Utom Mme Abọsịd 10
10
Kọneliọs Adọñ Ekoot Pita
1Ete keed amaaba ke Siseria a-akekereke Kọneliọs. Anye akedo sentudiọn ke atu mme udịmekọñ mbon Itali. 2Anye ye afịd ufọk amọ emaekpono enyʌñ ebaak Abasi; ñko anye amaasinọ mme awo enọ anyʌñ abọñ akam ke ini ke ini. 3Usen keed, ke ñkpọ nte ñkanika ita uweemeayio, anye amaakịt ñkukịd inwañ-inwañ nte enyere Abasi adi ufọk amọ adikoot anye ke anyịñ ate, “Kọneliọs!”
4Anye amaataat anyen ase enyere ke ndịk. Ndin anye amaabịp abo, “Abọọñ, ado die?”
Enyere amaabọọrọ ate, “Akam ye mme enọ mfo a-anọọhọ mbon uweene edọọk esịm Abasi nte ñkpọ uwa aditoiyo. 5Ndin dọñ mme awo eka ke Yopa idahami, ekeyem awo a-akereke Saimọn, a-anyịñ amọ mfen adooho Pita. 6Anye aba ye Saimọn, anamutom ikpa, u-ufọk amọ abaaha ke mben inyañ.”
7Ke enyere a-aketañña ikọ anọ Kọneliọs amaakenyọñ, anye amaakoot awo iba ke atu nditọufọk amọ ye awo ekọñ a-akesikpemeke anye afịd ini, a-akesikponoke Abasi. 8Anye amaatañ afịd ñkpọ anọ ammọ, anyʌñ adọñ ammọ eka Yopa.
Ñkukịd Pita
9Ke ñkpọ nte ufọọd uweemeayio edem usen, nte ammọ ekesañake ekpere abio Yopa, Pita amaadọọk anyọñ ufọk akaa adibọñ akam. 10Abiọọñ amaadọñ anye, ndin anye amaayem se akpedia, ado idaha ekesʌkkọ enam ndidia ke ubọk, anye amaakịt ñkukịd. 11Anye amaakịt hefịn nte abeere, ndin esuuk ñkpọ nte ekamba afọñ ekemʌmmọ ke inuuk amọ inaañ ke isọñ. 12Mme nsio-nsio afịd utọ unam: Mme anie ukod inaañ-inaañ, mme ñkpọ se inyọnyọọn ye mme inuen anyọñ emaedọñọ do. 13Ndin uyio amaabo anye ate, “Pita, dakka da, wot nyʌñ ta.”
14Ado Pita amaabọọrọ ate, “Ke akpanikọ, Abọọñ, idooho ntoro, sia kpaanam ami ndiaha ñkpọ i-imiisanake me se ideghe.”
15Uyio ado amaamaana abo anye ayọhọ akañ iba, “Kuubat ñkpọ ndomokeed se Abasi amaakenam asana ke ndek.”
16Emaenam ntom akañ ita, ndin ke ndo-ndo ado emaemaana eben afọñ ado enyọñ hefịn.
17Naña Pita akesʌkkọ akere abaña se ñkukịd ami awuọñọ, mme isʌñutom a-Kọneliọs akedọññọ emaekịt ufọk Saimọn enyʌñ esọñ eda ke inuaatob. 18Ammọ emaekoot enyʌñ ebịp me Saimọn a-akekereke Pita akeba do.
19Ado naña Pita akesʌkkọ akere abaña ñkukịd ami, Sịbidịd Abasi amaabo anye ate, “Saimọn, ideen ita#10:19 Akaan ikpañwed keed ewet iba; mbon mfen isiaha ibad. esʌk uyem. 20Dakka da, sọiyọ isọñ, kuunyʌñ unie eyịghe adikeene ammọ ndomokeed, sia ami ñkedọñ ammọ.”
21Ndin Pita amaasọiyọ abịne mbon a-Kọneliọs akedọññọ, akebo ate, “Ami ndo awo a-ndufo eyemme. Nsoo ido ntak a-ndufo ediighe?”
