Псалм 135
135
[134-р.с.] 1Аллилуя!
Шарэ́н Рас-Дэвлэ́с! Шарэ́н тумэ́ Ра́скирэ-Дэвлэ́скирэ писха́рья, 2савэ́ исын тэрдэ́ дро Ра́скирэ-Дэвлэ́скиро Кхэр дрэ грэды (дворы) кэ амарэ́ Дэвлэ́скиро Кхэр. 3Шарэ́н Рас-Дэвлэ́с; пал-дова́ со Ёв исын лачхо́! Бага́н псалмы Лэ́скирэ лавэ́скэ, пал-дова́ со Ёв исын дро́го. 4Ёв выкэдыя́ Яково́с ваш Пэ́скэ, а Израилё сыр Пэ́скиро миштыпэ́н. 5Пал-дова́ со мэ джино́м, со Рай Дэвэ́л исын баро́ и амаро́ Рай Дэвэ́л исын вучэды́р сарэ́ дэвлорэндыр. 6Рай Дэвэ́л кэрэ́ла саро́, со Лэ́скэ закамэлапэ, ци пэ болыбэ́н, ци пэ пхув, ци дрэ мо́ри (дэрьява́), ци дрэ сарэ́ хор штэ́ты. 7Ёв кэрэ́ла адя́кэ, со о́блоки ґаздэ́напэ пхувья́кирэ ягорэндыр; Ёв кэрэ́ла адя́кэ со джа́на блискави́цы брышындэса, Ёв янэ́ла балваля Пэ́скирэ складэндыр. 8Ёв хасякирдя́ пэрвонэс, кон бияндёла ци манушэ́ндэ ци кхэритконэ́ мурдалэ́ндэ (машки́р ското) дро Еги́пто; 9Ёв бичхадя́ знаме́нии (ґертыка́) и ди́вы машки́р Ту́тэ, о Еги́пто, пэ Фараоностэ и сарэ́ Лэ́скирэ дынарьендэ? 10Ёв хасякирдя́ барэ́ Наюды́тка на́цыи и мулякирдя́ бут кралье́н: 11Сигонос, Аморее́нгирэ крали́с, Огос, Васаноскирэ крали́с и сарэ́ Ханааноскирэ кралипэна́. 12И Ёв дыя́ лэ́нгири пхув сыр мэкно́ миштыпэ́н Пэ́скирэ манушэ́нгэ Израилёстыр. 13О, Раё Дэ́вла! Тыро́ лав ячэ́лапэ пэ сарэ́ ве́ки! О, Раё Дэ́вла! Рипирибэ́н пал Ту́тэ исын родо́стыр кэ ро́до. 14Пал-дова́ со Рай Дэвэ́л явэ́ла тэ сэндякирэ́л Пэ́скирэ манушэ́н, и Ёв явэ́ла лачхэ́-дескиро кэ Пэ́скирэ писха́рья. 15Наюдытконэ́-нацыенгирэ и́долы исын рупэ́стыр и сувнака́стыр, манушэ́нгирэ васта́ кэрдэ́ лэн: 16лэ́ндэ исын муя́, нэ ёнэ на пхэнэ́на нисо́, лэ́ндэ исын якха́, нэ ёнэ на дыкхэ́на; 17лэ́ндэ исын кана́, нэ ёнэ на шунэ́на, и нанэ пхурд (дыханиё) лэ́нгирэ мо́стыр. 18Мэк одолэ́, савэ́ кэрдэ́ лэн, тэ явэ́н дасавэ́-паць сыр лэ́нгирэ и́долы; и сарэ́ яви́р мануша́, савэ́ ужакирэ́на лачхипэ́н далэ́ статулэ́ндыр (статуендыр). 19Мануша́лэ Израилёскирэ кхэрэ́стыр! Тумэ́ тэ вышарэн и тэ парикирэ́н Ра́скэ-Дэвлэ́скэ! Ароноскиро кхэр! Тэ вышарэн тумэ́ и тэ парикирэ́н Ра́скэ-Дэвлэ́скэ! 20Мануша́лэ Левиёскирэ кхэрэ́стыр! Тэ вышарэн тумэ́ и тэ парикирэ́н Ра́скэ-Дэвлэ́скэ! Тумэ́, савэ́ дарэ́на Ра́стыр-Дэвлэ́стыр, тэ вышарэн и тэ парикирэ́н Ра́скэ-Дэвлэ́скэ! 21Тэ вышарэн и тэ парикирэ́н Ра́скэ-Дэвлэ́скэ Сионо́стыр, Саво́ дживэ́ла кэ Ерусалимо! Аллилуя!
Currently Selected:
Псалм 135: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
