Utom Mme Abọsịd 19
19
Pọọl Akaa Efisọs
1Ke ini Apọlọs akebaaha ke Kọrint, Pọọl amaasaña usʌñ esịd abio akewuọ Efisọs. Ke udo anye amaakekịt usʌk mme andinịm ke akpanikọ. 2Anye amaanyʌñ abịp ammọ abo, “Ndufo emaebọ Adisana Sịbidịd idaha e-ekenịmme ke akpanikọ?”
Ammọ emaebọọrọ, “Iyoo, kpaanam ñnyịn ikoppo ke Adisana Sịbidịd aba.”
3Ndin Pọọl amaabịp ammọ abo, “Nsoo utọ uduọkmmọọñ ke ndufo ekebọọ?”
Ammọ emaebọọrọ ebo, “Uduọkmmọọñ Yọọn.”
4Pọọl amaabọọrọ ammọ ate, “Uduọkmmọọñ Yọọn akedo ake utua ñkpọfiọk ñkappaesịd. Yọọn akebo yak mme awo enịm anye a-adiidi ikeene imọ ke akpanikọ, a-adooho Yisọs.” 5Ammọ ekekop ami, emaeduọk ammọ mmọọñ ke anyịñ Abọọñ Yisọs. 6Ke ini Pọọl akedotto ammọ ubọk ke iwuod, Adisana Sịbidịd amaasọiyọ adoro ammọ, ndin ammọ emaetọọñọ adisem mme usem ñnyʌñ ntañ prọfesi. 7Ñkpọ nte ideen duob mme iba ekeba do.
8Pọọl amaadʌk sinakọk anyʌñ akwọrọ ikọ uko-uko ke afiọñ ita, atañ ikọ abaña abioubọọñ Abasi. 9Ado ubaak ammọ emaesọñ iwuod enyʌñ esịn adinịm ke akpanikọ, etaañ mme ndiọi ikọ ebaña ikọd Krais anwa-anwa. Ndin Pọọl amaakpọñ ammọ. Anye amaakoono mme mbed anyʌñ asinie nneme ye ammọ ke usen ke usen ke ufọk ukpeebñkpọ ke Tairanus. 10Ami amaakaa iso ke isua iba, tutu afịd mme Yuu ye mbon Greek e-ekedʌññọ ke ñkañ Esia ekop ikọ Abasi.
11Abasi amaadat Pọọl anam mme asaña-asaña utịppeñkpọ. 12Mbon udọñọ emaekop nsọñidem, ebọ ñkpọkñyak, ndiọi sịbidịd enyʌñ ekpọñ mbon ñkpọnsọb ke emaeketuuk afọñinua ye eprọn a-aketuuho Pọọl idem.
13Ado ndusʌk mme Yuu e-ekesaañake esịññe mme ndiọi sịbidịd emaedomo adikoot anyịñ Abọọñ Yisọs ndot ke iwuod mbon a-dimọn akesịnne ukad. Ammọ emaebo, “Ke anyịñ Yisọs, a-Pọọl akwọrọke, ami mmiwuuk ndufo, nte iwuọñọ.” 14Atu mbon se ikisikeene inañña ñkpọ ami ekedo nditọ ideen Sefa itiaba. Sefa akedo ekamba aku mme Yuu. 15Usen keed idiọọk sịbidịd amaabọọrọ ammọ ate, “Yisọs, ami mmediọọñọ, ñnyʌñ ndiọọñọ Pọọl, ndin ndufo edoñño mme anie?” 16Ndin, awo a-akenieghe idiọọk sịbidịd ami amaatamma amuum ammọ anyʌñ akan ammọ keedekeed, anekke atiim ammọ tutu ammọ efeeñe ifed ewuọñọ ke ufọk, ye iyiib ke idem.
17Ke ini mme Yuu ye mbon Greek e-ekedʌññọ ke Efisọs ekenieghe ifiọk ebaña ñkpọ ami, ndịk amaanam ammọ, ndin anyịñ Abọọñ Yisọs amaanekke anie ekamba uteñe. 18Uwak mbon se ikinịm Abasi ke akpanikọ emaewuọñọ edi, ediyaara mme ndiọiñkpọ ammọ anwa-anwa. 19Uwak mbon se ikisibre idiọñ emaekoono ñwed ibọk ammọ edifọọmọ anwa-anwa. Ke emaekedian ekọmudua mme ñwed ami, amaasịm silfa tọsịn aba mme duob. 20Ke utọ usʌñ ami, ikọ Abasi amaasuana, atara, anyʌñ akọt ke adudu.
