Псалм 136
136
[135-р.с.] 1Парикирэ́н Ра́скэ-Дэвлэ́скэ, пал-дова́ со Ёв исын лачхо́, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки; 2парикирэ́н Дэвлэ́скэ, Саво́ исын Са́мо (Най) Вучэды́р пэ сарэ́ дэвлорэндэ; пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки. 3Парикирэ́н Ра́скэ-Дэвлэ́скэ, Саво́ исын Барэды́р сарэ́ рандыр, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки, 4Лэ́скэ, Саво́ Кокоро́ кэрэ́ла барэ́ ди́вы, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки: 5Лэ́скэ, Кон создыя́ годыпнаса болыбэ́н, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки; 6Лэ́скэ, Кон росчхудя́ пхув упра́л панендыр, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки; 7Лэ́скэ, Кон кэрдя́ барэ́ дуда (светилы), пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки; – 8кхам, соб (кай) тэ рикирэ́н зор пэ пхув дывэсэ́, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки, 9чхон и чэргэня́, соб (кай) тэ рикирэ́н зор пэ пхув раты́, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки: 10Лэ́скэ, Кон мулякирдя́ сарэ́ пэрвонэ́ бияндлэ биятэ́н Египто́стыр, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки, 11и Саво́ вылыджия́ Израилё машки́р лэ́ндэ, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки, 12зоралэ́ вастэ́са и ґаздынэ́ псикэса, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки. 13Лэ́скэ, Кон роскэрдя́ пэ паша́ Лоло́ мо́рё (дэрья́в), пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки, 14Кон кэрдя́ адя́кэ, со Израилё прогия́ (накхья) машкира́л дава́ штэ́то, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки, 15нэ пиририскирдя Фараонос и лэ́скиро халадыбэ́н дро Лоло́ мо́рё (дэрья́в), пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки; 16Лэ́скэ, Кон лыджия́ анги́л пэ́скирэ манушэ́н пир чхучэ́ прахи, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки; 17Лэ́скэ, Кон мулякирдя́ барэ́ кралье́н, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки; 18и замардя́ славутнонэ кралье́н, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки; 19Сигонос, Аморее́нгирэ Крали́с, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки; 20и Огос Васаноскирэ крали́с, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки, 21Ёв дыя́ лэ́нгири пхув сыр мэкно́ миштыпэ́н, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки, 22мэкно́ миштыпэ́н Израилёскэ, Лэ́скирэ писхари́скэ, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки; 23Ёв рипирдя амэн сыр амэ са́мас пэ тэлатуно штэ́то, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки; 24и Ёв выракхця амэн амарэ́ вэргэ́ндыр, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки: 25Кон дэ́ла хабэ́н кажнонэ́ лочакэ (плотякэ), пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки. 26Парикирэ́н болыбна́скирэ Дэвлэ́скэ, пал-дова́ со Лэ́скиро дро́го лачхипэ́н ячэ́лапэ пэ сарэ́ ве́ки.
Currently Selected:
Псалм 136: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