22Ammọ emaebo ete, “Kọneliọs, awo sentudiọn akidọñ ñnyịn. Anye ado adinen awo, afeghe Abasi, afịd mme Yuu enyʌñ ekpono anye. Adisana enyere akebo yak anye adọñ nọ ukoot fiin adi ufọk imọ nọ anye adikop se afo anie aditañ.” 23Ndin anye amaakoot ammọ asịn ke ufọk anọ ammọ itie nnaa nte isenawo amọ.
Pita akaa Ufọk Kọneliọs
Edem usen, Pita amaatọọñọ isañ ye ammọ, ndin usʌk mme andinịm ke akpanikọ e-eketooho Yopa emaekeene esaña. 24Edem usen ammọ emaewuọ Siseria. Kọneliọs a-amaakediọọñọ ke ammọ esʌkedi amaakoot mme ayakka ye mme akpan ufan amọ abok. 25Naña Pita akedʌkkọ adi, Kọneliọs amaasaña abịne anye, aduọ ke ukod amọ, atuak iwuod akpono anye. 26Ado Pita amaanam anye adakka ada anyʌñ abo anye, “Ami ñko ndo awo nte afo.”
27Idaha a-Pita aketañña ikọ ye Kọneliọs, anye amaadʌk ufọk anyʌñ akekịt uwak awo nte ebono itie keed. 28Anye amaabo ammọ, “Ndufo emenekke ediọọñọ ke mbed akpan awo Yuu adinie ewuana me adika ufọk awo Gentile. Ado Abasi amaaben añwọt ate ke ami mbo ke awo mfen ifọnnọ inyʌññọ isana. 29Ado anam nọ ami ndi, mfaañake idaha ñkekoppo ke asʌk añkoot. Yak ami ubịp fiin ndin me nsoo ikido nọ adọñ eñkoot miin?”
30Kọneliọs amaabọọrọ abo ate, “Usen ita a-akeboiyoke, ñkeba ke akam ye utreudia ke ufọk mmi ke awa ami ke ñkanika ita uweemeayio. Nte nse awo amaada ke iso mmi ye nsem-nsem afọñ, 31anyʌñ ambo miin, ‘Kọneliọs, Abasi a-akop akam mfo anyʌñ atoiyo mme enọ a-afo anọọhọ mme uweene. 32Dọñ eka Yopa, ekekoot Saimọn a-akereke Pita. Anye ado asenawo ke ufọk Saimọn anamutom ikpa, a-adʌññọ ke mben inyañ.’ 33Kpa idaha-idaha ado, ami mmaadọñ nte edukoot fiin, ndin afọn naña afo adi. Idahami afịd ñnyịn iba ke iso Abasi adikop se Abọọñ akenọọ uyio abo yak afo idọkkọ ñnyịn.”
34Ndin Pita amaatọọñọ aditañ ikọ, ate, “Ke akpanikọ mmekịt idahami ke Abasi isattasat awo, 35ado adadaara afịd awo ke afịd idịd e-eteeñeke anye anyen, enyʌñ enam se inen. 36Ndufo emediọọñọ etob a-Abasi akenọọhọ esọk nditọ Isrel, a-akedooho eti etob emem ato ke Yisọs Krais a-adooho Abọọñ afịd awo. 37Ndufo emediọọñọ se ikitịppe ke afịd Yudia, tọọñọ ke Kalili, ke Yọọn amaakekwọrọ ikọ uduọkmmọọñ amọ, 38naña Abasi akeyet Yisọs Ayịn Nasared adan ke Adisana Sịbidịd ye adudu, ye naña anye akesaña anañña nti ñkpọ anyʌñ akọk afịd mbon udọñọ e-ekebaaha ke ukad andidiọọk, sia Abasi amaaba ye anye.