21Ke afịd mme ñkpọ ami emaekeboiyo, Pọọl amaabiide ke esịd amọ adika Yeruselem, asaña aboiyo ke Masidonia ye Akaya. Ndin anye amaabo, “Ami mmaakewuọ udo, ana nte nsaña ñkesịm Rom ñko.” 22Anye amaanọ mbon unwam amọ iba, Timoti ye Erastus, eka Masidonia, ke ini anye akebaaha etək ini ke Esia.
Ekamba Ntịme ke Efisọs
23Ke ñkpọ nte ukem ini ado ekamba mfịna amaatịppe ke abaña ikọd Krais. 24Demitrus, awo a-akesinamma usọ silfa ake Atemis, amaadat uwak ndubeghe asọk mme anam usọ do. 25Anye amaakoot mbono mme anam usọ ye mbon mfen e-ekesinamma utọ utom ado ate, “Mme ufan mmi, ndufo emediọọñọ ke ubọkutom a-ñnyịn inamma a-anekke asịne udod. 26Ndufo emekịt enyʌñ ekop naña awo e-ekoodo Pọọl asaña mi akpuuño mme awo esịd anyʌñ abiaña ammọ, idooho mi ke Efisọs ikpọọñ, ado ke afịd ikpeghe Esia. Anye abo ke mme abasi e-ebotto ke ubọk idoññoke abasi ndomokeed. 27Afanekọñ a-aba, idooho ke ubiad ndubeghe ñnyịn ikpọọñ, ado sia anye a-asịn tembịd ekamba eka abasi Atemis ye anye eka abasi ke ndek, ndin uteeñe ye ubọọñ eka abasi ami e-ekponoke ke afịd Esia ye afịd ederimbod ayaasop.”
28Ke ammọ adikop ami, ammọ emaebịmme ke ifiobesịd, etọọñọ adibọọñ, “Ubọọñ anie Atemis ake Efisọs!” 29Ndin ntịme amaatara ayọhọ afịd abio, mbon awo emaesọsọp ekaiya afe abio ekemʌm nsaña Pọọl, Keyọs ye Aristakus, e-eketooho Masidonia ekaiya udo. 30Pọọl amaayem adidʌk ñkaa ñkesoobo ye atu awo, ado mme mbed ikiyakka anye aka. 31Kpa ubaak mme akama ukara abio ado, e-ekedooho mme ufan Pọọl, emaedọñ edikpeiye anye ete akuudeedei akaa afe abio.
32Ntịme amaakpon ke afe abio: Mme awo emaebọọñ ñkpo ntịme-ntịme, ebọñ ebaña ñkpọ anyem, ebọñ ebaña anye ako. Ataa uwak awo ikidiọọñọke se ikinam mmimọ ikaiya itie ado ke akpa ifed. 33Ndin mme Yuu e-ekebaaha ke atu mme awo emaenək Aleksanda esio nọ akeda ke iso atu awo enyʌñ ebọọñ edọkkọ anye se akpenam. Aleksanda amaadịppe ubọk abo edop uyio nọ imọ itañ ikọ. 34Ado ammọ ekediọọñọ ke anye ado Yuu, afịd ammọ emaekaa iso ebọñ uyio keed ke ñkpọ nte awa iba, ete: “Atemis Efisọs a-akpon!”
35Ke akpatre, awedñwed abio amaakpan uyom, anyʌñ abo: “Mbon Efisọs ñnyịn, nte afịd ederimbod idiọọñọke ke abio Efisọs ado itie a-anaaha ekpeme tembịd ekamba Atemis ye usioidem amọ a-aketooho hefịn adiduọ? 36Sia ndufo emaediọọñọ ke ñkpọ ami ado akpanikọ, ufọn adifịna idem me adinam ñkpọ nte mme anana akikere ibaaha. 37Ndufo ekeben ibon ami edi mi, akpesʌkado a-ammọ imiiyịppe ñkpọ ke tembịd, inyʌññọ isappa eka abasi ñnyịn. 38Ndin adieke Demitrus ye emọ-emọ mme anam usọ enieghe ntuaha ye awo ndomokeed (isʌñutom Krais), mme esob mmọdo, mme akama ukara ñko mmọdo. Yak ammọ esịn ikpe ke esob. 39Akpedo mfịna mfen aba, ana eben eka afe mbed abio. 40Sia naña aba ami, ekeme adiben ñnyịn ñkaa esob ke abaña se itịppe mfịn ami. Akpetịppe ntoro, ñnyịn idiikanna ifaaña ibọkkọ sia ntak ndomokeed ibaaha.” 41Anye aketañ ami ama, anye amaasuan afe abio.
