swana iŋ azhɛnarɛya tụrụmbɛɛ, ta amɛ ta aba ibɛ, maa peteni iŋ azhɛnarɛya ni izhɛmi ibɛ tutu rungwutwonu. 12Ndana iŋ tɛkanɛ ti neshi na azhɛnarɛya maa cimbengeni tu ne esugwulumi ibɛ eneshi, ga tɛkanɛ ti yebi tu nama zalụ bu ko, tɛkanɛ ti yebi tu nama zalụ yebi ibɛ. 13Shaba imbele iyebi nụ ụ'wụ'wụ we ekeshia maa sweni iŋ azhɛnarɛya. 14Sugo imbele ɛtɛ maa hwuŋtengeni iŋ na tɛkanɛ ta ata zalụ hweehwe bi ikpɛtɛ ɛtɛ, maa a na 'waŋna iŋ ni imbele ɛtɛ. 15Kede e hwuceci imbele ɛtɛ ɛɛ zhɛ o hwuŋtongono na tɛkanɛ ta ata ti ikpɛtɛ ɛtɛ o. 16Bɛ shɛ kaa bo zwono atayɛ ata tụpatakwụ patakwụ unu-tutwa 'nyeci a na Ngɛɛ zhɛ ma bụ pana na amɛ ikpɛtɛ ɛtɛ.
17Bɛ shɛ kaa ba ndana ikpɛtɛ ɛtɛ ajɛjɛ inyɛmɛnyɛmɛ,#25:17 ajɛjɛ inyɛmɛnyɛmɛ: Ibɛ shɛ tu'urugono kwo kaa ụpalụ Ikpɛtɛ ɛtɛ ya AGWANGWAMA. AGWANGWAMA mbishi Moses maa, na azuba tu'urugono ti ikpɛtɛ ɛtɛ, apata bɛɛ zhɛ na nama na ashashɛ iyi-uumwa ɛtɛ 'yajɛ apiambɛ maa bu na dumanga n-ndumwa no Moses, maa bu no hioko du inyɛmɛnyɛmɛ ya atwa ubwa Isrɛl. ibɛ shɛ tu'urugono na azhɛnarɛya tụrụmbɛɛ, ga ụnjɛswa ibɛ ụ shɛ bimenji bi imbele i'ɛlɛ iyebi na ashashɛ, go uholo ibɛ ụ shɛ ombolo u'ala oko na ashashɛ.#Ehib 9:5 18Dubo azhɛnarɛya maa njɛ iyi-uumwa ya apiambɛ iyebi nɛ 'yajɛ apɛshɛka bụtụ maa swenenji iŋ ni ipɛlu tu'urugono ti ikpɛtɛ ɛtɛ zalụ hweehwe. 19Ga buna buna nama nu ukwunanga zalụ hweehwe, ga a mama imanụ no tu'urugono ta ata tɛ shɛ ajɛjɛ ata inyɛmɛnyɛmɛ ni ipɛlu zalụ hweehwe. 20Ge iyi-uumwa ɛtɛ momo pononu eshe maa e mbeci apiambɛ aba, maa e urigeni azuba bɛjɛjɛ ata bi inyɛmɛnyɛmɛ, ge eshe aba zwe a ngbaraka bɛjɛjɛ ata bi inyɛmɛnyɛmɛ. 21Patana bɛjɛjɛ ata bi inyɛmɛnyɛmɛ na azuba ikpɛtɛ ɛtɛ; nazhɛ suji atayɛ ata tụpatakwụ patakwụ Ngɛɛ zhɛ ma bụ pana maa zweni na amɛ ikpɛtɛ ɛtɛ. 22Na azuba ikpɛtɛ ɛtɛ Ngɛɛ zhɛ mu na twa na bụ. N zhɛ mu na nama na ashashɛ apiambɛ iyi-uumwa ɛtɛ patanganɛ ni ikpɛtɛ ɛtɛ unu-tutwa maa Mu na bụ pana-unu maa no mbiso miaụŋ mi Isrɛl.
