2 Píele 1
1
Mbédíígí
1Yɔmɔ́ɔ, Símono Píele, uyogóní gɔnɔ́ apótɛlɛ ba Yésu Kilítu, mɔ́ɔ ŋgɔ́ŋɛnɔmɔ́ báaba bá mbaá bɛáa ntɔ́nɔ ya gioliminyo caŋa mmue nɛcɔ́ go pááná ya botɛ́nɛ́ɛ, naá Asaŋa bɛcɔ́, na Usódí bɛ́cɔ́ Yésu Kilítu#1.1 gokikilidie gúncoó gó lɔ́mɔ́: naá Asaŋa na naá Yésu Kilítu usódí bɛcɔ́.. 2Ŋgáa niibo, buumbénú, mó nyó úlene gitúu go mammana ya goíyime Asaŋa bese bese na Yésusu Daadáa bɛcɔ́.
Mammana ya odɔ́ŋɛ́nɔ
3Ɛɛ́ɛŋ, na bogaaga bɔ́ɔbɔ bó úlenemú naá Asaŋa, Daadáa a mba có fáá buimée bɔ́ɔbɔ bó có dúgunemú go go ɔyɔ bágódɛ́náalú na Asaŋa, go goŋaá a mba có lincíe mɔ́ɔnyɔ a mbaá có dɔ́ŋɛ́nɔ́ go go dáŋaba nigúmi nɛ́hɛ́ ná moatɛ́ moatɛ na busi bɛ́hɛ́. 4Go nigúmi na busi mɔ́ɔmɔ, Asaŋa a mba có fáá bɛantáanta bá moóma bɛ́ɛbɛ a mbaá có dánɛ́ná, go goŋaá aŋa no bɛamɔ́ moóma mɔ́ɔmɔ no lɛ́ ba go úlukie naá moóma mobɛ́ má cí yɛ́ɛyɛ, no bɛ́ɛmba odɛ́má yúmmue na Asaŋa. 5Go nɔ́ɔ, ágá nɔnɔ bogaaga buimée go go gídene naá gioliminyo gɛ́nyɔ́ ndoŋá ya bese; naá ndoŋá ya bese, no gídene golɛnca gá Asaŋa; 6naá golɛnca gá Asaŋa, no gídene gobégumbene gá odɛ́má; naá gobégumbene gá odɛ́má, no gídene gobágɛ́ndɛna; naá gobágɛ́ndɛna, no gídene gɛɔyɔ gɛ́ɛgɛ Asaŋa a lɛ́galɛgamɔ́; 7naá gɛɔyɔ moánɛ, no gídene bugúle bá bulimóní; naá bugúle bá bulimóní, no gídene gɛnɔ́ɔ́nɛ́nɔ́. 8Mammana, amóŋa no lɛ́ na ndoŋá sɛ́ɛsɔ fundufundu, sɛ́ dɛ ná bóso go nyó dɛ́ɛna kanɛ buelí, kanɛ go úme bɛsamɔ́ go go lɛnca Daadáa bɛcɔ́ Yésu Kilítu. 9Kɔ́ɔ uŋkimée mɔ́ɔnyɔ a taŋanamɔ́ ndoŋá sɛ́ɛsɔ a lɛ́ ugélígeli ba go anana, a bófoolonyo a amɔ́ a mba bɛ́ɛ́mbá sogáalú go bɛlɔgɔ bɛ́hɛ́ bá cóá. 10Go nɔ́ɔ gó moánɛ, bolimóní, gídéne nɔnɔ magɛ́nda go go gúninie odɔ́ŋɛ́nɔ yá Asaŋa yɔ́ɔyɔ no mbaá bɛáa go giiyide gɛ́hɛ́, goakɛ́ no amɔ́ no ŋanana nɔ́ɔnɔ no do ŋgá bóso go oba naá bobɛ́. 11Gó moánɛ Asaŋa a ŋgaá nyó buunéné bɛasɛ́ bɛsaágada go go íŋene naá gɛdɔŋɔ gá bɛcamɛna biimée, gá Daadáa bɛcɔ́, Usódí bɛcɔ́ Yésu Kilítu.
