Utom Mme Abọsịd 11
11
Pita Anam Adinam Amọ Anwaña Mbon Awo
1Mme abọsịd ye mme nditọete e-enịmme Abasi ke akpanikọ ke afịd Yudia emaekop ke mme Gentile ñko emaebọ ikọ Abasi. 2Ndin idaha a-Pita akekaaha Yeruselem, mbon e-enịmme ke akpanikọ, e-emaekefọọrọ edʌd emaesua enọ anye ebo ete, 3“Afo amaadʌk ufọk mbon a-awo imiifọọrọke edʌd anyʌñ adia ñkpọ ye ammọ.”
4Pita amaatañ afịd ñkpọ anọ ammọ naña aketọọñọ ke idaha ke idaha, 5“Ami ñkeba ke abio Yopa mbọñ akam, ndin mmaakịt ñkukịd. Ami mmaakịt ñkpọ nte ekamba afọñ e-ekemʌmmọ ke inuuk amọ inaañ nte esuuk eto anyọñ akpere itie nte ñkeba. 6Ami mmaase ñnyʌñ ñkịt se ekesuuk eto anyọñ: Mme unam se inie ukod inaañ-inaañ e-ebaññake ke iso isọñ, mme unam ikọd, se inyọnyọọn, ye mme inuen. 7Ndin ami mmaakop uyio nte ambo miin ate, ‘Pita, dakka da. Wot nyʌñ ta.’
8“Ami mmaabọọrọ, ‘Idooho ntoro Abọọñ! Akenaanam ñkpọ ndomokeed se miisanake me se imiifọnnọ indʌkkọ inua.’
9“Uyio ado amaato ke hefịn ayọhọ akañ iba abo, ‘Kuubat ñkpọ ndomokeed se Abasi amaakenam asana ke ndek.’ 10Ñkpọ ami aketịppe akañ ita mbemiso emaana edʌt afọñ ado edọọk hefịn.
11“Ke ndo-ndo ado ideen ita e-ekedọññọ ennọ miin, emaeto Siseria ediwuọ ufọk a-ami ñkebaaha. 12Sịbidịd Abasi amambo miin ate ke nnie eyịghe adikeene ammọ. Nditọeka itiokeed ami emaesaña ye ami ñko, ndin ñnyịn imaikidʌk ufọk Kọneliọs. 13Anye amaidọkkọ ñnyịn naña imọ ikikịt enyere Abasi ke ufọk imọ, akibooho imọ ate, ‘Dọñ eka Yopa ekekoot Saimọn a-akereke Pita. 14Anye ayaadat etob a-aduunyaaña fiin ye afịd ufọk mfo usọk.’
15“Ñkesʌk ntọtọọñọ aditañ ikọ, Adisana Sịbidịd amaadoro ammọ ke idem naña akidoro ñnyịn ke aditọọñọ. 16Ndin mmaatoiyo se Abọọñ aketañ: ‘Yọọn akekama mmọọñ anịm uduọkmmọọñ, ado ediidat Adisana Sịbidịd inịm ndufo uduọkmmọọñ.’ 17Adieke Abasi akenọọhọ ammọ ukem enọ a-anye akinọọhọ ñnyịn i-ikinịmme Abọọñ Yisọs Krais ke akpanikọ, ami ñkedo anie awo adikere ke mmekeme ibiọọñọ usʌñ Abasi?”
18Ammọ emaekekop ami, ikinieghe mfaaña aba, ado emaetooro Abasi ete, “Awuọ Abasi afeen ndudue anọ mme Gentile, anọ ammọ ñkappa esịd ye uwem.”
Ufọkabasi ke Antiọk
19Idahado mbon e-emaekesuana ato ke ukọbọ a-akebaaha ke ini ekewotto Stifịn, emaekaa ekewuọñọ Fonisia, Saiprọs ye Antiọk, enyʌñ esuan eti etob enọ mme Yuu ikpọọñ. 20Ado usʌk ammọ, mme ideen e-eketooho Saiprọs ye Siriin emaekaa Antiọk ekekwọrọ ikọ enọ mbon Greek ñko, ekwọrọ eti etob ebaña Abọọñ Yisọs enọ ammọ. 21Adudu Abasi amaaba ye ammọ, ado anam uwak mme awo emaenịm ke akpanikọ enyʌñ ekappa esịd ekeene Abọọñ Abasi.
