Numera 1
1
1HABA Iehova ame ha kö Mose hnyi hnyebuba Sinai, hnyi uma ûkhacakoû, hnyi bong a bâniny tehi a loiny, hnyi huna a loiny hwaban hnödra hna he but ûhedra hnyi hnyei Aigupito, ka habe, 2Öbun e he ka aû ûseiny ûkhacaköu anyin lakon Isaraela hia, hoton anyidra je lap, a je hnyaban lakamödra, tha e me numerainy je ien, kʼ adre me he ka ve aû obaga hia; 3hwân ge tavat a twente hunaidra, me gan hon e, a at Isaraela hia, a tavat ae khanʼ ödra he ka hnyi vat, u me he me Arona ka öû ödra hoton anyidra je utbavat. 4Ke ame he ka tha e möbu ke je hnyat, a ûsa khaca ûnyi hnyi je tribu; a je taben je lap anyin je lakamödrin. 5Ke walang ien je hnyat ödrin e he ka tha e möbu: Ûnyi ga Reubena; Elizura, nöku Sedeura. 6Ûnyi ga Simeona; Selumiela nöku, Zurisadai. 7Ûnyi ga Juda; Nasona, nöku Aminadaba. 8Ûnyi ga Isakara; Nathaniela, nöku Zuara. 9Ûnyi ga Zebulona; Eliaba, nöku Helona. 10Ûnyi ge laku Josefa; a ûnyi ga Eferaima; Elisama nöku Amihuda: ûnyi ga Manase; Gamaliela, nöku Pedazura. 11Ûnyi ga Beniamina; Abidana, nöku Gideona. 12Ûnyi ga Dana; Ahiezera nöku Amisadai. 13Ûnyi ga Asera, Pagiela, nöku Okerana. 14Ûnyi ga Gada; Eliasafa, nöku Deuela. 15Ûnyi ga Nafatali; Ahira, nöku Enan. 16Wale hnyat adre hawâ ge ûkhacaköu, a je tuhan je tribuiny lakamödrin; ödrin je homakan je thauzaniny at Isaraela. 17Ke haba Mose me Arona ödru me hom hnyat eling adre ha iödrin: 18ke ödrin e ukhacaköuâ tavat hia hnyi bong a bâniny tehi a loiny, me ödrin e ve omanenâ anyidrin je dö, hoton anyidrin je lap, a je hnyaban lakamödrin, wale numerainy je ien, a je ve at, hwân ge tavat a twente huna, me gan hon e. 19Ke e ame öû ödrin hnyi hnyebuba Sinai, hoton hnö Iehova hna hûna kö Mose.
20Haba laku Reubena, nöku Isaraela a bân, wale anyidra je dö, hoton anyidra je lap, a je hnyaban lakamödra, wale numerainy je ien, ke at me ke at, a je baga hia hwân ge tavat a twente huna me gan hon e, tavat hia ae khanʼ ödra he ka hnyi vat; 21haba tavat adre aû ûnyi hnyi tribu Reubena, me, ödra fâte siks thauzan ke faiv haded.
22Haba laku Simeona, wale anyidra je dö, hoton anyidra je lap, a je hnyaban lakamödra, haba tavat adre me aû hoton numerainy je ien, ke at me ke at, a je baga hia hwân ge tavat a twente huna me gan hon e, tavat ae khana he ka hnyi vat; 23haba tavat adre aû ûnyi hnyi tribu Simeona, me ödra fifte nain thauzan ke theri haded.
24Haba laku Gada, wale anyidra je dö, hoton anyidra je lap, a je hnyaban lakamödra, wale numerainy je ien, hwân ge tavat a twente huna me gan hon e, tavat ae khana he ka hnyi vat; 25haba tavat adre aû ûnyi hnyi tribu Gada, me ödra fâte faiv thauzan ke siks haded ke fifte.
26Haba laku Juda, wale anyidra je dö, hoton anyidra je lap, a je hnyaban lakamödra, wale numerainy je ien, hwân ge tavat a twente huna me gan hon e, tavat ae khana he ka hnyi vat; 27haba tavat adre me aû ûnyi hnyi tribu Juda, me ödra sevente foa thauzan ke siks haded.
28Haba laku Isaraela, wale anyidra je dö, hoton anyidra je lap, a je hnyaban lakamödra, wale numerainy je ien, hwân ge tavat a twente huna me gan hon e, tavat ae khana he ka hnyi vat; 29haba tavat adre aû ûnyi hnyi tribu Isaraela, me ödra fifte foa thauzan ke foa haded.
