1 Píele 5
5
Nɛ́ɛnɛ bafɛanɔ́ɔ bá háananamɔ́ go indenye biimbó bá boolímínyí
1Kúluminyemú kanɛ́ godɔ́ɔdɔ bafɛanɔ́ɔ báaba naá kadɛ́gadɛ́ɛ yɛnyɔ́, mbó gálagala goakɛ́ ndɛ́ ofɛanɔ́ɔ aŋa bɔ́ɔ, gɔnɔ́ ŋgominyo ya bɛdɔmbɔ bɛ́ɛbɛ Kilítusu a lɔ́mɔ́ luménénéelú na bɛ́; yɔmɔ́ɔ mɔ́ɔnyɔ mbɛananamɔ́ tɔ́nɔ bodáŋɔ naá nigúmi ná Kilítusu nɛ́ɛnɛ Asaŋa a ná dúfiemú, mbó oyanɛna caá: 2Aŋa bebeŋíbéŋí bidúgé, beŋébéŋée nɔnɔ bese biimbó bá boolímínyí bɛ́ɛbɛ Asaŋa a lɔ́mɔ́ nyó dóɛ́gɛ́náalú#5.2 O bana, go eninye na Sáŋ 21.15-17; Meŋ 20.28.. No bí indenye caá akɛ́ naá gɛgaŋa, kanɛ́ na gɛnɔ́gɔ́ gá odɛ́má aŋa Asaŋa a maamanamɔ́. No bɛ́ indenye caá akɛ́ go nobóda ná muinyí, kanɛ́ gó bɛ́ɛmba go go bííŋene na gɛnɔ́ɔnɛ́nɔ́. 3No do indényée biimbó bá boolímínyí bɛ́ɛbɛ Asaŋa a lɔ́mɔ́ nyó dóɛ́gɛ́náalú naá mbɔ́dɔ ya go bó míneminie, moatɛ́ ŋgáa bá núune gɛnɔ́gɔ́ gá gobɔ́gɔ́lɔnɔ go bɛɛnyɔ́ɔ. 4Gɔ́ɔ kanɛ́ aŋa ufuŋe, umbeŋíbéŋí bidúgé a ŋguú úlé, a ŋga nyó fá bɛsoɛná bá nigúmi bɛ́ɛbɛ bɛ́ lɔ́mɔ́ bɛ́ dɛ dɛ́áŋánáa.
Ibésiisie na golɔbɛnɔ tɛ́ŋɛ́tɛŋɛ naá gioliminyo
5Caŋa mmue bɛɛnyɔ́ɔ bɛtɔmbɔ́ɔ bá batɔ, ɔ́bɛ́nɔ́nɔ́ɔ nɔnɔ bafɛanɔ́ɔ bɛ́nyɔ́; gɔnɔ́ bɛɛnyɔ́ɔ biimée naá gɛɔyɔ gɛ́nyɔ́ gá miisí miimée, bɛ́ɛ́mba nɔnɔ na ndoŋá ya ibésiisie naá kadɛ́gadɛ́ɛ yɛnyɔ́, goakɛ́ Ŋgɔ́ŋɛ́ yɛ oya yɛ amɔ́: «Asaŋa a bɛ́ɛ́yana báaba bá bébúlugenyemú, kanɛ́ a boogo báaba bá bésiisenyemú nnyɔ́dɔ go cí.» 6Go busío moánɛ, bésiisíemú nɔnɔ nnyɔ́dɔ go cí naá boayá bá Asaŋa mɔ́ɔnyɔ a lɔ́mɔ́ na bogaaga go buimée, bó húme aŋa a lɔ́mɔ́ ba go nyó búlugie naá gɛcamɛna gɛ́ɛgɛ a sómbamɔ́#5.6 O bana, go eninye na Mot 23.12; Lók 14.11; 18.14.. 7Mo bádónɛ́náamɔ́ nɔnɔ gobényíigenye gɛ́nyɔ́ gá odɛ́má guimée goakɛ́ a nyó beŋebeŋe#5.7 O bana, go eninye na Ɛsagɔ 55.23..
8Bégumbénéemú nɔnɔ, no bɛ́ɛmba pɛnɛ́ɛ, obɛlɔ́bɛlɔ bɛnyɔ́, Sátana, a bégéeŋenye, a fúmbe mɔtɔ ba go gumbene, aŋa gɛkándáa ga ŋgoyóŋo, a fúmbe bɛ́hɛ́ bá go nyáa. 9Bɛ́ɛ́mba nɔnɔ bɛyágáyága naá boayá bɛ́hɛ́, no lɔbɛnɔ tɛ́ŋɛ́tɛŋɛ naá gioliminyo, no íyime no amɔ́ bɛdɔmbɔ bímmue eé bímmue bɛ́ lɛ́ tɔ́nɔ go boolímínyí biimée báaba naá cí.