Nogálɔ ná pídefide
12Tɔ́nɔ, mbɛanana mbééníŋínyí go go nyó eniŋenye boóma moánɛ bɛcamɛna biimée akɛ́ aŋa no bó íyimenemú no gunde no lɔbɛnɔ tɛ́ŋɛ́tɛŋɛ naá mammana yɛ́ɛyɛ no lɔ́mɔ́ bɛáalú. 13Kanɛ́, ŋgɛ́nana mammana caá, gɛcamɛna giimée gɛ́ɛgɛ ká lɔ́mɔ́ odóɛ naá mmoɛná, káanana go nyó eniŋenye go goŋaá no bɛ́ɛmba mobɛ́dɛ́ pɔnyɛ́ɛ. 14Mammana, ŋgíyimene caá go busío bámɛ, gɛcamɛna gɛ́ ná lɛ́ mekúígíi gá go ádogana nɛnyɔ́, goakɛ́ Daadáa bɛcɔ́ Yésu Kilítu a tóoginonyomú. 15Kanɛ́ kaá noanánáa gɛ́nyɔ́ goŋaá akɛ́ naá nnyimé yamɛ ya nigúe no síene no beŋe témbuginye sɛ́ɛsɛ.
16Bó do bósó na biidí bá kanɛ kɔ́ɔ gɔ́ɔ dɛ mbaá nyó lincíe muúle má bogaaga má Daadáa bɛcɔ́ Yésu Kilítu. Bo lɔ́mɔ́ goŋaá dɛ mba mo bénúúnénée na oŋgíso yɛ́cɔ́ naá bogɔ́nɔ́ɔ bɛ́hɛ́ buimée. 17Mammana a mba bɛáa naá Asaŋa Isée mbúlugie na nigúmi, gɛcamɛna gɛ́ɛgɛ ukelú yá Asaŋa ba Bogaaga mɔ́ɔnyɔ yó mboó oyɛ́dá yó amɔ́: «Mɔ́ɔnyɔ mɔ́ɔ a lɔ́mɔ́ Moɔnɔ́ bamɛ ba gɛnɔ́ɔ́nɛ́nɔ́ makɔ́nɔ́, bó lɔ́mɔ́ nnɔ́ɔlú goŋaá mmo iyide mɔ́ɔ.» 18Ukelú moánɛ, bɛɛcɔ́ɔ moatɛ́ moatɛ dɛ mba yó ɔ́bɔ́ yó ɛ́da go úlene naá mmoɛná gɛcamɛna gɛ́ɛgɛ dɛ mbaá lɛ nɛhɛ́ naá gimmúmpúu gá ogɔndɔ#1.18 go big. 17-18 go ɛ́na Mot 17.1-5; Mél 9.2-7; Lók 9.28-35..
19Gɔnɔ́, dɛ bɛanana nogálɔ ná mbúsí sá Asaŋa, nɔ́ɔnɔ nó lɔ́mɔ́ gisíŋgilide moatɛ́, go nogálɔ moánɛ gɔ́ɔ no háananamɔ́ go éŋinine oŋgíso aŋa naá gise gá lámba gɛ́ɛgɛ gɛ́ sánamɔ́ naá hoóma há mbíno, bó ɛ́da húme aŋa buisí bó bálamɔ́, gɔnɔ́ hiotóti há ŋgúlu mbála hɛ́ fadɛgɛna naá ɛdɛ́má yɛnyɔ́.
20Naá busío busío, íyime nɔnɔ no amɔ́ mɔtɔ mokáa a dɛ bósó bá go falona bubúsí bá Ŋgɔ́ŋɛ́. 21Ɛɛ́ɛŋ, mɔtɔ a gá báasa a dɛ gálágáláa dogálɔ dá Asaŋa go ndɛ́ga yɛhɛ́ ya moatɛ́. Kanɛ́ bó lɔ́mɔ́ na bogaaga bá Gimmúmpúu gá Giliíli gɔ́ɔ batɔ bá mbaá gálágáláa go busío bá Asaŋa.
