Psalmy 61
61
[60-r.s.] 1Xoróskire Dirižoróske. Pe Balytka Strumiénty. Davidóskiro Psálmo.
2Šun, Dévla, so me rovava, i prišunpe ke mirí pátieri (modla). 3Jagoréndyr (krajéndyr), so isyn pe phuv, me kharáva Tut, kiéli miro iló isyn telé: zalydža man pe bérga, so isyn vučedýr mándyr. 4Pal-dová so Tu sánas syr garadyipen mánge, sýrby zoralý vučardý (bašnia) miré vergéndyr. 5Me javáva te dživáv dre Tyrí šátra pe saré viéki; me javáva te garadjovav i te rikirav nadiéia tel Tyré phaká. Séla. 6Pal-dová so, Tu, Dévla, šundián miré sovlahá; Tu dyján mánge meknó mištypén odolengiro, kon strahadjola Tyré lavéstyr. 7Tu désa butýr džiibnáskire dyvesá kralíske, sob (kaj) te javén léskire beršá pe butýr viéki, 8sob (kaj) jov te bešél pe trono angíl Devléste, mek lačhé-ilýtkima i čačipén te prirakhen les. 9[r.s.] Paldavá me javáva te bagáv šaribnytko gilý pal Tyró lav pe saré viéki, sob (kaj) mánge te keráv ke kónco (jagóro) te spolninav miré sovlahá so dyvés.
Currently Selected:
Psalmy 61: ROMBALTR
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