30Haba laku Zebulona, wale anyidra je dö, hoton anyidra je lap, a je hnyaban lakamödra, wale numerainy je ien, hwân ge tavat a twente huna me gan hon e, tavat ae khana he ka hnyi vat; 31haba tavat adre aû ûnyi hnyi tribu Zebulona, me ödra fifte seven thauzan ke foa haded.
32Haba laku Josefa, a laku Eferaima, wale anyidra je dö, hoton anyidra je lap, a je hnyaban lakamödra, wale numerainy je ien, hwân ge tavat a twente huna me gan hon e, tavat ae khana he ka hnyi vat; 33haba tavat adre aû ûnyi hnyi tribu Eferaima, me ödra fâte thauzan ke faiv haded.
34Haba laku Manase, wale anyidra je dö, hoton anyidra je lap, a je hnyaban lakamödra, wale je numerainy je ien, hwân ge tavat a twente huna me gan hon e, tavat ae khana he ka hnyi vat; 35haba tavat adre aû ûnyi hnyi tribu Manase, me ödra tböte tu thauzan ke tu haded.
36Haba laku Beniamina, wale anyidra je dö, hoton anyidra je lap, a je hnyaban lakamödra, wale numerainy je ien, hwân ge tavat a twente huna me gan hon e, tavat ae khana he ka hnyi vat; 37haba tavat adre aû ûnyi hnyi tribu Beniamina, me ödra thöte faiv thauzan ke foa haded.
38Haba laku Dana, wale anyidra je dö, hoton anyidra je lap, a je hnyaban lakamödra, wale numerainy je ien, hwân ge tavat a twente huna me gan hon e, tavat ae khana he ka hnyi vat; 39haba tavat adre aû ûnyi hnyi tribu Dana, me ödra sikste tu thauzan ke seven haded.
40Haba laku Asera, wale anyidra je dö, hoton anyidra je lap, a je hnyaban lakamödra, wale numerainy je ien, hwân ge tavat a twente huna me gan hon e, tavat ae khana he ka hnyi vat; 41haba tavat adre aû ûnyi hnyi tribu Asera, me ödra fâte wan thauzan ke faiv haded.
42Haba laku Nafatali, wale anyidra je dö, hoton anyidra je lap, a je hnyaban lakamödra, wale numerainy je ien, hwân ge tavat a twente huna me gan hon e, tavat ae khana he ka hnyi vat; 43haba tavat adre aû ûnyi hnyi tribu Nafatali, me ödra fifte theri thauzan ke foa haded.
44Wale tavat adre aû, waleji a aû hnö Mose me Arona, me je tuhan Isaraela, a ödrin twelv: a ûsa khaca hobi kâu je hnyaban lakamödrin. 45Me haba numerainy hia lakon Isaraela adre aû, hoton je hnyaban je lakamödra, hwân ge tavat a twente huna me gan hon e, a tavat Isaraela hia ae khana he ka hnyi vat; 46wale tavat hia adre aû, me ödra siks haded ke theri thauzan ke faiv haded ke fifte.
47Ke adre ca tha âu mödra at Levi hoton je tribu iny lakamödra. 48Anyin a Iehova ame ha kö Mose, ka habe, 49U me ca he minya ka aû tribu Levi, ke u me ca he ka tha aû ûseidra me lakon Isaraela: 50ke u me he ka otilâ at Levi hnyi uma manoiny ohnatho, me hon omjehen hia, me ta je ûnyi hia a hanen: hamödra he ka sukhöûnâ uma mano, me je omjehen hia; ke hamödra he ka bi athnyaba hnyin, me laba igigilö uma mano. 51Ke ödra ka he ka hom uma mano, me hamen at Levi he ka ai e: ke ödra ka he ka otilâ uma mano, me hamen at Levi he ka otilâ e: ke adre me he ka hlingâ atkanua at ame hakekenyâ e. 52Ke ame he je lakon Isaraela ka ve otilâ umödra je uma hnyi je hnyabadra, me hnyi je hatödra, hoton anyidra je utbavat. 53Ke ame he at Levi ka ve otilâ umödra je uma mano igigilö uma manoiny ohnatho, me me ca ta hmönyin ka hnyi hon ûkhacakoû anyin lakon Isaraela: ke hamen at Levi he ka tuö uma manoiny ohnatho. 54Ke haba lakon Isaraela, me adre me ânyâ hia helâ me hna hûna hnö Iehova kö Mose, adre me ânyâ helâe.
Currently Selected:
Numera 1: IAAI
Highlight
Copy
Compare
Share
Want to have your highlights saved across all your devices? Sign up or sign in
maintained by the British and Foreign Bible Society