Ta je Vejec 5
5
1NOKUK lö, long ju ka anyik metâ;
Ta ju hnyikönyâm ka hnok hna wâhmakhmeto:
2Me me he ka hu gam hna ûnykûme,
Kʼ ame he li esongodâm ka tuö wâ ûnykûme.
3Anyin ame khukhula hani ûnyi hnyi esongodiny momo kanyua,
Ke menyik hnyimen hon wakaco:
4Ke haba obiny gan, me hiny helâ me khöhlöng,
Ke so hwan helâ me hele vat a lo homakan.
5Ke ame utut li can ka hnyi mok;
Kʼ ame kât hmâ hedis hnen je hna okca;
6Waleling me me ca wâ bi dok ae tha hon hnen momo eling, hnyi gethen deny möt:
Kʼ ame hwihwiö deny je gethen, ke ca khana bi.
7Ke walang ang, lakuk lö, ling nya ju,
Ke ca saû bi ge ta je hofuc ûnyi hnyi hnyimök.
8Oûsâkâûöâ but me, dem gethen,
Ke ca hakekenyâ hwanumen uma:
9Wâ u nye ham hmaem ka ke je hnyat,
Me ta je hunaiâm ka tavat adre beovecâ:
10Wâ e nye he ta je atkanyua ka unöngöt ge tang hwegiâm;
Ke e biju hnyi uma umen ke at bi hnâm hna huliwa;
11Ke u je mâng hnyi obiny jut,
Hnyi ûen ame aû but utioiâm me unyâm,
12Ke u me he ka ha, ka habe, Nakaik ge hna ûne oge hmiök,
Me hna unö a höciâ ge hnyekuk;
13Ke oge me ca long ifuciny tavat adre me nö nya,
Me ca tevehlöng tavat adre me ûne könya!
14Oge ne ho but hnyi ta je monu hia,
Unyin tavat adre tha laba, me ûkhacaköu.
15Ijem dö an u je ka hiny,
Me köiö ame di ûnyi hnyi belâm bi an.
16Hawa, e so e ve di ehē ânyâm ta je pupua,
Me ânyâm je wagewe eû hnyi ta je gethen?
17E so e hake hobi köu bi ta je ûnyi e,
Ke ca hobi kâu bi ta je atkanyua a tha ödra möu.
18E so e hnahic ânyâm pupua,
Ke tha senyin dö me âiân ânyâm hidröu.
19Helâ me aila wale amo hnyok so, me gotiny hnyot ae kese,
E so e sekom ge li basin hnyi je ûen hia;
Ke u me he ka senyin gan hmâ bala ge hna betenge gan.
20Anyin a ieû, nokuk, u me he ka senyin ge momo kanyua,
Me delûâ ûlainy ke momo kanyua?
21Anyin ae cicö li emakö Iehova ta je gethen deny at,
Ke e ame tuluto deny ta je gethen hia.
22Ame he ka hnok at ae kong hnen hwakecin bi ae kong,
Ke adre me he ka noc e ge je toiny bi anyin hulo.
23E ame he ka mok can ae ba ûne gan;
Ke e ame he ka he monu hnen anyin hwen monu ae gan.
Currently Selected:
Ta je Vejec 5: IAAI
Highlight
Copy
Compare
Share
Want to have your highlights saved across all your devices? Sign up or sign in
maintained by the British and Foreign Bible Society