Притчы 17
17
1Фэды́р исын шуко маро́, нэ тэ явэ́л рама́нё (миро), сыр исын пхэрдо́ кхэр свэнтонэ́ масэса, нэ кай исын кошыбэ́н. 2Годо́ дына́ри (слуга) рикирэ́ла зор пэ чхавэ́стэ, саво́ кэрэ́ла ладж, и ёв роскэрэла (роздэла) мэкно́ миштыпэ́н машки́р пшалэ́ндэ. 3Дрэ кака́ви (котло) билавэна (плавинэна) руп, а дрэ бов сувнака́й, нэ Рай Дэвэ́л пропатякирэла илэ. 4Бибахтало́ ману́ш прилэ́ла кэ годы́, со ракирэ́на начачунэ ушта́, нэ хохано́ ману́ш шунэ́ла бэдо чиб, сави́ лыджа́ла пэ хасибэ́н. 5Кон салапэ чорорэстыр, одова́ обракирэла Рас-Дэвлэ́с, Саво́ создыя́ лэс. Кон радынэ́лапэ барэ́ бидакэ, кодолэ́скэ явэ́на вечна мэ́ньки. 6Чхавэ́нгирэ чхаворэ́ исын сы́рбы крали́скири стадык (коро́на) пхуранэ́ манушэ́нгэ, чхавэ́ исын бариканэ лэ́нгирэ дадэндыр. 7Сыр нахрата мануша́ на пхэнэ́на нисо́ фэдэды́р, адя́кэ-паць и патяибэ́н исын, со крали́скири сэмэ́нца на явэ́ла тэ хохавэ́л. 8Да́ро исын куч бар дрэ кодолэскирэ якха́, конэ́стэ ёв исын: карик хула́й тэ на рисёл, да́ро янэ́ла лэ́скэ миштыпэ́н. 9Кон учхакирэ́ла налачхэ́ рэ́нды, одова́ родэ́ла рама́нё (миро): нэ кон ракирэ́ла палэ пал дова́, кодова́ дурьякирэла фэды́р малэн (другэн). 10Фэды́р исын хор тэ бангякирэн годэ́ манушэ́с, сыр шэл мо́лы тэ пэкавэс дылынэс. 11Бибахтало́ ману́ш родэ́ла екх, соб (кай) тэ бунтуинэл, палдава́ биилытко Янго́ло явэ́ла бичхадо́ пэ лэ́стэ. 12Фэды́р исын тэ дыкхэспэ ричыхаса (медведицаса), савья́тыр чордэ ричорэн, сыр дылынэса лэ́скирэ дылныпнаса. 13Кон плэскирэла палэ чорипнаса пал лачхипэ́н, биба́хт на явэ́ла тэ дурьёл (на отджала) лэ́скирэ кхэрэ́стыр. 14Сыр лэ́на тэ кошэнпэ, дава́ исын сы́рбы пани́, со мэкэлапэ тэлэ́, палдава́ мэк тэ чингардэспэ анги́л, сыр холямо́ кошыбэ́н лэ́лапэ. 15Кон чачакирэла (оправдынэла) [промэкэла банг-ю.о.] фуе́ манушэ́нгэ, кон бангякирэла чачунэ́ манушэ́с-далэ́ дуе рэндэ́ндыр (делэндыр) дурьела Рай Дэвэ́л. 16Ваш со барвалыпэ́н дрэ васта́ дылынэстэ, соб (кай) тэ явэ́л годо́? Лэ́скиро ило́ на джинэ́ла, со тэ кэрэ́л лэ́са. 17Малэскэ трэй лэ́скирэ мал дро кажно часо (цы́ро), чачуно́ пшал явэ́ла, сыр пэрэ́ла биба́хт. 18Нагодьваро ману́ш марэла пир васта́ сыр дрэ сымады́ (залого) и ячэ́лапэ якхи́тко (свидетелё) пал пэ́скирэ пашатунэстэ. 19Конэ́скэ пир ило́ исын чорипэ́н, одова́ выкэдэ́ла кошыбэ́н. Кон ґаздэ́ла пэ́скири по́рта, одова́ родэ́ла хаськирибэн. 20Хоханэ́-илэ́скиро ману́ш на латхэ́ла лачхипэ́н; пэ манушэ́стэ, савэ́стэ исын мижэх чиб, пэрэ́ла биба́хт. 21Конэ́стэ латхэлапэ чхаво́, саво́ исын би патывакиро кэ яви́р мануша́, одолэ́скэ манушэ́скэ явэ́ла калыпэ́н. Дад, конэ́стэ исын дылынинько чхаво́, на радынэ́лапэ. 22Радымакирэ илэ́стыр джа́ла састякирибэн сыр драбэстыр, нэ пхагирдо́ ду́хо (фа́но) шутькирэла кокалы́. 23Фуй ману́ш чхувэ́ла мыто (взятка) палэ брэк, соб (кай) тэ рисёл чачипнастыр пэ сэ́ндо. 24Годыпэ́н джа́ла анги́л якха́ годьварэ́ манушэ́стэ, нэ дылынэскирэ якха́ рознашэнапэ пэ пхувья́кирэ яго́ры (концы). 25Дылынэ́ чхавэстыр калёла ило́ дадэ́стэ, киркипэн одолэ́ джувля́кэ, сави́ бияндя́ лэс. 26Тэ сэндякирэс чачунэ́ манушэ́с исын намишто, и тэ марэс крали́скирэ барыдырэ́н пал лэ́нгиро патяибэ́н. 27Кон исын годьваро́, одова́ ракхибны́ткэс ракирэ́ла, кон ґалёла годэс, кодолэстэ ду́хо (фа́но) на кунинэлапэ. 28Аж дылынэс гинэ́на пал годэстэ, ке́ли ёв исын штыл; ци кодолэ́с, саво́ запхандэла пэ́скиро муй, лэс ґалёна пал годэ́-шэрэскирэ манушэ́стэ.
Currently Selected:
Притчы 17: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