Uteburu iwɛ maa A na Patana ibrɛd nɛ Ee Peni Agwatana
(Ụban 37:10-16)
23Shaba uteburu nụ ụ'wụ'wụ we ekeshia, ga ụnjɛswa ubwa ụ shɛ bimenji bi imbele i'ɛlɛ iyebi, go uholo ubwa ụ shɛ ombolo u'ala oko, go uzoto ubwa ụ shɛ ombolo u'ala oko na ashashɛ. 24Swana uŋ azhɛnarɛya tụrụmbɛɛ, maa sweni izhɛmi ubwa azhɛnarɛya tutu rungwutwonu. 25Ndana uŋ akpada na azuba tutu rungwutwonu, go uholo wa aba ụ shɛ bimenji bu ụbabasụ u'ala uko maa sweni izhɛmi ya akpada ata azhɛnarɛya tutu rungwutwonu. 26Ndana uŋ tɛkanɛ ta azhɛnarɛya ti neshi, maa hwuŋtengeni tɛkanɛ ta ata ne esugwulumi ata ubwa eneshi a na namɛ na akatakpa ubwa eneshi. 27Ga tɛkanɛ ta ata tu gwumwongonu na akpada ata tutu rungwutwonu, iwɛ maa tɛ shɛ ofwo na ɛɛ zhɛ no hwuŋtongono imbele nɛ ɛɛ zhɛ na 'waŋna uteburu ata. 28Shaba imbele ɛtɛ nụ ụ'wụ'wụ we ekeshia maa sweni iŋ azhɛnarɛya, iwɛ maa a na 'waŋna uteburu ata ni ibɛ. 29Ndana uŋ apalụ keeni agbamgbam keeni nkwodo mi iturɛre keeni nkwasha mu na ɛɛ zhɛ na sala meni maa o no zwono iyi ụrụpɛ. Na azhɛnarɛya tụrụmbɛɛ abɛ shɛ ba nda iŋ hwɛɛ. 30Go uteburu ata sho nu umbe ikpɛtɛ ɛtɛ unu-tutwa. Bɛ shɛ kaa ba patana ibrɛd nu uteburu ata nu umbe mu aka elele.#Liv 24:5-8
Uteburu Ụsụtụla
(Ụban 37:17-24)
31Bɛ shɛ kaa ba nda uteburu ụsụtụla na azhɛnarɛya tụrụmbɛɛ. Tudubo ɛɛ zhɛ o dubo azhɛnarɛya ata nazhɛ a njɛ uteburu ata ụsụtụla, ta akatakpa ubwa, tụ ụ'wụ'wụ ubwa, te ekwepi ubwa, to okwukwusu ubwa, to tusumbo tu bwa tɛ shɛ ta sha iyi ike nu bwa. 32Shɛ'walụ shi cihiŋ shɛ shɛ sha banɛ ni i'ɛŋbi ubwa; shɛ tatụ shi zhɛ sha banɛ na bụ'aŋbụ bu ko, shɛ tatụ shi zhɛ sha banɛ na bụ'aŋbụ bi yebi; 33ekwepi atatụ a na aa njɛ gana shilmond una una zhɛ wa nama na a'walụ oko nu ukwukwusu keeni tusumbo tu bwa, ekwepi atatụ anya a na aa njɛ gana shilmond una una zhɛ wa nama na a'walụ eyebi nu ukwukwusu keeni tusumbo tu bwa. Gabata yɛɛ zhɛ ya nama na shɛ'walụ sha ata shi cihiŋ shɛ na shɛ banɛ nu uteburu ata ụsụtụla. 34Ekwepi eneshi a na aa njɛ gana shilmond ɛ zhɛ a nama nu ukwukwusu keeni tusumbo ta aba, 35Ukwukwusu uko kaa zhɛ wa nama tuta ta a'walụ a'walụ na shɛ'walụ sha ata shi cihiŋ shɛ na shɛ banɛ nu uteburu ata ụsụtụla. 36Go okwukwusu aba a shɛ iyi ike na shɛ'walụ sha aba, ga shɛ na azhɛnarɛya tụrụmbɛɛ oko a na ee jibi aa njɛ iŋ kpaaŋ ibɛ. 37Bɛ shɛ ba ndana uŋ asụtụla ecenje; maa e zweni aŋ ulwa maa a na ta nu umbe ubwa apata. 38Na azhɛnarɛya tụrụmbɛɛ ɛbi zhɛ ba ndana uŋ shɛpashɛ shɛ ulwa tu'woricingo keeni ikpɛtɛ nɛ maa o no zwono shɛpashɛ sha ata shu ulwa tu'woricingo. 39Na azhɛnarɛya tụrụmbɛɛ a na ugombo wa aba ụ shɛ utalɛnt uko, ɛɛ zhɛ a nda uŋ, ti iyi ibwɛ uhwugwa hwɛɛ. 40Shiyono eshe maa njɛ te teni cɛŋ ne bimenji ga Ngee bi mbiseni ni Ishɛmɛ gɛ.#Ugo 7:44; Ehib 8:5
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008