10No nɔ́ ɔ́bɛgɔnɔ go moɔnɔ́ ba gɛcamɛna, naá nnyimé hɔ́ɔlɔ́, Asaŋa mɔ́ɔnyɔ a lɔ́mɔ́ mbɔ́gɔ́ ya buimée bɔ́ɔbɔ bó lɔ́mɔ́ bá besé, naá gobálada gɛ́nyɔ́ gɔ́ɔgɔ na Kilítusu, a báá nyó dɔ́ŋɛ́nɔ́ go go dáŋaba nigúmi nɛ́hɛ́ ná kanɛ mmanɛ́náa, a ŋga gɔnɔ́ nyó díliminye mɔ́ɔ moatɛ́ moatɛ a nyó íyie tɛ́ŋɛ́tɛŋɛ, a nyó gíndie no bɛ́ɛmba kanɛ kélídínyée. 11Mɔ́ɔ a gúmemú go bɛcamɛna biimée. Aamɛnɛ.
Mbédíígí
12Sɛlɛfɛ́ŋɛ mɔ́ɔ a ná ŋgóhígínyóo go go nyó ɔ́ŋɛnɔ moɔnɔ́ ba kálata yɛ́ɛyɛ; mmo gɔ́lɔnɔ aŋa ondimóní bamɛ ba pídefide naá gioliminyo. Ŋgaá ná nyó ɔ́ŋɛ́nɔ́ kálata yɛ́ɛyɛ go go nyó gúluminye, go go nyó dúfie mammana goŋaá Asaŋa a lɛ́ có ŋaáalú besé, no bágódɛna besé moánɛ tɛ́ŋɛ́tɛŋɛ. 13Giimbó gá boolímínyí gɛ́ɛgɛ Asaŋa a lɔ́mɔ́ iyídéelú háalá naá Bábɛlɔnɛ gɛ́ á nyó bédíígényée, tɔ́nɔ na Mélékusu, moɔnɔ́ bamɛ naá gioliminyo. 14Bédíígénínyée nɔnɔ na kude aŋa bolimóní. Ŋgáa buumbénú bó bɛ́ɛmba na bɛɛnyɔ́ɔ biimée báaba no lɔ́mɔ́ báladáalú na Kilítusu.
Currently Selected:
1 Píele 5: YAS
Highlight
Share
Copy
Want to have your highlights saved across all your devices? Sign up or sign in
1 Píele 5
5
Nɛ́ɛnɛ bafɛanɔ́ɔ bá háananamɔ́ go indenye biimbó bá boolímínyí
1Kúluminyemú kanɛ́ godɔ́ɔdɔ bafɛanɔ́ɔ báaba naá kadɛ́gadɛ́ɛ yɛnyɔ́, mbó gálagala goakɛ́ ndɛ́ ofɛanɔ́ɔ aŋa bɔ́ɔ, gɔnɔ́ ŋgominyo ya bɛdɔmbɔ bɛ́ɛbɛ Kilítusu a lɔ́mɔ́ luménénéelú na bɛ́; yɔmɔ́ɔ mɔ́ɔnyɔ mbɛananamɔ́ tɔ́nɔ bodáŋɔ naá nigúmi ná Kilítusu nɛ́ɛnɛ Asaŋa a ná dúfiemú, mbó oyanɛna caá: 2Aŋa bebeŋíbéŋí bidúgé, beŋébéŋée nɔnɔ bese biimbó bá boolímínyí bɛ́ɛbɛ Asaŋa a lɔ́mɔ́ nyó dóɛ́gɛ́náalú#5.2 O bana, go eninye na Sáŋ 21.15-17; Meŋ 20.28.. No bí indenye caá akɛ́ naá gɛgaŋa, kanɛ́ na gɛnɔ́gɔ́ gá odɛ́má aŋa Asaŋa a maamanamɔ́. No bɛ́ indenye caá akɛ́ go nobóda ná muinyí, kanɛ́ gó bɛ́ɛmba go go bííŋene na gɛnɔ́ɔnɛ́nɔ́. 3No do indényée biimbó bá boolímínyí bɛ́ɛbɛ Asaŋa a lɔ́mɔ́ nyó dóɛ́gɛ́náalú naá mbɔ́dɔ ya go bó míneminie, moatɛ́ ŋgáa bá núune gɛnɔ́gɔ́ gá gobɔ́gɔ́lɔnɔ go bɛɛnyɔ́ɔ. 4Gɔ́ɔ kanɛ́ aŋa ufuŋe, umbeŋíbéŋí bidúgé a ŋguú úlé, a ŋga nyó fá bɛsoɛná bá nigúmi bɛ́ɛbɛ bɛ́ lɔ́mɔ́ bɛ́ dɛ dɛ́áŋánáa.