Currently Selected:
Utom Mme Abọsịd 19: ICB
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Utom Mme Abọsịd 19
19
Pọọl Akaa Efisọs
1Ke ini Apọlọs akebaaha ke Kọrint, Pọọl amaasaña usʌñ esịd abio akewuọ Efisọs. Ke udo anye amaakekịt usʌk mme andinịm ke akpanikọ. 2Anye amaanyʌñ abịp ammọ abo, “Ndufo emaebọ Adisana Sịbidịd idaha e-ekenịmme ke akpanikọ?”
Ammọ emaebọọrọ, “Iyoo, kpaanam ñnyịn ikoppo ke Adisana Sịbidịd aba.”
3Ndin Pọọl amaabịp ammọ abo, “Nsoo utọ uduọkmmọọñ ke ndufo ekebọọ?”
Ammọ emaebọọrọ ebo, “Uduọkmmọọñ Yọọn.”
4Pọọl amaabọọrọ ammọ ate, “Uduọkmmọọñ Yọọn akedo ake utua ñkpọfiọk ñkappaesịd. Yọọn akebo yak mme awo enịm anye a-adiidi ikeene imọ ke akpanikọ, a-adooho Yisọs.” 5Ammọ ekekop ami, emaeduọk ammọ mmọọñ ke anyịñ Abọọñ Yisọs. 6Ke ini Pọọl akedotto ammọ ubọk ke iwuod, Adisana Sịbidịd amaasọiyọ adoro ammọ, ndin ammọ emaetọọñọ adisem mme usem ñnyʌñ ntañ prọfesi. 7Ñkpọ nte ideen duob mme iba ekeba do.
8Pọọl amaadʌk sinakọk anyʌñ akwọrọ ikọ uko-uko ke afiọñ ita, atañ ikọ abaña abioubọọñ Abasi. 9Ado ubaak ammọ emaesọñ iwuod enyʌñ esịn adinịm ke akpanikọ, etaañ mme ndiọi ikọ ebaña ikọd Krais anwa-anwa. Ndin Pọọl amaakpọñ ammọ. Anye amaakoono mme mbed anyʌñ asinie nneme ye ammọ ke usen ke usen ke ufọk ukpeebñkpọ ke Tairanus. 10Ami amaakaa iso ke isua iba, tutu afịd mme Yuu ye mbon Greek e-ekedʌññọ ke ñkañ Esia ekop ikọ Abasi.
11Abasi amaadat Pọọl anam mme asaña-asaña utịppeñkpọ. 12Mbon udọñọ emaekop nsọñidem, ebọ ñkpọkñyak, ndiọi sịbidịd enyʌñ ekpọñ mbon ñkpọnsọb ke emaeketuuk afọñinua ye eprọn a-aketuuho Pọọl idem.
13Ado ndusʌk mme Yuu e-ekesaañake esịññe mme ndiọi sịbidịd emaedomo adikoot anyịñ Abọọñ Yisọs ndot ke iwuod mbon a-dimọn akesịnne ukad. Ammọ emaebo, “Ke anyịñ Yisọs, a-Pọọl akwọrọke, ami mmiwuuk ndufo, nte iwuọñọ.” 14Atu mbon se ikisikeene inañña ñkpọ ami ekedo nditọ ideen Sefa itiaba. Sefa akedo ekamba aku mme Yuu. 15Usen keed idiọọk sịbidịd amaabọọrọ ammọ ate, “Yisọs, ami mmediọọñọ, ñnyʌñ ndiọọñọ Pọọl, ndin ndufo edoñño mme anie?” 16Ndin, awo a-akenieghe idiọọk sịbidịd ami amaatamma amuum ammọ anyʌñ akan ammọ keedekeed, anekke atiim ammọ tutu ammọ efeeñe ifed ewuọñọ ke ufọk, ye iyiib ke idem.
17Ke ini mme Yuu ye mbon Greek e-ekedʌññọ ke Efisọs ekenieghe ifiọk ebaña ñkpọ ami, ndịk amaanam ammọ, ndin anyịñ Abọọñ Yisọs amaanekke anie ekamba uteñe. 18Uwak mbon se ikinịm Abasi ke akpanikọ emaewuọñọ edi, ediyaara mme ndiọiñkpọ ammọ anwa-anwa. 19Uwak mbon se ikisibre idiọñ emaekoono ñwed ibọk ammọ edifọọmọ anwa-anwa. Ke emaekedian ekọmudua mme ñwed ami, amaasịm silfa tọsịn aba mme duob. 20Ke utọ usʌñ ami, ikọ Abasi amaasuana, atara, anyʌñ akọt ke adudu.
