Псалм 24
24
[23-р.с.] 1Давидо́скиро Пса́лмо.
Сари́ пхув исын Дэвлэ́скири и саро́, со исын дро свэ́то, исын Лэ́скиро, и сарэ́, кон дживэ́ла пэ дава́ свэ́то (лот). 2Пал-дова́ со Ёв чхудя́ пхувья́киро фунда́менто, пэ хор мо́ри (дэрьява́) и чхудя́ дава́-паць пэ паня́. 3Кон сашты́ тэ джал упрэ́ пэ Ра́скирэ-Дэвлэ́скиро вучипэ́н? Кон сашты́ тэ тэрдёл пэ Лэ́скиро свэ́нто штэ́то? 4Кодова́, конэ́стэ васта́ исын жужэ́ (чыста), конэ́стэ исын лачхо́ ило́. Кон на совлахадя́ пэ́скирэ илэ́са ивья́, и кон на совлахадя́ хоханэ́с. 5Кодова́ дорэсэ́ла бахтякирибэ́н Ра́стыр-Дэвлэ́стыр и чачипэ́н Дэвлэ́стыр, Саво́ зракхэ́ла. 6Дава́ исын одолэ́ мануша́, савэ́ родэ́на Лэс, дава́ исын Яково́скиро ро́до, кон родэ́ла Тыро́ муй. Сэ́ла. 7Псиравэн (откэрэн) буґлэс по́рты тэ явэ́н ґаздынэ́ ґаратунэ́ вудара́ дро Кхангири́. Славу́тно Кра́ли заджа́ла дрэ лэ́ндэ. 8Кон исын Болыбна́скиро Кра́ли? Рай Дэвэ́л, Саво́ исын зорало́ и дро зоралыпэ́н? Рай Дэвэ́л исын зоралыпнаскиро кэ мэрибэ́н! 9Псиравэн буґлэс по́рты! И тэ явэ́н ґаздынэ́ вудара́ дро ве́чно джиибэ́н! Болыбна́скиро Кра́ли заджа́ла дрэ лэ́ндэ. 10Кон исын Болыбна́скиро Кра́ли? Рай Дэвэ́л, Саво́ исын пэ болыбна́скирэ Янголэндэ, Ёв исын Болыбна́скиро Кра́ли. Сэ́ла.
Currently Selected:
Псалм 24: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