Ibésiisie na golɔbɛnɔ tɛ́ŋɛ́tɛŋɛ naá gioliminyo
5Caŋa mmue bɛɛnyɔ́ɔ bɛtɔmbɔ́ɔ bá batɔ, ɔ́bɛ́nɔ́nɔ́ɔ nɔnɔ bafɛanɔ́ɔ bɛ́nyɔ́; gɔnɔ́ bɛɛnyɔ́ɔ biimée naá gɛɔyɔ gɛ́nyɔ́ gá miisí miimée, bɛ́ɛ́mba nɔnɔ na ndoŋá ya ibésiisie naá kadɛ́gadɛ́ɛ yɛnyɔ́, goakɛ́ Ŋgɔ́ŋɛ́ yɛ oya yɛ amɔ́: «Asaŋa a bɛ́ɛ́yana báaba bá bébúlugenyemú, kanɛ́ a boogo báaba bá bésiisenyemú nnyɔ́dɔ go cí.» 6Go busío moánɛ, bésiisíemú nɔnɔ nnyɔ́dɔ go cí naá boayá bá Asaŋa mɔ́ɔnyɔ a lɔ́mɔ́ na bogaaga go buimée, bó húme aŋa a lɔ́mɔ́ ba go nyó búlugie naá gɛcamɛna gɛ́ɛgɛ a sómbamɔ́#5.6 O bana, go eninye na Mot 23.12; Lók 14.11; 18.14.. 7Mo bádónɛ́náamɔ́ nɔnɔ gobényíigenye gɛ́nyɔ́ gá odɛ́má guimée goakɛ́ a nyó beŋebeŋe#5.7 O bana, go eninye na Ɛsagɔ 55.23..
8Bégumbénéemú nɔnɔ, no bɛ́ɛmba pɛnɛ́ɛ, obɛlɔ́bɛlɔ bɛnyɔ́, Sátana, a bégéeŋenye, a fúmbe mɔtɔ ba go gumbene, aŋa gɛkándáa ga ŋgoyóŋo, a fúmbe bɛ́hɛ́ bá go nyáa. 9Bɛ́ɛ́mba nɔnɔ bɛyágáyága naá boayá bɛ́hɛ́, no lɔbɛnɔ tɛ́ŋɛ́tɛŋɛ naá gioliminyo, no íyime no amɔ́ bɛdɔmbɔ bímmue eé bímmue bɛ́ lɛ́ tɔ́nɔ go boolímínyí biimée báaba naá cí.
10No nɔ́ ɔ́bɛgɔnɔ go moɔnɔ́ ba gɛcamɛna, naá nnyimé hɔ́ɔlɔ́, Asaŋa mɔ́ɔnyɔ a lɔ́mɔ́ mbɔ́gɔ́ ya buimée bɔ́ɔbɔ bó lɔ́mɔ́ bá besé, naá gobálada gɛ́nyɔ́ gɔ́ɔgɔ na Kilítusu, a báá nyó dɔ́ŋɛ́nɔ́ go go dáŋaba nigúmi nɛ́hɛ́ ná kanɛ mmanɛ́náa, a ŋga gɔnɔ́ nyó díliminye mɔ́ɔ moatɛ́ moatɛ a nyó íyie tɛ́ŋɛ́tɛŋɛ, a nyó gíndie no bɛ́ɛmba kanɛ kélídínyée. 11Mɔ́ɔ a gúmemú go bɛcamɛna biimée. Aamɛnɛ.
Mbédíígí
12Sɛlɛfɛ́ŋɛ mɔ́ɔ a ná ŋgóhígínyóo go go nyó ɔ́ŋɛnɔ moɔnɔ́ ba kálata yɛ́ɛyɛ; mmo gɔ́lɔnɔ aŋa ondimóní bamɛ ba pídefide naá gioliminyo. Ŋgaá ná nyó ɔ́ŋɛ́nɔ́ kálata yɛ́ɛyɛ go go nyó gúluminye, go go nyó dúfie mammana goŋaá Asaŋa a lɛ́ có ŋaáalú besé, no bágódɛna besé moánɛ tɛ́ŋɛ́tɛŋɛ. 13Giimbó gá boolímínyí gɛ́ɛgɛ Asaŋa a lɔ́mɔ́ iyídéelú háalá naá Bábɛlɔnɛ gɛ́ á nyó bédíígényée, tɔ́nɔ na Mélékusu, moɔnɔ́ bamɛ naá gioliminyo. 14Bédíígénínyée nɔnɔ na kude aŋa bolimóní. Ŋgáa buumbénú bó bɛ́ɛmba na bɛɛnyɔ́ɔ biimée báaba no lɔ́mɔ́ báladáalú na Kilítusu.
Currently Selected:
:
Highlight
Share
Copy
Want to have your highlights saved across all your devices? Sign up or sign in