Utom Mme Abọsịd 20
20
Pọọl Akaa Masidonia ye Greece
1Ke ini ntịme ami amaaketre, Pọọl amaadọñ ekoot mme mbed, ndin ke anye amaakenọ ammọ ikọ nsọọñọidem ama, anye amaakọọm ammọ unyọñ, ndin amaadakka isañ akaa Masidonia. 2Anye amaasaña akanna afịd ukañ udo anọ mme awo uwak ikọ nsọọñọidem, ndin ke akpatre amaakewuọ Greece, 3itie a-anye akebaaha afiọñ ita. Sia ubaak mme Yuu emaekedioomo adinam anye idiọọkñkpọ kpa ke ini anye akeyemme isaña mmọọñ ñkaa Siria, anye amaatịmme edem, adisaña aboiyo ke Masidonia. 4Sopata, ayịn Pairọs a-aketooho Beria, Aristakus ye Sekundus, e-eketooho Tesalọnika, Keyọs awo Deebi, Timoti, Taikikọs ye Trofimus, mbio ikpeghe ukara Esia, emaekeene anye ñko. 5Mbon ami emaebem iso ekibet ñnyịn ke Troas. 6Ado ñnyịn imaisio uwad ikpọñ Filipai ke Usọrọ Uyo a-Yiis Miisịneke amaakeboiyo, ndin ke usen ition emaekeboiyo, ñnyịn imaikisoobo ye ammọ ke Troas inyʌñ iba ye ammọ usen itiaba.
Enam Yutikọs Aset ke Ñkpa ke Troas
7Ke akpa usen udua, ñnyịn imaisoobo adibuuñ uyo. Pọọl amaatañ ikọ anọ mme awo, ndin sia akenaaha anye akpọñ edem usen, anye amaakaa iso atañ ikọ tutu ufọọd akonayio. 8Mme utuenikañ emaewak ke ubeed ufọk anyọñ a-ñnyịn ikibonoke. 9Akparawa keed a-akekereke Yutikọs aketie ke ubenafịm, ndin akpọsọñ idab amaamʌm anye naña Pọọl akesʌkkọ akaiso atañ ikọ akpeene; ndin anye amaato ke ayọhọ anyọñ ita adiañña adiduọ ke isọñ, ado ke ini edikaaha ekebenne anye, anye amaakpakpa. 10Pọọl amaasọiyọo akaa isọñ, akeduọ afʌk anye anyʌñ adot anye ubọk ke afara ate: “Ikiiyak idem inyeñ, anye a-adu uwem!” 11Ndin Pọọl amaatịmme adọọk anyọñ akebuuñ uyo ata. Ke amaaketañ ikọ ye ammọ tutu usiere, anye amaakpọñ ammọ. 12Ammọ emaeben akparawa ado enyọñ ye uwem ke akwa inemesịd.
Pọọl Akọọm mme Adaiwuod Ufọkabasi ke Efisọs Unyọñ
13Ñnyịn imaika iso iwat ke nsʌñikañ, ika abio Asọs nọ ñnyịn ikiben Pọọl. Anye akebo ñnyịn inam ntom sia anye akesaña ke ukod akaa Troas. 14Ndin ke anye amaakedisoobo ye ñnyịn ke Asọs, ñnyịn imaiben anye ke nsʌñikañ ika Mitiliin. 15Edem usen, imaisio uwat ikiwuọ nsakiso Kiọs. Edem usen, ñnyịn imaikiwuọ Samos; ndin usen keed amaakeboiyo, ñnyịn imaikiwuọ Miletus. 16Pọọl amaabiide adiwat mboiyo Efisọs, mbaak anye adikibiat ini ke ukañ Esia, sia anye akebaaha itọk-itọk abo yak ise me iyaikan ikiwuọ Yeruselem ke usen Pentikọs.
