Псалм 20
20
[19-р.с.] 1Хоро́скирэ Дирижоро́скэ. Давидо́скиро Пса́лмо. 2Мэк Рай Дэвэ́л тэ шунэ́л тут дро дывэ́с, ке́ли исын пхаро́; мэк Яково́скирэ-Дэвлэ́скирэ лав тэ зракхэ́л тут вэргэ́ндыр; 3Мэк Ёв тэ бичхавэл ту́кэ зор Лэ́скирэ Свэнтонэ́ Штэто́стыр и тэ подрикирэ́л тут Сионоскирэ Бэрга́тыр. 4Мэк Ёв тэ рипирэл сарэ́ тырэ́ Свэ́нта дыибэна́, и мэк Ёв тэ прилэл Тырэ́ хачкирибнаскирэ яныбэна́. Сэ́ла. 5Мэк Ёв тэ дэл ту́кэ, со тырэ́ илэскэ трэй и, соб (кай) тэ сполнинэ́лпэ сарэ́ тырэ́ планы. 6Амэ ява́са тэ радынаспэ Тырэ́ зракхибнастыр, и амэ чхуваса амарэ́ сцяги амарэ́ Дэвлэ́скирэ лавэ́са. Мэк Рай Дэвэ́л тэ сполнинэл саро́, пал со ту мангэса. 7Акана́ мэ джино́м, со Рай Дэвэ́л зракхэ́ла Пэ́скирэ помакхнэс; Ёв отпхэнэ́ла лэ́скэ Лэ́скирэ помакх свэнтонэ́ Болыбна́стыр, Лэ́скирэ чачунэ́-вастэскирэ зорья́са, со зракхэ́ла лэс. 8Вари-савэ́ патя́на дрэ марибны́тка вурдэна́ и вари-савэ́ дрэ грэ́ндэ, нэ амэ ява́са тэ рипирас амарэ́ Ра́скирэ-Дэвлэ́скиро лав, амарэ́ Дэвлэ́скиро. 9Ёнэ бандинэ тэлэ́ и пынэ́; нэ амэ уштыям и сам тэрдэ́ маму́й (пря́мэс). 10[р.с.] Раё Дэ́вла! Кэр, соб (кай) кра́ли тэ лэл упралыпэ́н дро марибэ́н. Шун амэн, ке́ли амэ кхараса Тут.
Currently Selected:
Псалм 20: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
