Numera 2
2
1KE Iehova ame ha kö Mose me Arona, ka habe, 2Ame he lakon Isaraela ka ve hunuma hnyi je hatödra, hnyi je haten hnyi je hnyaban lakamödra: adre me he ka hunuma cicö uma ûkhacaköu igigilö. 3Ke haba hnyi ke keihen e deiö ame o hnyin seûno, adre me he ka hunuma hnyi haten hnyaban at Juda, hoton anyidra köiö: ke ame he Nasona nöku Aminadaba ka thaniny lakon Juda. 4Ke haba köien a tavat gadra adre aû, me ödra sevente foa thauzan ke siks haded. 5Ke haba tavat adre me he ka hunuma ûtangköu mē, me tribu Isakara: haba Nathaniela nöku Zuara ame he ka thaniny lakon Isakara: 6ke haba köien a tavat adre aû, me ödra fifte foa thauzan ke foa haded: 7ke tribu Zebulona: haba Eliaba nöku Helona ame he ka thaniny laku Zebulona: 8le haba köien a tavat adre aû, me ödra fifte seven thauzan ke foa haded. 9Haba tavat hia adre aû ûnyi hnyi lap anyi Juda, me ödra wan haded ke eite siks thauzan ke foa haded, hoton köiödra. Hamen tavat eling he ka bân.
10Ke haba haten lap anyi Reubena ame he ka e hnyi ke keihen ka hnyi hwaiöu, hoton anyidra köiö: haba Elizura nöku Sedeura ame he ka thaniny lakon Reubena. 11Ke haba köien a tavat adre aû, me ödra fâte siks thauzan ke faiv haded. 12Ke haba tavat adre me he ka hunuma ûtangköu mē, me tribu Simeona: haba Selumiela nöku Zurisadai ame he ka thaniny lakon Simeona: 13ke haba köien a tavat adre aû, me ödra fifte nain thauzan ke theri haded: 14ke tribu Gada: haba Eliasafa nöku Reuela ame he ka thaniny lakon Gada: 15ke haba köien, a tavat adre aû, me fâte faiv thauzan ke siks haded ke fifte. 16Haba tavat hia adre aû ûnyi hnyi lap anyi Reubena, me ödra wan haded ke fifte wan thauzan ke foa haded ke fifte, hoton köiödra. Walödra he a loiny.
17Ke hwaban e ame he ka he uma ûkhacaköu me lap anyin at Levi hnyi wanben je hnyaban; adre me he ka hwân ka he hoton hnödra hna hunuma, a ke at me ke at hnyi hnen bi, hoton je hatödra.
18Ke haba haten lap anyi Eferaima ame he ka e bi hnyi ke keihen e jio, hoton köiödra: haba Elisama nöku Amihuda ame he ka thaniny lakon Eferaima. 19Ke haba köien a tavat adre aû, me ödra fâte thauzan ke faiv haded. 20Ke ame he ka ûtangköu mē tribu Manase: haba Gamaliela nöku Pedazura ame he ka thaniny lakon Manase: 21ke haba köien a tavat adre aû, me ödra thöte tu thauzan ke tu haded: 22ke tribu Beniamina: haba Abidana nöku Gideona ame he ka thaniny lakon Beniamina: 23ke haba köien a tavat adre me aû, me ödra thöte faiv thauzan ke foa haded. 24Haba tavat hia adre aû ûnyi hnyi tribu Eferaima, me ödra wan haded ke eit thauzan ke wan haded, hoton köiödra. Ke walödra he a kuniny.
25Ke haba haten lap anyi Dana ame he ka e bi hnyi ke keihen ka hnyi hwadrö, hoton köiödra: haba Ahiezera nöku Amisadai ame he ka thaniny lakon Dana. 26Ke haba köien, a tavat adre aû, me ödra sikste tu thauzan ke seven haded. 27Ke ame he tribu Asera ka hunuma ûtangköu mē: haba Pagiela nöku Okerana ame he ka thaniny lakon Asera: 28ke haba köien a tavat adre aû, me ödra fâte wan thauzan ke faiv haded: 29ke tribu Nafatali: haba Ahira nöku Enan ame he ka thaniny lakon Nafatali: 30ke haba köien, a tavat adre aû, me ödra fifte theri thauzan ke foa haded. 31Haba tavat hia adre aû ûnyi hnyi lap anyi Dana, me ödra wan haded ke fifte seven thauzan ke siks haded. Hamödra he ka he biliny hoton anyidra je haten.
32Wale tavat adre aû ûnyi hnyi lakon Isaraela hoton je hnyaban lakamödra: haba tavat hia thithö adre aû ûnyi hnyi je lap hoton köiödra, me ödra siks haded ke theri thauzan ke faiv haded ke fifte. 33Ke adre me ca tha aû bi tavat Levi unyin lakon Isaraela; helâ me hna hûna hnö Iehova kö Mose. 34Ke haba lakon Isaraela adre me ânyâ hia hoton hna hûna hnö Iehova kö Mose, ke adre me hunuma helâe unyin anyidra ta je haten, me adre me he helâe ke at me ke at hoton anyidra ta je lap, ke hoton je hnyaban lakamödra.
Currently Selected:
Numera 2: IAAI
Highlight
Copy
Compare
Share
Want to have your highlights saved across all your devices? Sign up or sign in
maintained by the British and Foreign Bible Society