Numera 7
7
1KE hnyi bong a um dö Mose otilâ uma mano, me hû me okabâ e, me je omjehen e hia, me taben hut me je utkaiainy hia, me hû me okabâ ta je ûnyi e; 2waleji a ham hnen je tuhan at Isaraela, a taben je lap anyin lakamödra; a je thainy je tribu, waleji adre otilâ hon tavat adre aû: 3ke adre me hom anyidra je bwihlany kö Iehova, a siks je kât adre tube hon, ke twelv je bolok; ûsa khaca kât ge lo li than, ke ûsa khaca bolok, ke adre me hom ta je unyi e ka hnyi hnyimakan uma mano. 4Ke Iehova ame ha kö Mose, ka habe, 5Hom je ûnyi e ûnyi gadra me me hobi kâu huliwa hnyi uma ûkhacaköu; ke u me he ka ham ka at Levi, hoton je ve huliwa. 6Ke haba Mose ame hom je kât me je bolok me ham ka at Levi. 7Ke e ame ham ha laku Geresoma lo li kât me vak ta bolok, hoton anyidra huliwa: 8ke e ame ham ka laku Merari vak ta kât me eit ta bolok, hoton anyidra huliwa, kʼ ame he Ithamara nöku Arona at bihut he ka muso. 9Ke e ame ca ham bi ka laku Kohatha: anyin adre me huliwa eiö hnyi dok ae kap; kʼ adre me vadren hon je bajibenyidra. 10Ke haba je than ödrin e ham bwihlany hnân okabâ taben hut hnyi bong adre me hû e hnyin, haba je than ödrin e hudo anyidrin hut hnyi hnyimakan taben hut. 11Ke Iehova ame ha kö Mose, ka habe, Ame he je than ka ve hudo anyidrin je hut hnyi anyidrin bi je bong, hnân okâbâ taben hut.
12Ke haba at ame hudo anyin hut hnyi bong a bân, me Nasona, nöku Aminadaba, ûnyi hnyi tribu Juda: 13ke haba anyin hut, me khaca mini sileva, a wan haded ke thöte je sekel ihmakiny, ke khaca kaia sileva a sevente je sekel, hoton sekeliny dok ae kap: a unöngöt li unyi e ge salawa ae so adre ûhaniken me wakaco, hnân hudiny han; 14ke khaca spun gol a ten je sekel, ae unöngöt ge ûnyi ae bo so hnân le; 15ke khaca nak bolok, ke khaca mamoe baga, ke khaca nokon mamoe baga a khaca hunainy hnân hudiny leû; 16ke khaca got baga hnân hudiny hulö; 17ke hnân hudiny ole lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy. Wale hut anyi Nasona, nöku Aminadaba.
18Ke hnyi bong a loiny, haba Nathaniela, nöku Zuara, thaniny at Isakara, ame hudo: 19ke e ame hudo anyin hut a khaca mini sileva a wan haded ke thote je sekel ihmakiny, ke khaca kaia sileva a sevente je sekel, hoton sekeliny dok aeʼ kap; a unöngöt li ûnyi e ge salawa ae so adre ûhaniken me wakaco, hnân hudiny han; 20ke khaca spun gol a ten je sekel, ae unöngöt ge ûnyi ae bo so hnân le; 21ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû; 22ke khaca got baga, hnân hudiny hulö; 23ke hnân hudiny ole, lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy: wale hut anyi Nathaniela, nöku Zuara.
24Ke haba hnyi bong a kuniny, Eliaba, nöku Helona, thaniny je laku Zebulona: 25ke haba anyin hut, me khaca mini sileva a wan haded ke thöte je sekel ihmakiny, ke khaca kaia sileva a sevente je sekel hoton sekeliny dok ae kap; a unöngöt li ûnyi e ge salawa ae so adre ûhaniken me wakaco, hnân hudiny han; 26ke khaca spun gol a ten sekel, ae unöngöt ge ûnyi aebo so hnân le; 27ke khaca nak bolok, ke khaca mamoe baga, ke khaca nokon mamoe baga, a khaca hunainy, hnân hudiny leû; 28ke khaca got baga, hnân hudiny hulö; 29ke hnân hudiny ole, lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy: wale hut anyi Eliaba nöku Helona.