39“Ñnyịn ido mme ntiense ibaña afịd ñkpọ a-anye akenamma ke isọñ mme Yuu ye ke Yeruselem. Ammọ emaewot anye ke adikọñ anye ke krọs. 40Anye ke Abasi akenam aset ke ñkpa ke ayọhọ usen ita, anyʌñ anam ekịt anye anwa-anwa. 41Idooho afịd awo ekekịt anye, ado mme ntiense a-Abasi amaakememek, ye ñnyịn i-ikiidiaha inyʌñ inwọñ ye anye ke anye amaakeset ke ñkpa. 42Anye amaiwuuk ñnyịn abo yak ikwọrọ ikọ inọ mbon awo inyʌñ itañ ikọ ntiense ibo ke imọ ido awo a-Abasi akemekke nte abiide ikpe nnọọ mme aduuwem ye mme akpañkpa. 43Ado anye ke afịd mme prọfed edo ntiense enọ, ebo ke anyịñ amọ eyaefeen ndiọiñkpọ afịd awo e-enịmme anye ke akpanikọ.”
44Naña Pita akesʌkkọ atatañ ikọ, Adisana Sịbidịd amaadidoro afịd mbon e-ekekoppo etob ami. 45Mbon e-emaekefọọrọ edʌd, e-ekenịmme ke akpanikọ, e-ekesañake ye Pita edi, emaeba ke ñkpaidem naña mme Gentile ñko ekebọọ enọ Adisana Sịbidịd. 46Sia ammọ emaekop naña mme Gentile ami esem nsio-nsio usem, enyʌñ etooro Abasi.
Ndin Pita amaabo ate, 47“Ke akpanikọ awo ndomokeed ikanna ibiọọñọ ibon ami adibọ uduọkmmọọñ, ke ini ammọ emaekebọ Adisana Sịbidịd nte ñnyịn ñko.” 48Anye amaanọ uyio ate eduọk ammọ mmọọñ ke anyịñ Yisọs Krais. Ndin ammọ emaebo Pita atie ye mmimọ ke ñkpọ nte usen ifañ.
Currently Selected:
Utom Mme Abọsịd 10: ICB
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Utom Mme Abọsịd 10
10
Kọneliọs Adọñ Ekoot Pita
1Ete keed amaaba ke Siseria a-akekereke Kọneliọs. Anye akedo sentudiọn ke atu mme udịmekọñ mbon Itali. 2Anye ye afịd ufọk amọ emaekpono enyʌñ ebaak Abasi; ñko anye amaasinọ mme awo enọ anyʌñ abọñ akam ke ini ke ini. 3Usen keed, ke ñkpọ nte ñkanika ita uweemeayio, anye amaakịt ñkukịd inwañ-inwañ nte enyere Abasi adi ufọk amọ adikoot anye ke anyịñ ate, “Kọneliọs!”
4Anye amaataat anyen ase enyere ke ndịk. Ndin anye amaabịp abo, “Abọọñ, ado die?”
Enyere amaabọọrọ ate, “Akam ye mme enọ mfo a-anọọhọ mbon uweene edọọk esịm Abasi nte ñkpọ uwa aditoiyo. 5Ndin dọñ mme awo eka ke Yopa idahami, ekeyem awo a-akereke Saimọn, a-anyịñ amọ mfen adooho Pita. 6Anye aba ye Saimọn, anamutom ikpa, u-ufọk amọ abaaha ke mben inyañ.”
7Ke enyere a-aketañña ikọ anọ Kọneliọs amaakenyọñ, anye amaakoot awo iba ke atu nditọufọk amọ ye awo ekọñ a-akesikpemeke anye afịd ini, a-akesikponoke Abasi. 8Anye amaatañ afịd ñkpọ anọ ammọ, anyʌñ adọñ ammọ eka Yopa.
