Numera 34
34
1KE Iehova ame ha kö Mose, ka habe, 2Hûna thö ka lakon Isaraela, ka habe, Öbun ka o but ka hnyi hnyei Kanana, (wale hnyei adre me he ka ham köbun me ibun, a hnyei Kanana hoton je hnyigöulen,) 3me haba ibun ka hnyi hwaiöu ame he kʼ hwân hnyi hnyebuba Zin, hnyi baten Edoma, ke haba hnyigöulöbun ka hnyi hwaiöu, ame he ka hwân hnyi obiny Köiö ae Hiny ke ne o but e deiö: 4ke ame he ka khenyi hnyigöulöbun ka hnyi hwaiöu anyi gethen ûheny Akerabima ke ne o but Zin: ke adre me he ka umo hnyi hwaiöu, wale Kadesi-banea; ke ame be ka he ke ne o but Hazarader, ke ne o but Azemona: 5ke ame he ka khenyi hnyigöulen ûheny Azemona ke ne o but hnyi wageweiny Aigupito, kʼ ame he ka umo hnyi köiö. 6Ke haba hnyigöulen e jiö, me köiö ae gan, wale hnyigöulöbun, a hnyigöulöbun e jiö. 7Ke walang hnyigöulöbun ka hnyi hwadrö: haba hwân hnyi köiö ae gan öbun e he ka bi haten ke ne o but hnyi bucen Hora: 8ke ûheny hnyi bucen Hora me öbun e he ka bi haten ke ne o but hnyi gethen ûheny Hamath; kʼ adre me he ka umo hnyi hnyigöulen Zedada: 9ke e bala bi hnyigöulen ke ne o but Zifona, kʼ ame he ka umo e Hazar-enana: wale hnyigöulöbun ka hnyi hwadrö. 10Ke öbun e he ka bi haten hnyigöulöbun e deiö, hwân Hazar-enana ke ne o but Sefama: 11ke e bi hnyigöulen ûheny Sefama ke ne o but Ribela, hnyi ke keihen Aina ke e deiö; ke e bi hnyigöulen ke ne o but ke keihen baten köiö Kinereth ke e deiö: 12ke e bi hnyigöulen ke ne o but Joridano, kʼ ame he ka umo hnyi Köiö ae Hiny: wale ibun hnyei hoton je hnyigöulen igigilö. 13Ke haba Mose ame hûna ka lakon Isaraela, ka habe, Wale hnyei ame he ka hu gabun ge ukleköb, waleji hnö Iehova hnö hûna he ka ham ka je tribu a nain ke hafiny tribu: 14anyin a haba tribuiny laku Reubena, hoton je lap anyin lakamödra, me tribuiny laku Gada hoton je lap anyin lakamödra, me hafiny tribu anyi Manase, haba ödra adre me hia but ve kap idra: 15haba li tribu ke hafiny tribu, me adre me ve kap idra hnyi ke keihen hoton Joridano hnyi Jeriko ke e deiö, cicö hna o hnen seûnö.
16Ke Iehova ame ha kö Mose, ka habe, 17Walang ien je hnyat ödrin e he ka khenâ köbun hnyei: haba Eleazara at bihut, me Josua nöku Nuna. 18Ke öbun e he ka hom ûsa khaca than ûnyi hnyi je tribu hia he ka hnyi khenâ hnyei hnân ibun. 19Ke walang ien je hnyat: haba ûnyi hnyi tribu Juda, me, Kaleba nöku Jefune. 20Ke ûnyi hnyi tribu anyin laku Simeona, me, Semuela nöku Amihuda. 21Ûnyi hnyi tribu Beniamina, me Elidada, nöku Kiselona. 22Ke ke than ûnyi hnyi tribu anyin laku Dana, wale Buki nöku Jogeli. 23Ke ûnyi hnyi tribu anyin laku Josefa: haba ûnyi hnyi tribuiny laku Manase ke than, wale Haniela nöku Efoda: 24ke ûnyi hnyi tribuiny laku Eferaima ke than, wale Kemuela nöku Sifetan. 25Ke ûnyi hnyi tribuiny laku Zebulona ke than, wale Elizafana nöku Parenaka. 26Ke ûnyi hnyi tribuiny laku Isakara ke than, wale Paletiela nöku Azana. 27Ke ûnyi hnyi tribuiny laku Asera ke than, wale Ahiuda nöku Selomi. 28Ke ûnyi hnyi tribuiny laku Nafatali ke than, wale Pedaela nöku Amihuda. 29Wale hnyat Iehova ame kunâ he ka khenâ hnyei ka lakon Isaraela hnyi hnyei Kanana.
Currently Selected:
Numera 34: IAAI
Highlight
Copy
Compare
Share
Want to have your highlights saved across all your devices? Sign up or sign in
maintained by the British and Foreign Bible Society