Une rẹ Ejiro 2
2
Isuesun rẹ Ohwo rẹ Ọrovwohwo vwe evwri ghworo
1Die ẹgborho na vwo koko jẹn iroro umwemwu
re ihwo na de roro iroro ofefe vwẹ udu rayen?
2Ivie re akpọ na si uyovwi koko,
isun na ejobi koko ro ẹguare,
kpahe Ọrovwohwo kugbe ọ rọ vwẹ evwri ghworo na nẹ,
3E jẹn avwanre vwrẹ ifi rayen kufia,
rere a rhan ifi rayen nẹ oma re avwanre
4O rọ tidia vwe obọ odjuvwu na cha hwe,
Ọrovwohwo cha vwe ayen jehwẹ.
5Kọ cha vwe ophu ta ota ke ayen,
ko guegue ayen vwe ivuemiovwo rọye, tanẹ,
6Me vwẹ ovie mẹ mu vwi Zayọn ugbenu ọfuanfon mẹ nure
7Mi gbe ikun rẹ urhi rẹ Ọrovwohwo,
Ọ ta kẹ vwẹ nẹ, we ọmọ mẹ, nonẹ na mi vwiẹ wẹ.
8Nọ vwẹ ọhọ me, ke me vwẹ egborho na ghare owẹ ughwẹ,
oba rẹ akpọ na ejobi kọ dia ọwẹn.
9Wọ vwẹ ọkpọ rẹ utehru vwo vwirhi ayen,
ku wọ ghwọrọ ayen vworo vworo kerẹ ema rọ mẹma na.
10Asakiephana, wa gba ghwanre, E ivie,
wa kẹnoma, E isun rẹ akpọ na.
11Ga Ọrovwohwo vẹ oshọ, yanrhe vẹ ophariẹ
12rhe fiọnfiọn awọ rọye, ọ dia eriyin ophu de muo, wọ da ghwọrọ vwẹ idjerhe na,
kidie ophu rọye cha tua.
Ebruba kẹ ohwo rọ dje si oma nu vwẹ evun rọye.
Currently Selected:
Une rẹ Ejiro 2: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.