Притчы 23
23
1Сыр ту бэшэса тэ хас барыдырэ́са, то придыкхпэ шука́р, кон исын анги́л ту́тэ; 2и чхув чхури кэ пэ́скиро кирло, ко́ли ту сан ману́ш, саво́ исын ґа́лко кэ хабэ́н. 3На ха древа́н бут лэ́скирэ бонбоны (присмаки), пал-дова́ со ёнэ исын хохано́ хабэ́н. 4На кэр буты́ пир ме́ра, соб (кай) тэ явэс барвало́, нэ яв пэ ада́кицы годо́, соб (кай) тэ мэкэс дасавэ́ ду́мы: 5ке́ли ту рискирэса пэ́скирэ якха́ пэ дава́ – и акана́ нанэ лэс? Пал-дова́ со барвалыпэ́н кэрэ́ла пхака́ пэ́скэ и сыр о́рло (ки́до) вурняла криг кэ болыбэ́н. 6На ха маро́ кэ ману́ш бибахталэ́ якхаса, на яв ґа́лко (жадно) кэ лэ́скирэ бонбоны (присмаки). 7Пал-дова́ со ёв исын адасаво́, саво́ ёв исын дро пэ́скиро ило́. “Ха и пи”, – ёв пхэнэ́ла ту́кэ, нэ лэ́скиро ило́ нанэ ту́са. 8Котэ́р (куско) марэскиро, со ту хаян, ту вычхадэса, и ту нашавэса тырэ́ куч лава́. 9На ра́кир дрэ дылыниньконэскирэ кана́, пал-дова́ со ёв дыкхэ́ла вучипна́стыр пэ тырэ́-лавэнгиро годыпэ́н. 10На пиричхув ґаратуны шпэ́ра пэ пхув, на рэс пэ фэ́лда, кай дживэ́на бидадэнгирэ чхавэ́. 11Пал-дова́ со лэ́нгиро Выракхибнаскиро [Затэрдыипнаскиро-р.с.], Рай Дэвэ́л исын зорало́, Ёв затэрдёла пал лэ́нгиро рэ́ндо пэ ту́тэ. 12Бандякир тыро́ ило́, ке́ли сыклякирэ́на тут, и тырэ́ кана́ кэ годьварэ́ лава́. 13На тангинэ (на жалин) чхавэ́с, ке́ли ту марэ́са лэс раняса, далэ́стыр ёв на мэрэ́ла: 14ту марэ́са лэс раняса и зракхэ́са лэ́скиро ди люностыр (адостыр). 15Мро чха́ва! Ко́ли тыро́ ило́ исын годо́, тэды миро ило́ явэ́ла тэ радынэ́лпэ. 16И мирэ́ букэ (нутря) явэ́на зоралэ́с тэ радынэ́нпэ, ке́ли тырэ́ ушта́ пхэнэ́на чачипэ́н. 17Мэк тыро́ ило́ тэ на зэвлынэл (тэ на завидынэл) грэхитконэ́ манушэ́нгэ, мэк тыро́ ило́ тэ ячэ́лпэ ўса́ды (сак) дрэ дар анги́л Растэ-Дэвлэ́стэ; 18пал-дова́ со исын англыпэ́н и тыро́ лачхо́ ужакирибэ́н на явэ́ла нашадо. 19Мро чха́ва! Шун, и яв годо́, и приракх пэ́скиро ило́ пэ маму́й дром. 20На яв кхэтанэ́ манушэ́са, кон пьела древа́н бут мол (вино), ци кон ха́ла бут мас. 21Пал-дова́ со матымари (матяри) и бутэ́-хабнаскиро ману́ш (обхаячо) ячэ́на чорорэ́, и ману́ш, кон совэла бут, явэ́ла уридо́ дрэ мэлалэ патавэ. 22Шун пэ́скирэ дадэ́с, конэ́стыр ту латхянпэ, и на дыкх вучипна́стыр пэ пэ́скирэ датэ, ке́ли ёй явэ́ла пхури. 23Кин (дорэс) патяибэ́н, и на отдэ́ лэс никонэ́скэ; адя́кэ-паць годыпэ́н, сыклякирибэ́н и ґалыибэ́н. 24Чачунэ́-манушэ́скиро дад явэ́ла древа́н тэ радынэ́лпэ, адя́кэ-паць и кодова́, конэ́стэ годо́ чхаво́ латхяпэ, явэ́ла тэ бахталёл лэ́стыр: 25мэк тэ явэ́н ра́да тыро́ дад и дай, и мэк кодоя, сави́ бияндя́ тут, зоралэ́с тэ радынэ́лпэ. 26Мро чха́ва! Отдэ́ ма́нгэ тыро́ ило́, и мэк тырэ́ якха́ тэ рикирэнпэ зоралэ́с (тэ придыкхэнпэ) кэ мирэ́ дрома́. 27Пал-дова́ со налачхи джувлы́ исын хор ґанби́н (яма), и чу́жо джувлы́ исын вэнско ґаны́нг. 28Ёй адя́кэ-паць подракхэла дорэсыбэ́н (манушэ́н) сыр розмарибнытко, и барьякирэ́ла буты́р напатяибнаскирэн машки́р манушэ́ндэ. 29Конэ́стэ исын роибэ́н? Конэ́стэ исын дукх? Конэ́стэ исын кошыбэ́н? Кон исын би́да, и кон жалинэлапэ? Конэ́стэ исын даба (калэ́ маса́) ни палсо́? Конэ́стэ исын лолыпэн дрэ якха́? 30Дава́ исын кодолэ́ндэ, савэ́ кэ коригуно́ (позно) уля́го (пора) исын бэштэ́ пашы́л мол и кодолэндэ, савэ́ джа́на тэ родэ́н змешындлы мол (вино). 31На дыкх пэ мол, сыр ёй лолёла, сыр ёй гожэс зяинэла яга́са дрэ кучык, сыр ёй локхэс чхувэ́лапэ дро кирло: 32дро ко́нцо (дро яго́ро) ёй дандырэла тут сыр сап, и дукхавэла сыр саплын (аспидо). 33Тырэ́ якха́ явэ́на тэ дыкхэ́н пэ явирэ джувлендэ, и тыро́ ило́ явэ́ла тэ выпхэнэл накуч лава́. 34И ту явэ́са сыр кодова́, саво́ исын пашто́ машкира́л мо́рё (дэрья́в), сыр кодова́, саво́ исын пашто́ [суто́-р.с.] вучэ́с пэ мачта, и саво́ пхэнэ́ла: 35И пхэнэ́са: “Ёнэ пэкадэ ман, нэ мэ на сом дукхадо, ёнэ шпулдэ (пихиндлэ) ман, и мэ на джиндём. Ке́ли мэ джангадёвава? Мэ ява́ва тэ родав усае́кх тэ выпьяв нэвэ́стыр (нэвэ́с).”
Currently Selected:
Притчы 23: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