17Ke Miletus, anye amaadọñ eka Efisọs ekekoot mme adaiwuod ufọkabasi inọ imọ. 18Ammọ emaekedi, anye amaabo ammọ ate: “Ndufo emediọọñọ tọọñọ ke akpa usen a-ami ñketọọhọ ñkpad ke Esia, naña ami ñkedu uwem ye ndufo afịd ini. 19Ami mmaanam utom nnọ Abasi ke ataa nsuukidem ye mmọọñayịd, ke ufọọd akpọsọñ idomo a-aketooho mme ndịbe-ndịbe edioomo ibak a-mme Yuu ekenieghe embaña miin. 20Ndufo emediọọñọ ke ami ñkibiada ini adikwọrọ mbaña ñkpọ keed akeedodo a-adiinwam ndufo, ado ñkikpeep ndufo anwa-anwa ñnyʌñ nsaña ke ufọk ke ufọk. 21Ami mmekwọrọ nnọ mme Yuu ye mme Greek nte ammọ ekappa esịd ekeene Abasi, enyʌñ enie mbuọdidem ke Abọọñ ñnyịn Yisọs.
22“Idahami, ami mmedakka naña Sịbidịd andat miin usʌñ, ñkaa Yeruselem. Ndiọọñọke se idiikitịppe innọ miin ke udo. 23Ukweeñe se ami ndiọọñọ ado ke kwa abio, Adisana Sịbidịd andʌt utọñ abo ke ñkpakọb ye ukuud mmọdo ena embet. 24Kpayeado, ami mmebiire ke mbatta uwem mmi ke baaba ñkpọ ndomokeed, ñkpekap ñkan mfeghe nduba mmi mma, ñnyʌñ ñkweeñe utom a-Abọọñ Yisọs annọọhọ miin, utom aditie ntiense nnọọ eti etob a-atooho ke mfọn Abasi.
25“Idahami, ami mmediọọñọ ke ibaaha awo ndomokeed ke atu ndufo a-ami ñkekwọrọke etob abioubọọñ Abasi nnọ a-adiimaana iñkịt miin iso aba. 26Ke ntoro, ami idọkkọ ndufo mfịn ami ke ami nnieghe ubiomikpe ke iyiib awo ndufo ndomokeed. 27Sia ami ñkidaaha edem ke adikwọrọ mme uduak Abasi inọọ ndufo. 28Ikpeme idem ndufo ye afịd atu edọñ a-Adisana Sịbidịd inịmme ndufo nte mme andikpeme, ido mme akpemeedọñ ufọk Abasi#20:28 Ataa uwak ikpañwed ewet ake Abọọñ a-anye akedeppe ke iyiib#20:28 Usʌk ebo ye iyiib Ayịn amọ awodeen amọ. 29Ami mmediọọñọ ke mmaakpọñ, mme ndiọi ewaikọd eyaedʌk ke atu ndufo, idiinyʌññọ itua atu edọñ mbọm. 30Kpa ke atu ndufo, mme awo eyaedakka eda, etañ nduyʌttọ ikọ nọ ekan edʌt mme mbed enọ idem ammọ. 31Ikpeme ndin! Itoiyo ke afịd isua ita a-ami ñkebaaha ye ndufo, ami ñketreke adidʌt afịd awo utọñ akonayio ye uweemeayio ke mmọọñayịd.
32“Idahami, ami mmiyaak ndufo nnọ Abasi ye ikọ mfọn amọ a-akanna inọọ ndufo adudu nsọọñọnda, anyʌñ inọ ndufo udeeme ke atu mbon e-enamma esana. 33Ami nsịnne anyen ke silfa me kold me afọñ awo ndomokeed. 34Ndufo ke idem ndufo emediọọñọ ke ñkedat ubọk mmi ami ñnwana idem ñyem se iñkem ye se ikem mbon nsaña mmi. 35Ke afịd ñkpọ se ami ñkenam, ami ñkiwọt ndufo ke ato ke akpọsọñ utom ntom ke ñnyịn inie adinwam mbon mmemidem, inyʌñ itoiyo ikọ a-Abọọñ Yisọs akebooho ate: ‘a-Afọn adinọnọ akan adibọbọ.’ ”
36Ndin ke Pọọl amaaketañ ikọ ama, anye amaatọọñọ edọñ ye afịd ammọ abọñ akam. 37Afịd ammọ emaetuaha, efat Pọọl enyʌñ etʌm anye inua. 38Ammọ emaefʌhọ akpan-akpan ebaña ikọ a-anye aketañña abo ke ammọ idiikịtte anye iso aba. Ndin ammọ emaedat anye isañ ekesuuk ke nsʌñikañ.
