ỤBANỤ 24
24
Atwa Isrɛl Leshiji Unu-tutwa
1Nazhɛ bɛɛ hiɛŋ Moses, Munje pi mi, tu gabụ, tu ga Aron, na Nadab, na Abihu keeni n-nyarɛ mi Isrɛl dupu-nu-woshi (70), maa hi nama taa dụlụ hi na zhɛba. 2Go Moses kiri zhɛ bo gwumwonu ne mi, ama atwa vwɛ zha shɛ o gwumwonu o, kede atwa vwɛ kaa munje na bu o.
3Go Moses zhajɛ bee mbishi atwa ata n-ndumwa mu na AGWANGWAMA mbishi bu kpaaŋ, keeni andwa na bee tilegeni kpaaŋ, ibɛ atwa ata jishijɛ zhiaaŋ, ɛɛ hiɛŋ, Iwɛ ye elele nɛ AGWANGWAMA jɛmɛ ti zhɛ ta nda iŋ. 4Go Moses 'nyeci unu na AGWANGWAMA peni aŋ kpaaŋ. Baa gbatụ ti'ishijɛ nu uvwungwa dididi boo mo utukwu-ụrụpɛ ne embi Ishɛmɛ ɛtɛ, bee shikecenji apata atukpa atayɛ umpwa-na-ba-eyebi nu gana na ta alamụ miaụŋ mi Isrɛl namɛ. 5Baa tumwanɛ esemberi miaụŋ mi Isrɛl, ibɛ atwa ata kwunanjɛ AGWANGWAMA inɛ nụ ụrụpɛ tuhwoŋzhingo keeni ụrụpɛ wa amɛ-olom. 6Go Moses zweni ashashɛ mehieŋ ma ata mu ko nu ugbamgbam, bee shepi ashashɛ mu na ata mụ vwɛ bee zhizhenji mu nu utukwu-ụrụpɛ. 7Nazhɛ bee shepi utakada ata unu-tutwa, baa rɛtanjɛ atwa ata maa a hwụjɛ. Nazhɛ ɛɛ hiɛŋ, Iyi elele nɛ AGWANGWAMA jɛmɛ, ti zhɛ ta nda, ti zhɛ kaa ta hwuga-unu ubwa.
8Go Moses shepi mehieŋ ma ata mu zweni nu ugbamgbam bee zhizhenji atwa ata na tu'waba, bɛɛ hiɛŋ, Hioko ma, mehieŋ mu unu-tutwa na AGWANGWAMA twa ne hiŋ na, ibɛ shɛ iwɛ unu we elele na bee hi peni.#Mat 26:28; Mak 14:24; Luk 22:20; 1 Kor 11:25; Ehib 9:19,20; 10:29
9Go Moses na Aron, na Nadab, na Abihu keeni n-nyarɛ mi Isrɛl dupu-nu-woshi munji ni Ishɛmɛ ɛtɛ. 10Aa kwụbɛ Agwatana Isrɛl. Iyi nɛ bee petengeni ɛvwɛvwɛjɛ ubwa i shɛ gana ofwo na ee dibeni na atayɛ Safiya, i namɛ shɛshɛshɛ gana tụla gom. 11Bi peni shi kaa ehiu ata miaụŋ mi Isrɛl ulwapɛ o, a kwụbɛ kaa Agwatana, a yɛ iyi, ee swe hwɛɛ aba.
Go Moses Munji ni Ishɛmɛ Ɛtɛ Sainai
12Nazhɛ AGWANGWAMA hiɛŋ Moses, Munje pi mi ni Ishɛmɛ gɛ, maa shɛlana apata. N zhɛ ma bụ pana atayɛ ata tụpatakwụ patakwụ anaa na Ngee 'nyeci undwa, keeni unu-tupana iwɛ maa atwa ata seshi.#Rom 15:4
13Nazhɛ go Moses ishijɛ abana ni yɛu ibwɛ ugondu go Joshua, go Moses munji ni Ishɛmɛ ɛtɛ ya Agwatana. 14Go Moses hiɛŋ n-nyarɛ ma ata, itɛ shɛlana ma epe uuwa i ci aka na etu gwure pi hiŋ. Hioko ma, ga Aron, no Hu a mbata namɛ ne hiŋ; bụtụ be elele na 'yajɛ n-ndumwa ga zhagana aŋ.
15Go Moses munji ni ihiŋhiŋ Ishɛmɛ ɛtɛ, ibɛ udomu ubi ihiŋhiŋ Ishɛmɛ ɛtɛ. 16Nazhɛ tuta tụ ụjɛrụma wa AGWANGWAMA ti kezhe taa patanɛ ni ihiŋhiŋ Ishɛmɛ ɛtɛ Sainai, udomu ata ubi Ishɛmɛ ɛtɛ tutu ijitɛ icihiŋ; nụ ụjita ucenje nazhɛ AGWANGWAMA suyanɛ Moses na ashashɛ udomu ata. 17Hioko, tuta tụ ụjɛrụma ata wa AGWANGWAMA kaa tɛ shɛ gana ulwa na wo songo iyi ni ihiŋhiŋ ishɛmɛ ɛtɛ, ne eshe miaụŋ mi Isrɛl. 18Go Moses munji ni ihiŋhiŋ Ishɛmɛ ɛtɛ bee teni nu udomu ata. Baa namɛ apata iwɛŋnɛ buhanda ni ijitɛ buhanda.#Undwa 9:9
Currently Selected:
ỤBANỤ 24: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
ỤBANỤ 24
24
Atwa Isrɛl Leshiji Unu-tutwa
1Nazhɛ bɛɛ hiɛŋ Moses, Munje pi mi, tu gabụ, tu ga Aron, na Nadab, na Abihu keeni n-nyarɛ mi Isrɛl dupu-nu-woshi (70), maa hi nama taa dụlụ hi na zhɛba. 2Go Moses kiri zhɛ bo gwumwonu ne mi, ama atwa vwɛ zha shɛ o gwumwonu o, kede atwa vwɛ kaa munje na bu o.