Currently Selected:
2 Píele 1: YAS
Highlight
Share
Copy
Want to have your highlights saved across all your devices? Sign up or sign in
2 Píele 1
1
Mbédíígí
1Yɔmɔ́ɔ, Símono Píele, uyogóní gɔnɔ́ apótɛlɛ ba Yésu Kilítu, mɔ́ɔ ŋgɔ́ŋɛnɔmɔ́ báaba bá mbaá bɛáa ntɔ́nɔ ya gioliminyo caŋa mmue nɛcɔ́ go pááná ya botɛ́nɛ́ɛ, naá Asaŋa bɛcɔ́, na Usódí bɛ́cɔ́ Yésu Kilítu#1.1 gokikilidie gúncoó gó lɔ́mɔ́: naá Asaŋa na naá Yésu Kilítu usódí bɛcɔ́.. 2Ŋgáa niibo, buumbénú, mó nyó úlene gitúu go mammana ya goíyime Asaŋa bese bese na Yésusu Daadáa bɛcɔ́.
Mammana ya odɔ́ŋɛ́nɔ
3Ɛɛ́ɛŋ, na bogaaga bɔ́ɔbɔ bó úlenemú naá Asaŋa, Daadáa a mba có fáá buimée bɔ́ɔbɔ bó có dúgunemú go go ɔyɔ bágódɛ́náalú na Asaŋa, go goŋaá a mba có lincíe mɔ́ɔnyɔ a mbaá có dɔ́ŋɛ́nɔ́ go go dáŋaba nigúmi nɛ́hɛ́ ná moatɛ́ moatɛ na busi bɛ́hɛ́. 4Go nigúmi na busi mɔ́ɔmɔ, Asaŋa a mba có fáá bɛantáanta bá moóma bɛ́ɛbɛ a mbaá có dánɛ́ná, go goŋaá aŋa no bɛamɔ́ moóma mɔ́ɔmɔ no lɛ́ ba go úlukie naá moóma mobɛ́ má cí yɛ́ɛyɛ, no bɛ́ɛmba odɛ́má yúmmue na Asaŋa. 5Go nɔ́ɔ, ágá nɔnɔ bogaaga buimée go go gídene naá gioliminyo gɛ́nyɔ́ ndoŋá ya bese; naá ndoŋá ya bese, no gídene golɛnca gá Asaŋa; 6naá golɛnca gá Asaŋa, no gídene gobégumbene gá odɛ́má; naá gobégumbene gá odɛ́má, no gídene gobágɛ́ndɛna; naá gobágɛ́ndɛna, no gídene gɛɔyɔ gɛ́ɛgɛ Asaŋa a lɛ́galɛgamɔ́; 7naá gɛɔyɔ moánɛ, no gídene bugúle bá bulimóní; naá bugúle bá bulimóní, no gídene gɛnɔ́ɔ́nɛ́nɔ́. 8Mammana, amóŋa no lɛ́ na ndoŋá sɛ́ɛsɔ fundufundu, sɛ́ dɛ ná bóso go nyó dɛ́ɛna kanɛ buelí, kanɛ go úme bɛsamɔ́ go go lɛnca Daadáa bɛcɔ́ Yésu Kilítu. 9Kɔ́ɔ uŋkimée mɔ́ɔnyɔ a taŋanamɔ́ ndoŋá sɛ́ɛsɔ a lɛ́ ugélígeli ba go anana, a bófoolonyo a amɔ́ a mba bɛ́ɛ́mbá sogáalú go bɛlɔgɔ bɛ́hɛ́ bá cóá. 10Go nɔ́ɔ gó moánɛ, bolimóní, gídéne nɔnɔ magɛ́nda go go gúninie odɔ́ŋɛ́nɔ yá Asaŋa yɔ́ɔyɔ no mbaá bɛáa go giiyide gɛ́hɛ́, goakɛ́ no amɔ́ no ŋanana nɔ́ɔnɔ no do ŋgá bóso go oba naá bobɛ́. 11Gó moánɛ Asaŋa a ŋgaá nyó buunéné bɛasɛ́ bɛsaágada go go íŋene naá gɛdɔŋɔ gá bɛcamɛna biimée, gá Daadáa bɛcɔ́, Usódí bɛcɔ́ Yésu Kilítu.
