Utom Mme Abọsịd 12
12
Pita Abọkkọ Ñkpakọb ke Utịppe Usʌñ
1Akedo ke ñkpọ nte ini ntom ke Adidem Herọd akemuum usʌk mbon ufọkabasi nọ ato do anye atʌkkọ ammọ. 2Anye amaanam nọ ewot Yems ayịneka Yọọn ke akañkañ. 3Ke ini anye amaakekịt ke ñkpọ ami amaanem mme Yuu esịd, anye amaamʌm Pita ñko. Ami aketịppe ke ini Usọrọ Uyo a-Yiis Imiisịneke. 4Ke Herọd amaakemʌm anye, amaasịn anye ke ñkpakọb, anyʌñ ayaak anye anọ mbon ekọñ inaañ ke ikpeghe inaañ ate ekpeme anye. Herọd akeduak isio anye ke ini Usọrọ Nsaña Mboiyo nọ ekpe ikpe amọ ke iso abio.
5Ke ntoro emaesịn Pita ke ñkpakọb, ado mbon ufọkabasi emaesịn idem ebọñ akam enọ Abasi ebaña anye.
6Ke akonayio mbemiso usen a-Herọd akeyemme iben anye ñkaa ikpe, Pita akena ke ufọọd mbon ekọñ iba, ebọp anye ke ñkpọnọ iba, mbon ukpeme enyʌñ eda ke inuausʌñ ufọk ñkpakọb. 7Idaha-idaha ado enyere Abọọñ amaabiọññọ, unwana anyʌñ ayama ke ufọk ñkpakọb. Anye amaatuak Pita ke ñkañ, atọi anye ke idab abo, “Sọp dakka da!” Ndin mme ñkpọnọ emaekọọmọ Pita ke ubọk eduọññọ ke isọñ.
8Enyere Abasi amaabo anye ate, “Sịne afọñ ye ikpaukod mfo.” Ndin Pita amaanam ntoro. Enyere Abasi amaamaana abo Pita, “Bọbọ mbọbọ afọñ mfo ke idem nyʌñ ñkeene miin.” 9Pita amaakeene anye awuọ ke ñkpakọb, ado anye ikidiọọñọke ibo ke se enyere Abasi akenam akedo se ikitịppe ke akpanikọ; akekere ke idaadappa. 10Ammọ emaeboiyo akpa ye udiana mbon ukpeme ñkpakọb, ekewuọ inuaatob ukwak, a-asañake akewuọ abio. Inuaatob ukwak ado amaabeere ke idem amọ ikpọọñ anọ ammọ, ndin ammọ emaeboiyo. Ke ammọ emaekesaña afịd anyan efaak keed, idaha-idaha ado enyere Abasi amaakpọñ anye.
11Ke Pita amaakedidiọọñọ idem, anye amaabo, “Ke akpanikọ ami nnieghe eyịghe sia mmediọọñọ idahami nte ke Abọọñ akedọñ enyere amọ adimfak miin asio ke ukad Herọd ye afịd se mme Yuu ekekere ke ayaatịppe.”
12Ke ami amaakenekke adinwaña Pita, anye amaakaa ufọk Mmeri eka Yọọn, e-ekenyʌññọ ekoot Maak, itie u-uwak awo ekebonoke ebọñ akam. 13Pita amaakọñ udọk anwa esiin, ndin ayịnufọk awonwaan a-akekereke Roda amaawuọ adi. 14Ke anye amaakediọọñọ uyio Pita, esịd amaanem anye eti-eti, anye amaatịmme edem afeghe akaa esịd ufọk, tutu afre adikʌkkọ usʌñ anyʌñ abọñ ñkpo ate: “Pita mmọ ke inuausʌñ ada!”
15Ammọ emaebo anye, “Iwuod mfo ifọnnọ!” Ado anye amaakaa iso abo ke ntoro ke ado, ndin ammọ emaebo ete, “Ana ado enyere amọ ke ado.”