22Etob ami amaasịm ufọkabasi ke Yeruselem, ndin ammọ emaedọñ Banabas aka Antiọk. 23Anye amaakediwuọ anyʌñ akịt idiọọñọ se mfọn Abasi akenam, anye amaanem esịd anyʌñ atañ ikọ nsọọñọidem anọ afịd ammọ, anyʌñ akpeiye ammọ ate emʌm mbuọdidem ammọ ke Abọọñ ekama ke afịd esịd. 24Banabas akedo eti awo, ayọhọ ye Adisana Sịbidịd ye mbuọdidem, ndin uwak awo emaekeene Abọọñ.
25Banabas amaadika Tasọs akeyem Sọọl, 26ndin ke amaakekịt Sọọl, anye amaaben anye adi Antiọk. Banabas ye Sọọl emaeba do isua keed ye mbon ufọkabasi enyʌñ ekpeep ataa uwak awo ñkpọ. Ke Antiọk ke eketo ekoot mme mbed Kristian.
27Ke ini ami, mme prọfed emaeto Yeruselem edi Antiọk. 28Keed ke atu ammọ a-akekereke Akabọs amaadakka ada, abak atañ ato uyaara a-Sịbidịd ke ataa ekamba akañ ayaaba ke afịd abio Rom. (Ñkpọ ami akedat itie ke ini ukara Klaudius.) 29Mme mbed, ke ukeme ammọ keedekeed, emaebiere edinọ nditọeka ammọ ke Abọọñ, e-ekedʌññọ ke Yudia unwam. 30Ammọ emaenam ami ke adinọ Banabas ye Sọọl enọ ammọ nọ eben esọk mme adaiwuod ke ufọkabasi.
Currently Selected:
Utom Mme Abọsịd 11: ICB
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Utom Mme Abọsịd 11
11
Pita Anam Adinam Amọ Anwaña Mbon Awo
1Mme abọsịd ye mme nditọete e-enịmme Abasi ke akpanikọ ke afịd Yudia emaekop ke mme Gentile ñko emaebọ ikọ Abasi. 2Ndin idaha a-Pita akekaaha Yeruselem, mbon e-enịmme ke akpanikọ, e-emaekefọọrọ edʌd emaesua enọ anye ebo ete, 3“Afo amaadʌk ufọk mbon a-awo imiifọọrọke edʌd anyʌñ adia ñkpọ ye ammọ.”
4Pita amaatañ afịd ñkpọ anọ ammọ naña aketọọñọ ke idaha ke idaha, 5“Ami ñkeba ke abio Yopa mbọñ akam, ndin mmaakịt ñkukịd. Ami mmaakịt ñkpọ nte ekamba afọñ e-ekemʌmmọ ke inuuk amọ inaañ nte esuuk eto anyọñ akpere itie nte ñkeba. 6Ami mmaase ñnyʌñ ñkịt se ekesuuk eto anyọñ: Mme unam se inie ukod inaañ-inaañ e-ebaññake ke iso isọñ, mme unam ikọd, se inyọnyọọn, ye mme inuen. 7Ndin ami mmaakop uyio nte ambo miin ate, ‘Pita, dakka da. Wot nyʌñ ta.’
8“Ami mmaabọọrọ, ‘Idooho ntoro Abọọñ! Akenaanam ñkpọ ndomokeed se miisanake me se imiifọnnọ indʌkkọ inua.’
9“Uyio ado amaato ke hefịn ayọhọ akañ iba abo, ‘Kuubat ñkpọ ndomokeed se Abasi amaakenam asana ke ndek.’ 10Ñkpọ ami aketịppe akañ ita mbemiso emaana edʌt afọñ ado edọọk hefịn.
