Numera 19
19
1KE Iehova ame ha kö Mose me Arona, ka habe, 2Walang bongon hnanyibu a hûna Iehova, ka habe, Ha thö ka lakon Isaraela, mʼ adre me he ka hom köu ke kau ae dra hia me ba hnyikongon, at adre tiga ca ip hon ûnyi hnân ûhûkâlaköuâ: 3ke öbun e he ka ham e kö Eleazara at bihut, me hamen he ka lelö e ka hnyi hoton hnyaba, ke hamen ke at he ka hlingâ e hnyi hnyimakan: 4ke hamö Eleazara at bihut he ka hom ûnyi hnyi dren ge banyen, me oseven dukâiâ ge dren hnyi hnyimakan uma ûkhacaköu: 5ke ame he ke at ka thong kau eling hnyi hnyimakan, adre me he ka thong unen, me utioiny, me dren, me tiny: 6ke ame he at bihut ka hom uto arasi, me thi hisop, me ûnyi ae dra, me khûâ ka hnyi hna thong kau. 7Me ame he at bihut ka hneû anyin je ûkhaû, me osûâ unyin hnyi köiö, ke hwaban e ame he ka he ka hnyi hnyaba, kʼ ame he at bihut ka bo kong ke ne o but sahac. 8Ke ame he at a thong e ka hneû anyin je ûkhaû hnyi köiö, me osûâ unyin hnyi köiö, kʼ ame he ka bo kong ke ne o but sahac. 9Ke hamen ke at ae bo so he ka aoc hnabadröuiny kau, me ip hoton hnyaba hnyi dok ae so, kʼ adre me he ka tuö ûnyi eling hnân hobi kâu ûkhacaköu anyin lakon Isaraela me hnân köien okabâ: wale hudiny hulö. 10Ke haba at a aoc, hnabadröuiny kau ame he ka hneû anyin je ûkhaû, ke e ame he ka bo kong ke ne o but sahac: ke wale hnanyibu nyiele balua ka lakon Isaraela, me atkanyua ame tha laba unyidra. 11Haba at ame kâlâ komok, me e ame he ka bo kong hnyi seven ta bong: 12ke ame he at eling ka obosoâ e hnyi bong a kuniny ge ûnyi e, ke e ame he ka bo so, hnyi bong a seveniny: ke ame ne ca obosoâ e bi hnyi bong a kuniny, me e ame ca he ka bo so hnyi bong a seveniny. 13Ke haba at ame kâlâ komok, kʼ ame ca obosoâ e bi, me e ame okongoâ uma mano umo Iehova; kʼ adre me he ka subâ degecâ at eling unyin at Isaraela: anyin adre ca dukâiâ e hnen köien okabâ, e bo kong ut e; ke e bi unyin anyin bo kong. 14Ke walang hnanyibu e, ka mokcu ke at eiö hnyin ke uma mano: haba hnyat hia ödrin e dit ka hnyin uma, me hnyat hia eiö hnyin uma, me ödrin e he ka bo kong hnyi seven ta bong. 15Ke haba ta je utkaia ae memang, kʼ adre ca ohmâ ge hlinginy, me ame bo kong ut. 16Ke haba at hnyöuai ame kâlâ at adre hlingâ ge hele vat, ke ame ne ke komok, kʼ ame ne jeien at, kʼ ame ne erkemok, me e ame he ka bo kong hnyi seven ta bong. 17Ke adre me he ka hom hobi kâu at ae bo kong, ûnyi hnyi dröuiny adre thong a hudiny hulö, me hû e ge köiö ame hingölö hnyi hnyin utkaia: 18kʼ ame he ke at ae bo so ka hom thi hisop, me hneû hnyi köiö eling, me dukâiâ uma, me je utkaia hia, me hnyat hia eiö hnyin, me at minya a kâlâ jeien at, ame ne at adre hlingâ, ame ne komok, ame ne erkemok: 19ke ame he at ae bo so ka dukâiâ at ae bo kong hnyi bong a kuniny me bong a seveniny: kʼ ame he ka obosoâ e hnyi bong a seveniny: ke e ame be ka hneû anyin je ûkhaû, me soû hnyi köiö, kʼ ame he ka bo so hnyi sahac. 20Ke haba at ae bo kong, kʼ ame ca he ka obosoâ e bi, me adre me he ka subâ de gecâ at eling ûnyi hnyi ûkhacaköu, anyin a e ame hia but okongoâ dok a kabi Iehova: ke adre ca hia but dukâiâ e ge köien okabâ; e bo kong ut e. 21Ke wale hnân hnanyibu ködra nyiele: ke haba at ame dukâiâ köien okabâ ame he ka hneû anyin je ûkhaû; ke haba at ame kâlâ köien okabâ, me, ame he ka bo kong ke ne o but sahac. 22Ke ame he ka bo kong ta je ûnyi hia a kâlâ hnen at ae bo kong; ke haba at ame kâlâ ta je ûnyi e, me e ame he ka bo kong ke ne o but sahac.
Currently Selected:
Numera 19: IAAI
Highlight
Copy
Compare
Share
Want to have your highlights saved across all your devices? Sign up or sign in
maintained by the British and Foreign Bible Society