1 Sáŋa 1
1
Nogálɔ mɔ́ɔnyɔ a lɔ́mɔ́ gɛɔyɔ
1Dɛ nyó ɔ́ŋɛnɔmɔ́ go bɔ́ɔbɔ bó núunemú Nogálɔ mɔ́ɔnyɔ lɔ́mɔ́ gɛɔyɔ; a mba lɛ́ hɔ́ɔ otóotoɛ yá boóma buimée#1.1 O bana, go eninye na 2.13; Sáŋ 1.1.: dɛ mba mo ɔ́bɔ́nɔ́ɔ, dɛ báá mo ɛ́ná na oŋgíso yɛ́cɔ́, dɛ mba mo bédíbíédíbíe, dɛ báá mo báláfɛ́ná na ɛmbɔ́gɔ yɛcɔ́. 2Gɔ́ɔgɔ aŋa Nogálɔ ba gɛɔyɔ mɔ́ɔnyɔ a mbaá bédúfíe, dɛ mba mo ɛ́ná; boóma moánɛ bɔ́ dɛ nyó oyanɛnamɔ́, dɛ nyó dúmeninye gɛɔyɔ gá kanɛ mesúge, gɛ́ɛgɛ gɛ́ mbaá lɛ naá Baaba; gɔnɔ́ bá báá có gɛ́ lincíe#1.2 O bana, go eninye na Sáŋ 1.14.. 3Bɔ́ɔbɔ dɛ mbɛɛ́ ɛ́ná dɛ báá gundé dɛ bɔ́ɔ́ ɔ́bɔ́nɔ́ɔ, dɛ nyó bó dúmeninye tɔ́nɔ, goŋaá bɛɛnyɔ́ɔ tɔ́nɔ no bɛ́ɛmba báladáalú nɛcɔ́. Kanɛ́ gobálada gɛ́cɔ́ gó lɛ́ na Baaba, gɔnɔ́ na Moɔnɔ́ bɛhɛ́ Yésu Kilítu. 4Dɛ nyó ɔ́ŋɔnɔmɔ́ moóma mɔ́ɔmɔ goŋaá bɛyaŋa bɛ́cɔ́ bɛ́ bɛ́ɛmba dácɛ dɔgɛdɔgɛ.
Asaŋa a lɛ́ gise, ŋgáa dɛ ɛnda tɔ́nɔ naá gise
5Cɔ́mɔ yɛ́ɛyɛ dɛ mbɔɔ́ ɔ́bɔ́nɔ́ɔ naá nyuudé ná Yésu Kilítu, dɛ nyó yɛ dúmeninye, ɛ lɔmɔ́ yɛ amɔ́: Asaŋa a lɛ́ gise, naá mɔ́ɔ, mbíno ɛ dɛ báá. 6Dɛ a amɔ́ dɛ oyɛda dɛ amɔ́ dɛ lɛ́ báladáalú na Asaŋa, gɔ́ɔ dɛ ɔ ɔyɔ naá mbíno, dɛ belebele, dɛ dɛ oyáa mammana. 7Aáŋa dɛ ɔyɔ naá gise aŋa gɔ́ɔgɔ mɔ́ɔ moatɛ́ moatɛ a lɔ́mɔ́ naá gise, dɛ lɛ́ báladáalú na basɔ́gɔ́ɔ, gó gunde manɔ́ŋɔ́ má Yésusu, Moɔnɔ́ bɛhɛ́, má có soga go bɛlɔgɔ biimée. 8Dɛ amɔ́ dɛ oyɛda dɛ amɔ́ dɛ lɛ́ kanɛ gɛlɔgɔ, dɛ bébelebele bɛɛcɔ́ɔ moatɛ́; mammana ɛ dɛ báá naá bɛɛcɔ́ɔ. 9Dɛ amɔ́ dɛ oya daŋɛ́daŋɛ bɛlɔgɔ bɛ́cɔ́, Asaŋa a có héehinenye, a gunde a có soga go bobɛ́ buimée, goakɛ́ a lɛ́ gɛtɛ́nɛ́ɛ, a dɛ súgénée tánɔ yɛhɛ́#1.9 O bana, go eninye na Ɛsagɔ 32.1-5.. 10Dɛ amɔ́ dɛ oyɛda dɛ amɔ́ dɛ lɛ́ kanɛ go lɔgɔ, dɛ íyenye Asaŋa umbelíbélí, Nogálɔ bɛhɛ́ a dɛ báá naá bɛɛcɔ́ɔ.
Currently Selected:
1 Sáŋa 1: YAS
Highlight
Share
Copy
Want to have your highlights saved across all your devices? Sign up or sign in