Ñkukịd Pita
9Ke ñkpọ nte ufọọd uweemeayio edem usen, nte ammọ ekesañake ekpere abio Yopa, Pita amaadọọk anyọñ ufọk akaa adibọñ akam. 10Abiọọñ amaadọñ anye, ndin anye amaayem se akpedia, ado idaha ekesʌkkọ enam ndidia ke ubọk, anye amaakịt ñkukịd. 11Anye amaakịt hefịn nte abeere, ndin esuuk ñkpọ nte ekamba afọñ ekemʌmmọ ke inuuk amọ inaañ ke isọñ. 12Mme nsio-nsio afịd utọ unam: Mme anie ukod inaañ-inaañ, mme ñkpọ se inyọnyọọn ye mme inuen anyọñ emaedọñọ do. 13Ndin uyio amaabo anye ate, “Pita, dakka da, wot nyʌñ ta.”
14Ado Pita amaabọọrọ ate, “Ke akpanikọ, Abọọñ, idooho ntoro, sia kpaanam ami ndiaha ñkpọ i-imiisanake me se ideghe.”
15Uyio ado amaamaana abo anye ayọhọ akañ iba, “Kuubat ñkpọ ndomokeed se Abasi amaakenam asana ke ndek.”
16Emaenam ntom akañ ita, ndin ke ndo-ndo ado emaemaana eben afọñ ado enyọñ hefịn.
17Naña Pita akesʌkkọ akere abaña se ñkukịd ami awuọñọ, mme isʌñutom a-Kọneliọs akedọññọ emaekịt ufọk Saimọn enyʌñ esọñ eda ke inuaatob. 18Ammọ emaekoot enyʌñ ebịp me Saimọn a-akekereke Pita akeba do.
19Ado naña Pita akesʌkkọ akere abaña ñkukịd ami, Sịbidịd Abasi amaabo anye ate, “Saimọn, ideen ita#10:19 Akaan ikpañwed keed ewet iba; mbon mfen isiaha ibad. esʌk uyem. 20Dakka da, sọiyọ isọñ, kuunyʌñ unie eyịghe adikeene ammọ ndomokeed, sia ami ñkedọñ ammọ.”
21Ndin Pita amaasọiyọ abịne mbon a-Kọneliọs akedọññọ, akebo ate, “Ami ndo awo a-ndufo eyemme. Nsoo ido ntak a-ndufo ediighe?”
22Ammọ emaebo ete, “Kọneliọs, awo sentudiọn akidọñ ñnyịn. Anye ado adinen awo, afeghe Abasi, afịd mme Yuu enyʌñ ekpono anye. Adisana enyere akebo yak anye adọñ nọ ukoot fiin adi ufọk imọ nọ anye adikop se afo anie aditañ.” 23Ndin anye amaakoot ammọ asịn ke ufọk anọ ammọ itie nnaa nte isenawo amọ.
Pita akaa Ufọk Kọneliọs
Edem usen, Pita amaatọọñọ isañ ye ammọ, ndin usʌk mme andinịm ke akpanikọ e-eketooho Yopa emaekeene esaña. 24Edem usen ammọ emaewuọ Siseria. Kọneliọs a-amaakediọọñọ ke ammọ esʌkedi amaakoot mme ayakka ye mme akpan ufan amọ abok. 25Naña Pita akedʌkkọ adi, Kọneliọs amaasaña abịne anye, aduọ ke ukod amọ, atuak iwuod akpono anye. 26Ado Pita amaanam anye adakka ada anyʌñ abo anye, “Ami ñko ndo awo nte afo.”
27Idaha a-Pita aketañña ikọ ye Kọneliọs, anye amaadʌk ufọk anyʌñ akekịt uwak awo nte ebono itie keed. 28Anye amaabo ammọ, “Ndufo emenekke ediọọñọ ke mbed akpan awo Yuu adinie ewuana me adika ufọk awo Gentile. Ado Abasi amaaben añwọt ate ke ami mbo ke awo mfen ifọnnọ inyʌññọ isana. 29Ado anam nọ ami ndi, mfaañake idaha ñkekoppo ke asʌk añkoot. Yak ami ubịp fiin ndin me nsoo ikido nọ adọñ eñkoot miin?”
