Псалм 60
60
[59-р.с.] 1Хоро́скирэ Дирижоро́скэ.
Пэ Мелодия “Лилиякиро Допхэныбэ́н.” Давидоскири Наде́я. Ваш Сыклякирибэ́н, ке́ли ёв мардя́пэ Сирияса Месопатамиятыр и Сирияса Цованостыр и, 2ке́ли Иоа́во (Джоаба) рисия́, сыр ёв замардя́ дэшуду́й тысенцы Идумиянэн пэ Лондытко До́ло.
3Дэ́вла! Ту ги́ян криг амэ́ндыр и пхагирдян амэн; Ту са́нас холямо́ пэ амэ́ндэ: акана́ прилэ́ палэ амэн. 4Ту тринскирдян пхув: Ту розрискирдян ла: састякир ла́кирэ рискирибэна (повреждении), пал-дова́ со ёй кунинэлапэ (колебинэлапэ). 5Ту чхудя́н Пэ́скрэ манушэ́н анги́л пхарипэ́н, Ту дыя́н амэ́нгэ мол тэ издрас. 6Ту дыя́н сцяго (знамё) одолэ́нгэ, савэ́ндэ исын трашаибэ́н анги́л Ту́тэ, тэ ґаздэ́н лэс ваш патяибэ́н, 7соб (кай) тэ зракхэнпэ одолэ́, кон яця́ дро́го Ту́кэ. Помогин тэ зракхэнпэ Тырэ́ чачэ́ вастэ́са и отпхэн ма́нгэ. Сэ́ла. 8Дэвэ́л пхэндя́ Пэ́скирэ свэнтыматыр: Мэ ґаздавапэ радыма́са, Мэ роскэрава Сихемо и Мэ розмеринава Сукотоскиро до́ло. 9Миро исын Галаа́до, и миро исын Мана́сия, Эфремо исын сы́рбы шлемо тэ ракхэ́л миро шэро́, Юда исын сы́рбы миро троно тэ кралинэ́л. 10Моа́во исын мири́ копа́на (умывальница), пир Эдо́мо мэ чхурдава мири́ шкорня; Филистия (Филистэя), ци на дэ́са ту го́дла зоралэ́с радыма́тыр пал ма́ндэ. 11Кон янэ́ла ман дро зорало́ фо́ро? Кон лыджа́ла ман дро Эдо́мо? 12Ци Ту чхурдыян дрэ риг, чачэс, Дэ́вла? Ци Ту на джа́са анги́л амарэ́ халадыбэна. 13[р.с.] Дэ васт амэ́нгэ проти амарэ́ намалэстэ, пал-дова́ со харты́тко исын подыно васт манушэ́ндыр. 14[р.с.] Дэвлэ́са амэ кэра́са барэ́ рэ́нды; Ёв ростасавэла амарэн намалэн (надругэн).
Currently Selected:
Псалм 60: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
