Псалм 58
58
[57-р.с.] 1Хоро́скирэ Дирижоро́скэ. “На хасякир.” Давидоскири гарады Наде́я.
2Со сыкавэ́ла, со тумэ́ ракирэ́на чачипэ́н? Ци чачунэ́с тумэ́ сэндякирэна, чхавэ́ манушы́тка? 3Над, тумэ́ кэрэ́на фуипэ́н дро тумаро́ ило́; тумэ́ сы́рбы важынэна пэ ублады́тка (весы) нахрата рэ́нды тумарэ́ вастэ́нца пэ пхув. 4Фуй мануша́ джа́на криг Дэвлэ́скирэ дромэ́стыр ишчо (инкэ́) да́кирэ лочовя́тыр, ёнэ кэрэ́на блэнды тэды, ке́ли ёнэ сыс дро да́киро пэр, хохаи́. 5Ёнэ исын пхэрдэ́ трутаса (ядоса) сы́рбы сапэскирэ трутаса, ци сы́рбы кашукэ ґадостэ, со закэрэла пэ́скирэ ушта́, 6саво́ на шунэ́ла човаханэскири (чараўникоскири) зан, кон адя́кэ рангирэс човаханякирэла. 7Дэ́вла, выпхагир лэ́нгэ данда́ дро муй, попхагир сарэ́са клыки тэрнэ́ шчэрэнгирэ, о Раё Дэ́вла! 8Мэк ёнэ тэ розбиладён сыр пани́, со тхадэ́ла, мэк тэ пхадён лэ́нгирэ марибны́тка бустя́ (стре́лы) лукостыр, ке́ли надтырдэна лэн. 9Мэк ёнэ тэ явэ́н сы́рбы слимаки (улитки), со розбиладёна дрэ пэ́скири сьлизь, мэк ёнэ тэ явэ́н сы́рбы счхурдыно бия́то джувля́тэ, саво́ на удыкхэ́ла кхам. 10Анги́л дова́, сыр кэ пирья доджа́ла кодри́лё ци тэ явэ́л ёв зэлэно, ци шуко тэ хачол, Дэвэ́л укэдэла лэн криг рискирдонэ балваляса (вихроса). 11Чачипна́скиро ману́ш явэ́ла тэ радынэ́лпэ, ке́ли ёв чхувэ́ла ка́ра пэ чорэ́ манушэ́ндэ, и ёв выморэла пэ́скирэ пирэ́ (сто́пы) дро фуе́-манушэ́нгиро рат: 12[р.с.] и пхэнэ́ла ману́ш: “Чачо́, исын лачхо́ отдыибэ́н палэ пал чачипнаскирэстэ. Чачо́, Дэвэ́л исын Одова́, Саво́ сэндякирэ́ла пэ пхув.”
Currently Selected:
Псалм 58: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
