Numera 29
29
1KE haba hnyi tehi a seveniny hnyi bong a baniny tehi, me öbun e he ka hu ûkhacaköu ae kap; kʼ öbun e ca he ka ânyâ ke huliwa ae hmak: wale bong öbun e he ka tûö je trutru hnyin. 2Ke öbun e he ka hudo hudiny leû ae bo so kö Iehova; a khaca nak bolok, ke khaca mamoe baga, ke seven lakon mamoe baga ae ba hnyikongon a khaca hunainy: 3ke haba hudiny han a hanen e, me salawa adre me ûhaniken me wakaco, a kun ta omer hnân bolok, ke lo li omer hnân mamoe baga, 4ke ûsa khaca omer he ka ve bi hanen lakon mamoe a seven: 5ke khaca got baga hnân hudiny hulö, me me bi hwaban anyibun möt: 6ke adre me he ka ânyâ minya hudiny leû hnyi ûen ae manen je tehi, me hudiny han a hanen e, me hudiny leû ae hmâ, ke hudiny han a hanen, tha e me je hudiny ic, hoton hna hûna, hnân bo so, a hut a an ge meic kö Iehova.
7Ke haba hnyi bong a teniny tehi a seveniny öbun e he ka hu ûkhacakoû ae kap: me öbun e he ka hom ûhnyûkongo ta je hnyekubun; kʼ öbun e ca he ka huliwa: 8ke öbun e he ka hudo hudiny leû kö Iehova me me bo so: a khaca nak bolok, ke khaca mamoe baga, ke seven lakon mamoe baga a khaca hunainy: a je meno ae ba hnyikongon: 9me hudiny han a hanen e; wale salawa adre ûhaniken me wakaco, kun ta omer hnân bolok, ke lo li omer hnân mamoe baga a khaca, 10ûsa khaca omer he ka ve bi hanen lakon mamoe a seven: 11ke khaca got baga hnân hudiny hulö; ke ca ha bi hudiny hulö hnân bi hwaban möt, me hudiny leû ae hmâ, me hudiny han a haniny, a tha e me je hudiny ic.
12Ke haba hnyi bong a fiftininy tehi a seveniny, me öbun e he ka hu ûkhacaköu ae kap; ke ca he öbun ka ânyâ huliwa ae hmak, kʼ öbun e he ka bijeûâ kö Iehova seven ta bong: 13ke öbun e he ka hudo hudiny leû, hut a an ge meic ae bo so kö Iehova; a thötin je nak bolok, ke lo li mamoe baga, ke fortin lakon mamoe baga a khaca hunainy; a je meno ae ba hnyikongon: 14ke je hudiny han a hanen, wale salawa adre ûhaniken me wakaco, a ûsa kun omer he ka ve bi hanen je bolok a thötin, ke ûsa lo li omer he ka ve bi hanen li mamoe baga, 15ke usa khaca omer he ka ve bi hanen lakon mamoe a fortin: 16ke khaca got baga hnân hudiny hulö; ke ca ha bi hudiny leû ae hmâ, me hanen a hudiny han, me hudiny ic.
17Ke haba hnyi bong a loiny, me öbun e he ka hudo twelv je nak bolok, ke lo li mamoe baga, ke fortin lakon mamoe baga ae ba hnyikongon a khaca hunainy: 18ke hudiny han me hudiny ic he ka ve bi hanen je bolok, me li mamoe baga, me lakon mamoe, hoton ûseidrin, helâ me hna hûna: 19he khaca got baga hnân hudiny hulö: ke ca ha bi hudiny leû ae hmâ, me hanen e; a hudiny han, me hudiny ic.
20Ke haba hnyi bong a kuniny, me eleven ta bolok, ke lo li mamoe baga, ke fortin lakon mamoe baga ae ba hnyikongon, a khaca hunainy; 21ke hudiny han, me hudiny ic, a hanen je bolok, me li mamoe baga, me lakon mamoe, hoton ûseidrin, helâ me hna hûna: 22ke khaca got baga hnân hudiny hulö; ke ca ha bi hudiny leû ae hmâ, me hanen a hudiny han me hudiny ic.
23Ke haba hnyi bong a vakiny, me ten ta bolok, ke lo li mamoe baga, ke fortin lakon mamoe baga ae ba hnyikongon, a khaca hunainy: 24ke haba je hudiny han me je hudiny ic, ame he ka ve bi hanen je bolok, me li mamoe baga, me lakon mamoe, hoton je ûseidrin, helâ me hna hûna: 25ke khaca got baga hnân hudiny hulö: ke ca ha bi hudiny leû ae hmâ, ke hanen a hudiny han, me hudiny ic.
26Ke haba hnyi bong a thabûnginy nain je bolok, ke lo li mamoe baga, ke fortin je lakon mamoe baga, ae ba hnyikongon, a khaca hunainy: 27me je hudiny han, me je hudiny ic a hanen, ame he ka ve bi hanen je bolok, me li mamoe baga, me lakon mamoe hoton ûseidrin, helâ me hna hûna: 28ke khaca got baga hnân hudiny hulö; ke ca ha bi hudiny leû ae hmâ, ke hudiny han, me hudiny ic a hanen.
29Ke haba hnyi bong a siksiny, eit ta bolok, ke lo li mamoe baga, ke fortin lakon mamoe baga ae ba hnyikongon, a khaca hunainy: 30ke je hudiny han, me je hudiny ic a hanen, he ka ve bi hanen je bolok, me li mamoe baga, me lakon mamoe, hoton ûseidrin, helâ me hna huna: 31ke khaca got baga hnân hudiny hulö; ke ca ha bi hudiny leû ae hmâ, ke hudiny ban, me hudiny ic a hanen. 32Ke haba hnyi bong a seveniny, seven ta bolok, ke lo li mamoe baga, ke fortin lakon mamoe baga ae ba hnyikongon, a khaca hunainy: 33me je hudiny han, me je hudiny ic a hanen, he ka ve bi hanen je bolok, me li mamoe baga, me lakon mamoe, hoton ûseidrin, helâ me hna hûna: 34ke khaca got baga hnân hudiny hulö, ke ca ha bi hudiny leû ae hmâ, me hudiny han, me hudiny ic a hanen.
35Ke haba hnyi bong a eitiny, me öbun e he ka hu ûkhacaköu ae ûnyi hnathu, öbun e ca he ka ânyâ ke huliwa ae hmak: 36ke öbun e he ka hudo hudiny leû, hut a an ge meic ae bo so kö Iehova: a khaca bolok, ke khaca mamoe baga, ke seven lakon mamoe baga ae ba hnyikongon, a khaca hunainy: 37me hudiny han, me hudiny ic a hanen he ka ve bi hanen bolok, me mamoe baga, me lakon mamoe, hoton ûseidrin, helâ me hna hûna: 38ke khaca got baga hnân hudiny hulö, ke ca ha bi hudiny leû ae hmâ, me hudiny han, me hudiny ic a hanen.
39Öbun e he ka hudo eling kö Iehova hnyi anyibun je bijeû adre thu, ke ca ha bi anyibun je khöbi, me je hut ae betenge hnân je hudiny leû, me je hudiny han, me je hudiny ic, me je hudiny ole öbun e labö hudo. 40Ke haba Mose ame omanenâ ka lakon Isaraela hoton hna hûna hnö Iehova kö Mose.
Currently Selected:
Numera 29: IAAI
Highlight
Copy
Compare
Share
Want to have your highlights saved across all your devices? Sign up or sign in
maintained by the British and Foreign Bible Society