Nogálɔ ná pídefide
12Tɔ́nɔ, mbɛanana mbééníŋínyí go go nyó eniŋenye boóma moánɛ bɛcamɛna biimée akɛ́ aŋa no bó íyimenemú no gunde no lɔbɛnɔ tɛ́ŋɛ́tɛŋɛ naá mammana yɛ́ɛyɛ no lɔ́mɔ́ bɛáalú. 13Kanɛ́, ŋgɛ́nana mammana caá, gɛcamɛna giimée gɛ́ɛgɛ ká lɔ́mɔ́ odóɛ naá mmoɛná, káanana go nyó eniŋenye go goŋaá no bɛ́ɛmba mobɛ́dɛ́ pɔnyɛ́ɛ. 14Mammana, ŋgíyimene caá go busío bámɛ, gɛcamɛna gɛ́ ná lɛ́ mekúígíi gá go ádogana nɛnyɔ́, goakɛ́ Daadáa bɛcɔ́ Yésu Kilítu a tóoginonyomú. 15Kanɛ́ kaá noanánáa gɛ́nyɔ́ goŋaá akɛ́ naá nnyimé yamɛ ya nigúe no síene no beŋe témbuginye sɛ́ɛsɛ.
16Bó do bósó na biidí bá kanɛ kɔ́ɔ gɔ́ɔ dɛ mbaá nyó lincíe muúle má bogaaga má Daadáa bɛcɔ́ Yésu Kilítu. Bo lɔ́mɔ́ goŋaá dɛ mba mo bénúúnénée na oŋgíso yɛ́cɔ́ naá bogɔ́nɔ́ɔ bɛ́hɛ́ buimée. 17Mammana a mba bɛáa naá Asaŋa Isée mbúlugie na nigúmi, gɛcamɛna gɛ́ɛgɛ ukelú yá Asaŋa ba Bogaaga mɔ́ɔnyɔ yó mboó oyɛ́dá yó amɔ́: «Mɔ́ɔnyɔ mɔ́ɔ a lɔ́mɔ́ Moɔnɔ́ bamɛ ba gɛnɔ́ɔ́nɛ́nɔ́ makɔ́nɔ́, bó lɔ́mɔ́ nnɔ́ɔlú goŋaá mmo iyide mɔ́ɔ.» 18Ukelú moánɛ, bɛɛcɔ́ɔ moatɛ́ moatɛ dɛ mba yó ɔ́bɔ́ yó ɛ́da go úlene naá mmoɛná gɛcamɛna gɛ́ɛgɛ dɛ mbaá lɛ nɛhɛ́ naá gimmúmpúu gá ogɔndɔ#1.18 go big. 17-18 go ɛ́na Mot 17.1-5; Mél 9.2-7; Lók 9.28-35..
19Gɔnɔ́, dɛ bɛanana nogálɔ ná mbúsí sá Asaŋa, nɔ́ɔnɔ nó lɔ́mɔ́ gisíŋgilide moatɛ́, go nogálɔ moánɛ gɔ́ɔ no háananamɔ́ go éŋinine oŋgíso aŋa naá gise gá lámba gɛ́ɛgɛ gɛ́ sánamɔ́ naá hoóma há mbíno, bó ɛ́da húme aŋa buisí bó bálamɔ́, gɔnɔ́ hiotóti há ŋgúlu mbála hɛ́ fadɛgɛna naá ɛdɛ́má yɛnyɔ́.
20Naá busío busío, íyime nɔnɔ no amɔ́ mɔtɔ mokáa a dɛ bósó bá go falona bubúsí bá Ŋgɔ́ŋɛ́. 21Ɛɛ́ɛŋ, mɔtɔ a gá báasa a dɛ gálágáláa dogálɔ dá Asaŋa go ndɛ́ga yɛhɛ́ ya moatɛ́. Kanɛ́ bó lɔ́mɔ́ na bogaaga bá Gimmúmpúu gá Giliíli gɔ́ɔ batɔ bá mbaá gálágáláa go busío bá Asaŋa.
Currently Selected:
:
Highlight
Share
Copy
Want to have your highlights saved across all your devices? Sign up or sign in