Une rẹ Ejiro 1
1
Ọvwata vẹ ohwo umwemwu
1Ebuphihọ ke ohwo na
rọ yan nene eghwanre rẹ iruimwemwu-u,
eyẹ ro mudia phihọ idjerhe re ihwo umwemwu-u,
eyẹ tidia vwe ohwarha rọ jehwẹ-ẹ;
2ẹkẹvuọvo o vwo aghọghọ vwe evun re urhi rẹ Ọrovwohwo
urhi rọye na kọye o roro te ason te uvo.
3Kọ dia kerie urhe ra kọnre kere asan ame,
rọ mọ emamọ rọye vwe ọke ororọ rọye,
ẹbe rọye se vwiọro-ọ.
Kemu kemu rọ ruru ejobi, ko yovwi kẹ.
4Oruimwemwu sa dia ọtiọye-e,
ẹkẹvuọvo kọ dia kere iphopho rẹ odju muẹ yanran.
5Fiki re ọtiọye na oruimwemwu gbi se mudia vwe orhiebro-o,
eyẹ ihwo umwemwu vwẹ ukoko re evwata-a,
6Kidie Ọrovwohwo riẹn idjerhe rẹ ọvwata
ẹkẹvuọvo idjerhe rẹ oruimwemwu che gbe.
Currently Selected:
Une rẹ Ejiro 1: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.