16Ado Pita amaakaa iso akọñ, ndin ke ini ammọ ekekʌkkọke usʌñ ekịt anye, idem amaakpa ammọ. 17Pita amaadịppe ubọk ate ammọ edop uyio ndin anye amaatañ naña Abọọñ akisio imọ ke ufọk ñkpakọb. Anye amaabo ammọ ate, “Itañ inọ Yems ye mme nditọete mfen ibaña ñkpọ ami.” Ndin anye amaakpọñ ammọ akaa itie mfen.
18Ke ubakusen, ekamba aditịm amaaba ke ufọọd mbon ekọñ ke se ikitịppe inọ Pita. 19Ke Herọd amaakenekke ayeem anye ado ikịtte, anye amaanekke aduuñọ mbon ukpeme abaña anye, anyʌñ anọ uyio ate ewot ammọ.
Ñkpa Herọd
Herọd amaato Yudia adika Siseria anyʌñ akeba do ke etək ini. 20Anye aketọọtọhọ ye mbon Tai ye Sidọn; ado idʌñ iba ami emaediana keed eyem adisoobo ye anye. Ke ammọ emaekebọ unwam ito Blastos, ayịnufọk a-adidem akemaaha, ammọ emaeyem adinam emem, sia ammọ ekenie idodanyen adinie ndidia nto abio adidem.
21Usen akedikem, Herọd amaasịne afọñ ubọọñ, atie ke ebekpo amọ anyʌñ atañ ikọ anọ mbon abio. 22Ammọ emaebọñ, “Uyio abasi ado ami, idooho uyio awo.” 23Kpa ataa idahado, sia Herọd imiikinọọhọ Abasi ubọọñ, enyere Abọọñ amaamia anye anịm, mme utʌñ enyʌñ eta anye, ndin anye akpa.
24Ado ikọ Abasi amaakaa iso akọt anyʌñ asuana.
Esio Banabas ye Sọọl Unyọñ
25Ke Banabas ye Sọọl emaekema iso utom ammọ, ammọ emaekpọñ Yeruselem edat Yọọn e-ekenyʌññọ ekoot Maak nọ asaña ye ammọ.
Currently Selected:
Utom Mme Abọsịd 12: ICB
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Utom Mme Abọsịd 12
12
Pita Abọkkọ Ñkpakọb ke Utịppe Usʌñ
1Akedo ke ñkpọ nte ini ntom ke Adidem Herọd akemuum usʌk mbon ufọkabasi nọ ato do anye atʌkkọ ammọ. 2Anye amaanam nọ ewot Yems ayịneka Yọọn ke akañkañ. 3Ke ini anye amaakekịt ke ñkpọ ami amaanem mme Yuu esịd, anye amaamʌm Pita ñko. Ami aketịppe ke ini Usọrọ Uyo a-Yiis Imiisịneke. 4Ke Herọd amaakemʌm anye, amaasịn anye ke ñkpakọb, anyʌñ ayaak anye anọ mbon ekọñ inaañ ke ikpeghe inaañ ate ekpeme anye. Herọd akeduak isio anye ke ini Usọrọ Nsaña Mboiyo nọ ekpe ikpe amọ ke iso abio.
5Ke ntoro emaesịn Pita ke ñkpakọb, ado mbon ufọkabasi emaesịn idem ebọñ akam enọ Abasi ebaña anye.
6Ke akonayio mbemiso usen a-Herọd akeyemme iben anye ñkaa ikpe, Pita akena ke ufọọd mbon ekọñ iba, ebọp anye ke ñkpọnọ iba, mbon ukpeme enyʌñ eda ke inuausʌñ ufọk ñkpakọb. 7Idaha-idaha ado enyere Abọọñ amaabiọññọ, unwana anyʌñ ayama ke ufọk ñkpakọb. Anye amaatuak Pita ke ñkañ, atọi anye ke idab abo, “Sọp dakka da!” Ndin mme ñkpọnọ emaekọọmọ Pita ke ubọk eduọññọ ke isọñ.
