Psalmy 110
110
[109-r.s.] Proročytko Lav te barjakires (te slavines) Čhavés Manušeskires 1Davidóskiro Psálmo.
Raj Devél phendiá miré Ráske-Devléske: “Beš pašýl mánde čačé rigátyr, paka me čhuváva telé Tyré vergén tel ĥerá.” 2Raj Devél bičhavéla Tyré-zorjakiro kralítko destó Sionóstyr: “Tu xulain maškír Tyré vergénde.” 3Tyré manušá janéna pes dro Tyré-zoralypnaskiro dyvés sventoné rajkane slavása: Tyré terné bijandjona syr pahlyn (rosa), saví sys pe zlóko (pe ránko). 4Raj Devél sovlahadiá, i Jov najavela te tanginél (na požalinela): “Tu san rašáj pe saré viéki, dasavo-pac' syr Mielhisedeko.” 5Raj Devél isyn pašo Tyró čačó vast i Jov phagiréla kral'jén dro dyvés, kiéli Jov xoliasóla. 6Jov javéla te sendiakirél maškír Najudýtka nácyi; Jov jačkiréla pe saré štéty pir phuv trúpy; Jov zlela šeré barydyrende, kon xulainela pir bari phuv. 7Jov vyp'jela paní sygnone rekicatyr (lenorjatyr) pir drom, i Jov ĥazdéla šeró.
Currently Selected:
Psalmy 110: ROMBALTR
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