11“Ke ndo-ndo ado ideen ita e-ekedọññọ ennọ miin, emaeto Siseria ediwuọ ufọk a-ami ñkebaaha. 12Sịbidịd Abasi amambo miin ate ke nnie eyịghe adikeene ammọ. Nditọeka itiokeed ami emaesaña ye ami ñko, ndin ñnyịn imaikidʌk ufọk Kọneliọs. 13Anye amaidọkkọ ñnyịn naña imọ ikikịt enyere Abasi ke ufọk imọ, akibooho imọ ate, ‘Dọñ eka Yopa ekekoot Saimọn a-akereke Pita. 14Anye ayaadat etob a-aduunyaaña fiin ye afịd ufọk mfo usọk.’
15“Ñkesʌk ntọtọọñọ aditañ ikọ, Adisana Sịbidịd amaadoro ammọ ke idem naña akidoro ñnyịn ke aditọọñọ. 16Ndin mmaatoiyo se Abọọñ aketañ: ‘Yọọn akekama mmọọñ anịm uduọkmmọọñ, ado ediidat Adisana Sịbidịd inịm ndufo uduọkmmọọñ.’ 17Adieke Abasi akenọọhọ ammọ ukem enọ a-anye akinọọhọ ñnyịn i-ikinịmme Abọọñ Yisọs Krais ke akpanikọ, ami ñkedo anie awo adikere ke mmekeme ibiọọñọ usʌñ Abasi?”
18Ammọ emaekekop ami, ikinieghe mfaaña aba, ado emaetooro Abasi ete, “Awuọ Abasi afeen ndudue anọ mme Gentile, anọ ammọ ñkappa esịd ye uwem.”
Ufọkabasi ke Antiọk
19Idahado mbon e-emaekesuana ato ke ukọbọ a-akebaaha ke ini ekewotto Stifịn, emaekaa ekewuọñọ Fonisia, Saiprọs ye Antiọk, enyʌñ esuan eti etob enọ mme Yuu ikpọọñ. 20Ado usʌk ammọ, mme ideen e-eketooho Saiprọs ye Siriin emaekaa Antiọk ekekwọrọ ikọ enọ mbon Greek ñko, ekwọrọ eti etob ebaña Abọọñ Yisọs enọ ammọ. 21Adudu Abasi amaaba ye ammọ, ado anam uwak mme awo emaenịm ke akpanikọ enyʌñ ekappa esịd ekeene Abọọñ Abasi.
22Etob ami amaasịm ufọkabasi ke Yeruselem, ndin ammọ emaedọñ Banabas aka Antiọk. 23Anye amaakediwuọ anyʌñ akịt idiọọñọ se mfọn Abasi akenam, anye amaanem esịd anyʌñ atañ ikọ nsọọñọidem anọ afịd ammọ, anyʌñ akpeiye ammọ ate emʌm mbuọdidem ammọ ke Abọọñ ekama ke afịd esịd. 24Banabas akedo eti awo, ayọhọ ye Adisana Sịbidịd ye mbuọdidem, ndin uwak awo emaekeene Abọọñ.
25Banabas amaadika Tasọs akeyem Sọọl, 26ndin ke amaakekịt Sọọl, anye amaaben anye adi Antiọk. Banabas ye Sọọl emaeba do isua keed ye mbon ufọkabasi enyʌñ ekpeep ataa uwak awo ñkpọ. Ke Antiọk ke eketo ekoot mme mbed Kristian.
27Ke ini ami, mme prọfed emaeto Yeruselem edi Antiọk. 28Keed ke atu ammọ a-akekereke Akabọs amaadakka ada, abak atañ ato uyaara a-Sịbidịd ke ataa ekamba akañ ayaaba ke afịd abio Rom. (Ñkpọ ami akedat itie ke ini ukara Klaudius.) 29Mme mbed, ke ukeme ammọ keedekeed, emaebiere edinọ nditọeka ammọ ke Abọọñ, e-ekedʌññọ ke Yudia unwam. 30Ammọ emaenam ami ke adinọ Banabas ye Sọọl enọ ammọ nọ eben esọk mme adaiwuod ke ufọkabasi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.