8Enyere Abasi amaabo anye ate, “Sịne afọñ ye ikpaukod mfo.” Ndin Pita amaanam ntoro. Enyere Abasi amaamaana abo Pita, “Bọbọ mbọbọ afọñ mfo ke idem nyʌñ ñkeene miin.” 9Pita amaakeene anye awuọ ke ñkpakọb, ado anye ikidiọọñọke ibo ke se enyere Abasi akenam akedo se ikitịppe ke akpanikọ; akekere ke idaadappa. 10Ammọ emaeboiyo akpa ye udiana mbon ukpeme ñkpakọb, ekewuọ inuaatob ukwak, a-asañake akewuọ abio. Inuaatob ukwak ado amaabeere ke idem amọ ikpọọñ anọ ammọ, ndin ammọ emaeboiyo. Ke ammọ emaekesaña afịd anyan efaak keed, idaha-idaha ado enyere Abasi amaakpọñ anye.
11Ke Pita amaakedidiọọñọ idem, anye amaabo, “Ke akpanikọ ami nnieghe eyịghe sia mmediọọñọ idahami nte ke Abọọñ akedọñ enyere amọ adimfak miin asio ke ukad Herọd ye afịd se mme Yuu ekekere ke ayaatịppe.”
12Ke ami amaakenekke adinwaña Pita, anye amaakaa ufọk Mmeri eka Yọọn, e-ekenyʌññọ ekoot Maak, itie u-uwak awo ekebonoke ebọñ akam. 13Pita amaakọñ udọk anwa esiin, ndin ayịnufọk awonwaan a-akekereke Roda amaawuọ adi. 14Ke anye amaakediọọñọ uyio Pita, esịd amaanem anye eti-eti, anye amaatịmme edem afeghe akaa esịd ufọk, tutu afre adikʌkkọ usʌñ anyʌñ abọñ ñkpo ate: “Pita mmọ ke inuausʌñ ada!”
15Ammọ emaebo anye, “Iwuod mfo ifọnnọ!” Ado anye amaakaa iso abo ke ntoro ke ado, ndin ammọ emaebo ete, “Ana ado enyere amọ ke ado.”
16Ado Pita amaakaa iso akọñ, ndin ke ini ammọ ekekʌkkọke usʌñ ekịt anye, idem amaakpa ammọ. 17Pita amaadịppe ubọk ate ammọ edop uyio ndin anye amaatañ naña Abọọñ akisio imọ ke ufọk ñkpakọb. Anye amaabo ammọ ate, “Itañ inọ Yems ye mme nditọete mfen ibaña ñkpọ ami.” Ndin anye amaakpọñ ammọ akaa itie mfen.
18Ke ubakusen, ekamba aditịm amaaba ke ufọọd mbon ekọñ ke se ikitịppe inọ Pita. 19Ke Herọd amaakenekke ayeem anye ado ikịtte, anye amaanekke aduuñọ mbon ukpeme abaña anye, anyʌñ anọ uyio ate ewot ammọ.
Ñkpa Herọd
Herọd amaato Yudia adika Siseria anyʌñ akeba do ke etək ini. 20Anye aketọọtọhọ ye mbon Tai ye Sidọn; ado idʌñ iba ami emaediana keed eyem adisoobo ye anye. Ke ammọ emaekebọ unwam ito Blastos, ayịnufọk a-adidem akemaaha, ammọ emaeyem adinam emem, sia ammọ ekenie idodanyen adinie ndidia nto abio adidem.
21Usen akedikem, Herọd amaasịne afọñ ubọọñ, atie ke ebekpo amọ anyʌñ atañ ikọ anọ mbon abio. 22Ammọ emaebọñ, “Uyio abasi ado ami, idooho uyio awo.” 23Kpa ataa idahado, sia Herọd imiikinọọhọ Abasi ubọọñ, enyere Abọọñ amaamia anye anịm, mme utʌñ enyʌñ eta anye, ndin anye akpa.
24Ado ikọ Abasi amaakaa iso akọt anyʌñ asuana.
Esio Banabas ye Sọọl Unyọñ
25Ke Banabas ye Sọọl emaekema iso utom ammọ, ammọ emaekpọñ Yeruselem edat Yọọn e-ekenyʌññọ ekoot Maak nọ asaña ye ammọ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.