1 Паралипоменоно 20
20
Израильтя́ни Лынэ́ Рава
1Пирда́л бэрш, дро дова́-паць часо, ке́ли кра́лья выджа́на пэ марибэ́н, вылыджия́ Иоа́во халадэ́н и лыя́ тэ чхучакирэл (тэ опустошынэл) Амонитянэнгири пхув, и явдя́ и обчхудя́ трусця́л халадыбнаса Рава. Дави́до яця́пэ дро Ерусалимо. Иоа́во, залыя Рава, роспхагирдя́ ла. 2И лыя́ Дави́до венцо (коро́на) лэ́нгирэ крали́скиро шэрэстыр; и дрэ лэ́стэ сыс таланто сувнака́й пхарипнаса, и дро́га бара́ сыс пэ лэ́стэ; и сыс ёв чхудо пэ шэро́ Давидо́скиро. И древа́н бут дорэсыбэ́н вылыджия́ форо́стыр. 3А манушэ́н, савэ́ сыс дрэ лэ́стэ, вылыджия́ и мулякирдя́ лэн пилэнца (ризилэнца), саструнэ́ вымаралкэнца и товэрэнца. Адя́кэ кэрдя́ Дави́до сарэ́нца Амонитянэнгирэ форьенца, и рисия́ Дави́до и сарэ́ мануша́ дро Ерусалимо. 4Пало́ дова́ яця́ марибэ́н Филистимлянэнца дро Газе́ро. Тэды Совохаё, Хушатянино, домардя́ Сафос, екхэ́с Рефаимоскирэ родо́стыр. И ёнэ штылынэ. 5И нэвэ́стыр (нэвэ́с) сыс марибэ́н Филистимлянэнца. Тэды о Елханамо, Иаироскиро чхаво́, домардя́ Лахмиёс, пшалэ́с Голиафоноскирэс, Гефянинос, савэ́стэ кашт дрэ чхурдыбнытко буст сыс сыр вэшына дрэ ткачоскиро станко. 6Сыс ишчо (инкэ́) марибэ́н дрэ Гефа. Одо́й сыс екх баро́ ману́ш, савэ́стэ сыс пир шов ангушта, сарэ́н биш тэ штар. И ёв адя́кэ-паць сыс Рафаимоскирэ родо́стыр. 7Ёв косця Израилё; нэ Ионафа́но, чхаво́ Шымаскиро, Давидо́скирэ пшалэскиро, чхиндя́ лэс кэ марибэ́н. 8Дава́ сыс одолэ́, савэ́ бия́ндынэ Рефаимэндыр дрэ Гефа, и ёнэ пынэ́ Давидо́скирэ вастэ́стыр и лэ́скирэ-дынарье́нгирэ вастэ́ндыр.
Currently Selected:
1 Паралипоменоно 20: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