21Ke afịd mme ñkpọ ami emaekeboiyo, Pọọl amaabiide ke esịd amọ adika Yeruselem, asaña aboiyo ke Masidonia ye Akaya. Ndin anye amaabo, “Ami mmaakewuọ udo, ana nte nsaña ñkesịm Rom ñko.” 22Anye amaanọ mbon unwam amọ iba, Timoti ye Erastus, eka Masidonia, ke ini anye akebaaha etək ini ke Esia.
Ekamba Ntịme ke Efisọs
23Ke ñkpọ nte ukem ini ado ekamba mfịna amaatịppe ke abaña ikọd Krais. 24Demitrus, awo a-akesinamma usọ silfa ake Atemis, amaadat uwak ndubeghe asọk mme anam usọ do. 25Anye amaakoot mbono mme anam usọ ye mbon mfen e-ekesinamma utọ utom ado ate, “Mme ufan mmi, ndufo emediọọñọ ke ubọkutom a-ñnyịn inamma a-anekke asịne udod. 26Ndufo emekịt enyʌñ ekop naña awo e-ekoodo Pọọl asaña mi akpuuño mme awo esịd anyʌñ abiaña ammọ, idooho mi ke Efisọs ikpọọñ, ado ke afịd ikpeghe Esia. Anye abo ke mme abasi e-ebotto ke ubọk idoññoke abasi ndomokeed. 27Afanekọñ a-aba, idooho ke ubiad ndubeghe ñnyịn ikpọọñ, ado sia anye a-asịn tembịd ekamba eka abasi Atemis ye anye eka abasi ke ndek, ndin uteeñe ye ubọọñ eka abasi ami e-ekponoke ke afịd Esia ye afịd ederimbod ayaasop.”
28Ke ammọ adikop ami, ammọ emaebịmme ke ifiobesịd, etọọñọ adibọọñ, “Ubọọñ anie Atemis ake Efisọs!” 29Ndin ntịme amaatara ayọhọ afịd abio, mbon awo emaesọsọp ekaiya afe abio ekemʌm nsaña Pọọl, Keyọs ye Aristakus, e-eketooho Masidonia ekaiya udo. 30Pọọl amaayem adidʌk ñkaa ñkesoobo ye atu awo, ado mme mbed ikiyakka anye aka. 31Kpa ubaak mme akama ukara abio ado, e-ekedooho mme ufan Pọọl, emaedọñ edikpeiye anye ete akuudeedei akaa afe abio.
32Ntịme amaakpon ke afe abio: Mme awo emaebọọñ ñkpo ntịme-ntịme, ebọñ ebaña ñkpọ anyem, ebọñ ebaña anye ako. Ataa uwak awo ikidiọọñọke se ikinam mmimọ ikaiya itie ado ke akpa ifed. 33Ndin mme Yuu e-ekebaaha ke atu mme awo emaenək Aleksanda esio nọ akeda ke iso atu awo enyʌñ ebọọñ edọkkọ anye se akpenam. Aleksanda amaadịppe ubọk abo edop uyio nọ imọ itañ ikọ. 34Ado ammọ ekediọọñọ ke anye ado Yuu, afịd ammọ emaekaa iso ebọñ uyio keed ke ñkpọ nte awa iba, ete: “Atemis Efisọs a-akpon!”
35Ke akpatre, awedñwed abio amaakpan uyom, anyʌñ abo: “Mbon Efisọs ñnyịn, nte afịd ederimbod idiọọñọke ke abio Efisọs ado itie a-anaaha ekpeme tembịd ekamba Atemis ye usioidem amọ a-aketooho hefịn adiduọ? 36Sia ndufo emaediọọñọ ke ñkpọ ami ado akpanikọ, ufọn adifịna idem me adinam ñkpọ nte mme anana akikere ibaaha. 37Ndufo ekeben ibon ami edi mi, akpesʌkado a-ammọ imiiyịppe ñkpọ ke tembịd, inyʌññọ isappa eka abasi ñnyịn. 38Ndin adieke Demitrus ye emọ-emọ mme anam usọ enieghe ntuaha ye awo ndomokeed (isʌñutom Krais), mme esob mmọdo, mme akama ukara ñko mmọdo. Yak ammọ esịn ikpe ke esob. 39Akpedo mfịna mfen aba, ana eben eka afe mbed abio. 40Sia naña aba ami, ekeme adiben ñnyịn ñkaa esob ke abaña se itịppe mfịn ami. Akpetịppe ntoro, ñnyịn idiikanna ifaaña ibọkkọ sia ntak ndomokeed ibaaha.” 41Anye aketañ ami ama, anye amaasuan afe abio.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.