30Ke haba hnyi bong a vakiny, Elizura, nöku Sedeura, thaniny laku Reubena: 31ke haba anyin hut, me khaca mini sileva a wan haded ke thöte je sekel ihmakiny, ke khaca kaia sileva, a sevente je sekel, hoton sekeliny dok ae kap; a unöngöt li ûnyi e ge salawa ae so adre ûhaniken me wakaco, hnân hudiny han; 32ke khaca spun gol a ten je sekel ae unöngöt ge ûnyi ae bo so hnân le; 33ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû; 34ke khaca got baga, hnân hudiny hulö; 35ke hnân hudiny ole, lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy: wale hut anyi Elizura, nöku Sedeura.
36Ke haba hnyi bong a thabûng, Selumiela nöku Zurisadai, thaniny je laku Simeona: 37ke haba anyin hut, me khaca mini sileva, a wan haded ke thöte je sekel ihmakiny, ke khaca kaia sileva a sevente je sekel, hoton sekeliny dok ae kap; a unöngöt li ûnyi e ge salawa ae so adre ûhaniken me wakaco, hnân hudiny han; 38ke khaca spun gol a ten je sekel ae unöngöt ge ûnyi ae bo so hnân le; 39ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû; 40ke khaca got baga hnân hudiny hulö; 41ke hnân hudiny ole, lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy: wale hut anyi Selumiela, nöku Zurisadai.
42Ke haba hnyi bong a siksiny, Elisafa, nöku Deuela, thaniny je laku Gada: 43ke haba anyin hut, me khaca mini sileva a wan haded ke thöte je sekel ihmakiny, ke khaca kaia sileva a sevente je sekel hoton sekeliny dok ae kap; a unöngöt li ûnyi e ge salawa ae so adre ûhaniken me wakaco, hnân hudiny han; 44ke khaca spun gol a ten je sekel ae unöngöt ge ûnyi ae bo so hnân le; 45ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû; 46ke khaca got baga hnân hudiny hulö; 47ke hnân hudiny ole, lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy: wale hut anyi Eliasafa, nöku Deuela.
48Ke haba hnyi bong a seveniny Elisama, nöku Amihuda, thaniny je laku Eferaima: 49ke haba anyin hut, me khaca mini sileva a wan haded ke thöte je sekel ihmakiny, ke khaca kaia sileva a sevente sekel hoton sekeliny dok ae kap, a unöngöt li ûnyi e ge salawa ae so adre me ûhaniken me wakaco, hnân hudiny han; 50ke khaca spun gol a ten sekel, ae unöngöt ge ûnyi ae bo so hnân le; 51ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû; 52ke khaca got baga, hnân hudiny hulö; 53ke hnân hudiny ole, lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy: wale hut anyi Elisama, nöku Amihuda.
54Ke haba hnyi bong e eitiny, Gamaliela, nöku Pedazura, thaniny je laku Manase; 55ke haba anyin hut, me khaca mini sileva a wan haded ke thöte je sekel ihmakiny, ke khaca kaia sileva a sevente je sekel, hoton sekeliny dok ae kap, a unöngötʼ li ûnyi e ge salawa ae so adre ûhaniken me wakaco hnân hudiny han; 56ke khaca spun gol a ten sekel, ae unöngöt ge ûnyi ae bo so hnân le; 57ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû; 58ke khaca got baga hnân hudiny hulö; 59ke hnân hudiny ole, lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy; wale hut anyi Gamaliela, nöku Pedazura.
60Ke haba hnyi bong a naininy, Abidana, nöku Gideona, thaniny je laku Beniamina: 61ke haba anyin hut, me khaca mini sileva a wan haded ke thöte je sekel ihmakiny, ke khaca kaia sileva a sevente je sekel hoton sekeliny dok ae kap, a unöngöt li ûnyi e ge salawa ae so adre ûhaniken me wakaco, hnân hudiny han; 62ke khaca spun gol a ten sekel ae unöngöt ge ûnyi ae bo so hnân le; 63ke khaca nak bolok, ke khaca mamoe baga, ke khaca nokon mamoe baga a khaca hunainy hnân hudiny leû; 64ke khaca got baga hnân hudiny hulö; 65ke hnân hudiny ole, lo bi bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy: wale hut anyi Abidana, nöku Gideona.