Currently Selected:
Utom Mme Abọsịd 20: ICB
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Utom Mme Abọsịd 20
20
Pọọl Akaa Masidonia ye Greece
1Ke ini ntịme ami amaaketre, Pọọl amaadọñ ekoot mme mbed, ndin ke anye amaakenọ ammọ ikọ nsọọñọidem ama, anye amaakọọm ammọ unyọñ, ndin amaadakka isañ akaa Masidonia. 2Anye amaasaña akanna afịd ukañ udo anọ mme awo uwak ikọ nsọọñọidem, ndin ke akpatre amaakewuọ Greece, 3itie a-anye akebaaha afiọñ ita. Sia ubaak mme Yuu emaekedioomo adinam anye idiọọkñkpọ kpa ke ini anye akeyemme isaña mmọọñ ñkaa Siria, anye amaatịmme edem, adisaña aboiyo ke Masidonia. 4Sopata, ayịn Pairọs a-aketooho Beria, Aristakus ye Sekundus, e-eketooho Tesalọnika, Keyọs awo Deebi, Timoti, Taikikọs ye Trofimus, mbio ikpeghe ukara Esia, emaekeene anye ñko. 5Mbon ami emaebem iso ekibet ñnyịn ke Troas. 6Ado ñnyịn imaisio uwad ikpọñ Filipai ke Usọrọ Uyo a-Yiis Miisịneke amaakeboiyo, ndin ke usen ition emaekeboiyo, ñnyịn imaikisoobo ye ammọ ke Troas inyʌñ iba ye ammọ usen itiaba.
Enam Yutikọs Aset ke Ñkpa ke Troas
7Ke akpa usen udua, ñnyịn imaisoobo adibuuñ uyo. Pọọl amaatañ ikọ anọ mme awo, ndin sia akenaaha anye akpọñ edem usen, anye amaakaa iso atañ ikọ tutu ufọọd akonayio. 8Mme utuenikañ emaewak ke ubeed ufọk anyọñ a-ñnyịn ikibonoke. 9Akparawa keed a-akekereke Yutikọs aketie ke ubenafịm, ndin akpọsọñ idab amaamʌm anye naña Pọọl akesʌkkọ akaiso atañ ikọ akpeene; ndin anye amaato ke ayọhọ anyọñ ita adiañña adiduọ ke isọñ, ado ke ini edikaaha ekebenne anye, anye amaakpakpa. 10Pọọl amaasọiyọo akaa isọñ, akeduọ afʌk anye anyʌñ adot anye ubọk ke afara ate: “Ikiiyak idem inyeñ, anye a-adu uwem!” 11Ndin Pọọl amaatịmme adọọk anyọñ akebuuñ uyo ata. Ke amaaketañ ikọ ye ammọ tutu usiere, anye amaakpọñ ammọ. 12Ammọ emaeben akparawa ado enyọñ ye uwem ke akwa inemesịd.
Pọọl Akọọm mme Adaiwuod Ufọkabasi ke Efisọs Unyọñ
13Ñnyịn imaika iso iwat ke nsʌñikañ, ika abio Asọs nọ ñnyịn ikiben Pọọl. Anye akebo ñnyịn inam ntom sia anye akesaña ke ukod akaa Troas. 14Ndin ke anye amaakedisoobo ye ñnyịn ke Asọs, ñnyịn imaiben anye ke nsʌñikañ ika Mitiliin. 15Edem usen, imaisio uwat ikiwuọ nsakiso Kiọs. Edem usen, ñnyịn imaikiwuọ Samos; ndin usen keed amaakeboiyo, ñnyịn imaikiwuọ Miletus. 16Pọọl amaabiide adiwat mboiyo Efisọs, mbaak anye adikibiat ini ke ukañ Esia, sia anye akebaaha itọk-itọk abo yak ise me iyaikan ikiwuọ Yeruselem ke usen Pentikọs.