3Go Moses zhajɛ bee mbishi atwa ata n-ndumwa mu na AGWANGWAMA mbishi bu kpaaŋ, keeni andwa na bee tilegeni kpaaŋ, ibɛ atwa ata jishijɛ zhiaaŋ, ɛɛ hiɛŋ, Iwɛ ye elele nɛ AGWANGWAMA jɛmɛ ti zhɛ ta nda iŋ. 4Go Moses 'nyeci unu na AGWANGWAMA peni aŋ kpaaŋ. Baa gbatụ ti'ishijɛ nu uvwungwa dididi boo mo utukwu-ụrụpɛ ne embi Ishɛmɛ ɛtɛ, bee shikecenji apata atukpa atayɛ umpwa-na-ba-eyebi nu gana na ta alamụ miaụŋ mi Isrɛl namɛ. 5Baa tumwanɛ esemberi miaụŋ mi Isrɛl, ibɛ atwa ata kwunanjɛ AGWANGWAMA inɛ nụ ụrụpɛ tuhwoŋzhingo keeni ụrụpɛ wa amɛ-olom. 6Go Moses zweni ashashɛ mehieŋ ma ata mu ko nu ugbamgbam, bee shepi ashashɛ mu na ata mụ vwɛ bee zhizhenji mu nu utukwu-ụrụpɛ. 7Nazhɛ bee shepi utakada ata unu-tutwa, baa rɛtanjɛ atwa ata maa a hwụjɛ. Nazhɛ ɛɛ hiɛŋ, Iyi elele nɛ AGWANGWAMA jɛmɛ, ti zhɛ ta nda, ti zhɛ kaa ta hwuga-unu ubwa.
8Go Moses shepi mehieŋ ma ata mu zweni nu ugbamgbam bee zhizhenji atwa ata na tu'waba, bɛɛ hiɛŋ, Hioko ma, mehieŋ mu unu-tutwa na AGWANGWAMA twa ne hiŋ na, ibɛ shɛ iwɛ unu we elele na bee hi peni.#Mat 26:28; Mak 14:24; Luk 22:20; 1 Kor 11:25; Ehib 9:19,20; 10:29
9Go Moses na Aron, na Nadab, na Abihu keeni n-nyarɛ mi Isrɛl dupu-nu-woshi munji ni Ishɛmɛ ɛtɛ. 10Aa kwụbɛ Agwatana Isrɛl. Iyi nɛ bee petengeni ɛvwɛvwɛjɛ ubwa i shɛ gana ofwo na ee dibeni na atayɛ Safiya, i namɛ shɛshɛshɛ gana tụla gom. 11Bi peni shi kaa ehiu ata miaụŋ mi Isrɛl ulwapɛ o, a kwụbɛ kaa Agwatana, a yɛ iyi, ee swe hwɛɛ aba.
Go Moses Munji ni Ishɛmɛ Ɛtɛ Sainai
12Nazhɛ AGWANGWAMA hiɛŋ Moses, Munje pi mi ni Ishɛmɛ gɛ, maa shɛlana apata. N zhɛ ma bụ pana atayɛ ata tụpatakwụ patakwụ anaa na Ngee 'nyeci undwa, keeni unu-tupana iwɛ maa atwa ata seshi.#Rom 15:4
13Nazhɛ go Moses ishijɛ abana ni yɛu ibwɛ ugondu go Joshua, go Moses munji ni Ishɛmɛ ɛtɛ ya Agwatana. 14Go Moses hiɛŋ n-nyarɛ ma ata, itɛ shɛlana ma epe uuwa i ci aka na etu gwure pi hiŋ. Hioko ma, ga Aron, no Hu a mbata namɛ ne hiŋ; bụtụ be elele na 'yajɛ n-ndumwa ga zhagana aŋ.
15Go Moses munji ni ihiŋhiŋ Ishɛmɛ ɛtɛ, ibɛ udomu ubi ihiŋhiŋ Ishɛmɛ ɛtɛ. 16Nazhɛ tuta tụ ụjɛrụma wa AGWANGWAMA ti kezhe taa patanɛ ni ihiŋhiŋ Ishɛmɛ ɛtɛ Sainai, udomu ata ubi Ishɛmɛ ɛtɛ tutu ijitɛ icihiŋ; nụ ụjita ucenje nazhɛ AGWANGWAMA suyanɛ Moses na ashashɛ udomu ata. 17Hioko, tuta tụ ụjɛrụma ata wa AGWANGWAMA kaa tɛ shɛ gana ulwa na wo songo iyi ni ihiŋhiŋ ishɛmɛ ɛtɛ, ne eshe miaụŋ mi Isrɛl. 18Go Moses munji ni ihiŋhiŋ Ishɛmɛ ɛtɛ bee teni nu udomu ata. Baa namɛ apata iwɛŋnɛ buhanda ni ijitɛ buhanda.#Undwa 9:9
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008