Ŋɡɑlɑ̂t Mɛtú-nu
Mɛtú-nu
Yúu mi ɛ́ kɑ ɡɛnɛ lɑ Pɔ̂l ŋwɑꞋnɛ yɔ ŋwɑꞋnɛ. Pɔ̂l kɑ ɡɔ́ ŋ́ŋwɑꞋnɛ yɔ ŋwɑꞋnɛ mbɔ ɑ ɡʉ tsɛt ŋɡɔŋ-Ŋɡɑlɑ̂t ŋkɑ́ yɛ́pɑ́ nɛsɑ́Ꞌ Ŋkʉʉ Sʉ́Ꞌnɛ. Pɑyúdɑ mbɑ pʉɔ pi pɔ́p kɑ́ pɔ́ pɑyúdɑ pɔ́ pɛ́m Ŋkʉʉ ɛ̂wɑ́ ńtsʉ́Ꞌ pʉɔ-Kɛlístɔ. Pɔ̂l kɑ tsuŋ ḿbɔ́ ɛ́sẅíi wɔ́p ŋɡɔ ndɑꞋ pɛ́mtʉ́m mbɑ wɔ̌ lɑ́ ɡɛnɛ lɑ Sɛ́ lɔk wɛ́ ŋ́ɡɛ wɛ ŋu. Ɛ́ ɡɔ́ ńdɑ́ɑtɛ, pɛcɔ́ pɑyúdɑ ɡʉ Ŋɡɑlílíyɑ ńcú ŋɡɔ pɑtʉ́ʉmbi tsɛt cúꞋlɛ-Yɛlúsɑlɛm túunɛ wɔ́p ńdɔk ḿbʉ́ʉpɛ nu yi Pɔ̂l kɑ cúnɛ. Ńcú ŋɡɔ Pɔ̂l kɑ́ pɔ́ kwɑꞋ ŋɡɑŋntúu pɔ́, ŋɡɔ nu yi ɑ cúnɛ kɑ́ pɔ́ nu nɛ́nẅín pɔ́. Pɔ́p cú pɑ́Ꞌ pʉɔ pi pɔ́p kɑ́ pɔ́ pɑyúdɑ pɔ́ pɛ́mnɛ Sɛ́ pɔ́Ꞌɔ. Ŋɡɔ ɛ́ píkŋɛ ŋɡɔ pɔ́p ɡɛ yɔ́p pɑ́Ꞌ nɛpʉ́ʉ-Mɔ̌sɛ̂ɛ píkŋɛnɛ. Pɔ́p kɑ ɡʉ nǔu, ńtík pɔ́ nǔu nɛpúꞋ ŋu mbɛ́ɛnɛ. Pɔ́p cú ŋɡɔ yɛ́tɛ́ ɡɛnɛ lɑ Sɛ́ lɔk pʉɔ ŋ́ɡɛ pʉɔ nɛ́nẅín. Pʉɔ-Ŋɡɑlɑ̂t kɑ ɡɛ yɔ́p. Pɔ̂l zúꞋ pɔ́Ꞌɔ ńzɑ́ŋ lɔ́ŋ pɑ́ꞋtɛꞋ mbíꞋŋɡɔ nɛnɛn nǔu pɑ́Ꞌ nɛpʉ́ʉ-Mɔ̌sɛ̂ɛ píkŋɛnɛ kɑ́nɛ pɔ́ ŋ́ɡɛ lɑ Sɛ́ lɔk pʉɔ ŋ́ɡɛ pʉɔ nɛ́nẅín pɔ́. Yɛ́tɛ kɑ ɡɛnɛ lɑ Pɔ̂l ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ pʉɔ-Ŋɡɑlɑ̂t. Ɛ́ píkŋɛ ŋɡɔ tʉ́m mbɑ wɛ́tɛ́ ŋu lɑ́ lɛ́ɛnɛ. Ɛ́sẅíi wɔ́p ŋɡɔ Ábɛlɛhɑ̂m wi ɑ tɑ́t pɛ́ pʉɔ-Yúdɑ, Sɛ́ kɑ piitɛ ńdɔk wɛ́ ŋ́ɡɛ ŋu nɛ́nẅín lɑ pɛ́ ɡɛ ḿbúꞋ wɛ́. NdɑꞋ pɔŋtʉ́m ɡɛnɛ lɑ Sɛ́ lɔk mbɑ wɛ́tɛ́ ŋu lɑ́ ŋ́ɡɛ ŋu-nɛ́nẅín, ndɑꞋ pɛ́mtʉ́m ɡɛnɛ lɑ ŋumɛsɔŋ pɔŋ Sɛ́. Yɔ pɑ́Ꞌ ŋwɑꞋnɛ ɛ̂yɑ́ pɔ́nɛ
1. Pɔ̂l kwɑꞋ ŋɡɑŋtúu, ŋkʉʉ wi ɑ cẅinɛ ŋkʉʉ nɛ́nẅín (1.1-10)
2. Sɛ́ kɑ tsɔ́Ꞌnɛ Pɔ̂l ŋɡɔ ɑ pɔ́ ŋɡɑŋntúu (1.11-24)
3. Ŋkʉʉ Sʉ́Ꞌnɛ tsuŋ ńcú ŋɡɔ ku (2.1-21)
4. NdɑꞋ pɛ́mtʉ́m ɡɛnɛ lɑ ŋumɛsɔŋ luk 5. (3.1–4.31)
6. Pɛkŋɛ ɡẅɛɛ kɔŋɛ tsɛtsɛt pɛkŋɛ, zẅikŋɛ-Sɛ́ nyɛt pɑ́Ꞌ mbɔ pɛkŋɛ nɑ́ŋ pɔ́Ꞌɔ (5.1–6.10)
7. Ndẅikzʉʉ cɛꞋlɛ (6.11-18)
Currently Selected:
Ŋɡɑlɑ̂t Mɛtú-nu: JGO
Highlight
Copy
Compare
Share
Want to have your highlights saved across all your devices? Sign up or sign in
CABTAL, 2017