Псалм 66
66
[65-р.с.] 1Хоро́скирэ Дирижоро́скэ. Гилы́. Пса́лмо.
Дэн го́дла радыма́са Дэвлэ́скэ, сари́ пхув, 2бага́н пал паты́в Лэ́скирэ лавэ́скэ, бага́н слава́са, ке́ли шарэна Лэс. 3Пхэнэ́н Дэвлэ́скэ: “Савэ барэ́ кэ дар исын Тырэ́ бутя́! Тырэ́ вэ́рги ячэ́на тэ кандэ́н Тут пал Тыро́ зоралыпэ́н. 4Мэк сари́ пхув тэ бандёл шэро́ патыва́са кэ Ту, и тэ багал Ту́кэ, мэк ёнэ тэ шарэ́н Тыро́ лав.” 5Явэ́н и дыкхэ́н пэ Дэвлэ́скирэ бутя́! Саво́ зоралыпэ́н исын Тырэ́ бутендыр, со Ту кэрдя́н манушэ́скирэ чхавэ́нгэ, со́стыр аж вэ́рги страхадёна. 6Ёв пирикэрдя мо́рё (дэрья́в) дрэ шуки́ пхув; ёнэ пиригинэ́ мо́рё (дэрья́в) пирэнца (стопэнца), одо́й амэ ява́са тэ радынаспэ Лэ́стыр. 7Ёв кралинэла Пэ́скирэ зорья́са пэ сарэ́ ве́ки; Лэ́скирэ якха́ дыкхэ́на цямкэс (ракхипныткэс) пал Наюды́тка на́цыи, соб (кай) одолэ́, кон бунтуинэла, тэ на ґаздэ́нпэ радыма́са. Сэ́ла. 8Парикирэ́н и шарэ́н амарэ́ Дэвлэ́с, о мануша́лэ, пэ пхув, пхэнэ́н зоралэ́с шарибэ́н Лэ́скэ; 9Кон дэ́ла джиибэ́н амарэ́ дескэ, и на домэкэла амарэ́ ґэрэнгэ тэ зджан штэто́стыр. 10Пал-дова́ со Ту, Дэ́вла, пропатякирдян амэн, Ту выпробиндян амэн сыр руп выжужакирэна (вычыстинэна). 11Ту яндян амэн дрэ фэлы́, Ту чхудя́н тасаибэн пэ амарэ́ думэ; 12Ту кэрдя́н, соб (кай) мануша́ тэ псирэ́н пир шэро́ пэ амэ́ндэ; амэ прогиям пир яг и пир пани́; нэ Ту вылыджиян амэн, соб (кай) тэ дэс бут. 13Мэ заджава дрэ Тыро́ Кхэр хачкирибнаскирэ свэнтонэ́ дыибнэнца; мэ кэра́ва, сыр мэ совлахадём пал дова́, 14со мирэ́ ушта́ выпхэндлэ и миро муй пхэндя́, ке́ли сыс пхаро́ ма́нгэ. 15Мэ яна́ва Ту́кэ хачкирибнаскирэ свэ́нта дыибэна́ тхулэ мурдалэ́ндыр, кучонэ́ кхандыбнаса бакрэ́ндыр, мэ яна́ва гурувэ́н бузненца. Сэ́ла. 16Явэ́н, шунэ́н ракхунэс, сарэ́, конэ́стэ исын трашаибэ́н анги́л Дэвлэ́стэ и мэ пхэна́ва тумэ́нгэ, со Ёв кэрдя́ мирэ́ дескэ. 17Мэ дыём го́дла Лэ́скэ тэ помогинэл мирэ́ мо́са и шардём Лэс мирэ́ чиба́са (чибьяса). 18Ко́ли мэ думинавас пал чорипэ́н дро пэ́скиро ило́, тэды Рай Дэвэ́л на шунэлас ман. 19Нэ Дэвэ́л шундя́, пришундяпэ кэ мири́ зан, сыр мэ мангдёмпэ, 20Тэ явэ́л бахтякирдо́ Дэвэ́л, Саво́ на рисия́ криг мирэ́ патерьятыр (молитватыр), Саво́ на рискирдя́ Лэ́скири лачхэ́-илы́ткима ма́ндыр.
Currently Selected:
Псалм 66: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
