Псалм 39
39
[38-р.с.] 1Хоро́скирэ Дирижоро́скэ. Идифимоскэ (Едуцыноскэ). Давидо́скиро Пса́лмо.
2Мэ пхэндём: “Мэ ява́ва тэ дыкха́в, со мэ кэра́ва, соб (кай) ма́нгэ тэ на кэра́в грэ́хо мирэ́ чиба́са (чибьяса): мэ ява́ва тэ ракхав миро муй каганцоса (намордникоса), пака фуй ману́ш тэрдо́ анги́л ма́ндэ”. 3Мэ яцём лало́ (не́мо), мэ сом штыл, мэ аж со́мас штыл пал лачхипэ́н, и миро ду́хо (фа́но) пыя́ буты́р дро конфузо. 4Миро ило́ росхачия дрэ ма́ндэ, ке́ли мэ дыём годы́ пэ́скэ (хор думиндём), захачи́я яг дрэ ма́ндэ, мэ пхэндём мирэ́ чиба́са; 5О, Раё Дэ́вла, пхэн ма́нгэ, ке́ли миро джиибэ́н кончынэлапэ и пал кицы́ дывэса́ мэ мэра́ва. Со исын дасаво: пхэн ма́нгэ, кицы́ бэрша́ ма́нгэ ишчо (инкэ́) тэ джива́в? 6Ѓа́да, фэ́ни пэ буґлыпэ́н мирэ́-вастэскиро Ту дыя́н ма́нгэ дывэса́ тэ джива́в и миро джиибэ́н исын кротко часо, сы́рбы нисо́ анги́л Ту́тэ. Дава́ исын патяибэ́н, со кажно (сва́ко) ману́ш, мэк ёв тэ тэрдёл вучэ́с, исын балвалякиро пхурдыпэн. Сэ́ла. 7Дава́ исын чачо́, со ману́ш псирэ́ла сы́рбы екх зэр (тенё), чачо́, ёв чхурдэлапэ ивья́ (напра́снэс); ёв скэдэ́ла пэ́скэ, а на джинэ́ла, кон залэла дава́. 8А какана́, со ма́нгэ тэ ужакирав, Раё Дэ́вла? Мэ ужакирава лачхипэ́н Ту́тыр. 9Зра́кх ман сарэ́ мирэ́ чорипна́стыр, на домэк, соб (кай) дылыно́ ману́ш тэ обракирэл ман. 10Мэ со́мас лало́, мэ на отпхандём миро муй пал-дова́, со Ту адя́кэ кэрдя́н. 11Лэ ма́ндыр криг дукха́, со Ту чхудя́н пэ ма́ндэ: мэ мэра́ва, сыр Ту марэ́са ман Тырэ́ вастэ́са. 12Ту сыклякири и дэ́са кара (хась) и сыкавэса банг манушэнтэ пал лэ́нгиро чорипэ́н, Ту хасякирэса, сыр моль дова́, со ёв камэ́ла; чачо́, кажно ману́ш исын сыр балвалитко пхурдыпэн. Сэ́ла. 13Шун мири́ па́тери (моли́тва), о Раё Дэ́вла, и причху́в кан, со мэ ровава, на яв штыл мирэ́ ясвэндыр, со мэ сом чу́жо ману́ш Ту́кэ, саво́ лодэла, сыр сыс мирэ́ дада́. 14[р.с.] Отрискир ма́ндыр Пэ́скирэ стрэ́нга якха́, и мэ ява́ва тэ радынавпэ анги́л, сыр мэ джа́ва криг пэ́скэ и ман на явэ́ла буты́р.
Currently Selected:
Псалм 39: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
