Tîtɛ Mɛtú-nu
Mɛtú-nu
Pɔ̂l kɑ ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ Titɛ ŋu-kɛlístɔ wi ɑ ŋ́kɑɑ ŋu-pɑyúdɑ pɔ́. Titɛ kɑ ɡẅɛɛ nɛtík cúꞋlɛ-pʉɔ-Kɛlɛt, ńdɔk pɑ kɛ́ lɔ́Ꞌ ńdɔk ŋ́ɡɛ pɑtʉ́ʉmbi. A kɑ ɡẅɛɛ nɛcɔ́k pʉɔ pi pɔ́p ŋ́kɑɑ ńnɛn nǔu pɑ́Ꞌ ŋwɑꞋnɛ-Sɛ́ sɛ́ ḿbíkŋɛ pɔ́. Ḿbɔ́ ńnyɛt fʉꞋ nɛ́ ŋɡɛnɛ mɛ́ mbɑ nɛ́ nu yi ɛ́ cẅɛtnɛ ntsu wɛ́. Sɛ́ kɑ lɔk pɔ tsɑ́ɑ mɛjʉ́ŋ yɛ́ ŋ́ɡɛ pɑpɛ́m luk, ḿbɛn ŋ́ɡɑ́ zẅikŋɛ lɛ́ɛnɛ́nɛ ɛ́ lɛɛ pɔ́Ꞌɔ pɑpɛ́m zɛ nɛɡɛ nu sʉ́Ꞌnɛ. Tsɛt ŋwɑꞋnɛ-nzɛnɛ ŋwɑꞋnɛ 1.1-4 Nu nǔu pɑtʉ́ʉ mbi 1.5-9 ntík-Sɛ́ wɛ sʉ́Ꞌnɛ 1.10–2.15 NɛníꞋ tʉ́m pɑpɛ́m Sɛ́ 3.1-11 Nɛlẅiklɛ Filɛmɔ̂ŋ. Yɔ ŋwɑꞋnɛ kwɑꞋ yi Pɔ̂l kɑ tsuŋnɛ ŋ́ɡɑ́ pɔ ndɑꞋ mbɔ̌ Filɛmɔ̂ŋ, wi ɑ kɑ ɡɔ́ ḿbɔ́ ŋu-Kɛlístɔ ḿbɛn ḿbɔ́ ŋkɛ́m. Ɔnɛzim kɑ pɔ́ tɑ́Ꞌ ŋkwɑɑ-Filɛmɔŋ wi ɑ kɑ kʉɔnɛ. Ɛ́ kɑ ɡɔ́ ḿbɔ́ yɛcɔ́ ŋkɑ́, Pɔ́p Pɔ̂l jínɛ mɛmbʉʉ mɔ́p. Ɔnɛzim lɛɛ nzʉʉ Pɔ̂l ńcẅɛ́ɛ ŋki. Pɔ́Ꞌlɑ́, Pɔ̂l pɛn wɛ́ ŋ́ɡɑ́ mbɔ̌ Filɛmɔ̂ŋ, ńcú nɛ́ jʉ́ ŋɡɔ ɑ kúkŋɛ wɛ́ pɑ́Ꞌ pɛ́ kúkŋɛ́nɛ ŋkwɑɑ lɑ́ ŋ́kɛ́ ḿbɛn ńjí ŋɡɔ ɑ yɛ́ ŋu-Kɛlístɔ pɑ́Ꞌ jʉ́. Tsɛt ŋwɑꞋnɛ-nzɛnɛ ŋwɑꞋnɛ 1-3 Nɛɡɑ́ pɑ́Ꞌlɑ́ mbɔ̌ Sɛ́ mbíꞋ pɛ́mtʉ́m-Filɛmɔŋ 4-7 Pɔ̂l sɛ́ ḿbɛꞋ mɛlɑꞋ-Ɔnɛzim 8-22 Nɛlẅiklɛ ŋwɑꞋnɛ Hɛ́bɛlʉʉ. Pɛ kɑ ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ mbɔ́ntɑ́Ꞌ pʉɔ-Kɛlístɔ pi pɔ́p pɑyúdɑ. Ŋu wí ɑ kɑ ɡɑ́nɛ yɔ ŋwɑꞋnɛ, ɑ kɑ lɔk ńníꞋ mɛtʉʉ pɑpɛ́m nɛtsuŋ ŋ́ɡẅɛɛ pɛ́mtʉ́m. Ŋɡɔ Yɛ́su Kɛlístɔ tsɑ pɛcʉ̈ɔ́Ꞌ-Sɛ́: A mɔ́ɔ-Sɛ́ mbɔ́ ŋu wí Sɛ́ kɑ lɔknɛ ńnyɛt ndẅiknzʉʉ-tsɑ́ɑmɛjʉ́ŋ yɛ́. Sɛ́ kɑ lɔk wɛ́ ŋ́ɡɛ NɔŋpɔꞋ wɛ ɡẅɛ́ ndʉ́ŋndʉŋ. A kɑ lɔk nu NɔŋpɔꞋ wɛ ɡwɛ́ mik mbuu-Sɛ́ pɔ́p pʉɔmɛsɔŋ tɑ́Ꞌ ŋkɑ́ ńdɔk mbʉʉ yɛ ńjʉ́ɔ ŋɡʉ̈ɔ́Ꞌ. Ɛ́ lɛɛ pɔ́Ꞌɔ ɑ tík nɛpɑt nǔu nɛɡwɑt mɛnɑɑ ńdɔk ńnɔŋ pɔꞋ tsɛt ndɑ́-nɔŋpɔꞋ-pɑyúdɑ. Ɛ́ kɑ́ píkŋɛ ŋɡɔ pɛ́ ɡwɑ́k yîyɑ́ luk pɔ́. Ɛ́ lɑɑ ḿbɔ́ ŋkɑ́-ŋɡʉ̈ɔ́Ꞌ pɛ́ kẅíitɛ pɑ́Ꞌ pɑpɛ́m Sɛ́ kɑ ɡɛnɛ tsɛt ndwɛn kɑɑ, ńdɔk pɔ́Ꞌɔ ńníꞋ mɛtʉʉ-pʉɔ-Kɛlístɔ nɛɡẅɛɛ sʉk. Ńtsuŋ ńtík lík pɔ nǔu Yɛ́su wi pɛkŋɛ zɑ́pnɛ tʉ́m pɔ ndɑꞋ nǔu wɛ tɛ ḿmɛk. Tsɛt-ŋwɑꞋnɛ-nzɛnɛ ŋwɑꞋnɛ 1.1-4 Kɛlístɔ tsɑ pɛcʉ̈ɔ́Ꞌ-Sɛ́ mbɑ pɛŋɡɛ́mndʉ̈ɔ́Ꞌ 1.4–4.13 Kɛlístɔ kwɑꞋ nɔŋpɔꞋ wɛ ɡwɛ́ 4.14–7.28 Pɛ́ lɔk pɔ Kɛlístɔ lɑ ŋ́ɡwɑt kɑɑ fí 8.1–9.22 Kɛlístɔ kwɑꞋ yúu-pɔꞋ kɛ́ lɔ́Ꞌ 9.23–10.39 Ŋu lɑɑ ḿbɛ́m Kɛlístɔ ɑ jʉ́ pii 11-12 Yɔ pɑ́Ꞌ ɛ́ píkŋɛnɛ ŋɡɔ ŋu-kɛlístɔ nɑ́ŋ pɔ́Ꞌɔ 13.1-19 Nɛkút mɛtú mbɑ cɛꞋlɛ Sɛ́-Jɑ̂k. ŊwɑꞋnɛ yɔ ɡẅɛɛ mɛntík mi mɛkɔꞋndɑ́ tsɔ̌ppɑ́ nɛ́ nɛɡɛ́m ndǔ tsɛ́tsɑ́Ꞌ tsʉʉ ńnɛn pɔ́Ꞌɔ (1.1); ɛ́ zɛɛ ḿbɔ́ pɔ cúlɛ-pʉɔ-Kɛlístɔ tsʉʉ. Ŋu ɑ kɑ ŋwɑꞋnɛ́nɛ yɔ ŋwɑꞋnɛ kɑ pɔ́ ńdɔk ŋ́ɡɑ́ jínu mbɑ mɛntík nɛlɔk ŋ́ɡẅɛɛ sʉk nǔu pɑ́Ꞌ ŋu-Kɛlístɔ ɡẅɛɛnɛ nɛnɑ́ŋ pɔ́Ꞌɔ ndǔ tsɛ́tsɑ́Ꞌ yi mɛnu kɛpɔŋ zɑ́ɑnɛ. ŊwɑꞋnɛ cú nu nǔu mɛnu ndǔ mbí tɛ ɛ́ zɑ́ɑ, pɑ́Ꞌ nɛkúꞋlɛ mbʉʉ nǔu fuꞋ ntɛ́ nɛ́ ntɛ́, Púŋ, mbɑ nɛɡɔ́ ńtsɔ́Ꞌ nu ńtsuŋ ŋ́kwɑŋɛ, mbɑ mɛfɑꞋ pɛ́mtʉ́m. Tsɛt ŋwɑꞋnɛ-nzɛnɛ ŋwɑꞋnɛ 1.1 pɛ́mtʉ́m mbɑ jínu 1.2-8 púŋ mbɑ jínu 1.9-11 ŋɡʉ̈ɔ́Ꞌ mbɑ ŋkwɑꞋnɛ 1.12-18 zúꞋ ŋ́kẅíitɛ 1.19-27 nu-tɔŋ 2.1-13 mɛfɑꞋ-pɛ́mtʉ́m 2.14-26 nɛkwɑŋɛ nu lɑ́ ńcú 3 ŋu-Kɛlístɔ ndǔmbí 4.1–5.6 nɛzɑ́ɑ mɛntík 5.7-20.
Currently Selected:
Tîtɛ Mɛtú-nu: JGO
Highlight
Copy
Compare
Share
Want to have your highlights saved across all your devices? Sign up or sign in
CABTAL, 2017