66Ke haba hnyi bong a teniny, Ahiezera, nöku Amisadai, thaniny je laku Dana: 67ke haba anyin hut, me khaca mini sileva a wan haded ke thöte je sekel ihmakiny, ke khaca kaia sileva a sevente sekel hoton sekeliny dok ae kap, a unöngöt li ûnyi e ge salawa ae so adre ûhaniken me wakaco, hnân hudiny han; 68ke khaca spun gol a j ten sekel, ae unöngöt ge ûnyi ae bo so hnân le; 69ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû; 70ke khaca got baga hnân hudiny hulö; 71ke hnân hudiny ole, lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy: wale hut anyi Ahiezera, nöku Amisadai.
72Ke haba hnyi bong a eleveniny, Pagiela, nöku Okerana, thaniny je laku Asera: 73ke haba anyin hut, me khaca mini sileva a wan haded ke thöte je sekel ihmakiny, ke khaca kaia sileva a sevente sekel, hoton sekeliny dok ae kap, a unöngöt li ûnyi e ge salawa ae so adre ûhaniken me wakaco, hnân hudiny han; 74ke khaca spun gol a ten sekel, ae unöngöt ge ûnyi ae bo so hnân le; 75ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû; 76ke khaca got baga hnân hudiny hulö; 77ke hnân hudiny ole, lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy: wale hut anyi Pagiela, nöku Okerana.
78Ke haba hnyi bong a twelviny, Ahira, nöku Enan, thaniny je laku Nafatali: 79ke haba anyin hut, me khaca mini sileva a wan haded ke thöte je sekel ihmakiny, ke khaca kaia sileva a sevente sekel hoton sekeliny dok ae kap, a unöngöt li ûnyi e ge salawa ae so adre ûhaniken me wakaco, hnân hudiny han; 80ke khaca spun gol a ten sekel, ae unöngöt ge ûnyi ae bo so hnân le; 81ke khaca nak bolok, ke khaca mamoe baga, ke khaca nokon mamoe baga a khaca hunainy, hnân hudiny leû; 82ke khaca got baga hnân hudiny hulö; 83ke hnân hudiny ole, lo li bolok, ke thabûng ta mamoe baga, ke thabûng ta got baga, ke thabûng ta nokon mamoe baga a khaca hunainy: wale hut anyi Ahira nöku Enan.
84Wale hnân okabâ taben hut, hnyi bong thaniny at Isaraela ame hû e hnyin: a twelv je mini sileva, ke twelv je kaia sileva, ke twelv je spun gol: 85ûsa wan haded ke thöte je sekel ihmakiny je mini sileva, ke ûsa sevente sekel je kaia: haba ihmakiny silevainy je kaia hia, me tu thauzan ke foa haded je sekel, hoton sekeliny dok ae kap; 86ke twelv je spun gol ae unöngöt ge ûnyi ae bo so hnân le, a ûsa ten sekel ihmakiny, hoton sekeliny dok ae kap: haba goliny hia je spun, me wan haded ke twente je sekel: 87ke haba je bolok hia hnân hudiny leû, me twelv je bolok, ke twelv je mamoe baga, ke twelv je nokon mamoe baga, a khaca hunainy, me je hudiny han: ke je got baga a twelv hnân hudiny hulö: 88ke haba je bolok hia hnân hudiny ole, me twente foa je bolok, ke sikste je mamoe baga, ke sikste je got baga, ke sikste je nokon mamoe baga a khaca hunainy. Wale hnân okabâ taben hut hnyi hna hû e. 89Ke hnyi ûen ame didro Mose ka hnyi uma ûkhacaköu he ka ûhnenamö mē, me e ame löng Hwan ame fuc kâu ûheny thö hon taben ibetengiö wale hon tang ohnatho, ûheny hnyi wanben li kerubi: ke e ame fuc kâu.
Currently Selected:
Numera 7: IAAI
Highlight
Copy
Compare
Share
Want to have your highlights saved across all your devices? Sign up or sign in
maintained by the British and Foreign Bible Society