30Kọneliọs amaabọọrọ abo ate, “Usen ita a-akeboiyoke, ñkeba ke akam ye utreudia ke ufọk mmi ke awa ami ke ñkanika ita uweemeayio. Nte nse awo amaada ke iso mmi ye nsem-nsem afọñ, 31anyʌñ ambo miin, ‘Kọneliọs, Abasi a-akop akam mfo anyʌñ atoiyo mme enọ a-afo anọọhọ mme uweene. 32Dọñ eka Yopa, ekekoot Saimọn a-akereke Pita. Anye ado asenawo ke ufọk Saimọn anamutom ikpa, a-adʌññọ ke mben inyañ.’ 33Kpa idaha-idaha ado, ami mmaadọñ nte edukoot fiin, ndin afọn naña afo adi. Idahami afịd ñnyịn iba ke iso Abasi adikop se Abọọñ akenọọ uyio abo yak afo idọkkọ ñnyịn.”
34Ndin Pita amaatọọñọ aditañ ikọ, ate, “Ke akpanikọ mmekịt idahami ke Abasi isattasat awo, 35ado adadaara afịd awo ke afịd idịd e-eteeñeke anye anyen, enyʌñ enam se inen. 36Ndufo emediọọñọ etob a-Abasi akenọọhọ esọk nditọ Isrel, a-akedooho eti etob emem ato ke Yisọs Krais a-adooho Abọọñ afịd awo. 37Ndufo emediọọñọ se ikitịppe ke afịd Yudia, tọọñọ ke Kalili, ke Yọọn amaakekwọrọ ikọ uduọkmmọọñ amọ, 38naña Abasi akeyet Yisọs Ayịn Nasared adan ke Adisana Sịbidịd ye adudu, ye naña anye akesaña anañña nti ñkpọ anyʌñ akọk afịd mbon udọñọ e-ekebaaha ke ukad andidiọọk, sia Abasi amaaba ye anye.
39“Ñnyịn ido mme ntiense ibaña afịd ñkpọ a-anye akenamma ke isọñ mme Yuu ye ke Yeruselem. Ammọ emaewot anye ke adikọñ anye ke krọs. 40Anye ke Abasi akenam aset ke ñkpa ke ayọhọ usen ita, anyʌñ anam ekịt anye anwa-anwa. 41Idooho afịd awo ekekịt anye, ado mme ntiense a-Abasi amaakememek, ye ñnyịn i-ikiidiaha inyʌñ inwọñ ye anye ke anye amaakeset ke ñkpa. 42Anye amaiwuuk ñnyịn abo yak ikwọrọ ikọ inọ mbon awo inyʌñ itañ ikọ ntiense ibo ke imọ ido awo a-Abasi akemekke nte abiide ikpe nnọọ mme aduuwem ye mme akpañkpa. 43Ado anye ke afịd mme prọfed edo ntiense enọ, ebo ke anyịñ amọ eyaefeen ndiọiñkpọ afịd awo e-enịmme anye ke akpanikọ.”
44Naña Pita akesʌkkọ atatañ ikọ, Adisana Sịbidịd amaadidoro afịd mbon e-ekekoppo etob ami. 45Mbon e-emaekefọọrọ edʌd, e-ekenịmme ke akpanikọ, e-ekesañake ye Pita edi, emaeba ke ñkpaidem naña mme Gentile ñko ekebọọ enọ Adisana Sịbidịd. 46Sia ammọ emaekop naña mme Gentile ami esem nsio-nsio usem, enyʌñ etooro Abasi.
Ndin Pita amaabo ate, 47“Ke akpanikọ awo ndomokeed ikanna ibiọọñọ ibon ami adibọ uduọkmmọọñ, ke ini ammọ emaekebọ Adisana Sịbidịd nte ñnyịn ñko.” 48Anye amaanọ uyio ate eduọk ammọ mmọọñ ke anyịñ Yisọs Krais. Ndin ammọ emaebo Pita atie ye mmimọ ke ñkpọ nte usen ifañ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.