Псалм 148
148
1Аллилуя!
Шарэ́н Рас-Дэвлэ́с болыбна́стыр; шарэ́н Лэс, Кон дживэ́ла упра́л. 2Мэк тэ шарэ́н Лэс сарэ́ Лэ́скирэ Янго́лы, мэк тэ шарэ́н Лэс сарэ́ болыбна́скирэ Янго́лы. 3Шарэ́н Лэс, кхам и чхон, мэк тэ шарэ́н Лэс сарэ́ чэргэня́, со хачона. 4Шарэ́н Лэс, най вучэды́р болыбэ́н и паня́, со исын упра́л (упрэ́) болыбна́стыр. 5Мэк ёнэ тэ шарэ́н Ра́скирэ-Дэвлэ́скиро лав, пал-дова́ со Ёв припхэндя́ и ёнэ кэрдэ́пэ: 6И Ёв дыя́ зор лэ́нгэ ўса́ды (сак) и пэ сарэ́ ве́ки; Ёв дыя́ припхэныбнытко стату́то, со ёнэ на обджана лэс. 7Мэк тэ шарэ́н Рас-Дэвлэ́с пхувья́тыр: морёскирэ (дэрьявэ́скирэ) ру́пучы и сарэ́ хор штэ́ты; 8яг и ґрадо, ив и тхув, зоралы́ балва́л, савэ́ кэрэ́на пир лэ́скиро лав; 9бэ́рги и сарэ́ бэ́ргицы, пхабакирэ кашта́ (дрэвы) и сарэ́ кедры; 10рискирибна́скирэ мурдала́ (звери) и сарэ́ кхэри́тка мурдала́, цапня́ и чириклэ́/я́ пхакэ́нца (крылэнца); 11кра́лья пэ пхув и сарэ́ мануша́, тхага́рья и сарэ́ сэнда́рья пэ пхув. 12Тырнэ мануша́ и адя́кэ-паць патывалэ́ тэрнэ́ джувля́, пхурэ́ мануша́ тэрнэнца, 13мэк ёнэ тэ шарэ́н Ра́скирэ-Дэвлэ́скиро лав; пал-дова́ со екх Лэ́скиро лав трэй тэ шарэ́н кэ вучипэ́н; Лэ́скири сла́ва исын вучэды́р пхувья́тыр и болыбна́стыр. 14И Ёв ґаздыя́ Лэ́скирэ-манушэ́нгиро дэсто́, Саво́ дэ́ла зор, соб (кай) тэ шарэ́н Лэс Лэ́скирэ свэ́нта Израилёскирэ чхавэ́, савэ́ исын пашылэды́р кэ Ёв. Аллилуя.
Currently Selected:
Псалм 148: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
