Ta je Vejec 18
18
1HABA at ame ka hake laba, me ame elâm bi weny,
Kʼ ame hmonyin ge metâ hia ae so.
2Haba at ae monu, me ame ca senyinâ wâhmakhmeto,
Ke so bi e ame omanenâ hnyekon.
3E ka o at ae kong, me ame o but minya ikiki,
Ke haba û, me ame tha e me hmehma.
4Helâ me köiö ae dit je hofuc hwan hnyimen at;
Ke helâ me wagewe ame di pupuainy metâ.
5E ca so he ka tha hien me at ae kong,
Me ohaûâ at ae wisa hnyi hna owisa.
6Haba li esongodiny at ae monu me ame he hnyi ivino,
Kʼ ame hawâ je hna kot ge hnyimen.
7Haba hnyimen at ae monu, me ame ohnaûhangoâ e,
Ke haba hnyimen, me wale hnewe hobi kâu anyin möt.
8Haba ta je hofuc hwan at ûhaiö, me helâ me je ong jeû ae hnebwia,
Ke adre me dit ka hnyi hnyin hnyekon.
9Haba at ame bec hnyi anyin bi huliwa,
E liamekeiny me at ame okongoâ.
10Hnabâ ae hwege iö Iehova:
Ame kec ka hnyin at ae wisa me laba khötkic.
11Haba tang omjehen at ae tren ta ûnyi, me wale anyin taun ae hwege,
Ke helâ me hak veto ae beû goranyai hnyi ûnykûmenen bi.
12Ame bân ka bi gan hnyekon at, ke biliny bi he ka hia,
Ke ame bân hnyok ae hnyikânâ, ke biliny bi hna ogânâ.
13Haba at ame thu ka hofuc, ke tiga ca long wia,
Me wale anyin monu bi, me hnân hmehma.
14Ame he hnyekon at ka hokhnyokâ anyin mok:
Ke haba hnyok ae hloûhloû bi, me ie at ame he ka hokhnyokâ e?
15Haba hnyekon at ame wâ wia, me ame bi hanen wâhmakhmeto;
Ke haba hnyikonyen at ae metâ, me ame elâm he ka wâhmakhmeto.
16Haba bwihlany anyin at, me ame bi hnen hobi kâu;
Me hom e ka hnyi hnyimakan tavat ae beönua.
17Helâke wisa at ame bân hnyi anyin ivino;
Ke ame o but ke at me omanenâ e.
18Haba ugleköp ame bi obiny ivino,
Me oveseâ tavat hwege.
19E gan huliwa he ka ohmehmela liamekeiny e ka hu joniny, hon taun ae hwege,
Ke haba je ivino eling, me helâ me je ohmâiny hnabâ.
20Ame he ka sekon hnyekon at ge wan hnyimen bi;
E ame he ka sekon ge ûnyi hnyi li esongodiny.
21Haba mok me möt, me ame muso hnen bohmen;
Ke haba tavat adre me betenge gan, me adre me he ka an wan.
22Haba at ame wâ momo e me âiân bi, me ame wâ so,
Ke ame betenge gan Iehova.
23Ame ha hofuc ae menyik ge tavat ae theduoc:
Ke hwege ifucin at ae tren omjeû.
24Haba at ae se hia laihuminy, me ame okongoâ e bi:
Ke hu ihum a at betenge, kʼ ame kece hmâ hon je liamekeiny.
Currently Selected:
Ta je Vejec 18: IAAI
Highlight
Copy
Compare
Share
Want to have your highlights saved across all your devices? Sign up or sign in
maintained by the British and Foreign Bible Society