17Ke Miletus, anye amaadọñ eka Efisọs ekekoot mme adaiwuod ufọkabasi inọ imọ. 18Ammọ emaekedi, anye amaabo ammọ ate: “Ndufo emediọọñọ tọọñọ ke akpa usen a-ami ñketọọhọ ñkpad ke Esia, naña ami ñkedu uwem ye ndufo afịd ini. 19Ami mmaanam utom nnọ Abasi ke ataa nsuukidem ye mmọọñayịd, ke ufọọd akpọsọñ idomo a-aketooho mme ndịbe-ndịbe edioomo ibak a-mme Yuu ekenieghe embaña miin. 20Ndufo emediọọñọ ke ami ñkibiada ini adikwọrọ mbaña ñkpọ keed akeedodo a-adiinwam ndufo, ado ñkikpeep ndufo anwa-anwa ñnyʌñ nsaña ke ufọk ke ufọk. 21Ami mmekwọrọ nnọ mme Yuu ye mme Greek nte ammọ ekappa esịd ekeene Abasi, enyʌñ enie mbuọdidem ke Abọọñ ñnyịn Yisọs.
22“Idahami, ami mmedakka naña Sịbidịd andat miin usʌñ, ñkaa Yeruselem. Ndiọọñọke se idiikitịppe innọ miin ke udo. 23Ukweeñe se ami ndiọọñọ ado ke kwa abio, Adisana Sịbidịd andʌt utọñ abo ke ñkpakọb ye ukuud mmọdo ena embet. 24Kpayeado, ami mmebiire ke mbatta uwem mmi ke baaba ñkpọ ndomokeed, ñkpekap ñkan mfeghe nduba mmi mma, ñnyʌñ ñkweeñe utom a-Abọọñ Yisọs annọọhọ miin, utom aditie ntiense nnọọ eti etob a-atooho ke mfọn Abasi.
25“Idahami, ami mmediọọñọ ke ibaaha awo ndomokeed ke atu ndufo a-ami ñkekwọrọke etob abioubọọñ Abasi nnọ a-adiimaana iñkịt miin iso aba. 26Ke ntoro, ami idọkkọ ndufo mfịn ami ke ami nnieghe ubiomikpe ke iyiib awo ndufo ndomokeed. 27Sia ami ñkidaaha edem ke adikwọrọ mme uduak Abasi inọọ ndufo. 28Ikpeme idem ndufo ye afịd atu edọñ a-Adisana Sịbidịd inịmme ndufo nte mme andikpeme, ido mme akpemeedọñ ufọk Abasi#20:28 Ataa uwak ikpañwed ewet ake Abọọñ a-anye akedeppe ke iyiib#20:28 Usʌk ebo ye iyiib Ayịn amọ awodeen amọ. 29Ami mmediọọñọ ke mmaakpọñ, mme ndiọi ewaikọd eyaedʌk ke atu ndufo, idiinyʌññọ itua atu edọñ mbọm. 30Kpa ke atu ndufo, mme awo eyaedakka eda, etañ nduyʌttọ ikọ nọ ekan edʌt mme mbed enọ idem ammọ. 31Ikpeme ndin! Itoiyo ke afịd isua ita a-ami ñkebaaha ye ndufo, ami ñketreke adidʌt afịd awo utọñ akonayio ye uweemeayio ke mmọọñayịd.
32“Idahami, ami mmiyaak ndufo nnọ Abasi ye ikọ mfọn amọ a-akanna inọọ ndufo adudu nsọọñọnda, anyʌñ inọ ndufo udeeme ke atu mbon e-enamma esana. 33Ami nsịnne anyen ke silfa me kold me afọñ awo ndomokeed. 34Ndufo ke idem ndufo emediọọñọ ke ñkedat ubọk mmi ami ñnwana idem ñyem se iñkem ye se ikem mbon nsaña mmi. 35Ke afịd ñkpọ se ami ñkenam, ami ñkiwọt ndufo ke ato ke akpọsọñ utom ntom ke ñnyịn inie adinwam mbon mmemidem, inyʌñ itoiyo ikọ a-Abọọñ Yisọs akebooho ate: ‘a-Afọn adinọnọ akan adibọbọ.’ ”
36Ndin ke Pọọl amaaketañ ikọ ama, anye amaatọọñọ edọñ ye afịd ammọ abọñ akam. 37Afịd ammọ emaetuaha, efat Pọọl enyʌñ etʌm anye inua. 38Ammọ emaefʌhọ akpan-akpan ebaña ikọ a-anye aketañña abo ke ammọ idiikịtte anye iso aba. Ndin ammọ emaedat anye isañ ekesuuk ke nsʌñikañ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.