Luk 10
10
Ejo yanran rẹ ujorha gbẹ ihwo na
1Rẹ Ọnana vwọ wan nu Ọrovwohwo de ji ujorha gbẹ ihwe efa, o de ji ayen ka obaro kẹ, ivivẹ, vwo kpo orho korho asan rẹ okpuyovwi rọye guọnọ ra. 2Ọ da ta kẹ ayen, orhọ na pha buebu, ẹkẹvuọvo otu rẹ iruo na gbi bu-n; a gba rẹ Ọrovwohwo ro vwo orhọ na ro ji otu rẹ iruo re vun orhọ rọye. 3Ovwan yanran; nighe, mi ji ovwan kerẹsiẹ ra mrẹ igegede vwẹ ohri rẹ ikpohrokpo. 4Wa ghwa umuamwa-a, eyẹ ekpo-o, eyẹ isabato-o, we yere ohwo ọvuọvo vwẹ idjerhe-e. 5Uwevwi kuwevwi re ovwan vwẹriẹre, we ke yere, Ufuoma dia kẹ uwevwi nana! 6Ọmọ rẹ ufuoma da hẹ etiyin, ufuoma wẹn ko nene dia; ẹkẹvuọvo ọ rha dia ọtiọye-e, ko rhivwi bru uwe rhe. 7Uwevwi yena ọvo ovwan dia, da re da da ọtiẹ oghẹre rẹ emu rẹ ayen vwọ kẹ ovwan, kidie ofori re otu re wianre vwo vwo osa; We nẹ uwevwi kpo uwevwi-i. 8Korho korho rẹ ovwan teri rẹ ayen da reyọ ovwan, kemu kemu rẹ ayen vwọ kẹ ovwan ejobi wa re; 9we sivwi ihwo re mwa vwẹ etiyin re wa ta kẹ ayen, Uvie rẹ Ọghẹnẹ te ovwan oma nure. 10Ẹkẹvuọvo korho korho rẹ ovwan teri rọ gbe reyọ ovwa-an wa gba ro evun rẹ irhuvwu rọye re wa ta, 11Vwevwe rẹ iwurhie re tamu awọ rẹ avwanre, me phorho ayen kẹ ovwan; ọtiọye na ovwan gba riẹn ọnana nẹ, uvie rẹ Ọghẹnẹ te ovwan oma nure. 12Me ta kẹ ovwan, Oyovwi vwẹ ẹdẹ yena kẹ Sodọm nọ orho yena.
Ekan kẹ Irere ri Kurhẹriẹ-ẹ
(Matiu 11.20-24)
13Ekan kẹ wẹ, Korazin! ekan kẹ wẹ, Bẹtsaidai Ọ dianẹ iruo ride nana re ru vwẹ evun wẹ na ke ru ayen vwi Taya vi Saidọn, manẹ ayen kurhẹriẹ rhabae, rẹ ayen de rhuo esiso bru oma phihọ iwurhie. 14Ẹkẹvuọvo o yovwi vwẹ ẹdẹ rẹ ẹdjọeguo kẹ Taya kugbe Saidọn vwo nọ wẹ. 15Wẹ, ri Kepanọm, ro muẹ oma kpenu kpo odjuvwu? A cha vwẹ owẹ kpotọ kpo Erivwi.
16Ọ ro nyo ota rẹ ovwan yo nyo ọ mẹ, ọ rọ sen ovwan yọ sen vwẹ, ọ rọ sen vwẹ yọ sen ọ ro ji vwe rhe.
Ehirhe cha rẹ ujorha gbẹ ihwe na
17Ujorha gbẹ ihwe na de rhivwi rhe vẹ aghọghọ, tanẹ, Ọrovwohwo, Vwevwe rẹ idẹbono na vwẹ uyovwi kpotọ kẹ avwanre vwẹ odẹ wẹn! 18Ọ da ta kẹ ayen, Me mrẹ Idẹbono ro sheri kerẹ enu rọ nyavwaro nẹ obo odjuvwu cha. 19Nighe, Me vwẹ ogangan kẹ ovwan we vwo chiyi eredekọ kugbe ekpakpasimagha, vwẹ enu rẹ ogangan rẹ ọvweghrẹ; yẹ emuọvo sa wan ovwan oma-a. 20Dede na ovwan ghọghọ vwẹ ọna-a, nẹ irhi na vwẹ oma kpotọ kẹ ovwan; ẹkẹvuọvo wa ghọghọ nẹ e si odẹ rẹ ovwan phihọ odjuvwu.
Jesu Ghọghọre
(Matiu 11.25-27; 13.16-17)
21Vwẹ ọke yena vuọvo na ọ da ghọghọ vwẹ evun rẹ Erhi Ọfuanfon na ọ da ta, Me kpẹvwẹ owẹn, Ọsẹ, Ọrovwohwo ro vwo odjuvwu vẹ akpọ, ru wo vwo si imu nana nu kẹ evwaghwanre kugbe otu ri vwo ẹruọ wọ da vwẹ ayen phia kẹ emọboba; eriyin, Ọsẹ, kidie ọtiọye hẹ ọhọre esiri wẹn na. 22Ọsẹ mẹ vwẹ emu na ejobi kẹ vwẹ; yẹ ohwo ọvuọvo riẹn ọmọ na-a jokpa rẹ Ọsẹ na, eyẹ ohwo ọvuọvo riẹn Ọsẹ na-a jokpa rẹ ọmọ na kugbe ohwo rẹ ọmọ na vwe rọ phia kẹ.
23Rọ vwọ rhẹriẹ oma ku idibo na ọ da bẹbẹ ta kẹ ayen, Ebruba kẹ ẹro re mrẹ imu rẹ ovwan mrẹre na! 24Kidie Me ta kẹ ovwan nẹ emraro buebu kugbe ivie buebu guọnọre re mrẹ imu nana rẹ ovwan mrẹre na, yẹ ayen sa mrẹ-ẹ, re i nyo obo we nyori na, yẹ ayen se nyo-o.
Itẹ rẹ omamọ rẹ ohwo ri Sameria
25Nighe, ọ riẹn urhi ọvo de mudia ọ da davwọ ni, tanẹ, Oyono, die mi ru me vwọ reuku rẹ arhọ ri bẹdẹ na? 26Ọ da ta kẹ, Die e si phihọ urhi na? Mavọ wo sere te? 27Ọ da kpahe, Wọ me guọnọ Ọrovwohwo Ọghẹnẹ vwẹ udu wẹn ejobi, vwẹ ẹnwẹn wẹn ejobi, kugbe iroro wẹn ejobi, wọ me je guọnọ ọrivẹ wẹn kirobo wọ guọnọ oma wẹn. 28Ọ da ta kẹ, Wọ riẹn kpahe, ru ọnana, ku wọ rhọ.
29Ẹkẹvuọvo, rọ vwọ guọnọ brorhiẹ kẹ oma rọye, ọ da ta kẹ Jesu, Kono hẹ ọrivẹ mẹ? 30Jesu da kpahe, Ọshare ọvo ko nẹ Jerusalẹm kpo Jeriko, ọ da yan ro abọ rẹ ihwo ri gborho ihwo, ayen da ban phihọ ayen de hwe, ayen da djẹ jovwo yo ji ghwu divwi-i. 31Kpregede na orherẹn ọvo kọ ra yan vwa; ọke rọ vwọ mrẹ ọ da ghrẹghrẹ akakọ rivẹ wan. 32Ọtiọye rhe ohwo ri Livae ọvo da yanrhe, ọke rọ vwọ mrẹ ọ da ghrẹghrẹ akakọ ọfa wan. 33Ẹkẹvuọvo ohwo ri Sameria ọvo, rọ vwọ yanran re, o de rhi te asan rọ hẹ epha, rọ vwọ mrẹ, aro rọye da dọn, 34ọ da yan bro ọ da gba era rọye, o de ku evwri vẹ udi kuo; o de muo kpahe enu rẹ eranvwe robọ rọye, o da tẹtẹ re te uwevwi rẹ erhorha, ọ da vwẹ ẹro te. 35Vwẹ ẹdẹ rivẹ ọ da reyọ ikọba ivẹ ọ da vwẹ ayen kẹ ohwo rọ sẹro rẹ uwevwi na, tanẹ, Vwẹ ẹro te; vwọ da vwẹ igho ọfa ba ghẹrẹ, mẹ da rhoma rhe ke me hwa ayen kẹ wẹ. 36Kẹ ọrhọ vwẹ ihwo nana erha na, wo rori nẹ, ọrivẹ rẹ ohwo re gborhori na? 37Ọ da ta, Ọ ro ni arodọvwẹ kẹ na. Jesu da ta kẹ, yanran wo re ru ọtiọye rhe.
Jesu kpo asan ri Mata vẹ Meri
38Rẹ ayen vwọ yanran vwẹ idjerhe na, ọ da vwẹriẹ ọko ọvo; aye ọvo re se Mata da reyọ kpọ uwevwi rọye. 39O vwo oniọvo rẹ ọmọtẹ ọvo re se Meri, ro tidia awọ rẹ Ọrovwohwo rọ kerhọn rẹ uyono rọye. 40Ẹkẹvuọvo Mata ra pharha chere emu, ọ de bro ra ọ da ta kẹ, Ọrovwohwo, wo gbe riẹn nẹ Meri sen uchere na ejobi kẹ vwẹ-ẹ? Ta kẹ rọ rhe cha vwẹ uko. 41Ẹkẹvuọvo Ọrovwohwo da kpahe kẹ, Mata, Mata, wọ ro ẹnwan kpokpo oma rẹ emu buebu; 42emu ọvo ọye a guọnọre. Meri jẹ emu esiri na reyọ nure, e gbi se mie ọfa-a.
Currently Selected:
Luk 10: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.